JUAN 4:1 - Tepehuano Tepehuán del Sureste (Durango)

¹ Baꞌ ba maat gu Jesuus nam puiꞌ ba tɇ kɇɇ guiꞌ nam pariseos jum tɨɨtɨꞌndaꞌ na amuub oirɨ, sap jup kaiꞌchdhaꞌ am gu jaꞌtkam: “Puiꞌp ba ja bopkon gu Jesuus gu jaꞌtkam, dai guiꞌ pɨx jam baꞌ mu jaꞌk ba kaichuꞌ bɨɨx, gu Juan miꞌ pɨx jaꞌp ji biꞌiim.”

JUAN 4:1 Iomraidhean Croise

LUUKAS 1:76

Baꞌ aap jiñ chioꞌñ, jup tɨꞌyaꞌ am gu jaꞌtkam nap aap maadɨt jir diꞌ guiꞌ nam bɨjɨk ya jaꞌp tu aꞌgimɨk bhaankam gu Dios guiꞌ nax ioꞌm jir gɇꞌkam, nap guꞌ aap bɨɨpɨꞌ ya jaꞌp ba tu ja aꞌgidhaꞌ gu jaꞌtkam na baꞌ miꞌ dhɨr yaꞌp ba aayaꞌ gux ioꞌm gɇꞌkam, jaꞌp ji buusniaꞌ nap bɨɨpɨꞌ yaꞌ ba tu boiꞌntaꞌ.

LUUKAS 19:31

Noꞌ jax dhuukat jaroiꞌ ba jam tɨkka na jax ku pimɨt baꞌ bulhioꞌkak ba ji chɨɨmɨrak, jaꞌp japim tɨɨdaꞌ nat gu Gɇꞌkam mu jam joot.

LUUKAS 19:34

Baꞌ guiꞌp kaiꞌch am: ―Dho gu Gɇꞌkam nat bhach joot nach mu tɨɨmɨlhdhikaꞌ.

LUUKAS 2:11

Jaꞌpniñ tuꞌm jam uaꞌtulhiꞌñ: Maaꞌn bhaꞌñi dhɨr maaxir gu alhii xib dhi tukaaꞌ na paiꞌ kiokat bɨjɨk gu Dabii. Dhiꞌr diꞌ guiꞌ na pim nɨɨra na saak bha jootsaꞌ gu Dios yaꞌ dhi oiꞌñgaꞌn na jam palhbuidhaꞌ.

LUUKAS 7:13

Baꞌx joiꞌmdat tɨɨ gu Jesuus gu ubii nax buam jum aaꞌntugɨt suakim, jup tɨtda muiꞌ xi ɇɇk miaꞌn: ―Chaꞌp ka suakdaꞌ.

LUUKAS 7:19

jup ja tɨtda nam mu jimiaꞌ na paiꞌ oirɨ gu Jesuus nam tɨkkapuꞌ noꞌ sap sɨlhkam jir diꞌ guiꞌ na saak bha jootsaꞌ gu Dios jix dhaam dɨr, piam ku guꞌ cham sap nam baꞌ nɨɨradaꞌ guiꞌ.

JUAN 3:22

Baꞌ miꞌ dhɨr na puiꞌ jɨꞌ xi chu aꞌgidhimɨk gu Nikodeemo, ba jii gu Jesuus ja bɨɨm gu noonbiꞌñ mummu jaꞌk maaꞌn kap na paiꞌx jaiꞌch gu suudaiꞌ na Judea bhaan bipioꞌ guiꞌ gu dɨbɨɨr. Miꞌ mɨt baꞌ juruuñ jɨꞌk tanoolh nam ja bopkondaꞌ gu jaꞌtkam guiꞌ nam jɨꞌk tɨ jɨɨꞌñdhidhaꞌ na jɨꞌk jax tu ja aꞌgiꞌñdhaꞌ.

JUAN 3:26

Miꞌ puiꞌ xi kaiꞌchimɨk mummu jaꞌk maakam jup ba tu aꞌgidhim am gu Juan guiꞌ nam kaichuꞌ, jup tɨtda am: ―Guiꞌ nap aaꞌ janoꞌ na bhammɨ dɨr oirɨ baasɨꞌn dɨr gu Jordaan Ak, guiꞌ bo na pich saak bha ja mattudam gu jaꞌtkam nar tuꞌp tuꞌm daꞌ, xib puiꞌp ba ja bopkon gu jaꞌtkam. Puiꞌ muiꞌp ba kaichuꞌ am.

