JUAN 5:17 - Tepehuano Tepehuán del Sureste (Durango)

¹⁷ Baꞌ gu Jesuus jup tɨtda: ―Dho na guꞌ guñ Gɨꞌkoraꞌ cham paiꞌ dhuuk daaxix na cham tuꞌ jax bua noꞌ moo jaꞌp xi chum aagaim jaꞌp na jax xib. Baꞌ aañ puꞌñi ɨp, cham jiñ jɨɨpiꞌñ iñ.

JUAN 5:17 Iomraidhean Croise

MATEO 10:29

’Na guꞌ na pim jax bax maat jia, nam panaas cham muiꞌ namɨɨk gu uꞌjiꞌ guiꞌ nam mu jaꞌp jum gaꞌra. Noꞌt jaroiꞌ jɨꞌk maakob tumñix kaꞌm ja sabaꞌlh, muiꞌ ja aichdhaꞌ. Ku guꞌ bɨɨx ja nɨidhat jup tuꞌiiꞌ ji guñ Gɨꞌkoraꞌ, sia kum guꞌ tɨi cham muiꞌ namɨɨk.

JUAN 10:36

Guꞌ baꞌ aañ puꞌñi ɨp xib, miꞌ puiꞌ xi chu duñiim iñ nat jɨꞌk jax jiñ chɨɨdak bhañ joot guñ Gɨꞌkoraꞌ yaꞌ dhi oiꞌñgaꞌn bhaan. Guꞌ ji na pim guꞌ aapiꞌm yaꞌ puiꞌñ chɨtda nañ gɇꞌkam kɨꞌn jiñ uaꞌtulhiꞌñ buiñor nañ puiꞌ xi jam tɨtda nañ guiꞌr maraaꞌn nat bhañ joot.

JUAN 14:10

¿Kaꞌp ji cham tɨ jɨɨgiꞌñ aa Piliip nañ jup kaiꞌch nañ aañ buiñor jup tuiꞌdhiꞌ guñ Gɨꞌkoraꞌ, gio na guñ Gɨꞌkoraꞌ mu dɨr bha jaꞌk jiñ buip tuiꞌdhiꞌ ɨp? Jax dhui nañ moop jam tɨtda ɨp nañ aañ cham tuꞌ puiꞌ tu aꞌga gammɨjɨ nañ dɨɨlh jax ɨlhiiꞌñ pɨx, daipuꞌ ji na jax pɨx jiñ chɨɨdaim guñ Gɨꞌkoraꞌ nañ buip tuiꞌdhiꞌ. Guiꞌ pɨx jiñ aꞌm dɨr jix bhaiꞌm duukam jup tu bua, nach guꞌ gook dɨt maaꞌn iiꞌmdaꞌp duuk.

JUAN 5:16

Baꞌ guiꞌx bhaiꞌ pɨx jup jum ɨlh jamɨt na ba ja aagiꞌñ, dai dho guꞌ nam bax chu chianik nam muꞌaaꞌ. Jotmodaꞌ naiꞌ xi jii mɨt mɨjɨ jaꞌp na mɨt gaagam na pa jaꞌk oirɨ. Baꞌ nammɨ gama jaꞌk ji chɨɨgɨk ba tɨkka am na sap jax kut baꞌ duaꞌñ gu maaꞌnkam, na guꞌx maat na janoꞌ cham tum juan.

JUAN 5:18

Baꞌ giilhim jix ioꞌm bhaak jamɨt nat puiꞌ xi ja tɨɨꞌn, aaꞌndaꞌ gɨt nam ba tu chiñiaꞌ nam muꞌaaꞌ. Nam guꞌ jaꞌp jum aaꞌ na dɨɨlh pɨx gɇꞌkam jum taatɨt cham tuꞌ kaꞌm nɨiꞌñ na paiꞌ dhuuk cham tum juandaꞌ, nam guꞌ cham tɨ jɨɨgiꞌñ na jaꞌxbuiꞌp jir gɇꞌkam na gu Dios ku baꞌ puiꞌ iim nar Gɨꞌkorgaꞌn.

JUAN 9:4

Baꞌñ aꞌm jum aaꞌ nañ xip tu buimɨi nat jɨꞌk jax jiñ chɨɨꞌn guiꞌ nat bhañ joot, kapbhaiꞌ na kax chu maax, na guꞌ noꞌ bax chukgam, cham jax kax bhaaiꞌn kaꞌ.

