JUAN 4:48 - Tepehuano Tepehuán del Sureste (Durango)

⁴⁸ Baꞌp tɨtda gu Jesuus: ―Jax dhui na pim cham jɨꞌxkat tɨ jɨɨꞌñdhaꞌ aañ jiñ bui noꞌñ cham jam nɨiꞌñchudat jup tu bua gu tuꞌ nar jix bhaiꞌm duukam.

JUAN 4:48 Iomraidhean Croise

MATEO 16:1

Baꞌ jɨꞌkchi mummɨp ba ji bubua mɨt buiñor gu Jesuus guiꞌ nam pariseos jum tɨɨtɨꞌndaꞌ gio baꞌ guiꞌ nam saduseos jup jum tɨɨtɨꞌndaꞌ. Baꞌ tɨi bax aaꞌ am na ja nɨiꞌñchudat jup duñiaꞌ gɨt gu tuꞌ nar jix bhaiꞌm duukam, guꞌ nam jax dhui pɨx jix maiꞌchim noꞌt sap moo baabuiꞌ sɨlhkam Dios bha joot.

MATEO 24:24

Nam guꞌ kaiꞌñkam muiꞌ ka jaiꞌchdhɨlhiaꞌ jia guiꞌ nam sap pɨk baꞌ Dios bhaankamuꞌn jup xi chu aꞌgidhaꞌ. Baꞌ puiꞌx bhaiꞌp xi chu buidhaꞌ am guiꞌ na tuꞌr jix kɨɨꞌp jum duukam kaꞌ, guꞌ nam jax dhui pɨx ja iatgidhaꞌ ji gu jaꞌtkam, sia ji guꞌ guiꞌ nam jɨꞌk tɨ jɨɨgiꞌñdhaꞌ aañ jiñ bui, jaiꞌ dhɨt mu jaꞌk jup ji ja kaayaꞌ am.

MATEO 27:42

―¿Guꞌ baꞌ moo cham jup bhaiꞌ ji jia na dɨɨlh bhaiꞌ dhɨr ji chɨmñiaꞌ bhaan dhi kuruus, nat baꞌ guꞌ gu jaiꞌ jaꞌtkam jix bhaiꞌ ja duu? Noꞌ baabuiꞌ puiꞌ sɨlhkam jir ja gɇꞌkam tuk gu yaꞌ kam dhi Israel.

MAARKOS 13:22

Nam guꞌ muiꞌ jaiꞌchdhɨlhiaꞌ guiꞌ nam puiꞌ xi kaiꞌchidhaꞌ: “Aañ jir diꞌ guch Xoiꞌkam”, gio jaiꞌ nam puiꞌ xi kaiꞌchidhaꞌ na maadɨt jir diꞌ kaꞌ guiꞌ nam bɨjɨk ya jaꞌp bhaankam tu aꞌgimɨk guñ Gɨꞌkoraꞌ. Puiꞌx bhaiꞌp xi chu buidhaꞌ am guiꞌ nax bhaiꞌr jum duukam kaꞌ, nam jax dhui pɨx ja iatgidhaꞌ gu jaꞌtkam, sia guiꞌ nam jɨꞌk tɨ jɨɨgiꞌñdhaꞌ aañ jiñ bui. Noꞌm guꞌ cham pɨk bɨɨx ja jujur kɨꞌn jix biiñak, jix bhaiꞌ ja bhɨɨyaꞌ dho guꞌ.

LUUKAS 10:18

Baꞌp ja tɨtda gu Jesuus: ―Dho na guꞌ aañ cham tuꞌr jiñ jupaabkam gu jaꞌook, puiꞌ ku baꞌ xiñ jɨɨgiꞌñ. Tɨɨ ñich guꞌ nat bha ji buax dhaam dɨr guñ Gɨꞌkoraꞌ janoꞌ nat paiꞌ dhuuk giilhim jum uaꞌtulh buiñor, jaꞌp jum duu na jax gu duuk noꞌt bɨpgɨ.

LUUKAS 16:31

Baꞌ gu Abraam jup tɨtda: “Puiꞌ pɨx ɨp ji matgɨm sia kut tuꞌ maaꞌnkam muukɨk gio duadɨk mi jaꞌp jup ba kɨɨk, pɨx ji noꞌm cham tɨ jɨɨgiꞌñ nat jax tu uaꞌnak gu Moisees, gio gu jaiꞌ nam bhaankamuꞌn gu Dios tu ja aꞌgidhimɨk gu jaꞌtkam, nam guꞌ dɨɨlh cham miꞌ puiꞌ jimiik kaꞌ.”

