JUAN 3:16 - Tepehuano Tepehuán del Sureste (Durango)

¹⁶ Na guꞌ giilhim tɨix ja joiꞌgɨꞌn gu Dios bɨɨx na jɨꞌk gu jaꞌtkam, puiꞌ kut baꞌ bha joot gu dai maaꞌn maraaꞌn yaꞌ dhi oiꞌñgaꞌn, na sap baꞌ bɨɨx guiꞌ nam jɨꞌk tɨ jɨɨꞌñdhaꞌ buiñor, cham tuꞌ kam tulhiiñaꞌ am, dai nam ba jimiaꞌ jix dhaam jaꞌk.

JUAN 3:16 Iomraidhean Croise

MATEO 9:13

Pu kagɨt na pim moo mu paiꞌ jimɨi xi chu jiñkuidhaꞌ miꞌ na paiꞌ tu uaꞌñix, miꞌ dhɨr japim baꞌ xim gaꞌngadaꞌ na jax kaiꞌñkam puiꞌm kaiꞌch miꞌ na paiꞌ jaꞌpni tu uaꞌñix: “Guꞌ aañ nañ jix aaꞌ ji na pim jix chu joiꞌgɨꞌndaꞌ, cham tuꞌ na dai na pim tuñ makgɨrxiꞌñdhaꞌ gu sasoiꞌ.” Baꞌ aañ na ñich bha jii yaꞌ dhi oiꞌñgaꞌn bhaan, cham tuꞌ pu kaiꞌñkam bha jii ñich nañ baꞌ ja baidhikaꞌ guiꞌ nam puiꞌm aaꞌ nam tuꞌ kaꞌm tɨ nɨiꞌñ, guꞌ guiꞌ ji nam jix uꞌuaꞌtulhdhix na ñich bha ja baidham.

MAARKOS 12:6

’Baꞌ mɨkkat na cham jaroiꞌ ka jaiꞌch na mu jootsaꞌ, dai gu maraaꞌn pɨx ba bii guiꞌ nax ioꞌm jix dhaꞌdaꞌ, puiꞌ muiꞌp ma joot jup xi chɨꞌɨɨk: “Dhiꞌ dho gi guꞌ jɨɨꞌñdhaꞌ am ji, nam guꞌx maat na aañ jir jiñ mar.”

LUUKAS 2:14

¡Aach jix bhaiꞌch chaatɨt gɇꞌkamtuꞌn gu Dios nach jɨꞌk miaꞌn jup tuꞌiiꞌ buiñor! Nat guꞌx joiꞌmdak jix bhaiꞌ ba ja duu gu jaꞌtkam yaꞌ kam dhi oiꞌñgaꞌn, dai baꞌ na ja aꞌm ba tɨ nɨidhidhaꞌ guiꞌ nam jɨꞌk miꞌ puiꞌ jiimdaꞌ na jax jix aaꞌ.

JUAN 1:14

Na guꞌ maaxik yaꞌ xi oilhimɨk guiꞌ na joidham gɇꞌ tanoor maaꞌnkam jup jum duuk. Jir diꞌ pɨx gu jumai na jaꞌxbuiꞌp jir gɇꞌkam na guch Gɨꞌkoraꞌ. Aach jaiꞌ dhɨt jix bhaiꞌx maat, nach guꞌ bɨɨmaꞌn oipimɨk na jɨꞌx juugɨt yaꞌ oilhimɨk. Jix bhaiꞌ tɨɨgɨk jachich na cham tuꞌr jaꞌppɨx maaꞌnkam, nat guꞌ cham jɨꞌxkat iatdaꞌ tu aꞌgimɨk, dai na joidham jix chu joiꞌgɨꞌndaꞌ pɨx.

JUAN 1:18

Noꞌ chakui jich aagiꞌñdhaꞌ gɨt, pu chakui machiaꞌ ich gɨt. Guꞌ ji nat guꞌ siamri xich joiꞌndak bhaiꞌ xich guguuxdharak, sia ku jaꞌxbuiꞌp jir gɇꞌkam na guch Gɨꞌkoraꞌ, na guꞌ dɨɨlh gu Dios cham jɨꞌxkat yaꞌ paiꞌm maaxdhaꞌ maaxik nach gɨt iam jup ba machiaꞌ na jax jir tuꞌm kam.

JUAN 1:29

Baꞌ buimgidhak miꞌ ba ai gu Jesuus na paiꞌ ja bopkon suudaiꞌ kɨꞌn gu jaꞌtkam gu Juan. Baꞌ nat ba tɨɨ gu Juan na muiꞌ ba jim gu Jesuus, jup ja tɨtda gu jaꞌtkam: ―Dhiꞌñir diꞌ na muni dhɨr bhaiꞌ ba jim guiꞌ nat Dios bha joot nach aꞌmkam mukiaꞌ bɨɨx na jɨꞌk jaꞌtkam yaꞌ dhi oiꞌñgaꞌn, na baꞌ puꞌñi dhuuji tu namkix kaꞌ guch uaꞌtulhdharaꞌ. Dhiꞌ puiꞌ ji buusan na jax maaꞌn gux kɨɨꞌ kasnir, na guꞌm makgartaꞌ gatuuk.

