JUAN 3:17 - Tepehuano Tepehuán del Sureste (Durango)

¹⁷ Cham tuꞌ nat jax kaiꞌñkam bha joot gu Dios gu maraaꞌn na yaꞌ ɇɇji ja tulhiiñchudaꞌ gu jaꞌtkam, guꞌ jaꞌpji na yaꞌ tu ja uañdhaꞌ ji gu ja uaꞌtulhdharaꞌ nam baꞌ puꞌñi duuji cham kam tulhiiñaꞌ.

JUAN 3:17 Iomraidhean Croise

MATEO 1:23

Dɨɨlh pɨx ba tɨgiaꞌ gu alhii maaꞌn gu ubii tɨyaa. Emanoil jam baꞌ tɨɨtgɨꞌ. Baꞌ dhiꞌ jaꞌp kaiꞌñkam jup jum kaiꞌch: Jich aꞌm tɨ nɨiꞌñ gu Dios.

MATEO 18:10

’Baꞌ aañ yaꞌ pu jam tɨtdañ jaaduñ na pim cham tuꞌ pɨx ja ɨlhiiꞌñdhaꞌ gu aꞌaalh jaꞌp na jax dhiꞌñi nañ yaꞌ daaꞌ, ni jax chuꞌm dho moo, nam guꞌ dhiꞌ ja aꞌm tɨ nɨidhat jup tuꞌiiꞌ jia gu noonbiꞌñ guñ Gɨꞌkoraꞌ guiꞌ nam jix dhaam jup tuꞌiiꞌ buiñor.

MATEO 18:11

Nat guꞌ aañ pu kaiꞌñkam bhañ joot jia guñ Gɨꞌkoraꞌ yaꞌ dhi oiꞌñgaꞌn bhaan nañ yaꞌ ja palhbuidhaꞌ nañ ja boosgaꞌ guiꞌ nam jɨꞌk mu jaꞌk bhɨichuꞌ nam paiꞌ gammɨjɨ miꞌ pup jum tulhiiñdhaꞌ.

LUUKAS 19:10

Dhiꞌ jɨꞌ ji na ñich bha ja gaagam na mɨt jumai boi bhaan bhɨi na paiꞌ maiꞌx chɨ gɨɨxiꞌ, aañ na ñich bhaankam bha jii gu Dios. Baꞌ guiꞌ nañ jɨꞌk ja tɨɨgim, gio miꞌp ja tuttuim iñ bhaan gu boi na paiꞌ cham maiꞌ ka tɨ gɨɨxiꞌ.

LUUKAS 9:56

Jax dhui na guꞌ aañ na ñich bhaankam bha jii gu Dios yaꞌ dhi oiꞌñgaꞌn, cham tuꞌ nañ yaꞌ ja tulhiiñchudaꞌ gu jaꞌtkam, guꞌ jaꞌpji nañ jaꞌkbuiꞌ kat ja aagiꞌñdhaꞌ nam jax jaꞌk duñiaꞌ nam baꞌ cham jum tulhiiñaꞌ. Baꞌ miꞌ dhɨr pu maakam jaꞌk bhɨi mɨt na puiꞌ jɨꞌdɨlh jup jir kikcham nam baꞌ miꞌ xi chɨbiapuidhat.

JUAN 1:29

Baꞌ buimgidhak miꞌ ba ai gu Jesuus na paiꞌ ja bopkon suudaiꞌ kɨꞌn gu jaꞌtkam gu Juan. Baꞌ nat ba tɨɨ gu Juan na muiꞌ ba jim gu Jesuus, jup ja tɨtda gu jaꞌtkam: ―Dhiꞌñir diꞌ na muni dhɨr bhaiꞌ ba jim guiꞌ nat Dios bha joot nach aꞌmkam mukiaꞌ bɨɨx na jɨꞌk jaꞌtkam yaꞌ dhi oiꞌñgaꞌn, na baꞌ puꞌñi dhuuji tu namkix kaꞌ guch uaꞌtulhdharaꞌ. Dhiꞌ puiꞌ ji buusan na jax maaꞌn gux kɨɨꞌ kasnir, na guꞌm makgartaꞌ gatuuk.

