JUAN 5:41 - Tepehuano Tepehuán del Sureste (Durango)

⁴¹ ’Ku guꞌ aañ cham tuꞌ ji nañ jix aagɨt puiꞌ jam tɨtda na pim puiꞌñ chɨɨtɨꞌn nañ jir gɇꞌkam.

JUAN 5:41 Iomraidhean Croise

JUAN 12:43

Nam guꞌ kax joojoiꞌñ nam miꞌ puiꞌ jiimdaꞌ nam jax jaꞌk jix kɨɨꞌ kaꞌm nɨiꞌñ gu jaꞌtkam, cham tuꞌ na jax jaꞌk jix aaꞌ gu Dios, gam nam kax aaꞌ nam mu dɨr bha jaꞌk bɨɨx pɨx tuꞌ kaꞌm ja nɨidhat pɨx jix bhaiꞌ ja tɨtdadaꞌ gu jaꞌtkam. Guꞌ noꞌ mɨt ba maat nam ba kaichuꞌ gu Jesuus, pu maaꞌn jimdam ja bhaamkidhaꞌ am jia.

JUAN 5:34

Ku guꞌ aañ cham tuꞌñ aꞌm jum aaꞌ ji nañ aꞌmkamuꞌn ñiokdaꞌ gu jaroiꞌ yaꞌ kam dhi oiꞌñgaꞌn. Guꞌ ji na pim guꞌ aapiꞌm cham maat nañ jir gɇꞌkam, guꞌ baꞌm aaꞌ na jaroiꞌ jam mattudaꞌ na pim baꞌx chu maax kɨr bap tuiꞌñgɨdaꞌ, na guꞌ ba uañchudhix kaꞌ gu jam uaꞌtulhdharaꞌ noꞌ pim jix aaꞌndaꞌ gɨt.

JUAN 5:40

puiꞌ ku pim baꞌ cham aaꞌ na pim jɨɨꞌñdhaꞌ aañ jiñ bui. Guꞌ noꞌ pim tɨ jɨɨgiꞌñdhaꞌ gɨt, aañ dho jam aagiꞌñdhaꞌ gɨt na jax jaꞌk jix bhaaiꞌ na pim duñiaꞌ na baꞌ gammɨjɨ jam aꞌm ba tɨ nɨidhidhaꞌ guñ Gɨꞌkoraꞌ.

JUAN 5:42

Nañ guꞌx maat na pim jax jir tuutuꞌm, pu cham tuꞌ kaꞌm nɨiꞌñ japim gu Dios.

JUAN 5:44

Jaꞌp jum aaꞌ pim na pim tuꞌ pɨk mi chɨgiaꞌ na pim dɨɨlh xi chu aꞌgat na pim jax ɨlhiiꞌñdhaꞌ, guꞌ baꞌ na jax jix aaꞌ gu Dios jaꞌp xi dhuukat japim, panaas ku pu cham tuꞌ bhaiꞌ.

JUAN 6:15

Bɨɨx aixim ba ji chɨi mɨt, jup kaiꞌch am na sap jir am nam gɇꞌkam kɨꞌn daasaꞌ sia ku cham aaꞌ. Guꞌ ji na guꞌx maat gu Jesuus nam jax kaiꞌch, baꞌ pu jii cham ji ja aaꞌñdhak baasɨꞌn jaꞌk jix ioꞌm oidhaꞌ daam na paiꞌ cham jaroiꞌ oirɨ.

JUAN 7:18

Na guꞌ gu jaroiꞌ noꞌ dɨɨlh pɨx naiꞌ tu aꞌgim na jax ɨlhiiꞌñ, cham tuꞌr puiꞌ kaꞌ, na guꞌ dai nax aaꞌndaꞌ nam pɨx bha nɨidhidhaꞌ gu jaꞌtkam. Guꞌ ji noꞌt jumai mu joot, noꞌ miꞌ puiꞌ tu daaꞌñchuꞌ na baꞌr sɨlhkam kaꞌ na jax kaiꞌchdhaꞌ, na guꞌ bhaankamuꞌn pɨx tu aꞌgidhaꞌ.

JUAN 8:50

Ku guꞌ aañ cham tuꞌ ji nañ jix aagɨt jup kaiꞌch na pim jiñ dhaandaꞌ, guꞌ jaꞌpji guñ Gɨꞌkoraꞌ nax aaꞌ na pim jiñ bui tu daandaꞌ, na guꞌ guiꞌ noꞌt jax ba tɨi, jir puiꞌ kaꞌ.

JUAN 8:54

Baꞌp ja tɨtda gu Jesuus: ―Kux baꞌ noꞌ guꞌ aañ dɨɨlh pɨx ya jaꞌp tu aꞌgadaꞌ gɨt nañ puiꞌ kaiꞌchdhaꞌ nañ jir gɇꞌkam, ¿tuꞌ gi miꞌp jum nɨnɨiꞌñ? Guꞌ jaꞌpji gu Dios na pim aapiꞌm jaroiꞌ aaꞌ na puiꞌ tɨip jir jam Gɨꞌkoraꞌ na puiꞌ ja mattuꞌn gu jaꞌtkam nañ jaꞌxbuiꞌp jir gɇꞌkam na dɨɨlh.

1 TESALOONIKA KAM 2:6

Pu cham jich koꞌraaro guꞌ na jaroiꞌ gɇꞌgɇrkam jich biaꞌkat pɨx jix bhaiꞌch aaꞌndaꞌ, ni jaroiꞌ dho moo, ni aapiꞌm.

1 PEEGRO 2:21

Puꞌñi jaꞌk aaꞌ nach tuiꞌñgɨdaꞌñ jaaduñ, miꞌch puiꞌp xi chu daaꞌñchuꞌndaꞌ nat jax jum duu guch Xoiꞌkam janoꞌ nat jum tulhii jich aꞌmkam, nat guꞌ xich joiꞌndak ba tuch uañ guch uaꞌtulhdharaꞌ. Dai baꞌ nach puꞌñi miꞌ pɨx puiꞌp ji bhɨɨyaꞌ nat jax tu jii guiꞌ,

2 PEEGRO 1:17

Jix bhaiꞌ kai chich ɨp guch Gɨꞌkoraꞌ maaꞌnnim nat bhammɨ dɨr ba ñio jix dhaam na gɇꞌkamtuꞌn guch Xoiꞌkam nach maap jiim, jup kaiꞌch: “Dhiꞌr jiñ mar nañ jix ioꞌm jix dhaꞌ, gɇꞌkam kɨꞌn jañich bhaan tɨ tɨɨgɨk mu joot. Jix bhaiꞌñ chaat iñ ɨp baꞌ buiñor.”