JUAN 3:27 - Tepehuano Tepehuán del Sureste (Durango)

²⁷ Baꞌp ja tɨtda gu Juan: ―Dho guꞌ bhaan tɨ nɨidhim ji guch Gɨꞌkoraꞌ ku baꞌp tu bua, cham tuꞌ na moo jaꞌp pɨx na mu paiꞌ puiꞌp ba tu bua dɨɨlh pɨx na jax ɨlhiiꞌñ.

JUAN 3:27 Iomraidhean Croise

MATEO 25:15

’Maadɨt miꞌ xi maa jix chamaam mambhɨɨx jix chaꞌtmam ooꞌm gu bapaiñum tuumiñ, gu jumai baꞌ gook mambhɨɨx jix chaꞌtmam ooꞌm miꞌp xi maa ɨp, maaꞌn baꞌ maaꞌn mambhɨɨx jix chaꞌtmam ooꞌm pɨx maa, na guꞌ na jax ja nɨiꞌñ nam jax jix chu jujuanaraꞌ bɨɨx jɨꞌmaꞌn.

MAARKOS 13:34

Na guꞌ dhiꞌ jaꞌp ji buusniaꞌ na jax gu jaroiꞌ noꞌt ka paxiaram mu paiꞌ jaꞌk mɨk, noꞌt miꞌ ka xi ja doꞌñchok jaiꞌ gu jaꞌtkam nam miꞌ ka tu juandaꞌ, dai na xi ja chianɨi nam jax jaꞌk tu juandaꞌ, puiꞌ na jax miꞌ na paiꞌ tuutkaꞌ gu baꞌpkiꞌñ, na guꞌ maaꞌn miꞌp xi chianɨi na ka tu nuukaꞌndaꞌ. Baꞌ guiꞌ dai na pɨx am tɨ nɨɨrkaꞌ na paiꞌ dhuuk gio miꞌp aayaꞌ, na guꞌ bhaiꞌ ji oꞌbhaiꞌñdhaꞌ noꞌ miꞌ pɨx cham tu jaiꞌch.

JUAN 10:41

Muiꞌ jaꞌtkam mu jimmɨdaꞌ am ji guꞌ na paiꞌ oirɨdaꞌ gu Jesuus nam jix kaim kaꞌ na joidham tu aꞌgadaꞌ, jup xi kaiꞌchɨt am: ―Guꞌ bak ji moor sɨlhkam ji na jax tu aꞌgadaꞌ gu Juan nap kaiꞌchdhaꞌ na saak puꞌñi bha jimdaꞌ dhich jaduuñ na bɨxchuꞌx aichuꞌn. Sia kut guꞌ dɨɨlh gu Juan cham tuꞌ jax dhuuk na tuꞌr jix bhaiꞌm duukam, ku guꞌr sɨlhkam ji na jax tu aꞌgadaꞌ.

JUAN 6:65

Miꞌ dhɨr baꞌ giop xi ja tɨꞌñchoix na jax ba ja tɨtda, jup kaiꞌch: ―Kaiꞌñkam cham jɨꞌxkat tɨ jɨɨꞌñdhaꞌ aañ jiñ bui gu jaroiꞌ noꞌ cham puiꞌ jaꞌk jurtuꞌn guñ Gɨꞌkoraꞌ.

ROOMA KAM 1:5

Baꞌ dhiꞌr diꞌ guch Xoiꞌkam nat xiñ joiꞌmdak jiñ chɨɨgɨk jiñ dhai nañ jir nobiiꞌñ kaꞌ nañ baꞌ miꞌ pu tu duñiaꞌ na jax jix aaꞌ, nam baꞌ bɨɨx kap na jɨꞌx oiꞌñgaꞌn jaiꞌchdhɨlhiaꞌ guiꞌ nam buiñor tɨ jɨɨꞌñdhai miꞌ puiꞌ ba jiimdaꞌ na jax jix aaꞌ.

ROOMA KAM 12:6

Bɨɨx aixim tuꞌm jich maa guꞌ gu Dios nach jix joojoidhat pu tu duñiaꞌ bɨɨx jɨꞌmaꞌn, nat jax chuꞌm ɨlh dɨɨlh. Baꞌ noꞌt guꞌ jaiꞌ dhɨt jich aꞌm bii nach naiꞌ tu aꞌgaꞌ bhaankamuꞌn gu Dios, dhoch naiꞌ xi chu aꞌgaꞌ na jax pɨx jich jurtuꞌnkaꞌ dɨɨlh gu Dios, gio nach jɨꞌx pɨx tɨ jɨɨgiꞌñdhaꞌ nar miꞌ puiꞌ.

1 KORIINTO KAM 1:1

Aañ Paablo nañ jir nobiiꞌñ guch Xoiꞌkam, dɨɨlh gu Dios puiꞌ jaꞌk jix aagak pu chuꞌm kɨꞌn jiñ dhai. Mu tu jam uaꞌñxidhaꞌ iñ bɨɨmaꞌn guñ jaduuñ jich Xoiꞌkam bhaan na Soostenes tɨɨꞌ.