JUAN 10:36

Guꞌ baꞌ aañ puꞌñi ɨp xib, miꞌ puiꞌ xi chu duñiim iñ nat jɨꞌk jax jiñ chɨɨdak bhañ joot guñ Gɨꞌkoraꞌ yaꞌ dhi oiꞌñgaꞌn bhaan. Guꞌ ji na pim guꞌ aapiꞌm yaꞌ puiꞌñ chɨtda nañ gɇꞌkam kɨꞌn jiñ uaꞌtulhiꞌñ buiñor nañ puiꞌ xi jam tɨtda nañ guiꞌr maraaꞌn nat bhañ joot.

JUAN 11:42

Nañ guꞌ aañ jix maat nap gammɨjɨñ kɇɇkɇꞌñ Gɨꞌkoraꞌ sia nar paiꞌ dhuuk, nañ guꞌ aañ jum aꞌmkam pɨx ya jaꞌp oirɨ. Baꞌ xib jiñ aꞌm jum aaꞌ nañ jix bhaiꞌm duukam jup tu duñiaꞌ ja nɨiꞌñchudat dhi jaꞌtkam nam kapbhaiꞌ muiꞌ yaꞌp tuꞌiiꞌ, nam baꞌ machiaꞌ na pich aap bhañ joot yaꞌ dhi oiꞌñgaꞌn.

JUAN 17:18

Baꞌ dhiꞌ nam jɨꞌk bañ kaichuꞌ, naiꞌ ja joot jañich nam tu ja aꞌgiꞌñpuꞌ gu jaiꞌ jaꞌtkam nam chakui tɨ jɨɨgiꞌñ aañ jiñ bui. Jaꞌp na jax aañ na pich bhañ joot nañ yaꞌ tu ja aꞌgidhaꞌ gu jaꞌtkam dhi oiꞌñgaꞌn bhaan, puꞌñiñ jaꞌk jup ja tɨtda dhiñ jaaduñ.

JUAN 17:21

Aap baꞌ puiꞌ xi ja nɨidhat ja nuukdaidhaꞌñ Gɨꞌkoraꞌ nam baꞌx bhaiꞌ kaiꞌchɨt bɨɨx dhɨt maaꞌn ñiꞌook jup duukaꞌ nam jɨꞌk ba tɨ jɨɨgiꞌñdhaꞌch bui, jaꞌp na jax aach nach maaꞌn iiꞌmdaꞌp duukat maaꞌn ñiꞌook pɨx jup duuk, nam baꞌ puꞌñi duuji bhaiꞌ ji machiaꞌ gu jaiꞌ jaꞌtkam nam cham tɨ jɨɨgiꞌñ na pich sɨlhkam aap bhañ joot nañ ya jaꞌp puiꞌ tu ja aꞌgidhaꞌ gum ñiꞌook, gam nam ba machiaꞌ ɨp nap aap jiñ buip tuiꞌdhiꞌ, gio aañ yaꞌ dɨr mu jaꞌk jum buip tuiꞌdhiꞌ ɨp.

JUAN 17:23

Baꞌ puiꞌ tɨi ɨlhiiꞌñ iñ jiñ Gɨꞌkoraꞌ nañ gammɨjɨ ja buip tuiꞌñgɨdaꞌ gu ja iꞌiiꞌmdaꞌ bhaan, jaꞌp na jax aap nap jiñ buip tuiꞌdhiꞌ, nam baꞌx jɨjɨkgɨm jup tuꞌt maaꞌn iiꞌmdaꞌp duukaꞌ jaꞌp tuꞌ sɨlhkam, nam baꞌ bhaiꞌ ji machiaꞌ dho gi ji baꞌ guiꞌ nam cham tɨ jɨɨgiꞌñ na pich aap bhañ joot yaꞌ dhi oiꞌñgaꞌn nañ puiꞌ tu ja aꞌgidhaꞌ nap jaꞌxbuiꞌp jix ja joiꞌgɨꞌn guiꞌ nam jɨꞌk ba tɨ jɨɨgiꞌñ jiñ bui nap jax xiñ joiꞌgɨꞌn aañ.