JUAN 12:37

Baꞌ pu cham tɨ jɨɨgiꞌñ am gu Israel kam jaꞌtkam buiñor gu Jesuus sia ku tɨi ja nɨiꞌñchudat jix bhaiꞌm duukam jup tu bua.

JUAN 15:24

Jaiñ nam guꞌ puiꞌ pɨx jup xich bhaamkiꞌñ gook dɨt guñ Gɨꞌkoraꞌ, sia kuñ tɨi yaꞌ oirɨt ja nɨiꞌñchudat jix bhaiꞌm duukam jup tu bua nam jaroiꞌ cham paiꞌ dhuuk puiꞌ nɨiꞌñ na tu bua. Iam chi na mɨt guꞌp ba tɨ jɨɨꞌñ soiꞌm ɨlhdhak na mɨt bañ chɨɨ nañ bɨxchuꞌx aichuꞌn. ¿Guꞌ paa gi baꞌ tuꞌ? Jaꞌkbuiꞌ kat jamɨt dho baꞌ bhaiꞌ ba jiñ oꞌbhaiꞌ ji. Puiꞌ kuñ baꞌp kaiꞌch nam xib dɨr jix ioꞌm kuiñcha ba biaꞌ.

JUAN 2:18

Baꞌ gu gɇꞌgɇrkam Israel kam bɨɨx maap jim daagɨt jup tɨtda am gu Jesuus: ―Eap jix bhaiꞌm duukam xip tu duuñ jich ñɨiꞌñchudat nach baꞌ moom jɨɨgiꞌñdhaꞌ nap sɨlhkam gɇꞌkam kat yaꞌ pu tu bua.

JUAN 20:29

Baꞌp tɨtda gu Jesuus: ―Na pich paiꞌx bhaiꞌ xiñ chɨɨ Tomaas na pich baꞌ ba tɨ jɨɨꞌñ nañ aañ jir diꞌ na ñich giop dua. Guꞌ cham tɨ jɨɨꞌñdhat ap ji na pich chakui tɨɨgɨk guñ ñoonob. Jaiꞌ joidham pu tɨ jɨɨgiꞌñ am na ñich sɨlhkam giop dua nat jax puiꞌ tɨm tɨi, sia ku mɨt cham paiꞌñ chɨɨ gu maaxik.

JUAN 4:49

Baꞌ gu nobiiꞌñ gu gɇꞌkam jup tɨtda gu Jesuus na puiꞌ ka kaiꞌch: ―Gi noꞌ pich moom guguux jiñ jaduuñ nach muiꞌ xi jimɨi muñ kiꞌaam na cham ba mukiaꞌ guñ alhii chuk, na guꞌx ioꞌm ba xi bhɨichuꞌ.

GU NOONBIꞌÑ GUCH XOIꞌKAM 14:3

Baꞌ puiꞌ kaiꞌñkam bhaiꞌ pup oipo am gu noonbiꞌñ guch Xoiꞌkam, muiꞌ tanoolh jamɨt bhaiꞌ juruuñ, tu ja aꞌgiꞌñdhaꞌ am gu jaꞌtkam cham ji totdonɨt, nam guꞌ buiñor jix biiñak kaꞌ guch Gɨꞌkoraꞌ, gio na guꞌ ja palhbuiꞌñdhaꞌ nam jup tu buadaꞌ gux kɨɨꞌp jum duukam nam tuꞌ cham paiꞌ nɨiꞌñdhaꞌ gu jaꞌtkam na baꞌ bhaan jix maatɨꞌ kaꞌ nar sɨlhkam kaꞌ gu puiꞌ nam jax kaiꞌchdhaꞌ nam paiꞌ dhuuk tu aꞌgadaꞌ na jax jaꞌk jix chu joiꞌgɨꞌn gu Dios.

GU NOONBIꞌÑ GUCH XOIꞌKAM 15:12

Baꞌ miꞌ pɨx pup tuꞌiiꞌ am, pu cham jaroiꞌ ñiok, dai nam tɇ kɇɇ pɨx nat paiꞌ dhuuk bhaiꞌp ji chu aꞌga gu Bernabee gio gu Paablo, nam ja aagiꞌñ nat jax jaꞌk ja palhbui gu Dios na mɨt jup tu duu gux kɨɨꞌp jum duukam ja bui guiꞌ nam cham jir Israel kam jaꞌtkam nam tuꞌ cham paiꞌ nɨiꞌñ, na baꞌ bhaan jix maatɨꞌ kaꞌ nam sɨlhkam jup kaiꞌchdhaꞌ nam paiꞌ dhuuk tu ja aꞌgiꞌñdhaꞌ.

