JUAN 5:25 - Tepehuano Tepehuán del Sureste (Durango)

²⁵ Tuꞌ sɨlhkam jañ yaꞌ pu jam tɨɨdaꞌ aañ nañ jir maraaꞌn gu Dios, kam aayaꞌ nam paiꞌ dhuuk maaxik jiñ chɨɨgɨi kañ kaayaꞌ gu jaꞌtkam, guiꞌ nam jaꞌp ji buusan nam koꞌiix, nam jix chukgam kɨr jup tuꞌiiꞌ. Pu xib dho guꞌ yaꞌ bam ai, cham tuꞌ na paiꞌ dhuuk. Tɨɨꞌ nat guꞌ pɨx ya jaꞌp jim tɨi. Baꞌ guiꞌ nam jiñ kɇɇji miꞌ puiꞌ ba jimiaꞌ, gammɨjɨ pu ba duduakaꞌ am gu ja iꞌiiꞌmdaꞌ am bhaan,

JUAN 5:25 Iomraidhean Croise

LUUKAS 15:24

Giilhim jix bhaiꞌñ chaat iñ guꞌ na ñich giop ba tɨɨ dhiñ chioꞌñ nat muiꞌ tanoolh maiꞌ gɨɨsɨk, panaas ku muukix kat gio duadɨk yaꞌp ba oirɨ.” Baꞌ jaꞌxpɨx giilhim miꞌ bar koiꞌcham.

LUUKAS 15:32

Dai pɨx ji na guꞌ xib jich aꞌm jum aaꞌ nach bɨɨx maap jix bhaiꞌch chaatɨt tu jugiaꞌ nat yaꞌ ba ai gum xikuꞌ nat muiꞌ tanoolh maiꞌ gɨɨsɨk, panaas ku muukix kat gio duadɨk yaꞌp ba oirɨ.”

LUUKAS 9:60

Baꞌ gu Jesuus jup tɨtda: ―Jaꞌpji nap naiꞌ xi ja aaꞌñdharaꞌ gu jaꞌtkam na jax jaꞌk jix bhaaiꞌ nam duñiaꞌ na baꞌx joiꞌmdat ja aꞌm tɨ tɨgiaꞌ gu Dios, chaꞌp tuꞌ bhaan jup jim buixdhat gu jaꞌtkam guiꞌ nam jaꞌp ji buan nam koꞌiix. Matgɨm dhiꞌ yaꞌ pum yaaspaidhaꞌm ji dai koiꞌñgaꞌn.

JUAN 13:1

Baꞌ takaab dɨr na baꞌ moo bam aayaꞌ gu bhaan Paaskua taꞌm nam paiꞌ dhuuk tu piastatdaꞌ gu Israel kam jaꞌtkam, pux bhaiꞌ bax maat gu Jesuus nat bam ai na paiꞌ dhuuk giop ba jimiaꞌx dhaam buiñor guch Gɨꞌkoraꞌ nat paiꞌ dhɨr bha jii. Cham jax bua sia ku mɨt dɨɨlh yaꞌ ji bii guiꞌ nam jɨꞌk kaichuꞌ, na guꞌ puiꞌ na jax jix ja joiꞌndat bax ja daꞌdaꞌ sia kut ba jii nat jax jix ja joiꞌgɨlh yaꞌ dhi oiꞌñgaꞌn na ja bɨɨm oilhimɨk.

JUAN 17:1

Baꞌ na puꞌñi xi ja tɨtdaimɨk gu Jesuus guiꞌ nam kaichuꞌ, bhaiꞌ ji chu aꞌga jix dhaam jaꞌk xi chɨ tɨɨgɨk, jup kaiꞌch: ―Aapiꞌñ Gɨꞌkoraꞌ, yaꞌ moo mam ai na paiꞌ dhuuk daaxix nam boiñ bhɨichdhaꞌ gu jaꞌtkam. Jiñ palhbuidhaꞌ ap nañ jax dhui puiꞌ tu kuugalhdhaꞌ na pich jax jiñ chɨɨdak bhañ joot. Xi ja mattudaꞌ ap dhi jaꞌtkam nam baꞌ machiaꞌ nap jir tuꞌp tuꞌm daꞌ aap gio aañ, gio nam machiaꞌ nañ aañ jaꞌxbuiꞌp jir gɇꞌkam na jax aap jiñ Gɨꞌkoraꞌ.