JUAN 17:25

Baꞌ guiꞌ nam jɨꞌk cham tɨ jɨɨgiꞌñ na pich aap bhañ joot, pu cham dhom maat am jiñ Gɨꞌkoraꞌ, nam guꞌ cham jɨꞌxdhaꞌm tɨgiaꞌ gu maaxik, nap guꞌ giilhim jix uañ kɨꞌn kɨɨk. Dai guiꞌ nam jɨꞌk ba tɨ jɨɨgiꞌñ na pich aap bhañ joot nam baꞌ xim maat, jaꞌp na jax aañ nañ jix bhaiꞌ xim maat jiñ Gɨꞌkoraꞌ.

JUAN 17:3

ku guꞌ noꞌ mɨt bam maat jiñ Gɨꞌkoraꞌ nap dai aap jir gɇꞌkam na jɨꞌx oiꞌñgaꞌn, gio aañ noꞌ mɨt bañ maat nañ jir tuꞌp tuꞌm daꞌ na pich bhañ joot nañ mu ja baidhikaꞌ.

JUAN 17:8

Nañ guꞌ ja aagiꞌñ bɨɨx na pich jɨꞌk jax jiñ chɨɨdak bhañ joot, baꞌ ba tɨ jɨɨgiꞌñ am bɨɨx ja jujur kɨꞌn nañ aañ sɨlhkam bhammɨ dɨr jim aap jum bui na pich bhañ joot, gio nam miꞌ puiꞌ ba jiim na pich jɨꞌk jax jiñ chia nañ tu ja aꞌgidhaꞌ.

JUAN 20:21

Baꞌp ja tɨtda ɨp gio gu Jesuus: ―Jix bhaiꞌ pim jum taat kaꞌ na ñich yaꞌ ba ai. Aañ bhaiꞌ pɨx puiꞌ jam tɨɨdam na pim jix bhaiꞌm ɨlhdhai naiꞌ xi jimiaꞌ bɨɨx kap na pim tu ja aꞌgiꞌñpuꞌ gu jaꞌtkam. Jaꞌp na jax aañ na ñich bha jii yaꞌ dhi oiꞌñgaꞌn na ñich bha tu jam aꞌgidham nat paiꞌ dhuuk bhañ joot guñ Gɨꞌkoraꞌ, puiꞌ kuñ baꞌ aañ yaꞌ dɨr jup jam jootos aapiꞌm.

JUAN 3:34

Nat guꞌ pu kaiꞌñkam bha joot gu Dios maakak gux Dhuuduꞌ kam jix Uañ Iiꞌmdaꞌ gɇꞌ cham daaxix kam, na baꞌ yaꞌ bhaankamuꞌn tu aꞌgaꞌ.

JUAN 5:36

Ku guꞌ cham tuꞌ ji na dai dhiꞌ bhaan jix maatɨꞌ na jax tu aꞌgimɨk gu Juan, matgam japim ji ba nɨiꞌñ ji nañ jup tu bua na tuꞌr jix bhaiꞌm duukam nat jax jiñ chɨɨdak bhañ joot guñ Gɨꞌkoraꞌ. ¿Cham aa dhiꞌ sɨlhkam kat bap jum kaiꞌch?

JUAN 5:38

Dai gu uꞌuan taꞌm na bhaan jim uaꞌrgidhat tɨi jam aagiꞌñ na pim jax jaꞌk tuiꞌñgɨdaꞌ. Guꞌ ji na pim guꞌ aapiꞌm jaꞌp xi dhuukat gu ñioꞌkiꞌñ na pim guꞌ cham bɨɨx jam jujur kɨꞌn tɨ jɨɨgiꞌñ buiñor. Jaꞌpni dhuukat japim baꞌ puiꞌ cham jup tɨ jɨɨgiꞌñ nat guiꞌ bhañ joot,

JUAN 5:45

Ku baꞌ guꞌ kam aayaꞌ ji na paiꞌ dhuuk jam tulhiiñchudaꞌ guñ Gɨꞌkoraꞌ, na guꞌ ka matgilhiaꞌ na pim cham tuꞌ kaꞌm nɨiꞌñ, na guꞌ ka aagiꞌñdhaꞌ gu Moisees na pim cham tuꞌ miꞌ puiꞌ jiimchuꞌ nat jax tu uaꞌnak. Sia kuñ guꞌ aañ tɨi cham aagiꞌñ, guiꞌ dho gi guꞌx bhaiꞌ aagiꞌñdhaꞌ ji. Gu xib puiꞌm aaꞌ pim na pim panaas miꞌ puiꞌ tu daaꞌñchuꞌ nat jax tu uaꞌnak. Chaam tuꞌr puiꞌ ji matgam.