1 KORIINTO KAM 12:11

Baꞌ daipuꞌ maaꞌn gux Dhuuduꞌ kam jix Uañ Iiꞌmdaꞌ na tu maak bɨɨx dhiꞌ, gio dɨɨlh ɨp gux Dhuuduꞌ kam jix Uañ Iiꞌmdaꞌ na makiaꞌ jaroiꞌ na ɨlhiiꞌñdhaꞌ guiꞌ na jax chuꞌm bar aꞌmkamuꞌn kaꞌ baꞌ na pu tu duñiaꞌ.

1 KORIINTO KAM 15:10

Guꞌ ji nat guꞌ xiñ joiꞌmdak jiñ chɨɨgɨk dɨɨlh gu Dios pu chuꞌm kɨꞌn jiñ dhai nañ jir nobiiꞌñ kaꞌ guch Xoiꞌkam, puiꞌ nañ jax bar nobiiꞌñ baꞌ pui xib. Baꞌ cham tuꞌr tuꞌ kub buiñor gu Dios nat xiñ joiꞌmdak pu chuꞌm kɨꞌn jiñ dhai, na ñich guꞌ gɇꞌ bhaankam ba tu jua, cham tuꞌ puiꞌ na jax gu jaiꞌ nam jup jir noonbiꞌñ guch Xoiꞌkam. Sia ku guꞌ cham tuꞌ moo aañ dɨɨlh nax bhaaiꞌ nañ tu juan, guꞌ jaꞌpji gu Dios pɨx na xiñ joiꞌmdat jiñ palhbuiꞌñchuꞌ.

1 KORIINTO KAM 3:5

Jax dhui nach jir tujuandam tugiꞌñ pɨx gu Dios gook dɨt gu Apoolos, guiꞌ pɨx much joot nach tu jam aꞌgidhaꞌ na pim baꞌ buiñor tɨ jɨɨꞌñdhaꞌ guch Xoiꞌkam. Puiꞌ ñich pɨx tu duu nat jax xiñ chɨɨꞌn gu Dios nañ tu duñiaꞌ, gio gu Apoolos puiꞌ ɨp.

1 KORIINTO KAM 4:7

Cham jaroiꞌ maadɨt jir dɨɨlh gaꞌn guꞌ gu tuꞌ, gu Dios pɨx tu jam maak bɨɨx na pim jɨꞌk tuꞌ tu biaꞌ. Cham jir am baꞌ na pim dhiꞌ kɨꞌn gɇꞌgɇrkam jum taat kaꞌ, na pim guꞌ cham dɨɨlh jup tu bua.

GALAASIA KAM 1:1

Aañ jir Paablo, jir nobiiꞌñ iñ guch Xoiꞌkam. Dɨɨlh guch Xoiꞌkam bɨɨmaꞌn gu Gɨꞌkorgaꞌn Dios pu chuꞌm kɨꞌn jiñ dhai mɨt, cham tuꞌ na mɨt gu jax chuꞌm jaꞌtkam yaꞌ kam dhi oiꞌñgaꞌn pu chuꞌm kɨꞌn jiñ dhai. Gu Gɨꞌkorgaꞌn guch Xoiꞌkam, dhiꞌ pɨx jañ aagɨt jup kaiꞌch guiꞌ nat janoꞌ miꞌ dhɨr duaꞌñdhak bamiiꞌ koiꞌñgaꞌn tɨr.

EEPESO KAM 1:1

Aañ jir Paablo, jir nobiiꞌñ iñ guch Xoiꞌkam, nat guꞌ gu Dios puiꞌ jaꞌk jix aagak pu chuꞌm kɨꞌn jiñ dhai. Aañ mu tu jam uaꞌñxiꞌñ bhaan dhiꞌñi uꞌuan aapiꞌm na pim miꞌ oiꞌdhaꞌ Eepeso na pim buiñor tɨ jɨɨgiꞌñ guch Xoiꞌkam, na pim guꞌ aapiꞌm Dios bar jaꞌtkam tugiꞌñ.

1 TIMOTEO 2:7

Dhiꞌ pu chuꞌm jañ baꞌ aañ bhaan tu aꞌga, nañ guꞌr nobiiꞌñ guch Xoiꞌkam. Guiꞌñ chia nañ puiꞌ jaꞌk naiꞌ tu ja aꞌgidhaꞌ gu jaꞌtkam guiꞌ nam cham jir Israel kam, puiꞌ ja tɨtdaim iñ nam dai guiꞌ buiñor pɨx jaꞌk bax biiñak kaꞌ. Jir sɨlhkam nañ jir nobiiꞌñ guch Xoiꞌkam, cham tuꞌ nañ puiꞌ pɨx kaiꞌch.

SANTIAGO 1:17

Jax dhui na gu Dios cham tuꞌ aꞌmiram dɨr busaak gu tuꞌ nar jix buam jum duukam, dai ji guiꞌ na jɨꞌk tuꞌr jix kɨɨꞌp jum duukam. Bɨɨx guiꞌ na jɨꞌk tuꞌch aꞌm jimiim nar jix kɨɨꞌp jum duukam, Dios jir jup duniiꞌñ, guiꞌ nax dhaam jup tuꞌiiꞌ nat jaroiꞌp duu dhi chiichiaꞌ na bhaꞌñi jaꞌp daraa jix dhaam gio dhi tanoolh na bɨɨx kap tu toonniꞌñ. Gu Dios gammɨjɨ pur Dios jia, cham paiꞌ dhuuk maakam jup bar tuꞌm, pu maaꞌn na jax pɨx jir tuꞌm na jax bar tuꞌm.