GU NOONBIꞌÑ GUCH XOIꞌKAM 2:19

Gio baꞌ nañ bɨɨx aixim ɨɨbhidham ba tu duñiaꞌ bha jaꞌp jix dhaam, dhi oiꞌñgaꞌn baꞌ dai na bhaiꞌ ji mɨɨyaꞌ, jaꞌp tuꞌm jup jum duñiaꞌ na gu ɨꞌɨɨr, gio na yaꞌ pɨx pux jikmaꞌ kaꞌ kɨꞌn gu kuubhɨx.

GU NOONBIꞌÑ GUCH XOIꞌKAM 2:22

’Pu kagɨt na pim moo alhio kapup xiñ kaayaꞌ jiñ jaaduñ Israel kam nañ jax jam tɨɨdaꞌ. Dho guꞌ gu Jesuus guiꞌ nar Nasareet kam, jir diꞌ dho guch Xoiꞌkam nat Dios bha jam joochxi aapiꞌm jam bui. Puiꞌ ku baꞌ joidham jix bhaiꞌ xi chu buimɨk na tuꞌr jix kɨɨꞌp jum duukam na jɨꞌx juugɨt yaꞌ xi oilhimɨk bhaan dhi oiꞌñgaꞌn.

GU NOONBIꞌÑ GUCH XOIꞌKAM 2:43

Baꞌ bɨɨx gu Jerusaleen oiꞌñkam miꞌ puiꞌ pup tuiꞌkaꞌ am nam paiꞌ dhuuk ba ja tɨgiaꞌ gu noonbiꞌñ guch Xoiꞌkam nam joidham jix bhaiꞌ xi chu buadaꞌ gux kɨɨꞌp jum duukam.

GU NOONBIꞌÑ GUCH XOIꞌKAM 4:30

Gio baꞌ nap puiꞌ jaꞌk jup tu duñiaꞌ nach ja duduadhiꞌñdhaꞌ gux kakoꞌkkam bhaankamuꞌn gu Jesuus guiꞌ nar jum mar, gio baꞌ na bɨɨx aixim jix bhaaiꞌn kaꞌ nach pu tu duñiaꞌ gux kɨɨꞌp jum duukam. Jaꞌpni daipuꞌ.

GU NOONBIꞌÑ GUCH XOIꞌKAM 5:12

Baꞌ bha jaꞌp ji oipot Jerusaleen gu noonbiꞌñ guch Xoiꞌkam joidham jix bhaiꞌ xi chu buadaꞌ am ja bui gu jaꞌtkam nam jax jaꞌk cham jɨꞌxkat paiꞌ puiꞌ tɨ nɨidhat, nam sap baꞌ ji chɨɨgɨi ba tɨ jɨɨꞌñdhaꞌ nar sɨlhkam gu puiꞌ nam jax jaꞌk tu ja aꞌgiꞌñdhaꞌ gux bhaiꞌm kaiꞌchdham ñioꞌkiꞌñ gu Dios. Gio baꞌ nam gammɨjɨ ba jim jumpadaꞌ bɨɨx nam jɨꞌk tɨ jɨɨgiꞌñdhaꞌ buiñor guch Xoiꞌkam nam tu daandaꞌ bhaiꞌ gɇꞌ chiop, maaꞌn kap nam paiꞌ puiꞌ tɨ tɨɨtɨꞌndaꞌ: Tootnam Bhiꞌñbakiꞌñ gu Salomoon.

GU NOONBIꞌÑ GUCH XOIꞌKAM 6:8

Guꞌ baꞌ na guꞌ gu Dios bhaan tɨ nɨiꞌñdhaꞌ gu Teeban, baꞌ joidham jix bhaiꞌ xi chu buadaꞌ gux kɨɨꞌp jum duukam ja bui gu jaꞌtkam nam tuꞌ cham jɨꞌxkat paiꞌ puiꞌ tɨ nɨidhat, nam baꞌ bhaan jix mat kaꞌ nar sɨlhkam gu puiꞌ na jax jaꞌk tu ja aꞌgiꞌñdhaꞌ.

GU NOONBIꞌÑ GUCH XOIꞌKAM 7:36

Baꞌ dhiꞌr diꞌ dho gu Moisees nat mummɨ dɨr ja boosgak Ejipto guch bopxi kat. Jir diꞌ pɨx ɨp na joidham jix kɨɨꞌp jum duukam jup tu buimɨk ja bui gu Israel kam jaꞌtkam nam tuꞌ cham paiꞌ nɨidhat gu gook ooꞌm oidhaꞌ, puiꞌ na jax mummɨ na paiꞌ gɇꞌ suuꞌnkaꞌ gux bɨꞌ suudaiꞌ, gio puiꞌ na jax mummɨ gampɨx jix chu gak kɨr.

