JUAN 2:19 - Tepehuano Tepehuán del Sureste (Durango)

¹⁹ Baꞌ gu Jesuus jup ja tɨtda: ―Dho kani gor iaraiñ dhi chiop nañ aañ baik tanoolh kɨꞌn giop kɨɨsaꞌ.

JUAN 2:19 Iomraidhean Croise

MATEO 12:40

Baꞌ puꞌñi nat jax jum duu gu Jonaas nat baik tanoolh jup duu gio baik tukaaꞌ na mɨjɨ pu jim ɨrban dɨr gu gɇꞌ batoop, baꞌ aañ puꞌñi ɨp nat bhañ joot guñ Gɨꞌkoraꞌ, baik tanoolh gio baik tukaaꞌñ miꞌ pu yaasapkaꞌ dɨbɨɨr bɨtaꞌ.

MATEO 16:21

Baꞌ ba ja aagiꞌñ gu Jesuus gu noonbiꞌñ na sap bhammɨ jaꞌk jim Jerusaleen, sap baꞌ noꞌt bhammɨ ba ai, tu chiñiaꞌ am nam tulhiiñchudai muꞌaaꞌ gu ja gɇꞌgɇrkam tuk gu Israel kam jaꞌtkam, gio gu ja gɇꞌgɇrkam tuk guiꞌ nam bhaiꞌ gɇꞌ chiop ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, gio baꞌ guiꞌ nam sap jix mat kaꞌ gu ñioꞌkiꞌñ gu Dios. Ku baꞌ guꞌ sap baik tanoolh kɨꞌn duadɨi miꞌ ji na jax ba oirɨdaꞌ.

MATEO 27:40

jup kaiꞌchdhaꞌ am: ―¡Jaña nap jax chuꞌiiꞌ! Nap saak iaraꞌ gu gɇꞌ chiop, gio nap saak baik tanoolh kɨꞌn gio jumai bhaiꞌp kɨɨsaꞌ. Eap xi chɨmiiñ bhaiꞌ dhɨr bhaan dhi kuruus nach xim nɨiꞌñdhaꞌ noꞌp baabuiꞌ moo sɨlhkam Dios jir Maraaꞌn, kaꞌ baꞌ guꞌ nap puiꞌ pɨx kaiꞌchdhaꞌ.

MATEO 27:63

jup tɨtda am mu ji ɇɇk: ―Aach moo gio bhaiꞌp ma jii jich jaduuñ na chich bhaiꞌ puiꞌm tɨɨdam nap ja chiñiaꞌ gum sandaaruiꞌx chuk nam miꞌ ka tu nuukaꞌndaꞌ miꞌ nat paiꞌm tɨɨ gu tukgaꞌn gu Jesuus guiꞌ na naiꞌ ja iatgiꞌñdhaꞌ gu jaꞌtkam, na chich guꞌ ba tɨꞌñcho na bak pɨn jup kaiꞌch na sap baik tanoolh kɨꞌn duadɨi giop bamgiaꞌ miꞌ dhɨr koiꞌñgaꞌn tɨr. Puiꞌ kuch baꞌp kaiꞌch nap ka tu chiñiaꞌ nam miꞌ tu nuukaꞌndaꞌ sia gu baik tanoolh pɨx juugɨt nam baꞌ cham tukaaꞌ miꞌ ji ɇɇji gu noonbiꞌñ xi bhɨɨji gu tukgaꞌn puiꞌ ba tɨꞌyaꞌ nat giop dua. Na guꞌx ioꞌm bhaiꞌ jim gɨꞌlhdhaꞌ nam naiꞌ puiꞌ ji ja iatgidhaꞌ gu jaꞌtkam, cham tuꞌ puiꞌ na jax bɨɨpɨꞌ dɨr.

