JUAN 20:27 - Tepehuano Tepehuán del Sureste (Durango)

²⁷ Miꞌ dhɨr baꞌp tɨtda dai gu Tomaas: ―Aañ pɨx jir diꞌ na ñich giop duañ jaduuñ. Kanip xi chɨɨꞌ na dɨɨdɨꞌ guñ ñoonob miꞌ nañ paiꞌ sissapich. Miꞌp xi bapsadaꞌ gum deeꞌn nap baꞌ cham jax tɨꞌyaꞌ nar iatdaꞌ, gio yammɨni jaꞌk jap jup xi bapsadaꞌñ janoꞌm am na mɨt paiꞌñ xɨi. ¿Kaꞌ moo jaꞌp jix xijai aa nap bɨɨx jum jur kɨꞌn tɨ jɨɨꞌñdhaꞌ nañ aañ pɨx jir diꞌ na ñich giop dua?

JUAN 20:27 Iomraidhean Croise

MATEO 17:17

Baꞌp kaiꞌch gu Jesuus: ―¿Moo jaꞌp chakui bɨɨx jam jujur kɨꞌn jix biiñak japim aa buiñor gu Dios? ¿Jɨꞌx jañ baꞌ yaꞌ pu oirɨt jup jam aagiꞌñdhaꞌ? Bhaiꞌ gor jiñ baiꞌñxiꞌñbop gux koꞌkkam yaꞌni jaꞌk.

MAARKOS 9:19

Baꞌp ja tɨtda gu Jesuus bɨɨx nam jɨꞌk miꞌp tuꞌiiꞌ: ―¿Jax ku pim baꞌ moo jaꞌp cham jɨꞌx buiñor jix biiñak guñ Gɨꞌkoraꞌ? ¿Jɨꞌx jañ baꞌ ya jaꞌp oirɨt jup tu jam aagiꞌñdhaꞌ? Bhaiꞌ gor xiñ baiꞌñxiꞌñbup gux koꞌkkam.

LUUKAS 24:39

Jax dhui nañ aañ pɨx jir diꞌ maaꞌn na jax. Kani gor jix bhaiꞌ xiñ chɨɨꞌ. Yaꞌ puiꞌx maatɨꞌñ ñoonob am gioñ chooton am nañ paiꞌ sissapich. Xiñ dhaꞌngɨdaꞌ pim ɨp, kani nam daꞌngɨ dhiñ chuukuꞌ. Matgɨm pu cham ji nañ jiñ dhaꞌngɨdaꞌ noꞌñ jir iiꞌmdaꞌ pɨx kaꞌ gɨt, pu cham tatdaꞌkaꞌñ gɨt.

LUUKAS 24:40

Xi ja nɨnɨiꞌñchuꞌn baꞌ noonbiram gio tootnoram na paiꞌ sissapich na puiꞌ xi ja tɨtdat.

LUUKAS 9:41

Baꞌp kaiꞌch gu Jesuus: ―¿Moo ni jɨꞌx aa ku pim jum guguuxiꞌñdhaꞌ na pim buiñor jum biiñkadaꞌ guñ Gɨꞌkoraꞌ? ¿Jɨꞌx jañ baꞌ ya jaꞌp oirɨt jup jam aꞌgiꞌñdhaꞌ na pim jax jaꞌk duñiaꞌ? Ea gor bhaiꞌ xiñ baiꞌñxidhak dhix koꞌkkam yaꞌni jaꞌk amuub.

JUAN 20:20

Baꞌ xi ja nɨnɨiꞌñchuꞌn gu noonbiꞌñ miꞌ na paiꞌ tɨ dɨɨdɨꞌ na sissapich gio bha janoꞌmaram na mɨt sɨi. Baꞌ guiꞌx bhaiꞌm ɨlh jamɨt na mɨt ba tɨɨ, na mɨt guꞌ ba maat na dhiꞌr diꞌ gu Jesuus nat duadɨk giop bam.

JUAN 20:25

Baꞌ guiꞌ xi aagiꞌñ am, jup tɨtda am: ―Giop ba dua guch Gɇꞌkam tuk. Ba tɨɨ chich. Baꞌp ja tɨtda gu Tomaas: ―Chaam ji nañ tɨ jɨɨgiꞌñ nar diꞌ. Jɨɨꞌ ji noꞌ ñich moo dɨɨlh tɨɨ gu noonbiꞌñ miꞌ na paiꞌ sissapich nañ baꞌ jam jɨɨgiꞌñdhaꞌ, nañ miꞌ xi bapsadaꞌ guñ dheeꞌn miꞌ na paiꞌ tɨ dɨɨdɨꞌ gio bhaiꞌ jaꞌk janoꞌmaram na mɨt paiꞌ sɨi. Xib jañ ji chakui tɨ jɨɨꞌñdhaꞌ ji sia ku pim jax jiñ chɨtda.

JUAN 20:28

Baꞌ giilhim jix bhaiꞌm ɨlh gu Tomaas, jup kaiꞌch: ―¡Aaja guñ Gɇꞌkam tuk! Giop dua ji bak guꞌ sɨlhkam gu Dios jiñ Gɨꞌkoraꞌ.

ROOMA KAM 5:20

Guꞌ baꞌ nat paiꞌ dhuuk tu uaꞌna gu Moisees na jax jaꞌk tu aagix kaꞌ, jix ioꞌm gɇꞌ bhaiꞌ jim gɨꞌɨɨlh gu uaꞌtulhdharaꞌ. Guꞌ ji na guꞌ nat jix ioꞌm gɇꞌ bam gɨꞌɨɨlh gu uaꞌtulhdharaꞌ, ba matgir nat gu Dios jix ioꞌm jup jum gɨꞌɨɨlh nat jix ja joiꞌgɨlh gu jaꞌtkam.