JUAN 10:28

Aañ baꞌ miꞌ dhɨr xi ja aaꞌñdhai xi ja guguuxdhaꞌ nam miꞌ puiꞌ ba jimiaꞌ na jax jaꞌk jix aaꞌ guñ Gɨꞌkoraꞌ na baꞌ ja aꞌm ba tɨ nɨidhidhaꞌ, na baꞌ cham ka ja tulhiiñchudaꞌ gatuuk. Baꞌ cham jɨꞌxdhaꞌ jaroiꞌ kañ ɨɨxdhaꞌ sia tɨi ɨlhiiꞌñdhaꞌ gɨt.

JUAN 3:15

Na baꞌ guiꞌ nam jɨꞌk tɨ jɨɨgiꞌñdhaꞌ aañ jiñ bui gammɨjɨ ja aꞌm ba tɨ nɨidhidhaꞌ guñ Gɨꞌkoraꞌ, nam baꞌ cham kam tulhiiñaꞌ, dai nam ba jimiaꞌ jix dhaam jaꞌk.

JUAN 3:18

Na baꞌ gu jaroiꞌ noꞌt ba tɨ jɨɨꞌn puꞌñi buiñor gu Maraaꞌn, cham tuꞌ ka tulhiiñchudaꞌ guch Gɨꞌkoraꞌ. Guꞌ ji noꞌt guꞌ jax dhuuk cham tɨ jɨɨꞌñ buiñor, dho gi guꞌ pɨx am tɨꞌñchokaꞌ ji na tulhiiñchudaꞌ.

JUAN 3:36

Baꞌ gu jaroiꞌ na tɨ jɨɨꞌñdhaꞌ buiñor gu Maraaꞌn gu Dios, pu baidhikaꞌ jix dhaam jaꞌk na paiꞌp tuꞌiiꞌ. Dai gu jaroiꞌ noꞌ cham tɨ jɨɨgiꞌñ buiñor dho gi guꞌ cham tuꞌ baidhikaꞌ ji, dai na pɨx am tɨꞌñchokaꞌ na tulhiiñchudaꞌ.

JUAN 6:40

Gio baꞌ jaꞌpni jaꞌk moop jix aaꞌ guñ Gɨꞌkoraꞌ nat bhañ joot, na bɨɨx guiꞌ nam jɨꞌk jix maatɨt jiñ kɇɇ, noꞌ mɨt ba tɨ jɨɨꞌñ nar sɨlhkam nañ jax tu aꞌgadaꞌ, gammɨjɨ ja aꞌm ba tɨ nɨidhidhaꞌ. Aañ baꞌ ja baidhikaꞌx dhaam jaꞌk na paiꞌ dhuuk tum kuugalhdhaꞌ yaꞌ dhi oiꞌñgaꞌn.

ROOMA KAM 5:10

Baꞌ nat guꞌ dɨɨlh gu Dios puiꞌ tu duu, nat guꞌch aꞌmkam muu gu Maraaꞌn nach aach buiñor jix bhaiꞌ biꞌyaꞌ, sia kuch jir kɨꞌdargaꞌn kat nach jix uꞌuaꞌtulhdhix, dhiꞌ bhaan jix maatɨꞌ na pu cham paiꞌ dhuuk jup kach chulhiiñchudaꞌ sia pɨk nar jax kaꞌ gɨt, dai nach gammɨjɨ pu buiñor bap tuiꞌkaꞌ baꞌ.

ROOMA KAM 5:8

Guꞌ matgɨm gu Dios jaꞌpji nat xich joiꞌmdak jich chɨɨ sia kuch giilhim kax uꞌuaꞌtulhdhix. Tɨɨꞌ nat mooch aꞌmkam muu guch Xoiꞌkam sia pu chuꞌm jix uꞌuaꞌtulhdhix kam.

ROOMA KAM 8:32

Nat guꞌ gu Dios cham tuꞌ xich dhaiꞌ gu Maraaꞌn, guꞌ jaꞌpji nat cham jax ji chɨꞌɨɨk tu maa nat baꞌ yaꞌch aꞌmkam muu na baꞌ miꞌ dhɨr jix bhaiꞌ ba tuch jimdaꞌ puꞌñi. Guꞌ baꞌ nat cham jich dhaiꞌ gu Maraaꞌn, dhiꞌ bhaan jix maatɨꞌ ɨp na bɨxchuꞌch aꞌm jup tu tuꞌiiꞌ bɨɨmaꞌn gu Maraaꞌn.