MAARKOS 14:58

―Dho guꞌ aach miꞌ paiꞌ puiꞌ kai ji nap kaiꞌch: “Alh jañ moo ka iaraꞌ dhi gɇꞌ chiop jaꞌtkam jup ja duiñ, baik tanoolh kɨꞌn jañ baꞌ gio jumai yaꞌp kɨɨsaꞌ, dhiꞌ baꞌ Dios bap jir duñiiꞌñ kaꞌ, cham tuꞌ tuꞌ jaꞌtkam.”

MAARKOS 15:29

Baꞌ jaiꞌ dhɨt gu jaꞌtkam mi jaꞌp amuub buanɨt giilhim tɨtdaidhaꞌ am bhaiꞌ xi ñɨidhidhat, am gagai buppaidhaꞌ am gu ja moom. Jaꞌpnim moo tɨtda: ―Jaña nap jax chuꞌiiꞌ aap nap saak iarai gu gɇꞌ chiop baik tanoolh kɨꞌn gio jumai bhaiꞌp kɨɨsaꞌ.

MAARKOS 8:31

Miꞌ dhɨr baꞌ gio bhaiꞌp ji chu ja aꞌgi gu Jesuus gu noonbiꞌñ, jup ja tɨtda: ―Giilhim kañ chulhiiñaꞌ iñ, ku baꞌ guꞌ cham jax bua ji, nat guꞌ pu kaiꞌñkam bhañ joot guñ Gɨꞌkoraꞌ. Cham jiñ kɨɨgalhdhaꞌ am guiꞌ nam jir ja gɇꞌgɇrkam tuk kaꞌ gu Israel kam jaꞌtkam, gio gu ja gɇꞌgɇrkam tuk guiꞌ nam jaiꞌ ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios, gio baꞌ guiꞌ nam sap jix mat kaꞌ gu ñioꞌkiꞌñ gu Dios, tu chiñiaꞌ am nam jiñ muꞌaaꞌ. Ku baꞌ guꞌ aañ baik tanoolh kɨꞌn yaaꞌ ji nañ jax ba oirɨdaꞌ.

JUAN 11:25

Baꞌp tɨtda ɨp gio gu Jesuus: ―Jaꞌpji pu xiib ji, nañ guꞌ yaꞌ bap tuꞌiiꞌ, aañ nañ jaroiꞌ ja duduaꞌñdhat giop ja baapmigiꞌñ gu koiꞌñgaꞌn. Na guꞌ gu jaroiꞌ noꞌt puꞌñi jotmodaꞌ ma muu noꞌ tɨ jɨɨꞌñdhat aañ jiñ bui, aañ giop bamiiꞌñdhaꞌ duaꞌñdhai, baꞌ miꞌ dhɨr gammɨjɨ pu ba duakaꞌ gu iiꞌmdagaram bhaan.

JUAN 5:19

Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌñ jaaduñ, ni jɨꞌx kur puiꞌ iam na pim jax jum aaꞌ. Na guꞌ aañ cham tuꞌp tu bua gu tuꞌ nar jix bhaiꞌm duukam gu aañ dɨɨlh pɨx, sia kuñ jir maraaꞌn gu Dios, guꞌ ji noꞌt puiꞌ ba tɨi guñ Gɨꞌkoraꞌ nañ tuꞌ jax duñiaꞌ nañ baꞌ aañ miꞌ dhɨr puiꞌp tu duñiaꞌ bhaankamuꞌn. Na guꞌ bɨɨx na jɨꞌk tuꞌ jax buadaꞌ guñ Gɨꞌkoraꞌ, aañ miꞌ dhɨr bhaankamuꞌn puiꞌp tu duñiidhaꞌ.

GU NOONBIꞌÑ GUCH XOIꞌKAM 2:24

Ku baꞌ guꞌ gu Dios giop duaꞌñ ji, nat guꞌ dɨɨlh puiꞌ jaꞌk tu duu na cham miꞌm tulhiiñdhaꞌ, baꞌ miꞌ dhɨr cham jɨꞌxkat jax ka doodaꞌ gu muukiꞌ.

