JUAN 2:16 - Tepehuano Tepehuán del Sureste (Durango)

¹⁶ Gio gu giokdaꞌ gaꞌradam jup ja tɨtda: ―¡Mu pim ja bubuaxdhaꞌ dɨɨrap dhi giokdaꞌ! ¿Jax gi ku pim baꞌ yɨjɨ pu tu duuk na cham tuꞌ pu kaiꞌñkam yaꞌ tu baꞌaak guñ Gɨꞌkoraꞌ na bɨxchuꞌ yɨjɨ tum gaꞌradaꞌ?

JUAN 2:16 Iomraidhean Croise

MATEO 21:12

Baꞌ jaꞌxpɨx mu jaꞌk jup ba ai gu Jesuus na paiꞌr gɇꞌ chiop, baꞌ miꞌ pɨx ji ja tɨɨ gu jaꞌtkam nam jix ioꞌm muiꞌ mɨjɨ tu gaꞌra gu bɨxchuꞌ. Baꞌ bɨɨx miꞌ dhɨr jaꞌk ji ja aadi nam jɨꞌk bhaiꞌ ka tu gaꞌra gio guiꞌ nam bhaiꞌ ka tu sabaꞌn, ja iaꞌlhxichulh gu ja memees guiꞌ nam bhaiꞌ bhaan ka tuaꞌ gu tuumiñ nam bhaiꞌ ja pataaxiꞌñ gu jaꞌtkam kɨꞌn gu jaiꞌ tuumiñ, gio baꞌ guiꞌ nam giokdaꞌ bhaan bhaiꞌp ka ja kuup nam bhaiꞌ ka ja gaꞌra, bɨɨx jup ja iaꞌlhxichulh.

MATEO 21:13

Baꞌp ja tɨtda puiꞌ xi ja doodak: ―¿Kux cham maat japim aa nap jum kaiꞌch gu ñioꞌkiꞌñ guñ Gɨꞌkoraꞌ miꞌ na paiꞌ tu uaꞌñix: “Dhi chiop nat miꞌm kɨi, miꞌ dhɨr jix bhaaiꞌ nam bha tuñ aꞌgiꞌñdhaꞌ gu jaꞌtkam soiꞌ jim ɨlhdhat”? Aapiꞌm guꞌ ya jaꞌp tuꞌiiꞌ na jax paiꞌ noꞌm jum jumpaꞌn gu ɨꞌxkum.

MATEO 22:5

Guꞌ ji na mɨt guꞌ sia cham aa gu jaꞌtkam nam mu tu koiꞌpoꞌ nam paiꞌ dhuuk mu jaꞌp puiꞌ tɨi ba ja tɨtdaim gu tujuandam tugiꞌñ gu gɇꞌkam. Maaꞌn dai nat mu jaꞌk ji dhuu na paiꞌ tu gaꞌmbhar, maaꞌn baꞌ mu jaꞌk jup ji dhuu na paiꞌ tu juandaꞌ.

MAARKOS 11:17

dai na tu ja aꞌgiꞌñ mi oirɨt, jup ja tɨtda: ―¿Jax ku pim baꞌ yaꞌ pu tu bua? Na pim guꞌx maat gu ñioꞌkiꞌñ gu Dios na miꞌ tu uaꞌñix uꞌuan taꞌm nap jum kaiꞌch: “Dhiꞌ dhi chiop nat miꞌ bam kɨi, miꞌ dhɨr jix bhaaiꞌ nam bha tuñ aꞌgiꞌñdhaꞌ soiꞌm ɨlhdhat bɨɨx na jɨꞌk jaꞌtkam, sia nam jir pa jaꞌk kam.” Jaꞌpni bo nam kaiꞌch, ¿cham maat japim? Aapiꞌm guꞌ ya jaꞌp tu duuk na paiꞌ chiob nam jum jumpaꞌn gu ɨꞌxkum.

LUUKAS 2:49

Baꞌ gu Jesuus jup ja tɨtda: ―¿Jax ku pim baꞌ moop jiñ gaꞌnga? Na guꞌ aañ jiñ aꞌm jum aaꞌ nañ machiaꞌ na jax jir tuꞌm kam guñ Gɨꞌkoraꞌ. Jum aaꞌ nañ yaꞌp tuiꞌkaꞌ na paiꞌ baꞌkchudhix.

