JUAN 18:36 - Tepehuano Tepehuán del Sureste (Durango)

³⁶ Baꞌ gu Jesuus jup tɨtda: ―Dho nam guꞌ cham maat jia noꞌñ jir gɇꞌkam kat jup oilhim, jaꞌp jum aaꞌ am nañ jir jaꞌppɨx maaꞌnkam. Guꞌ aañ tɨir gɇꞌkam ji, guꞌ ji na guꞌ cham tuꞌ gu yaꞌ maaxik bhaan ja bui dhi jaꞌtkam, na mɨt guꞌ cham tuꞌ yaꞌ paiꞌ gɇꞌkam kɨꞌn jiñ dhai. Puiꞌ kum baꞌ cham maat noꞌñ jup jir gɇꞌkam. ¿Kux baꞌ guꞌ yaꞌ paiꞌ puiꞌp bañ dhuiñchuꞌndaꞌm gɨt aa dhi Israel kam jaꞌtkam noꞌñ aañ yaꞌr gɇꞌkam kaꞌ gɨt maaxik? Nañ guꞌ ja biaꞌkaꞌ gɨt guiꞌ nam tu kokdaꞌñ aꞌmkam, ¿jax jam gip jiñ dhoodaꞌ gɨt? Guꞌ ji nam guꞌ cham maat noꞌñ jup jir gɇꞌkam, puiꞌ kum baꞌ puiꞌñ bua.

JUAN 18:36 Iomraidhean Croise

MATEO 26:53

¿Cham maat ap aa na aañ jix bhaiꞌ nañ pu tɨɨdaꞌ gɨt guñ Gɨꞌkoraꞌ na bhañ joochxidhaꞌ muiꞌ gu noonbiꞌñ nam baꞌñ aꞌmkam tu kokdaꞌ gɨt?

LUUKAS 12:14

Baꞌ gu Jesuus jup tɨtda: ―Jax dhui nañ aañ cham tuꞌ gɇꞌkam kɨꞌn daaxix nañ mu paiꞌ ja maakdaꞌ gu jaꞌtkam na jɨꞌk ja aꞌm tu bipioꞌ gu tuꞌ. ¿Kaꞌ paa pimɨt duuk pu chuꞌm kɨꞌn gɇꞌkam jiñ dhai kup baꞌx maat na pu chuꞌm jir jiñ aꞌmkam?

JUAN 18:35

Baꞌp kaiꞌch ɨp gio gu Pilaato: ―Dho jaꞌpji nañ cham maat ji na tuꞌ baꞌ kum baꞌ yammɨ jaꞌp bam uꞌaim jiñ bui dhim jaaduñ na pim tɨi maap jir jum oiꞌdhagɨm dai Israel kam. Tɨɨꞌ nam guꞌ jax pɨk jix bhaamut jum aaꞌ dhiꞌ nam jir ja gɇꞌkam tuk guiꞌ nam bhaiꞌ gɇꞌ chiop ja aꞌmkam tu daandaꞌ dai gu Israel kam jaꞌtkam. Cham maat iñ dho baꞌ na tuꞌ baꞌ, nañ guꞌ cham maat na pim jax jir tuutuꞌm, nañ guꞌ aañ cham jir Israel kam.

JUAN 6:15

Bɨɨx aixim ba ji chɨi mɨt, jup kaiꞌch am na sap jir am nam gɇꞌkam kɨꞌn daasaꞌ sia ku cham aaꞌ. Guꞌ ji na guꞌx maat gu Jesuus nam jax kaiꞌch, baꞌ pu jii cham ji ja aaꞌñdhak baasɨꞌn jaꞌk jix ioꞌm oidhaꞌ daam na paiꞌ cham jaroiꞌ oirɨ.

JUAN 8:15

Guꞌ jaꞌp jum aaꞌ pim na puiꞌ na jax aapiꞌm na pim pu tu buadaꞌ na pim dɨɨlh jax ɨlhiiꞌñdhaꞌ, cham tuꞌ na jax jix aaꞌ guñ Gɨꞌkoraꞌ. Guꞌ aañ matgam cham tuꞌ puiꞌ ji,

ROOMA KAM 14:17

Na guꞌ na baꞌ ja aꞌm tɨ nɨidhidhaꞌ gu Dios gu jaꞌtkam, nam miꞌ puiꞌ jiimdaꞌ na jax jix aaꞌ, nam jix bhaiꞌm taatɨt tu oiꞌñkaꞌ bɨɨx jɨꞌmaꞌn na jax pɨx ja jurtudhidhaꞌ gux Dhuuduꞌ kam jix Uañ Iiꞌmdaꞌ, dhiꞌ jɨꞌ bhaan na ja aꞌm tɨ nɨidhidhaꞌ gu Dios, cham tuꞌ gu tuꞌ koiꞌ noꞌñ bɨɨx tu kuaꞌ piam ku guꞌ cham.

1 TIMOTEO 6:13

Baꞌ gu Dios na ja maak iiꞌmdaꞌ bɨɨx nam jɨꞌk tuꞌ naiꞌ tu dudua, gio guch Xoiꞌkam nat aaꞌñ gu Poonsio Pilaato nar tuꞌp tuꞌm daꞌ, aañ dhiꞌ ja kaichdhat jum chian