JUAN 20:8 - Tepehuano Tepehuán del Sureste (Durango)

⁸ Baꞌ gu jumai na puiꞌp kaichuꞌ gu Jesuus nat bɨɨpɨꞌ miꞌ ai, jaiꞌ muiꞌp ji baa dɨꞌn kɨr nat ji chɨɨgɨk gu Peegro nat mɨrdat mɨjɨmmɨ ji baa. Mɨjɨmmɨ baakɨk jix bhaiꞌ mi jaꞌp xi chɨ nɨnɨiꞌñ ɨp jaiꞌ, moo guꞌ maaxik ji na dai gu jajannulhiꞌñ pɨx mi bɨɨt na kɨꞌn bhiibgich gu tukgaꞌn gu Jesuus. Baꞌ pu tɨ jɨɨꞌñ nat sɨlhkam duadɨk giop bam miꞌ dhɨr, puiꞌ xim aaꞌ na cham tuꞌ paiꞌ ka muukix.

JUAN 20:8 Iomraidhean Croise

LUUKAS 16:31

Baꞌ gu Abraam jup tɨtda: “Puiꞌ pɨx ɨp ji matgɨm sia kut tuꞌ maaꞌnkam muukɨk gio duadɨk mi jaꞌp jup ba kɨɨk, pɨx ji noꞌm cham tɨ jɨɨgiꞌñ nat jax tu uaꞌnak gu Moisees, gio gu jaiꞌ nam bhaankamuꞌn gu Dios tu ja aꞌgidhimɨk gu jaꞌtkam, nam guꞌ dɨɨlh cham miꞌ puiꞌ jimiik kaꞌ.”

JUAN 1:50

Baꞌ gu Jesuus jup tɨtda: ―Ku guꞌ cham tuꞌr daipuꞌ ji gu xib nañ jax jum tɨtda. Bɨxchuꞌ ka tɨgiaꞌ ap ji matgam jix bhaiꞌm duukam noꞌp moo cham oodat xiñ kaichuꞌ. Tɨɨꞌ nap guꞌ bɨɨx jum jur kɨꞌn ba tɨ jɨɨgiꞌñ jiñ bui na ñich puiꞌ xim tɨɨꞌn nañ pu bɨɨpɨꞌ dɨr jum nɨiꞌñ nap mu daa iigɨx bɨtaꞌ.

JUAN 20:25

Baꞌ guiꞌ xi aagiꞌñ am, jup tɨtda am: ―Giop ba dua guch Gɇꞌkam tuk. Ba tɨɨ chich. Baꞌp ja tɨtda gu Tomaas: ―Chaam ji nañ tɨ jɨɨgiꞌñ nar diꞌ. Jɨɨꞌ ji noꞌ ñich moo dɨɨlh tɨɨ gu noonbiꞌñ miꞌ na paiꞌ sissapich nañ baꞌ jam jɨɨgiꞌñdhaꞌ, nañ miꞌ xi bapsadaꞌ guñ dheeꞌn miꞌ na paiꞌ tɨ dɨɨdɨꞌ gio bhaiꞌ jaꞌk janoꞌmaram na mɨt paiꞌ sɨi. Xib jañ ji chakui tɨ jɨɨꞌñdhaꞌ ji sia ku pim jax jiñ chɨtda.

JUAN 20:29

Baꞌp tɨtda gu Jesuus: ―Na pich paiꞌx bhaiꞌ xiñ chɨɨ Tomaas na pich baꞌ ba tɨ jɨɨꞌñ nañ aañ jir diꞌ na ñich giop dua. Guꞌ cham tɨ jɨɨꞌñdhat ap ji na pich chakui tɨɨgɨk guñ ñoonob. Jaiꞌ joidham pu tɨ jɨɨgiꞌñ am na ñich sɨlhkam giop dua nat jax puiꞌ tɨm tɨi, sia ku mɨt cham paiꞌñ chɨɨ gu maaxik.

JUAN 20:4

boopoꞌ am. Baꞌ gama jaꞌk dɨr jix ioꞌm kuudam muiꞌ xi mɨɨ gu jumai nam maap jiim gu Peegro, bɨɨpɨꞌ kat jummɨ ba ai na mɨt paiꞌ ulh gu tukgaꞌn gu Jesuus.