JUAN 3:10 - Tepehuano Tepehuán del Sureste (Durango)

¹⁰ Baꞌ gu Jesuus jup tɨtda: ―¿Gi jax jum duu pich jiñ jaduuñ? Nap saak aap maadɨt jir diꞌ gu ja gɇꞌgɇrkam tuk gu jaꞌtkam yaꞌ dhi Israel, na baꞌ puiꞌ ni jɨꞌx kup jix maatɨt jiñ kɇɇ nañ jax kaiꞌñkam jup jum tɨtda.

JUAN 3:10 Iomraidhean Croise

MATEO 11:25

Baꞌ miꞌ puiꞌ xi kaiꞌchimɨk gu Jesuus, bhaiꞌ ji chu daanɨ jix dhaam jaꞌk, jup kaiꞌch: ―Taxchaab baꞌñ Gɨꞌkoraꞌ nap jir Gɇꞌkam jix dhaam gio yaꞌ dhi oiꞌñgaꞌn bhaan, na pich guꞌ ba ja mattuda gu jaꞌtkam guiꞌ nam cham gɇꞌgɇrkam jum ɨlhiiꞌñ na tuꞌr jix bhaiꞌm duukam. Jaꞌp xi ja duuk japich guiꞌ nam puiꞌm aaꞌ nam panaas jix ioꞌm jix maat gum ñiꞌook, na guꞌ dai nam bhaan pɨx gɇꞌgɇrkam jum ɨlhiiꞌñ.

MATEO 15:14

Chaꞌpim jax jum aagɨt ja nɨiꞌñdhaꞌ dhiꞌ dhi jaꞌtkam, nam guꞌ dhiꞌ jaꞌp pɨx ji buan na jax gu cham ñiññia kam nam ja baiꞌñchuꞌ gu jaiꞌ cham ñiññia kam. Baꞌ gu jax chuꞌm cham ñia kam noꞌ tɨi baiꞌñchuꞌ gu jumai cham ñia kam, maap jam dho miꞌ paiꞌ suulhgiaꞌ jax chuꞌm tɨ dɨꞌn kɨr.

MATEO 22:29

Baꞌp ja tɨtda gu Jesuus: ―Dho jax dhui na pim guꞌ cham maat gu puiꞌ na jax tu uaꞌñix gu ñioꞌkiꞌñ gu Dios, ni na pim jix maat na jax jir gɇꞌkam na pu tu duñiaꞌ na jax ɨlhiiꞌñdhaꞌ.

LUUKAS 2:46

Nammɨ baik tanoolh kɨꞌn baꞌ ka tɨɨ mɨt bhaiꞌ gɇꞌ chiop na ja saagiꞌñ daa guiꞌ nam sap jix mat kaꞌ gu ñioꞌkiꞌñ gu Dios, ja kɇɇ nam aagiꞌñ gu ñioꞌkiꞌñ gu Dios na bha ja tɨkka.

LUUKAS 5:17

Baꞌ jɨꞌk jurniꞌñ kɨꞌn maakam jaꞌk jup ba tu ja aꞌgiꞌñ gu Jesuus gu jaꞌtkam. Muiꞌ miꞌp tuꞌiiꞌ am guiꞌ nam sap jix mat kaꞌ gu ñioꞌkiꞌñ gu Dios gio guiꞌ nam pariseos jum tɨɨtɨꞌndaꞌ, muiꞌ kap dɨr mi ai mɨt guꞌ gu jaꞌtkam na jɨꞌx jir Galilea gio na jɨꞌx jir Judea dɨr, sia Jerusaleen dɨr jamɨt miꞌp xi ai. Baꞌ gu Jesuus jix maatɨꞌ kaꞌ na bɨɨx aixim jix bhaaiꞌn kaꞌ na pu tu duñiaꞌ na jax ɨlhiiꞌñdhaꞌ, na guꞌ ja duduadhiꞌñdhaꞌ gux kakoꞌkkam.

JUAN 3:9

Baꞌ gio bhaiꞌp ji ñio gu Nikodeemo, jup kaiꞌch: ―Chaam ji nañ maatɨt jum kɇɇ ni jɨꞌx na jax jir jum duukam nap jax kaiꞌch jiñ jaduuñ.

GU NOONBIꞌÑ GUCH XOIꞌKAM 5:34

Guꞌ ji na guꞌ moo ampɨk miꞌp tuꞌiiꞌ ja bui maaꞌn gu pariseo, Gamalial tɨɨgim, na sap jix mat kaꞌ gu ñioꞌkiꞌñ gu Dios, gio nam bɨɨx pɨx tuꞌ kaꞌm nɨiꞌñdhaꞌ gu jaꞌtkam. Baꞌ dhiꞌ jɨꞌ dhi Gamalial jotmodaꞌ nat jax kɨkbo xi chu chia nam alhio miꞌ dhɨr ka xi ja bubuaxdhaꞌ gu noonbiꞌñ guch Xoiꞌkam.

ROOMA KAM 2:28

Na guꞌ guiꞌ nam puiꞌm tɨɨtɨꞌndaꞌ nam jir Israel kam, cham tuꞌ dai daam dɨr pɨx nam puiꞌm tɨɨtɨꞌndaꞌ. Gio guiꞌ nam jum matgilhiꞌñdhaꞌ, cham tuꞌ dai daam dɨr pɨx ɨp nam jum matgilhiꞌñdhaꞌ na baꞌ puiꞌ bam kaiꞌchdhaꞌ nam ba matgilhdhix.

PILIIPOS KAM 3:3

Jax dhui na guꞌ guiꞌ nam sɨlhkam matgilhdhix kaꞌ nam jir Israel kam jaꞌtkam, jum aaꞌ nam puiꞌ jaꞌk tu jimdaꞌ na jax aach nach tu daan buiñor gu Dios, puiꞌ na jax pɨx jich jurtuꞌn gux Dhuuduꞌ kam jix Uañ Iiꞌmdaꞌ, jix bhaiꞌch chaat ich baꞌ nach buiñor tɨ jɨɨgiꞌñ guch Xoiꞌkam. Dhiꞌ bhaan tu daaꞌñchuꞌ ich aach, cham tuꞌ gu tuꞌ na daam dɨr jich chutkuꞌ bhaan jix maax kaꞌ.

KOLOOSAS KAM 2:11

Gu Israel kam jaꞌtkam jum matgilhiꞌñ am na baꞌ dhiꞌ bhaan bax maatɨꞌ kaꞌ nam dhiꞌr diꞌ gu jaꞌtkam tugiꞌñ gu Dios. Baꞌ aapiꞌm sia ku pimɨt cham puiꞌ jaꞌk duu, na pimɨt buiñor tɨ jɨɨꞌñ guch Xoiꞌkam, gu Dios puiꞌ jaꞌk ba jam duu na pim puiꞌp bar jaꞌtkam tugiꞌñ kaꞌ jaꞌp na jax gu Israel kam jaꞌtkam. Mɨk baꞌ jam buiꞌñchulh na pim baꞌ cham uaꞌtulhdharaꞌ bhaan ka tɨtɨɨꞌñchokaꞌ, baꞌ dhiꞌ puꞌñi jaꞌk jaꞌp ji buus na pimɨt jum matgilh jaꞌp na jax gu Israel kam jaꞌtkam na pim baꞌ bar jaꞌtkam tugiꞌñ gu Dios.