JUAN 17:24 - Tepehuano Tepehuán del Sureste (Durango)

²⁴ ’Baꞌx aaꞌ iñ jiñ Gɨꞌkoraꞌ nam bɨɨx bhammɨ aayaꞌ gatuuk nañ paiꞌp tuiꞌkaꞌ guiꞌ na pich jɨꞌk puiꞌ ba ja jujurtuda nam jiñ bui tɨ jɨɨꞌñdhaꞌ, nam baꞌ machiaꞌ nañ aañ jaꞌxbuiꞌp jir gɇꞌkam na jax aap jiñ Gɨꞌkoraꞌ, gam nañ bɨjɨk dɨr pux jaiꞌch na baꞌ moo dhi oiꞌñgaꞌn jup ba jaiꞌchdhɨlhiaꞌ.

JUAN 17:24 Iomraidhean Croise

MATEO 25:21

Baꞌp kaiꞌch gu gɇꞌkam tugiꞌñ: “¡Aa guꞌ moo jaꞌp joidham jir jix kɨɨꞌ tujuandam ap ji jia! Ea nañ moo gɇꞌkam kɨꞌn jum daasaꞌ. Jabaak bha jaꞌk baꞌk chɨr nach baꞌ maap yaꞌ joidham jix bhaiꞌch chaat kaꞌ.”

MATEO 25:23

Baꞌp tɨtda gu gɇꞌkam tugiꞌñ: “¡Aa guꞌ moo jaꞌp joidham jir jix kɨɨꞌ tujuandam ap ji jia! Ea nañ moo gɇꞌkam kɨꞌn jum daasaꞌ. Jabaak bha jaꞌk baꞌk chɨr kuch yaꞌni maap joidham jix bhaiꞌch chaat kaꞌ.”

MATEO 25:34

Baꞌ guiꞌ nam jɨꞌk kɨɨꞌn dɨr jaꞌk guꞌkuyaꞌ jup ja tɨɨdaꞌ iñ: “Gor ja ɇɇ bha jaꞌk aapiꞌm nat jɨꞌk jam aꞌm tɨ tɨɨ guñ Gɨꞌkoraꞌ. Yaꞌ pim baꞌ oiꞌñkaꞌ na paiꞌ jax jir gɇꞌkam, yaꞌ na pim paiꞌ pu iimchudhix janoꞌ dɨr nat paiꞌ dhuuk jup duu gu Dios dhi oiꞌñgaꞌn.

MATEO 26:29

Baꞌ cham paiꞌ dhuuk giop ka iꞌyaꞌ iñ dhi jaꞌp tuꞌm gu uubas baraaꞌ, nañ guꞌ aañ bar boi chaꞌm kam. Dai janoꞌ nach paiꞌ dhuuk gio maap bap tuiꞌkaꞌx dhaam jaꞌk buiñor guñ Gɨꞌkoraꞌ nañ baꞌ giop ba iꞌyaꞌ, ku baꞌ guꞌ gux uañ ji gu uubas baraaꞌ, cham tuꞌ dhiꞌ jaꞌp tuꞌm.

LUUKAS 12:37

Jaꞌp moo joidham jix bhaiꞌ tu ja jimiaꞌ gu tujuandam noꞌm tɨ nɨiꞌñ na paiꞌ dhuuk mi aayaꞌ gu ja gɇꞌkam tuk, siat ɨraab tukaaꞌ mi ai, piam katukgab, piam jix dhaꞌnpam ji chu maaxirɨk. Aañ yaꞌ pu jam tɨtda nax bhaiꞌm ɨlhdhai gu ja gɇꞌkam tuk xi ja chiñiaꞌ nam daraibuꞌ na baꞌ tu ja bhiidhaꞌ nam tu jugiaꞌ.

LUUKAS 23:43

Baꞌp tɨtda gu Jesuus: ―Xib jap bhammɨp tuiꞌkaꞌñ bɨɨm na paiꞌ joidham jix chu abhaar. Aañ yaꞌ pum tɨtda.