JUAN 4:21

Baꞌp tɨtda gu Jesuus: ―Ea nap jix bhaiꞌ xiñ kaayaꞌ bɨɨx jum jur kɨꞌn jiñ jaduuñ nañ jɨꞌk jax jum tɨɨdaꞌ. Kam aajim na paiꞌ dhuuk cham kam aaꞌndaꞌ na pim dai bhaiꞌ dhɨr dhi oidhaꞌ daam mu daandaꞌ guñ Gɨꞌkoraꞌ, ni bhammɨ dɨr jaꞌk Jerusaleen.

JUAN 4:23

Baꞌ xib yaꞌ bam ai nam paiꞌ dhuuk ampɨx machiaꞌ gu jaꞌtkam nam jax jaꞌk bɨɨx ja jujur kɨꞌn ba tu daandaꞌ buiñor guñ Gɨꞌkoraꞌ, na guꞌ ka ja tajaañdhaꞌ gux Dhuuduꞌ kam jix Uañ Iiꞌmdaꞌ na ja guguuxdhatgɨdaꞌ nam gammɨjɨ tu daandaꞌ jix dhaam na paiꞌp tuꞌiiꞌ.

JUAN 5:21

Jaꞌp na jax gu koiꞌñgaꞌn na guꞌ ja duduaꞌñdhat ja baapmigiꞌñ guñ Gɨꞌkoraꞌ na baꞌ miꞌ dhɨr ba ja baidhikaꞌx dhaam, baꞌ aañ xib puꞌñi ɨp, ja duduaꞌñdhat jañ dho ja baapmigiꞌñ gu koiꞌñgaꞌn nañ baꞌ miꞌ dhɨr ba ja baidhikaꞌ ɨp.

JUAN 5:28

¿Jax ku pim baꞌ miꞌ puiꞌ pup tuꞌiiꞌ? ¿Giilhim jix xijai aa panaas gu puiꞌ nañ jax kaiꞌch? Matgam kam aajim ji nam paiꞌ dhuuk bɨɨx jiñ chɨɨgɨi kañ kaayaꞌ gu koiꞌñgaꞌn mu jaꞌp nam jax yassap nat jɨꞌk bam jaꞌbsu gu ja tutkuꞌ.

JUAN 6:60

Baꞌ muiꞌ jaiꞌ dhɨt guiꞌ nam kaichuꞌ gu Jesuus giilhim jix xijaim ɨlhiiꞌñ am gu puiꞌ nat jax tu aꞌga, jup kaiꞌch am: ―¿Jaroo gix maatɨt jup ba kai, na guꞌ giilhim jix xijaim kaiꞌch?

JUAN 8:43

Guꞌ aapiꞌm jaꞌp jum aaꞌ nañ pɨx jap kaiꞌchim, puiꞌ ku pim baꞌ cham maatɨt jiñ kɇɇ nañ jax tu jam aꞌgiꞌñ, na pim guꞌ cham xim gaꞌnga na jax jir jum duukam.

JUAN 8:47

Na guꞌ cham tuꞌ Dios jir jam Gɨꞌkoraꞌ, puiꞌ ku pim baꞌ cham kaim. Guꞌ matgam gu jaroiꞌ noꞌ moo sɨlhkam Dios jir Gɨꞌkorgaꞌn, jix kaim kaꞌ ji gu ñioꞌkiꞌñ.

JUAN 9:27

Baꞌ guiꞌp ja tɨtda ɨp gio: ―Dho gi nañ guꞌ tɨi ba jam aagiꞌñ, guꞌ ji na pim guꞌ cham jiñ jɨɨgiꞌñ. ¿Kaꞌ na pim jix aaꞌ aa na pim tɨ jɨɨꞌñdhaꞌ buiñor ku pim baꞌx aaꞌ nañ pɨx mu dɨr bhaiꞌ ji kɨksadaꞌ nañ jam aagiꞌñdhaꞌ?

