JUAN 3:28 - Tepehuano Tepehuán del Sureste (Durango)

²⁸ ¿Kux cham tɨꞌñcho pim aa nañ jup kaiꞌch janoꞌ: Aañ cham tuꞌr diꞌ guch Xoiꞌkam? Matgam aañ bhaiꞌ pɨx jiñ joot ji guch Gɨꞌkoraꞌ nañ bɨɨpɨꞌ kat ya jaꞌp ba ja mattudaꞌ gu jaꞌtkam na cham xiim bha jim. Dhiꞌ dhor diꞌ na pim mu paiꞌ aaꞌ.

JUAN 3:28 Iomraidhean Croise

MATEO 3:3

Baꞌ gu Juan jaꞌtkam bopkondam jir diꞌ na aagɨt jup kaiꞌch gu Isaiiyas guiꞌ na bɨjɨk bhaankamuꞌn tu aꞌgimɨk gu Dios nat puiꞌ jaꞌk tu uaꞌnak na jaꞌpnim kaiꞌch: Maaꞌn gu maaꞌnkam mu jaꞌp gampɨx jix chu gak kɨr pɨx oirɨt ba tu ja aꞌgiꞌñdhaꞌ gu jaꞌtkam, jup ja tɨtdadaꞌ: “Gor jix kɨɨꞌ bim duuñ, jaꞌp pɨk bhaiꞌ bar jimdam gu Gɇꞌkam. Miꞌ pim sap puiꞌ ba jimiaꞌ na jax jix aaꞌ.”

LUUKAS 1:76

Baꞌ aap jiñ chioꞌñ, jup tɨꞌyaꞌ am gu jaꞌtkam nap aap maadɨt jir diꞌ guiꞌ nam bɨjɨk ya jaꞌp tu aꞌgimɨk bhaankam gu Dios guiꞌ nax ioꞌm jir gɇꞌkam, nap guꞌ aap bɨɨpɨꞌ ya jaꞌp ba tu ja aꞌgidhaꞌ gu jaꞌtkam na baꞌ miꞌ dhɨr yaꞌp ba aayaꞌ gux ioꞌm gɇꞌkam, jaꞌp ji buusniaꞌ nap bɨɨpɨꞌ yaꞌ ba tu boiꞌntaꞌ.

JUAN 1:20

Baꞌ guiꞌ cham jax ji chɨꞌɨɨk jup xi ja aagiꞌñ, jup ja tɨtda: ―Dho guꞌ aañ pur cham tuꞌ ji moo gux matgam. Cham tuꞌ na pim jax jum aaꞌndaꞌ nañ aañ jir diꞌ guch Xoiꞌkam guiꞌ na saak bha jootsaꞌ guch Gɨꞌkoraꞌ jix dhaam dɨr.

JUAN 1:23

Baꞌ guiꞌp ja tɨtda: ―Aañiꞌ dhor diꞌ guiꞌ na saak mu jaꞌp gampɨx jix chu gak kɨr ba tu ja aꞌgiꞌñdhaꞌ gu jaꞌtkam nat jax tu uaꞌnak gu Isaiiyas guiꞌ na bɨjɨk ya jaꞌp bhaankamuꞌn tu aꞌgimɨk guch Gɨꞌkoraꞌ, nap ja tɨtdaidhaꞌ bo saak: “Gor jix kɨɨꞌ bim duuñ na pim miꞌ puiꞌ ba jimiaꞌ na jax jix aaꞌ guch Gɨꞌkoraꞌ. Bam aajim na paiꞌ dhuuk bha jim. Jaꞌp ji buusniaꞌ na pim jix bhaiꞌ ba tɨ kɨɨꞌmpigaꞌ miꞌ na paiꞌ bhɨɨyaꞌ.”

JUAN 1:25

jup tɨtda am ɨp gio gu Juan: ―Jaꞌpnich baꞌ tɨip kaiꞌchɨt jiñ jaduuñ nap jich aagiꞌñdhaꞌ na jax jir jum duukam nap baꞌ ja bopkon suudaiꞌ kɨꞌn dhi jaꞌtkam, nap puiꞌ saak cham jir diꞌ guch Xoiꞌkam, ni gu Eliiyas, nix chuꞌ gu jumai na saak jaiꞌchdhɨlhiaꞌ.

JUAN 1:27

Pu kani gɨt na guꞌ bhaiꞌ ka jim gatuuk dɨr, sia ku guꞌ gu xib cham paiꞌm mamxiꞌñ. Ku guꞌ aañ cham tuꞌr jupaabkamuꞌn ji nañ iam tuꞌ suuskaꞌn jup ba kookoxdhaꞌ gɨt, sia kuñ guꞌ tɨir bɨɨpɨꞌ kam paꞌ gu yaꞌ maaxik.