JUAN 18:17 - Tepehuano Tepehuán del Sureste (Durango)

¹⁷ Baꞌ nat muiꞌ ba ji baa gu Peegro mɨjɨ baꞌk chɨr, bhaiꞌ ji ñio gu ubii guiꞌ na miꞌ tu nuukaꞌndaꞌ kiꞌñgob, jup tɨtda: ―¿Aap aa maadɨt jir diꞌ guiꞌ nam kaichuꞌ dhi jaduuñ nat mɨjɨ jaꞌk jim bai baꞌk chɨr? Baꞌp kaiꞌch gu Peegro: ―Chaam. Aañ dɨɨlh jup jim ji.

JUAN 18:17 Iomraidhean Croise

MATEO 26:33

Baꞌp kaiꞌch gu Peegro: ―¿Cham aa guꞌ aañ moo chakui pɨk jup jimiññolhiaꞌñ jaduuñ? ¿Dai chi dhi jaiꞌ jia noꞌm jiboiꞌñgiaꞌ? Aañ dho gi guꞌ cham ji.

LUUKAS 22:54

Baꞌ daagɨk jamɨt pu bhɨɨk gu Jesuus bhammɨ na paiꞌ kio gux ioꞌm ja gɇꞌkam tuk bɨɨx guiꞌ nam ja aꞌmkam tu daandaꞌ dai gu Israel kam jaꞌtkam. Baꞌ gu Peegro mɨk dɨr mu ja oiꞌñchuꞌ.

JUAN 18:16

Gu Peegro baꞌ miꞌ pɨx ji bii dɨɨrap dɨr, cham tuꞌ mu baa, na guꞌx choodon. Baꞌ guiꞌ nam maap jiim nax maat guiꞌ nar ja gɇꞌgɇrkam tuk guiꞌ nam bhaiꞌ gɇꞌ chiop ja aꞌmkam tu daandaꞌ dai gu Israel kam jaꞌtkam, na puiꞌp kaichuꞌ gu Jesuus, mu xi baakɨk ɨrban dɨr gio muiꞌp ma jii mu nat paiꞌ pup bii gu Peegro nat pu tɨɨdam gu ubii guiꞌ na miꞌ tu nuukaꞌndaꞌ kiꞌñgob na sap jup kaiꞌch gu kiokam nax bhaaiꞌ na bɨɨx mu bakiaꞌ gu Peegro.

JUAN 18:25

Gu Peegro guꞌ gam juukaꞌ ji mi taikob ja bɨɨm guiꞌ nam miꞌ tu naaꞌn. Baꞌ moo bhaiꞌp ba tɨkkaꞌ am, jup tɨtda am: ―¿Kaꞌ guꞌ aap maadɨt jir diꞌ guiꞌ nam kaichuꞌ dhi maaꞌnkam na miꞌ buupulh? Guꞌ ji na guꞌ cham tu aaꞌ gu Peegro, jup kaiꞌch: ―Chaam tuꞌ. Aañ dɨɨlh ya jaꞌp oirɨt jup paxiar ji.

JUAN 18:5

Guiꞌp kaiꞌch am: ―Dho gu Jesuus guiꞌ na saak jir Nasareet kam. Baꞌ gu Jesuus jup ja tɨtda ɨp gio: ―Dho aañ jir diꞌ. ¿Tuꞌ gɨt? Bɨɨx mi jaꞌp eek kɨɨk ji guꞌ gu Juudas Iskarioti ja bɨɨm gu sandaaruiꞌx na miꞌ maaxik kɨksa gu Jesuus nam boi bhɨichdhaꞌ.

JUAN 18:8

Gu Jesuus jup ja tɨtda ɨp gio: ―Dho kaiꞌñkam aañ jir diꞌ. Bañ chɨɨ pimɨt baꞌ xib na pim puiꞌñ gaꞌnga. Dai na pim cham ja juanat dhiꞌ nañ ja bɨɨm jim, na pim guꞌ saak dai aañ jiñ gaagim.

JUAN 21:15

Baꞌ miꞌ na mɨt xi koiꞌchok, bhaiꞌ ba tɨkka gu Jesuus gu Peegro, jup tɨtda: ―Aapiꞌ Simoon nap jir maraaꞌn gu Jonaas, ¿jix ioꞌm aap tuꞌ kaꞌm jiñ ñɨidhat xiñ kɨɨgalhiꞌñ, cham tuꞌ jaꞌxbuiꞌ na jɨꞌx dhi jaiꞌ? Baꞌp kaiꞌch gu Peegro: ―Jix ioꞌm ji nañ tuꞌ kaꞌm jum nɨidhat xim kɨɨgalhiꞌñ jiñ jaduuñ nap jax bax maat. Baꞌp tɨtda gu Jesuus: ―Dho aap bak baꞌñ aꞌmkam yaꞌ ka ja guguuxiꞌñdhaꞌ dhiꞌ nam jɨꞌk bañ kaichuꞌ. Jaꞌp ji buusniaꞌ nap ja nuukaꞌndaꞌ.

GU NOONBIꞌÑ GUCH XOIꞌKAM 12:13

Baꞌ na jax jim muiꞌ ba tu son gu Peegro bha kiꞌñgob miꞌ na paiꞌ dhɨr jax muiꞌ ji chum bapkɨ mu jaꞌk ɨrban dɨr. Baꞌ maaꞌn gu ubii tɨyaa Roodi tɨɨgim muiꞌ ji jii nat ba tɨ tɨɨgim nar jaroiꞌ dhaꞌ guiꞌ na mu tu son.