JUAN 1:14

Na guꞌ maaxik yaꞌ xi oilhimɨk guiꞌ na joidham gɇꞌ tanoor maaꞌnkam jup jum duuk. Jir diꞌ pɨx gu jumai na jaꞌxbuiꞌp jir gɇꞌkam na guch Gɨꞌkoraꞌ. Aach jaiꞌ dhɨt jix bhaiꞌx maat, nach guꞌ bɨɨmaꞌn oipimɨk na jɨꞌx juugɨt yaꞌ oilhimɨk. Jix bhaiꞌ tɨɨgɨk jachich na cham tuꞌr jaꞌppɨx maaꞌnkam, nat guꞌ cham jɨꞌxkat iatdaꞌ tu aꞌgimɨk, dai na joidham jix chu joiꞌgɨꞌndaꞌ pɨx.

JUAN 12:26

Baꞌ gu jaroiꞌ noꞌx aaꞌ nañ kaichgɨt jiñ aꞌmkam ba tu juandaꞌ, jum aaꞌ na bɨɨx juraaꞌn kɨꞌn tɨ jɨɨꞌñdhat miꞌ puiꞌ xi jimdaꞌ nañ jɨꞌk jax tu aꞌga, na baꞌ jaꞌp ji buusniaꞌ na gammɨjɨñ bɨɨm jup tuiꞌñgɨdaꞌ sia nar paiꞌ dhuuk, na guꞌx kɨɨgalhdhat bhaan ba tɨ nɨidhidhaꞌ guñ Gɨꞌkoraꞌ.

JUAN 14:3

Gioñ baꞌ bhaiꞌp jim nañ jɨꞌx jix bhaiꞌ xi chu dui nañ bha jam baiꞌñmɨraꞌ na pim bhammɨ jaꞌk ba oiꞌñchapuꞌ jiñ bɨɨm nañ paiꞌ kio, na pim baꞌ gammɨjɨ jiñ bɨɨm jup tuiꞌkaꞌ.

JUAN 15:9

Aañ xi jam joiꞌndat xi jam daꞌ jia jiñ jaaduñ na pim jɨꞌk bañ kaichuꞌ. Jaꞌp na jax xiñ dhaꞌ aañ guñ Gɨꞌkoraꞌ, puꞌñiñ jup xi jam daꞌdaꞌ aapiꞌm noꞌ pim gammɨjɨñ buix biiñak.

JUAN 17:2

Na pich puiꞌñ chɨɨdak bhañ joot nañ aañ yaꞌ ja aꞌmkam mukiaꞌ dhi jaꞌtkam, nam baꞌ miꞌ dhɨr puꞌñi bhaiꞌ ji machiaꞌ nap jir tuꞌp tuꞌm daꞌ. Baꞌ miꞌ dhɨr bax bhaaiꞌn kaꞌ nañ ja baidhikaꞌx dhaam jaꞌk na pich jɨꞌk pɨx pu ja dai bɨjɨk dɨr nam puꞌñi jum bui aayaꞌ,

JUAN 17:22

Nañ guꞌ aañ puiꞌp jix ja joiꞌgɨꞌn dhiꞌ nam bañ kaichuꞌ, puiꞌ ɨp nap jax xiñ joiꞌgɨꞌn aap jiñ Gɨꞌkoraꞌ. Aañ pu chuꞌm jix bhaiꞌm duukam jup ja maa na pich jax chuꞌm jiñ maa aañ, nam baꞌ kɨꞌn jix bhaiꞌ kaiꞌchɨt maaꞌn ñiꞌook jup duukaꞌ gammɨjɨ, jaꞌp na jax aach nach maaꞌn iiꞌmdaꞌp duukat maaꞌn ñiꞌook jup duuk.

JUAN 17:5

Xib baꞌ dai nañ ba tɨ nɨɨr nap jiñ bamiiꞌñdhaꞌ mu dɨr koiꞌñgaꞌn tɨr noꞌ mɨt bañ yaas, nañ baꞌ gio muiꞌp ba jimiaꞌ bhammɨ aap jum bui nap giilhim jir gɇꞌkam, nach baꞌ gio maap bap tuiꞌkaꞌ, nam baꞌ miꞌ dhɨr ba machiaꞌ gu jaꞌtkam nañ aañ jaꞌxbuiꞌp jir gɇꞌkam na jax aap, sia pu bɨjɨk dɨr na chich baꞌ miꞌ dhɨr bap duu dhi oiꞌñgaꞌn.