GU NOONBIꞌÑ GUCH XOIꞌKAM 2:32

Dho guꞌ puiꞌm duu dho gu Jesuus nat puꞌñi gio duaꞌñdhak jup bamiiꞌ gu Dios miꞌ dhɨr koiꞌñgaꞌn tɨr. Baꞌ aach bɨɨx nɨiꞌñ gu dhiꞌ puiꞌ nat jax jum duu.

GU NOONBIꞌÑ GUCH XOIꞌKAM 3:15

Guiꞌ pimɨt baꞌ xi chu chia nam muꞌaaꞌ na kach guguuxiꞌñdhat nach miꞌ jaꞌk bhɨichgɨdaꞌ jix kɨɨꞌ boi chaꞌm na paiꞌ jaꞌk jup tuꞌiiꞌ gu Dios. Ku guꞌ gu Dios giop duaꞌñ ji, baꞌ aach bɨɨx nɨiꞌñ dɨɨlh jich buupui kɨꞌn gu dhiꞌ puiꞌ nat jax jum duu.

GU NOONBIꞌÑ GUCH XOIꞌKAM 3:26

Puiꞌ kut baꞌ gu Dios aapiꞌm bɨɨpɨꞌ ba jam mattuda nat jax jum duu janoꞌ nat paiꞌ dhuuk giop dua guch Xoiꞌkam, na pim sap baꞌ ba machiaꞌ na jax jaꞌk jam aꞌm tɨ nɨidhidhaꞌ gu Dios na pim sap baꞌ cham kam uaꞌtulhiꞌñdhaꞌ bɨɨx jɨꞌmaꞌn aapiꞌm.

GU NOONBIꞌÑ GUCH XOIꞌKAM 6:14

na puiꞌ kaiꞌchdhaꞌ na sap gu Jesuus Nasareet kam ka iaraꞌ dhi gɇꞌ chiop, gio sap baꞌ na maakam tu daasaꞌ, cham tuꞌ sap puiꞌ jaꞌk ka tu jimdaꞌ ich nat jax jaꞌk tu daasak aach jich bui gu Moisees.

ROOMA KAM 4:24

guꞌ jaꞌpji sia aach na jaiꞌp jich iadhiꞌñ dhiꞌ nat jax chum uaꞌna. Na guꞌ puiꞌ nach jax soiꞌch ɨlhdhat buiñor tɨ jɨɨgiꞌñ gu Dios jaiꞌ dhɨt, guiꞌ puiꞌp bach ɨlhiiꞌñ nach jir jix kɨkɨɨꞌ jaꞌtkam, cham tuꞌ buiñor ka uꞌuaꞌtulhdhix ich gu Dios guiꞌ nat duaꞌñdhak buusaiꞌ koiꞌñgaꞌn tɨr dɨr guch Xoiꞌkam nar jich gɇꞌkam tuk xib.

ROOMA KAM 6:4

Janoꞌ na chich paiꞌ dhuuk jich bopko suudaiꞌ kɨꞌn, dhiꞌ jaꞌp jir jum duukam na mɨt maap guch Xoiꞌkam much chua tɨ dɨꞌn kɨr janoꞌ na mɨt paiꞌ dhuuk mua. Baꞌ na chich maap koi guch Xoiꞌkam, pu kaiꞌñkam maap koi chich nach baꞌ jaiꞌ puiꞌp duduadɨi giop baapmigiaꞌ nat jax jum duu guiꞌ. Miꞌ dhɨr baꞌ puꞌñi bar jix kɨkɨɨꞌ jaꞌtkam kaꞌ ich, jix bhaiꞌ ba tuch jimdaꞌ ɨp baꞌ, na guꞌ guch Gɨꞌkoraꞌ na bɨxchuꞌx bhaaiꞌ na joidham tuꞌm jup tu duñiaꞌ, duaꞌñ guch Xoiꞌkam.