JUAN 6:29

Baꞌp ja tɨtda gu Jesuus: ―Dho dai na pim bɨɨx jam jujur kɨꞌn tɨ jɨɨgiꞌñdhaꞌ aañ jiñ bui nar sɨlhkam nat guiꞌ bhañ joot.

JUAN 6:38

Na ñich guꞌ aañ cham tuꞌ jax kaiꞌñkam bha jii bhammɨ dɨr jix dhaam nañ yaꞌ ɇɇji bɨɨx aixim ba ji chu buimiaꞌ nañ jax ɨlhiiꞌñ dɨɨlh, guꞌ jaꞌpji nat jax pɨx jiñ chɨɨꞌn ji guiꞌ nat bhañ joot.

JUAN 6:40

Gio baꞌ jaꞌpni jaꞌk moop jix aaꞌ guñ Gɨꞌkoraꞌ nat bhañ joot, na bɨɨx guiꞌ nam jɨꞌk jix maatɨt jiñ kɇɇ, noꞌ mɨt ba tɨ jɨɨꞌñ nar sɨlhkam nañ jax tu aꞌgadaꞌ, gammɨjɨ ja aꞌm ba tɨ nɨidhidhaꞌ. Aañ baꞌ ja baidhikaꞌx dhaam jaꞌk na paiꞌ dhuuk tum kuugalhdhaꞌ yaꞌ dhi oiꞌñgaꞌn.

JUAN 6:57

Baꞌ puiꞌ na jax guñ Gɨꞌkoraꞌ na cham tu mumkɨ, aañ puiꞌ cham jup tu mumkɨ, nañ guꞌ bhammɨ dɨr jim jia. Baꞌ gu jaroiꞌ noꞌt ba tu juu dhiñ chuukuꞌ gio noꞌt ba tu ii guñ ɨꞌɨɨr nañ jax ba kaiꞌch, cham ka tu mumkɨdaꞌ ɨp gu iiꞌmdagaram bhaan.

JUAN 7:29

Dai aañ na ñich bhammɨ dɨr bha jii na paiꞌp tuꞌiiꞌ nat bhañ joot nañ baꞌx maat.

JUAN 8:11

Baꞌp kaiꞌch gu ubii: ―Cham dho chi jia. Baꞌp tɨtda gu Jesuus: ―Dho aañ ba puiꞌ ɨp, cham biaꞌ iñ nañ jax jum tɨɨdaꞌ. Ba jimiaꞌ ap, dai nap cham kam uaꞌtulhiꞌñdhaꞌ.

JUAN 8:42

Baꞌp ja tɨtda gu Jesuus: ―Matgam noꞌ Dios jir jam taat kaꞌ gɨt, xiñ kɨɨgalhiꞌñdhaꞌ pim gɨt ji, na ñich guꞌ aañ bhammɨ dɨr bha jii na paiꞌp tuꞌiiꞌ. Cham tuꞌ nañ dɨɨlh pɨx ya jaꞌp jimdat puiꞌ ba tu jam aꞌgidhim, guꞌ jaꞌpji gu Dios nat bhañ joot.

1 JUAN 2:2

nat jaroiꞌ jich aꞌmkam jum makgɨrta bo janoꞌ bhaan gu kuruus na baꞌ puꞌñi dhuuji tu namkix kaꞌ bɨɨx nach jɨꞌx jix uaꞌtulhdhix. Ku guꞌ cham tuꞌ ji na dai nach jɨꞌk jir yaꞌ kam dhi Israel nat tuch ñamkix, jaꞌpji dappaam ji na jɨꞌx oiꞌñgaꞌn kam gu jaꞌtkam.

1 JUAN 4:14

Bax maat ich ɨp nat guch Gɨꞌkoraꞌ bha joot gu dai maaꞌn Maraaꞌn yaꞌ dhi oiꞌñgaꞌn na baꞌ yaꞌch palhbuidhaꞌ bɨɨx nach jɨꞌk jaꞌtkam nach baꞌ cham kach chulhiiñaꞌ gatuuk. Dhiꞌ bɨɨx puꞌñi jaꞌk jich mattuꞌn gux Dhuuduꞌ kam jix Uañ Iiꞌmdaꞌ.