JUAN 6:37

Dai guiꞌ nat jɨꞌk puiꞌ jaꞌk ja jujurtuda guñ Gɨꞌkoraꞌ nam baꞌ siamrim guguuxiꞌñ nam tɨ jɨɨꞌñdhaꞌ aañ jiñ bui, baꞌ aañ miꞌ dhɨr ja guguuxdhaꞌ cham jax ji chɨꞌji.

JUAN 6:39

Na guꞌ guñ Gɨꞌkoraꞌ jaꞌpni jaꞌk jix aaꞌ, na guiꞌ nat jɨꞌk puiꞌ jaꞌk ba ja jujurtuda nam ba tɨ jɨɨꞌñdhaꞌ aañ jiñ bui, jix aaꞌ nam gammɨjɨ bañ kaichgɨdaꞌ, na baꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn, cham ja tulhiiñchudaꞌ iñ, dai nañ pu ja baidhikaꞌx dhaam jaꞌk.

JUAN 8:58

Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌ, bɨɨpɨꞌ dɨr pux jaiꞌch iñ aañ nat baꞌ gu Abraam yaꞌ maaxirɨk gio cham jup ka jaiꞌch.

1 KORIINTO KAM 13:12

Puꞌñi baꞌp ji buusan xib aach nach jɨꞌk tɨ jɨɨgiꞌñ buiñor guch Xoiꞌkam, nach guꞌ chakui bhaiꞌ maat na jax pɨk jir tuꞌm kam gu Dios. Jaꞌp pɨx jich ñɨiꞌñ ich panaas xib na jax noꞌch jich ñɨnɨiꞌñ bhaan gu baiñum totbikdam nach jix koomgim jix maax kaꞌ. Puꞌñi jaꞌk pɨx jup ji buusan sia noꞌñ bɨɨx aixim tɨix chu maat yaꞌ dhi oiꞌñgaꞌn, ku guꞌm aayaꞌ ji gu tanoolh nach paiꞌ dhuuk jix bhaiꞌ machiaꞌ gu Dios na jax pɨk jir tuꞌm kam, jaꞌp na jax guiꞌ bhammɨ dɨr bha jaꞌk na gammɨjɨ pux bhaiꞌ xiñ maat aañ nañ jax jir tuꞌm, maaxik miaꞌn dɨr ba tɨgiaꞌ ich guꞌ.

2 KORIINTO KAM 3:18

Puiꞌ na jax aach na guꞌ cham tuꞌ tuꞌ kach iiñ guch buibas, puiꞌ pɨx baꞌ maaxik gɇꞌ tanoor ich, na guꞌch aꞌm jum maaxiꞌñ gu Dios na jax jir tuꞌm kam. Gammɨjɨch jix ioꞌm puiꞌch dhuñiim na jax jir tuꞌm kam gu Dios, na guꞌch Xoiꞌkam pɨx nap tu duiñchuꞌ, na guꞌr dhiꞌ pɨx gux Dhuuduꞌ kam jix Uañ Iiꞌmdaꞌ.

2 KORIINTO KAM 4:6

Nat guꞌ gu Dios guiꞌ nat tu chia bɨjɨk na miꞌ dhɨr jaiꞌchdhɨlhiaꞌ gux chu maax na paiꞌx chu tukgam, mɨmɨich guch jujur nach baꞌ puꞌñi ja bɨꞌñxidhaꞌ gu jaꞌtkam, nañ jaꞌpni kaiꞌñkam jup kaiꞌch nach ja aagiꞌñdhaꞌ gu jaꞌtkam na jɨꞌx jir gɇꞌkam gu Dios, gio na dhiꞌ pɨx bhaan jum maaxiꞌñ guch Xoiꞌkam na jax jir tuꞌm kam gu Dios.