ROOMA KAM 6:4

Janoꞌ na chich paiꞌ dhuuk jich bopko suudaiꞌ kɨꞌn, dhiꞌ jaꞌp jir jum duukam na mɨt maap guch Xoiꞌkam much chua tɨ dɨꞌn kɨr janoꞌ na mɨt paiꞌ dhuuk mua. Baꞌ na chich maap koi guch Xoiꞌkam, pu kaiꞌñkam maap koi chich nach baꞌ jaiꞌ puiꞌp duduadɨi giop baapmigiaꞌ nat jax jum duu guiꞌ. Miꞌ dhɨr baꞌ puꞌñi bar jix kɨkɨɨꞌ jaꞌtkam kaꞌ ich, jix bhaiꞌ ba tuch jimdaꞌ ɨp baꞌ, na guꞌ guch Gɨꞌkoraꞌ na bɨxchuꞌx bhaaiꞌ na joidham tuꞌm jup tu duñiaꞌ, duaꞌñ guch Xoiꞌkam.

EEPESO KAM 2:1

Bɨɨpɨꞌ dɨr na pim chakui buiñor tɨ jɨɨꞌñdhat guch Xoiꞌkam, jaꞌp tuiꞌkat japim panaas na pim koꞌiix kat buiñor gu Dios, na pim guꞌx buam tu buadaꞌ na tuꞌr uaꞌtulhdharaꞌ.

EEPESO KAM 2:5

Tɨɨꞌ nat jich dhuduaꞌñdhak jich baapmiꞌ janoꞌ nat paiꞌ dhuuk duaꞌñdhak giop bamiiꞌ guch Xoiꞌkam miꞌ dhɨr koiꞌñgaꞌn tɨr, sia kuch guꞌ koꞌiix kat kɨꞌn guch uꞌuaꞌtulhdharaꞌ nach jix buam tu buadaꞌ. Baꞌ xib cham tuꞌ mu jaꞌk ka jiim ich nach paiꞌ gammɨjɨ miꞌ pup jich chulhiiñdhaꞌ gɨt, sia ku guꞌ miꞌ jaꞌk jum aagɨt tɨi nach bhɨɨyaꞌ gɨt na chich gɇꞌ bach uaꞌtulhdhak.

EEPESO KAM 5:14

Puiꞌ ku baꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: Gor xi ñiññia, chaꞌpim ka kookos kaꞌ. Xi baapmigiaꞌ pim miꞌ dhɨr koiꞌñgaꞌn tɨr na baꞌ jam bɨꞌñxidhaꞌ guch Xoiꞌkam.

KOLOOSAS KAM 2:13

Na guꞌ bɨɨpɨꞌ dɨr jaꞌp ji buusandat na pim koꞌiix kat, na pim dai uaꞌtulhdharaꞌ bhaan jum tukgiꞌñkaꞌ, cham tuꞌr jaꞌtkam tugiꞌñ kaꞌ pim gu Dios. Baꞌ xib ba bubua pimɨt bɨɨmaꞌn guch Xoiꞌkam, gu Dios pɨx dɨɨlh bɨɨmaꞌn jam duduaꞌñ, ba uañchudhix xib gu jam uaꞌtulhdharaꞌ.

NAT JAX TƗ TƗƗ GU JUAN 3:1

’Xib jap baꞌ moo mu jaꞌk jup tu uaꞌñxidhaꞌ guñ chujuandam tuk na mu jaꞌk jup tu juan jiñ aꞌmkam na paiꞌ Sardiis tɨ tɨɨꞌ ja bui guiꞌ nam bañ kaichuꞌ. Jaꞌp jap tɨɨdaꞌ: “Jaꞌpni kaiꞌch guiꞌ na ja daaꞌ xijum gook gu chiichiaꞌ gio gux xijum gook jix dhuuduꞌ kam jix uꞌuañ iꞌiiꞌmdaꞌ, nap sap baꞌ miꞌ dhɨr ja aagiꞌñdhaꞌ guiꞌ nam ba kaichuꞌ: Jix bhaiꞌx maat iñ na pim jax jaꞌk tu dudua mu jaꞌp na pim paiꞌ oiꞌdhaꞌ. Cham tuꞌ miꞌ puiꞌ jiim japim nañ jax jix aaꞌ, puiꞌ xi kaiꞌchɨt japim na pim tɨ jɨɨgiꞌñ buiñor gu Dios, guꞌ paa gi tuꞌ kaꞌm jup nɨiꞌñ japim puiꞌ xi kaiꞌchɨt. Baꞌ dhiꞌ ka daasaim na paiꞌ dhuuk jam tulhiiñchudaꞌ.