ROOMA KAM 15:19

Na guꞌ gux Dhuuduꞌ kam jix Uañ Iiꞌmdagaꞌn gu Dios nañ aꞌm tajaañix kuñ baꞌ bɨɨx aixim jix bhaiꞌm duukam jup tu buim, nam tuꞌ cham paiꞌ dhuuk pu chuꞌm tɨ nɨiꞌñ gu jaꞌtkam. Na guꞌ bɨxchuꞌx bhaaiꞌ na pu tu duñiaꞌ gux Dhuuduꞌ kam jix Uañ Iiꞌmdaꞌ na cham jɨꞌxdhaꞌ jaroiꞌ pu tu duñiaꞌ gu yaꞌ kam dhi oiꞌñgaꞌn. Gio baꞌ nañ naiꞌ puꞌñi tu ja aꞌgidhidhaꞌ gux bhaiꞌm kaiꞌchdham ñioꞌkiꞌñ guch Xoiꞌkam, na bhaan tu aꞌga nam jax jaꞌk dui cham mu jaꞌk bhɨɨyaꞌ nam paiꞌ gammɨjɨ miꞌ pup jum tulhiiñdhaꞌ. Muiꞌ kap jañich naiꞌ ba tu ja aꞌgi, Jerusaleen dɨr jañich bhaiꞌ ji bhɨich, mu jaꞌp jañich sia ba tu ja aꞌgi na paiꞌ jax Iliiriko bhaan bipioꞌ gu dɨbɨɨr.

1 KORIINTO KAM 1:22

Gu Israel kam jaꞌtkam dai nam jix aaꞌ na jaroiꞌ tuꞌ jax xi ja duiñdhaꞌ nam cham paiꞌ dhuuk pu chuꞌm tɨ nɨiꞌñ nam sap baꞌ bhaan jum guꞌnguxdhai tuꞌ sɨlhkam ba tɨ jɨɨꞌñdhaꞌ na jax jum kaiꞌch gux bhaiꞌm kaiꞌchdham ñioꞌkiꞌñ gu Dios. Baꞌ guiꞌ nam cham jir Israel kam jaꞌtkam, tɨi gaaꞌñchuꞌ am nam jax jaꞌk bɨɨx aixim jix chu mat kaꞌ.

2 KORIINTO KAM 12:12

Dhiꞌ bhaan jix maatɨꞌ nañ aañ jir jix kɨɨꞌ tujuandam tugiꞌñ guch Xoiꞌkam nañ xi ñakooꞌntugɨt miꞌ puiꞌ xi jim na jax jix aaꞌ sia puiꞌ jiñ chulhiiñat. Sia dhiꞌ bhaan jix maatɨꞌ na ñich bɨɨx aixim jix bhaiꞌm duukam jup tu duu jam bui na pim tuꞌ cham paiꞌ dhuuk pu chuꞌm nɨidhat.

2 TESALOONIKA KAM 2:9

Bhaan tɨ nɨidhidhaꞌ gu jaꞌook dhi maaꞌnkam na puiꞌm ɨlhiiꞌñdhaꞌ nar Dios. Bɨɨx aixim jix bhaiꞌm duukam xip tu buidhaꞌ na tuꞌ jaroiꞌ cham paiꞌ dhuuk pu chuꞌm tɨ nɨiꞌñdhaꞌ, dai na cham tuꞌr sɨlhkam kaꞌ.

ISRAEL KAM 2:4

Gio guꞌx bhaiꞌx maatɨꞌ na sɨlhkam jir diꞌ gu Dios na yaꞌ oilhimɨk jich bui, na guꞌ bɨxchuꞌp tu buimɨk jix bhaiꞌm duukam nach tuꞌ cham jɨꞌxkat puiꞌ tɨ nɨidhat. Sia xib jix bhaaiꞌ nach bhaankamuꞌn guiꞌ jix bhaiꞌm duukam jup tu duñiaꞌ nach jɨꞌk ba tɨ jɨɨgiꞌñ buiñor, sia ku cham yaꞌ kap tuꞌiiꞌ jich bui, nat guꞌ xich chajaañdhak gux Dhuuduꞌ kam jix Uañ Iiꞌmdagaꞌn na baꞌ puiꞌ jaꞌk jich jurtudidhaꞌ nach jɨꞌk tuꞌ jax dhuñiaꞌ bhaankamuꞌn bɨɨx jɨꞌmaꞌn.