JUAN 5:14 - Tepehuano Tepehuán del Sureste (Durango)

¹⁴ Mɨkkat ji na mɨt baꞌ giop bam tɨtgɨ bhammɨ jaꞌk gɇꞌ chiop na baꞌp tɨtda gu Jesuus: ―Xib jap moo tuꞌ kaꞌm xi chɨ nɨidhat jiñ jaduuñ na pich kapbhaiꞌ ba dua, na baꞌ cham gio tuꞌp bam duñiaꞌ jix ioꞌm jix buam jum duukam noꞌr maaꞌn nap jax jum uaꞌtulhiꞌñ.

JUAN 5:14 Iomraidhean Croise

MATEO 12:45

Baꞌ xi dhaiꞌññiaꞌ na jaiꞌp ja baiꞌñmɨraꞌ gu bɨpnagaꞌn tuutuꞌm cham kɨkɨɨꞌ iꞌiiꞌmdaꞌ jɨꞌk xijum gook pup aixim guiꞌ nam giilhim xi chu xibua. Baꞌ nam paiꞌ dhuuk gio maap bhaiꞌp ba baapkiaꞌ bhaan gu maaꞌnkam, giilhim bhaiꞌ jim naanbichaꞌ dho gi ji baꞌ, cham tuꞌ puiꞌ kiaꞌ na jax bɨɨpɨꞌ dɨr. Baꞌ puꞌñi jaꞌk jup tu ja jimiaꞌ gu jaꞌtkam guiꞌ nam jɨꞌk cham tuꞌ kaꞌm tɨ nɨiꞌñdhaꞌ.

MAARKOS 2:5

Baꞌ nat ba ja tɨɨ gu Jesuus nam buiñor jix biiñaktuꞌ, jup tɨtda gux maꞌmkulhiꞌ: ―Chaꞌp jax kam aaꞌndaꞌñ jaduuñ. Ba uañchudhix ji matgam gum uaꞌtulhdharaꞌ, na ñich guꞌ aañ puiꞌ ba tɨi.

JUAN 5:13

Guꞌ ji na guꞌ cham maat gu maaꞌnkam noꞌp jir diꞌ gu Jesuus nat duaꞌñ. Miꞌ pu cham bhaaiꞌ na jax dhuuji ja aagiꞌñdhaꞌ nam tɨix bhaiꞌ bhaiꞌ ba tɨkka, nat guꞌ mɨjɨ jaꞌp paiꞌ ji dhuu gu Jesuus nat jax xi dhuaꞌñdhak. Pu cham maatɨꞌ guꞌ na pa jaꞌk oirɨ, na guꞌ muiꞌ mi jaꞌp tum oipo.

JUAN 5:5

Baꞌ maaꞌn mi jaꞌp jup boꞌ gu maaꞌnkam na iam pɨx gook ooꞌm oidhaꞌ ba aichdhim na dɨr bax kaꞌook, gook oidhaꞌ pɨx bam aagɨt na ba aichdhaꞌ.

JUAN 8:11

Baꞌp kaiꞌch gu ubii: ―Cham dho chi jia. Baꞌp tɨtda gu Jesuus: ―Dho aañ ba puiꞌ ɨp, cham biaꞌ iñ nañ jax jum tɨɨdaꞌ. Ba jimiaꞌ ap, dai nap cham kam uaꞌtulhiꞌñdhaꞌ.

1 PEEGRO 4:3

Sia ku pimɨt guꞌ gɇꞌm uaꞌtulhdhak buiñor gu Dios na pim chakui tɨ jɨɨꞌñdhat buiñor guch Xoiꞌkam, na pim bɨɨx aixim tu buaꞌt na pim dɨɨlh jax ɨlhiiꞌñdhaꞌ nar yaꞌ kam pɨx dhi oiꞌñgaꞌn bhaan, puiꞌ na jax na pim jix maik kaꞌ gɇꞌgɇr xi chu kuaꞌdat mi jaꞌp paiꞌ maap jim jumpadat, gam na pim bɨxchuꞌ bhaan jum tutkagiꞌñkaꞌ na pim jup tu duñiaꞌ nar jix buam jum duukam, gio na pim tu daandaꞌ ja bui gu didios jum tɨɨtgɨdam nam jir jup duñiixim pɨx, na tuꞌ ni jɨꞌx ku cham kɨɨgalhiꞌñ gu Dios guiꞌ nax dhaam jup tuꞌiiꞌ.