JUAN 21:19 - Tepehuano Tepehuán del Sureste (Durango)

¹⁹ Baꞌ dhiꞌ na puiꞌ jɨꞌ tɨtda gu Jesuus gu Peegro, jaꞌp kaiꞌñkam jup tɨtda nam sap muiꞌ tɨgiaꞌ gu jaꞌtkam nam paiꞌ dhuuk muꞌaaꞌ, baꞌ cham jɨꞌxdhaꞌ jaꞌk gɨxiaꞌ sia ku mɨt tulhiiñchuda, puiꞌ na jax bax biiñak kaꞌ buiñor guch Xoiꞌkam, baꞌ joidham jix kɨɨgalhdhaꞌ gu Dios noꞌt bhammɨ ba aix dhaam. Baꞌ jaꞌxpɨx jup tɨtda ɨp gio: ―Baꞌ gu xib puiꞌ ɨlhiiꞌñ iñ nap gammɨjɨ pu bañ kaichgɨdaꞌ cham tuꞌ bhaan jax jim aagat.

JUAN 21:19 Iomraidhean Croise

MATEO 10:38

Gio gu jaroiꞌ noꞌt dai ba ji chooꞌn noꞌm bax muꞌaam na tɨ jɨɨgiꞌñ aañ jiñ bui, puiꞌ jaꞌp jup ji buusandaꞌ na pu cham tɨ jɨɨgiꞌñdhaꞌ aañ jiñ bui.

MATEO 19:28

Baꞌ gu Jesuus jup ja tɨtda bɨɨx nam jɨꞌk jir gu noonbiꞌñ: ―Dho guꞌ dai dho na pim jiñ bɨɨm ba daraibuꞌ mambhɨɨx kap daman gook bhaiꞌ nañ paiꞌ ba daibuꞌ aañ nat bhañ joot guñ Gɨꞌkoraꞌ nañ paiꞌ dhɨr naiꞌr gɇꞌkam kaꞌ, na joidham jix chu abhaar, janoꞌ na paiꞌ dhuuk jum aayaꞌ na bɨɨx xixiibkam jup tum duñiaꞌ gu tuꞌ. Baꞌ ba ja aagiꞌñdhaꞌ pim gu ja bopxi gu mambhɨɨx daman gook maamraꞌn gu Israel nam tuꞌ jax buimɨi yaꞌ dhi oiꞌñgaꞌn bhaan.

MATEO 8:22

Baꞌ gu Jesuus jup tɨtda: ―Aap moo cham tuꞌ bhaan jim tukgidhat xiñ kaichgɨdaꞌ. Matgɨm gu jaꞌtkam gammɨjɨ koꞌiidhat jum yaaspaidhaꞌ am ji.

JUAN 12:26

Baꞌ gu jaroiꞌ noꞌx aaꞌ nañ kaichgɨt jiñ aꞌmkam ba tu juandaꞌ, jum aaꞌ na bɨɨx juraaꞌn kɨꞌn tɨ jɨɨꞌñdhat miꞌ puiꞌ xi jimdaꞌ nañ jɨꞌk jax tu aꞌga, na baꞌ jaꞌp ji buusniaꞌ na gammɨjɨñ bɨɨm jup tuiꞌñgɨdaꞌ sia nar paiꞌ dhuuk, na guꞌx kɨɨgalhdhat bhaan ba tɨ nɨidhidhaꞌ guñ Gɨꞌkoraꞌ.

JUAN 12:33

Baꞌ dhiꞌ puꞌñi jaꞌk ja tɨtda gu Jesuus gu jaꞌtkam na ja aagiꞌñ na jax jaꞌk jum duuji mukiaꞌ.

JUAN 18:32

Baꞌ dhiꞌ puꞌñi jaꞌk kaiꞌch am na jax dhui pɨx puiꞌm kuugalhdhaꞌ na jax pu ba kaiꞌch dɨɨlh gu Jesuus nam saak kuruus taꞌm sissapa gu jaꞌtkam nam paiꞌ dhuuk muꞌaaꞌ, nam guꞌ puꞌñi jaꞌk tu jimdaꞌ gu Rooma kam jaꞌtkam, kuruus taꞌm jam ja sissapdaꞌ guiꞌ nam jix buam tu buadaꞌ.

JUAN 21:18

Pu kani nañ moo sɨlhkam yaꞌm aagiꞌñdhaꞌ Peegro, janoꞌ nap paiꞌ dhuuk jir biapmagich, joidham naiꞌ pɨx jimdaꞌ ap paiꞌ nap jaꞌk ɨlhiiꞌñdhaꞌ jix kɨkɨɨꞌ xi chɨm tɨiꞌdhai gu jajannulh, baꞌ cham jaroiꞌ jax jum tɨɨdak. Ku baꞌ guꞌ noꞌ pich am xi jagɨꞌta, cham tuꞌ puiꞌ ji kiaꞌ, jumai pɨx ba tɨm tɨiꞌdhaꞌ gum jajannulh, cham tuꞌ aap dɨɨlh kiaꞌ. Miꞌ dhɨr dai nam bam bhɨikaꞌ gu jaꞌtkam mu jaꞌk nap paiꞌ tɨi cham aaꞌndaꞌ nap jimiaꞌ. ¿Jax gip kax bhaaiꞌ kaꞌ janoꞌ?

JUAN 21:22

Baꞌp tɨtda gu Jesuus: ―Dho guꞌ dhiꞌ ba aagix ɨp dho na jax jaꞌk jup tu jimiaꞌ. Piam noꞌñ jix aaꞌndaꞌ gɨt na yaꞌ pu duakaꞌ janoꞌ juugɨt nañ paiꞌ dhuuk gio bhaiꞌp jimdaꞌ, yaꞌ dhop oirɨdaꞌ gɨt jia, ¿jax gip bua? Ku guꞌ dhiꞌ aañ dɨɨlh jup bax maat nañ jax jaꞌk jup tu daaxdhaꞌ na tu jimiaꞌ. Aap guꞌ dai ji nap miꞌ puiꞌ xi jimdat gammɨjɨ xiñ kaichgɨdaꞌ.

PILIIPOS KAM 1:20

Gio guꞌ bɨɨx jiñ jur kɨꞌn jup tɨ jɨɨgiꞌñ iñ nañ miꞌ puiꞌ tu kuugalhdhaꞌ na jax jix aaꞌ gu Dios, na guꞌñ palhbuiꞌñchuꞌ, baꞌ dai nañ jix ioꞌm xi chu ja aꞌgidhaꞌ gu jaꞌtkam sia nam jir jaroiꞌ cham tuꞌ bhaan jax jiñ aagɨt. Baꞌ dhiꞌ bhaan jiñ aꞌm matgilhidhaꞌ gammɨjɨ nax ioꞌm jir gɇꞌkam guch Xoiꞌkam, na pim jax pu bax maat bɨɨpɨꞌ dɨr nañ aꞌm pu matgilhim. Baꞌ sia noꞌ ñich ba muu, piam kuñ pui dua, puñ aꞌm jix maatɨꞌ kaꞌ.

2 PEEGRO 1:14

Na guꞌ puiꞌ kam tu tatdaꞌ nañ jootom ba mukiaꞌ panaas, dɨɨlh gu gɇꞌkam jich Xoiꞌkam puiꞌ jaꞌk jiñ jurtuꞌn na jootom bañ baidhikaꞌ.