JUAN 21:3 - Tepehuano Tepehuán del Sureste (Durango)

³ Baꞌ maaꞌnnim jup ja tɨtda gu Simoon Peegro gu jaiꞌ: ―Aañ chi moo xib tu bhiaꞌ gu boptop. Baꞌ guiꞌp kaiꞌch am ɨp: ―Aa dho aach bɨɨx jum oidhaꞌ. Aach puiꞌp jix chu bhiak ji chɨi. Baꞌ miꞌ pu bhɨi mɨt na mɨt ba tu bhiam, dai na mɨt jax bha tɨɨtɨs kanuub taꞌm. Bɨx chukaaꞌm mu jaꞌp tɨi buppaim gu gɇꞌ asaak suudaiꞌ chɨr nam jaꞌp jum aaꞌ nam joidham pɨx miꞌ jim gaamuꞌ gɨt gu boptop. Guꞌ ji na guꞌ pu nim maaꞌn kut mim gaam, puiꞌ mɨt dho pu cham maaꞌn bhia gu bɨx chukaaꞌ nam mu jaꞌp tɨi chu bhibhiijimɨk.

JUAN 21:3 Iomraidhean Croise

LUUKAS 5:5

Baꞌp kaiꞌch gu Simoon Peegro: ―Jax dhui nam cham jaiꞌch gu boptop ya jaꞌp jiñ jaduuñ. Aach bɨx chukaaꞌ ya jaꞌp tɨi pu ja iabuim dhi gɇꞌgɇr aꞌsak, nim maaꞌn ku chich bhia. Kaꞌ baꞌ nap guꞌ aap puiꞌ ba kaiꞌch jiñ jaduuñ, ea nach mu ja iabupuꞌ dhich aꞌsak.

JUAN 21:4

Baꞌ nammɨ nax dhaꞌnpam bhaiꞌ ba tu maaxilhim, baasɨꞌn dɨr jaꞌp pɨx ba kɨɨk gu Jesuus juꞌñdharan gu suudaiꞌ, ku guꞌ guiꞌ nam kaichuꞌ pu cham maat am ji noꞌp jir dhiꞌ.

GU NOONBIꞌÑ GUCH XOIꞌKAM 18:3

Baꞌ na guꞌ pu chuꞌm kaꞌm bhaan jup tu juandaꞌ gu Paablo nam jax chuꞌm kaꞌm bhaan tu juandaꞌ guiꞌ, nam jup tu buadaꞌ gu gɇꞌgɇr jajannulh nam ja gaꞌradaꞌ nam ja baꞌkichdhaꞌ gu jaꞌtkam, baꞌ miꞌ pu bhaiꞌ ji chu jua gu Paablo ja bɨɨm.

GU NOONBIꞌÑ GUCH XOIꞌKAM 20:34

Guꞌ jaꞌpji na ñich dɨɨlh jiñ ñoonob kɨꞌn tu juanak tu sabaꞌlh gu tuꞌ nañ aꞌm jum aagaidhaꞌ, na pim jax bax maat, sia guiꞌ nam jɨꞌk jiñ bɨɨm jiimdaꞌ ba puiꞌ ɨp.

1 KORIINTO KAM 3:7

Baꞌ dhiꞌ bhaan jix maatɨꞌ nam pur cham tuꞌ guiꞌ nam tu aꞌgadaꞌ gux bhaiꞌm kaiꞌchdham ñioꞌkiꞌñ guch Xoiꞌkam gio guiꞌ nam tu aagiꞌñdhaꞌ nam jax jaꞌk tuiꞌñgɨdaꞌ guiꞌ nam ba tɨ jɨɨgiꞌñdhaꞌ, na guꞌ gu Dios pɨk na puiꞌ ja duñiaꞌ gu jaꞌtkam nam baꞌx bhaiꞌ ba tɨ jɨɨgiꞌñdhaꞌ buiñor guch Xoiꞌkam.

1 KORIINTO KAM 9:6

¿Kaꞌ aach aa baꞌ dai gook dɨt dhi Bernabee cham jir am nam tuꞌ kɨꞌn jich palhbuiꞌñdhaꞌ guiꞌ nam ba tɨ jɨɨgiꞌñ buiñor guch Xoiꞌkam?

1 TESALOONIKA KAM 2:9

Jiñ jaaduñ jich Xoiꞌkam bhaan, sia tɨꞌñcho pim dho chi nach jix ioꞌm tu juanaimɨk nach baꞌ maiꞌchɨkdaꞌ gu tuꞌ nach aꞌm jum aaꞌndaꞌ. Tu juandaꞌ ich nabap tanoolh gio nabap tukaaꞌ, nach guꞌx mat kaꞌ nax xijai kaꞌ aapiꞌm jam bui na pim tuꞌ kɨꞌn jich xiispaꞌ nach bha jaꞌp tu jam aꞌgiꞌñ gux bhaiꞌm kaiꞌchdham ñioꞌkiꞌñ gu Dios.