ROOMA KAM 8:11

Guꞌ baꞌ noꞌ guꞌ sɨlhkam jam aꞌm tajaañix gux Dhuuduꞌ kam jix Uañ Iiꞌmdagaꞌn gu Dios, nat jich Xoiꞌkam gio duaꞌñdhak jup bamiiꞌ mu dɨr koiꞌñgaꞌn tɨr, dhiꞌ jɨꞌ Dios nat bamiiꞌ guch Xoiꞌkam, jaiꞌ tutkuꞌ jam makiaꞌ na pim baꞌ cham tuꞌ puiꞌ ka tu jimdaꞌ na jax bɨɨpɨꞌ dɨr, sia ku guꞌ puiꞌ na jax bar yaꞌ kam dhi oiꞌñgaꞌn. Gux Dhuuduꞌ kam jix Uañ Iiꞌmdagaꞌn pɨx jaiꞌ jam pataaxdhaꞌ dhiꞌ na jam aꞌm ba tajaañix.

1 KORIINTO KAM 15:12

Baꞌ aach pu chuꞌm naiꞌ tu aꞌgim nat guch Xoiꞌkam duadɨk giop buus miꞌ dhɨr koiꞌñgaꞌn tɨr, guꞌ ji na guꞌ jaiꞌ dhɨt aapiꞌm sap puiꞌ kaiꞌch nam gu koiꞌñgaꞌn cham jɨꞌxdhaꞌ duduadɨi giop ka baapmigiaꞌ. ¿Jax japim baꞌ duukat puiꞌ kaiꞌch?

KOLOOSAS KAM 2:12

Na pimɨt paiꞌ dhuuk jum bopko suudaiꞌ kɨꞌn, dhiꞌ jaꞌp jir jum duukam na pimɨt bɨɨmaꞌn jum yaas guch Xoiꞌkam janoꞌ na mɨt paiꞌ dhuuk yaas na mɨt xi muꞌaak. Baꞌ nat paiꞌ dhuuk duadɨk giop buus miꞌ dhɨr koiꞌñgaꞌn tɨr, aapiꞌm puiꞌ bɨɨmaꞌn duduadɨk jup baapam, na pimɨt guꞌ tɨ jɨɨꞌñ na dai gu Dios bɨxchuꞌx bhaaiꞌ na pu tu duñiaꞌ.

1 PEEGRO 3:18

Guꞌ matgɨm cham jax bua ji siam jam tulhiiñchuꞌn noꞌ pim guꞌ tɨi cham tuꞌ jax bua. Puiꞌ kam dho noꞌch ba tɨ jɨɨgiꞌñ buiñor guch Xoiꞌkam. Jaiñ sia dɨɨlh guch Xoiꞌkam puꞌñi pɨk jum tulhii janoꞌ nat paiꞌ dhuuk tuch ñamkix guch uaꞌtulhdharaꞌ pu daipuꞌ maaꞌnnim pɨx, na baꞌ miꞌ dhɨr pu gammɨjɨ ba tuch uañdhix kaꞌ. Guiꞌ tɨi cham tuꞌ paiꞌx buam tomaatɨt dho, ni nax uaꞌtulhdhix kat, cham tuꞌ kuiñcha biaꞌkat nam puiꞌ doodaꞌ gɨt. Guꞌ jaꞌpji na guꞌ aachiꞌ nach jix uꞌuaꞌtulhdhix, nat xich joiꞌndat baꞌ puiꞌm duu jich aꞌmkam, na sap baꞌ miꞌ dhɨr bax bhaaiꞌn kaꞌ nach bhammɨ aayaꞌx dhaam na paiꞌp tuꞌiiꞌ gu Dios. Baꞌ sia ku mɨt tɨi mua, gu iiꞌmdagaꞌn guꞌ puiꞌ ji na jax ba dua,