GU NOONBIꞌÑ GUCH XOIꞌKAM 10:36

Dho guꞌ gu Dios puiꞌ tu ja aꞌgidhak dho gu Israel kam jaꞌtkam na puiꞌ ja tɨtdadaꞌ na sap guch Xoiꞌkam guiꞌ nar gɇꞌkam ja bui bɨɨx na jɨꞌk jaꞌtkam, jix bhaiꞌ nam buiñor jum palhbuidhaꞌ nam baꞌ cham kam tulhiiñaꞌ gatuuk.

1 KORIINTO KAM 1:17

Gio guꞌ cham tuꞌ pu kaiꞌñkam naiꞌñ joot guch Xoiꞌkam nañ ja bopkonaidhaꞌ gu jaꞌtkam, guꞌ jaꞌpji nañ naiꞌ ja aaꞌñdhaꞌ gux bhaiꞌm kaiꞌchdham ñioꞌkiꞌñ na bhaan tu aꞌga nam jax jaꞌk dui cham jimiaꞌ mu jaꞌk nam paiꞌ gammɨjɨ miꞌ pup jum tulhiiñdhaꞌ. Ni kuñ cham giilhim jix aixkam jup xi kaiꞌchim nañ ja aaꞌñdhim nam jax kaiꞌchdhaꞌ gux aꞌaixkam, jaꞌppɨx maaꞌnkam naiꞌ jimdat tu aꞌgim iñ nam baꞌx bhaiꞌx maatɨt kaayaꞌ gu jaꞌtkam nat jax kaiꞌñkam jich aꞌmkam muu guch Xoiꞌkam bhaan gu uꞌuux na gai bɨɨt.

1 KORIINTO KAM 15:47

Na guꞌ gu bɨɨpɨꞌ kam maaꞌnkam dɨbɨɨr pɨx jup duñiix, guꞌ gu jumai nat yaꞌp ai gatuuk, jir jix dhaam kam.

1 KORIINTO KAM 2:8

Pu cham maatɨt kai mɨt dhiꞌ gu gɇꞌgɇrkam jix aꞌaixkam na jax pɨk jir jum duukam sia kum tɨi ja aagiꞌñdhaꞌ. Na guꞌ noꞌm jix maatɨt kaayaꞌ gɨt, cham tu chiandaꞌm gɨt nam sissapdaꞌ guch Xoiꞌkam bhaan gu uꞌuux na gai bɨɨt, jix dhaam dɨr tɨi bha jii guꞌ guch Xoiꞌkam.

2 KORIINTO KAM 4:5

Cham tuꞌch ja aaꞌñdhim guꞌ gu jaꞌtkam nach jax jir tuꞌm kam dɨɨlh, guꞌ jaꞌpji nach puiꞌ ja tɨtdaim na guch Xoiꞌkam bɨɨx jir jich Gɇꞌkam tuk. Gio guꞌ puiꞌ pɨx jich ɨlhiiꞌñ ich jam bui nach jir tu jam juandam tuk, nach guꞌ xi jam joiꞌgɨꞌn bhaankam guch Xoiꞌkam.

SANTIAGO 2:1

Jaꞌpni jaꞌk jañ baꞌ moo tɨip kaiꞌchɨt jiñ jaaduñ na pim ba tɨ jɨɨgiꞌñ buiñor gu Gɇꞌkam jich Xoiꞌkam, na pim cham tuꞌ jɨꞌk pɨx jix ja joiꞌndat jix bhaiꞌ ja buadaꞌ gu jaꞌtkam, jaiꞌ baꞌ tuꞌ pɨx ja ɨlhiiꞌñdhaꞌ pim.

NAT JAX TƗ TƗƗ GU JUAN 19:16

Baꞌ bha jaꞌp jannulhiram gio toonaram bhaiꞌ xi uaꞌñixchuꞌ na jax chɨɨꞌ, jup jum kaiꞌch: Gu ja gɇꞌkam tuk guiꞌ nam bɨɨx kap jir gɇꞌgɇrkam sia nar pa jaꞌk.