GU NOONBIꞌÑ GUCH XOIꞌKAM 14:17

Pu gammɨjɨ jix bhaiꞌ tu buadaꞌ na jax jir am, puiꞌ na jax aapiꞌm na bha jam joochxiꞌñ gu duuk na baꞌ kɨꞌn jix bhaiꞌ tu kaipbhar na pim baꞌ gammɨjɨ biaꞌkaꞌ na pim tuꞌ xi kuaꞌdat jix bhaiꞌm taat kaꞌ.

GU NOONBIꞌÑ GUCH XOIꞌKAM 17:28

Na guꞌ gu Dios buiñor jia nach baꞌ dudua, puiꞌ ku baꞌx bhaaiꞌ nach joiñ, gio nach baꞌ ya jaꞌp jix jaiꞌch dhi oiꞌñgaꞌn bhaan, jaꞌp na mɨt jax jaꞌk tu uaꞌnak ɨp guiꞌ nam tu uꞌuandaꞌ gu yaꞌ kam aapiꞌm jam bui, na jaꞌpnim kaiꞌch: “Aach jir maamraꞌn gu Dios.”

1 KORIINTO KAM 12:6

Gio gu Dios bɨɨx aixim tuꞌm bhaan jup jich aagiꞌñdhaꞌ na bɨxchuꞌx bhaaiꞌ na pu tu duñiaꞌ, tɨi maaꞌn pɨx jix jaiꞌch gu Dios guiꞌ na puꞌñi bɨxchuꞌ bhaan jum uaꞌrgiꞌñ, na guꞌ maaxik bɨxchuꞌx bhaaiꞌ na pu tu duñiaꞌ.

KOLOOSAS KAM 1:16

Gu Maraaꞌn pɨx bhaankam jup tu duu gu Dios bɨɨx na jɨꞌk tuꞌx chu jaiꞌch jix dhaam jaꞌk gio dhi oiꞌñgaꞌn bhaan, puiꞌ na jax guiꞌ na tuꞌ cham maax. Jup ja duu guiꞌ nam iꞌiiꞌmdaꞌ bhaan tu dudua na bɨɨx aixim jix bhaaiꞌ nam pu tu duñiaꞌ nam jax ɨlhiiꞌñdhaꞌ. Dhiꞌ bɨɨx jup tu duu gu Dios bhaankam guch Xoiꞌkam, pu kaiꞌñkam pɨx jup tu duu na baꞌ guch Xoiꞌkam pɨx bhaan tu biꞌyaꞌ.

1 TESALOONIKA KAM 2:13

Puiꞌch jup taxchaabgiꞌñ gammɨjɨ gu Dios na pimɨt cham jax ji chɨꞌɨɨk kɇɇk miꞌ puiꞌ jii na jax jum kaiꞌch gux bhaiꞌm kaiꞌchdham ñioꞌkiꞌñ na chich tu jam aꞌgi. Tɨ jɨɨꞌñ japimɨt na maaxik Dios jir ñioꞌkiꞌñ, cham tuꞌ gu jaꞌtkam. Na guꞌ maaxik Dios bhaan tu aꞌga gux bhaiꞌm kaiꞌchdham ñiꞌook nach bhaan tu aꞌga. Aapiꞌm jam aꞌm jix maatɨꞌ na tuꞌp jir tuꞌm daꞌ na pim jɨꞌk dhiꞌ bhaan tɨ jɨɨgiꞌñ.

ISRAEL KAM 1:3

Baꞌ xib jix bhaiꞌ bax maat ich na jax jir tuꞌm kam guiꞌ na puiꞌ tɨɨꞌ Dios nar jich Gɨꞌkoraꞌ, nach guꞌ bax maat na jax jir tuꞌm kam gu Maraaꞌn. Na guꞌ gu Maraaꞌn jich Xoiꞌkam puiꞌ pɨx jup jir tuꞌm na jax dɨɨlh gu Dios, jaꞌxbuiꞌp jir gɇꞌkam, gio na jaꞌxbuiꞌ bɨxchuꞌp jix chu aichuꞌn. Dhiꞌ baꞌ xich joiꞌndak mach palhbui nach jax jaꞌk cham maiꞌ suulhgix kaꞌ, tɨɨꞌ nat bha jimɨɨk jich aꞌmkam muu kuruus taꞌm na baꞌ puꞌñi duuji tu namkix kaꞌ guch uaꞌtulhdharaꞌ. Miꞌ dhɨr baꞌ pu jii ɨp gio jix dhaam, bhammɨ ji dhaibu sonpan gu Dios kɨɨꞌn dɨr jaꞌk.