JUAN 10:29

Na guꞌx ioꞌm jir gɇꞌkam guñ Gɨꞌkoraꞌ, cham jɨꞌxdhaꞌ jaroiꞌ ka ɨɨxdhaꞌ gu jɨꞌk noꞌ mɨt jiñ kɇɇk nañ jax tu aꞌga miꞌ puiꞌ ba jii na jax jix aaꞌ, na guꞌ ja aꞌm ba tɨ nɨidhidhaꞌ.

JUAN 2:15

Baꞌ gu Jesuus nat jax tɨrbi maaꞌn guiꞌ na kɨꞌn tɨm gɨb na jaꞌp tuꞌm na chipliiñ, kɨꞌn pɨx chaꞌtak ja jimchuꞌn gu bhuiꞌmyax gaꞌradam gio guiꞌ nam kakasnir tu gaꞌra. Gio gu tuumiñ pataasdam pu ja iaꞌlhxichulh guiꞌ nam bhaan ka tuaꞌkat gu ja tuumñiꞌ. Bɨɨx ja bubuax mɨjɨ jaꞌk dɨɨrap.

JUAN 20:17

Baꞌ gu Jesuus jup tɨtda: ―Aañiꞌ dhor diꞌ na ñich giop dua. Xi dhaiꞌññiaꞌ ap jiñ jaduuñ nap ja aaꞌñdharaꞌ gu jaiꞌñ jaaduñ nam jiñ kaichuꞌ mu nam paiꞌ tɨbiap. Jaꞌp jap ja tɨɨdaꞌ na ñich aañ ba jiix dhaam buiñor guñ Gɨꞌkoraꞌ guiꞌ na aapiꞌm jup jir jam Gɨꞌkoraꞌ gio baꞌ nar jam Dios tuk, nañ jax pu ba jam tɨtda bɨɨpɨꞌ dɨr.

JUAN 5:17

Baꞌ gu Jesuus jup tɨtda: ―Dho na guꞌ guñ Gɨꞌkoraꞌ cham paiꞌ dhuuk daaxix na cham tuꞌ jax bua noꞌ moo jaꞌp xi chum aagaim jaꞌp na jax xib. Baꞌ aañ puꞌñi ɨp, cham jiñ jɨɨpiꞌñ iñ.

JUAN 8:49

Baꞌp ja tɨtda gu Jesuus: ―Jaꞌpji dai nañ gammɨjɨ daan guñ Gɨꞌkoraꞌ, cham tuꞌ ji na tuꞌ jaꞌook jiñ aꞌm tɨ nɨidhim. Guꞌ ji na pim guꞌ aapiꞌm cham tuꞌ kaꞌm jiñ ñɨiꞌñ, giilhim pɨx kaiꞌchdhaꞌ pim.

1 TIMOTEO 6:5

Bar koꞌkdhicham kaꞌ pɨx baꞌ, gammɨjɨ bɨɨx aixim pɨx bam buidhaꞌ am dai jaꞌp tuutuꞌm nam cham ji maatɨt na jax pɨk jaꞌk jir sɨlhkam. Nam guꞌ bax iaꞌñdhix kaꞌ gu tuꞌ na cham jir kɨɨꞌ kaꞌ, bhaan pɨx jum tutumñigamtaidhaꞌ am nam jax jaꞌk tu jimdaꞌ. Chaꞌp mi ja kɇkɇɇdaꞌ pu chuꞌm gu jaꞌtkam.

2 PEEGRO 2:3

Ku guꞌ dhiꞌ nam bhaan pɨx xi jam boosgidhak kaꞌ ji gu jam tumñiꞌ nam baꞌ puꞌñi mu jaꞌp jiimɨt maakam jam iatgidhidhaꞌ, cham tuꞌ nam sɨlhkam ñioꞌkiꞌñ gu Dios tu aꞌgidhaꞌ joidham jix joojoidhat. Ku baꞌ guꞌ dhiꞌ kam aayaꞌ ji gu tanoolh nam paiꞌ dhuuk jum tulhiiñaꞌ jaꞌp ioꞌm paꞌ, nat guꞌ gu Dios pu bɨjɨk dɨr tu dai na puꞌñi ja tulhiiñchudaꞌ gu puꞌñi chuꞌm gu jaꞌtkam.