2 KORIINTO KAM 5:8

cham tuꞌ bhaan jax jich aagɨt, dai nach tɨi bax aaꞌ pɨx na gɨt jaꞌbsunɨi dhich chutkuꞌ jaiꞌ bap jum duñiaꞌ nach baꞌ buiñor ba jimiaꞌ guch Xoiꞌkam.

PILIIPOS KAM 1:23

Cham maat iñ noꞌñ mukiaꞌ piam kuñ guꞌ duakaꞌ. Na guꞌ noꞌ ñich ba muu, dai nañ ba jimiaꞌ nañ buiñor bap tuiꞌkaꞌ guch Xoiꞌkam. Jix ioꞌm jix bhaiꞌ ji chu buusniaꞌ gu puiꞌ jaꞌk aañ jiñ bui.

1 TESALOONIKA KAM 4:17

Baꞌ guiꞌ nach jɨꞌk duduakaꞌ nach puiꞌp tɨ jɨɨgiꞌñdhaꞌ buiñor, maap jach bhaiꞌ ba bhɨɨyaꞌ nach ba namkipuꞌ bhammɨ tɨbaaꞌñ chaꞌm guiꞌ na bhaan bha jimdaꞌ, gammɨjɨch baꞌ buiñor pu bap tuiꞌkaꞌ guch Xoiꞌkam.

1 PEEGRO 1:21

Jix bhaiꞌ duu dho guch Xoiꞌkam nat tuch ñamkix, nach guꞌ miꞌ dhɨr baꞌ puꞌñi duuji dai gu Dios pɨx buiñor bax biiñak kaꞌ, guiꞌ nat jaroiꞌ duaꞌñdhak giop bamiiꞌ guch Xoiꞌkam mu dɨr koiꞌñgaꞌn tɨr na mɨt paiꞌ tɨi yaas gu jaꞌtkam xi muꞌaak nat baꞌ miꞌ dhɨr jix ioꞌm gɇꞌkam kɨꞌn ba dai bhammɨx dhaam. Baꞌ xib dai guiꞌ pim pɨx buiñor jix biiñak kat tɨ nɨɨrdaꞌ na puiꞌ tu kuugalhdhaꞌ nat jax tuch dhaaxdhak.

1 JUAN 3:2

Aach dho gi nach guꞌ bax maat nach tuꞌ sɨlhkam bar maamraꞌn gu Dios nañ jax ba jam tɨtdañ jaaduñ, sia kuch guꞌ chakui pɨk moo maat gu xib nach jax moo tuꞌm jup jich dhuñiaꞌ janoꞌ nach paiꞌ dhuuk buiñor bap tuiꞌkaꞌ guch Xoiꞌkam noꞌt bach baidhak yaꞌ dɨr dhi oiꞌñgaꞌn. Daipuꞌ nach jix maat nach saak puiꞌ tuutuꞌm jup jich dhuñiaꞌ na jax jir tuꞌm guiꞌ, nach guꞌ maap bap tuiꞌkaꞌ.

NAT JAX TƗ TƗƗ GU JUAN 21:22

Baꞌ bhaiꞌ dhi gɇꞌ kiicham, cham tuꞌ ka jaiꞌch gu chiop na paiꞌ dhɨr tum daan, na guꞌ jaꞌp ji buusan na gu Dios bɨɨmaꞌn guch Xoiꞌkam bhaiꞌr chiop, na guꞌ bhaiꞌp tuꞌiiꞌ bɨɨx kap na jɨꞌx jir kiicham.

NAT JAX TƗ TƗƗ GU JUAN 3:21

Guꞌ baꞌ gu jɨꞌk nam jiñ buix biiñak kat miꞌ puiꞌ tu kuugalhdhim nañ jɨꞌk jax jix aaꞌ cham tuꞌ bhaan jax jim aagɨt sia tuꞌ ba ji ja duu, aañ gɇꞌgɇrkam kɨꞌn ja darsaꞌ yaꞌ nañ paiꞌ Gɇꞌkam kɨꞌn ba daa sonpan gu Dios, nam jaiꞌñ aꞌmkam ja sɨlhkaꞌndaꞌ gu jaꞌtkam.