EEPESO KAM 2:4

Guꞌ ji na guꞌ joidham jir jix chu joiꞌgɨꞌn gu Dios, gɇꞌkam kɨꞌn xich joiꞌmdak jich chɨɨ baꞌ aach.

2 TESALOONIKA KAM 2:16

Baꞌ gu Gɇꞌkam jich Xoiꞌkam bɨɨmaꞌn gu Dios jich Gɨꞌkoraꞌ nat xich joiꞌmdak jich bai nach buiñor bap tuiꞌñgɨdaꞌ, gam nat bach aaꞌñ nach gammɨjɨ cham tuꞌ bhaan jax jich aagɨt dai guiꞌ buiñor tɨ jɨɨꞌñdhat jix biiñak kaꞌ,

TIITO 3:4

Baꞌ aach na chich jɨꞌk buiñor soiꞌch ɨlh, gu Dios xich joiꞌmdak jich chɨɨgɨk jich boosolh miꞌ dhɨr bhaan gu boi nach paiꞌ bhaan mu jaꞌk ka jiimɨt nach paiꞌ gammɨjɨ gɨt miꞌ pup jich chulhiiñdhaꞌ.

ISRAEL KAM 2:9

Puiꞌ kut baꞌ bha joot gu Maraaꞌn jich Xoiꞌkam na yaꞌch aꞌmkam mukiaꞌ na baꞌ puꞌñi duuji tu namkix kaꞌ nach baꞌ cham ka uꞌuaꞌtulhdhix kaꞌ, nat guꞌ gɇꞌkam kɨꞌn xich joiꞌgɨlh gu Dios. Saak baꞌ nat yaꞌ dɨr bhammɨ ai jix dhaam, pu gɇꞌkam kɨꞌn dai guch Gɨꞌkoraꞌ, nat guꞌ puiꞌ tu kuugalh nat jɨꞌk jax tɨɨdak bha joot. Sia ku guꞌ na jax yaꞌ xi oilhimɨk, jir jaꞌppɨx maaꞌnkam kat na jax aach, ni ku cham paiꞌr gɇꞌkam kat yaꞌ dhi oiꞌñgaꞌn, xib guꞌx ioꞌm ji na gɇꞌkam kɨꞌn ba daa.

1 JUAN 3:1

Dho jaiñ na jax pɨk jir jix bhaiꞌkam gu Dios, bɨɨx puiꞌch biaꞌ nach sap bar maamraꞌn, na guꞌ joidham xich joiꞌgɨꞌn. Maaxik dho sɨlhkam bar maamraꞌn ich, nach guꞌ ba tɨ jɨɨgiꞌñ buiñor gu Maraaꞌn jich Xoiꞌkam. Guꞌ baꞌ guiꞌ nam jɨꞌk cham tɨ jɨɨgiꞌñ buiñor, pu cham maat am nach jir tuꞌp tuꞌm daꞌ, nach jax kaiꞌñkam baꞌ puiꞌ bach chɨɨtɨꞌ nach bar maamraꞌn gu Dios, nam guꞌ cham tɨ jɨɨꞌñdhat buiñor xim gaꞌnga bɨɨx ja jujur kɨꞌn nam iam ba machiaꞌ gɨt na jax jir tuꞌm kam gu Dios nach jaroiꞌ buiñor bap tuꞌiiꞌ.

1 JUAN 4:19

Aach tuꞌ kaꞌm nɨidhat miꞌ puiꞌ ba jiim ji baꞌ xib na jax jix aaꞌ gu Dios, nat guꞌ guiꞌ bɨɨpɨꞌ dɨr xich joiꞌgɨlh ampɨk nach baꞌ aach tuꞌ kaꞌm jup ba nɨiꞌñdhaꞌ, cham tuꞌ nat gatuuk xich joiꞌgɨlh nach aach pu tuꞌ kaꞌm ba nɨiꞌñ.

NAT JAX TƗ TƗƗ GU JUAN 1:5

gio baꞌ gu Jesuus jich Xoiꞌkam ɨp guiꞌ nat duadɨk giop bam mu dɨr koiꞌñgaꞌn tɨr, na xib jix ioꞌm gɇꞌkam kɨꞌn ba daa ja bui bɨɨx gu gɇꞌgɇrkam yaꞌ dhi oiꞌñgaꞌn. Guch Xoiꞌkam gɇꞌkam kɨꞌn xich joiꞌgɨꞌn jia, puiꞌ kut baꞌ bha jimɨɨk tuch ñamkix guch uaꞌtulhdharaꞌ kɨꞌn gu ɨꞌraꞌn nat jaax kuruus taꞌm, na baꞌ puꞌñi duuji tuch uañdhaꞌ gu Dios.