JUAN 17:19 - Tepehuano Tepehuán del Sureste (Durango)

¹⁹ Baꞌ aañ xib puiꞌ xi chu kuugalhdhaꞌ na pich jɨꞌk jax jiñ chɨɨdak bhañ joot jiñ Gɨꞌkoraꞌ, nam baꞌñ chɨɨgɨi puiꞌ jaꞌk jup tu kuugalhdhaꞌ dhiꞌ nam jɨꞌk bañ kaichuꞌ na ñich naiꞌ ja joot nam tu ja aꞌgiꞌñpuꞌ gu jaꞌtkam, nañ guꞌ ba ja aagiꞌñ nap jax jaꞌk jix kɨɨꞌ kaꞌm nɨiꞌñ.

JUAN 17:19 Iomraidhean Croise

JUAN 10:36

Guꞌ baꞌ aañ puꞌñi ɨp xib, miꞌ puiꞌ xi chu duñiim iñ nat jɨꞌk jax jiñ chɨɨdak bhañ joot guñ Gɨꞌkoraꞌ yaꞌ dhi oiꞌñgaꞌn bhaan. Guꞌ ji na pim guꞌ aapiꞌm yaꞌ puiꞌñ chɨtda nañ gɇꞌkam kɨꞌn jiñ uaꞌtulhiꞌñ buiñor nañ puiꞌ xi jam tɨtda nañ guiꞌr maraaꞌn nat bhañ joot.

JUAN 15:13

Na guꞌ dhiꞌ jaꞌpni jia noꞌñ moo tuꞌ sɨlhkam baabuiꞌx chu joiꞌgɨꞌn, noꞌ mɨt ba ji gɨɨꞌ piam kum bax muꞌaak guiꞌ nach maap jix bhaiꞌ kaiꞌchdhaꞌ, aañ dho mɨjɨ dɨr jup ji dhaiꞌññiaꞌ nañ palhbuidhaꞌ, cham jax bua sia ku mɨt mañ mua bhaankamuꞌn. Dhiꞌ baꞌ bhaan bax maatɨꞌ kaꞌ nañ tuꞌ sɨlhkam jix chu joiꞌgɨꞌn.

JUAN 15:3

Aapiꞌm puꞌñip ji buan jiñ jaaduñ na jax gu mamragaꞌn gu ɨꞌɨɨx, na pim guꞌ ba kɨɨꞌmpigix gu jam jujur am bhaan na pim ba tɨ jɨɨgiꞌñ bɨɨx nañ jɨꞌk jax jam tɨtda.

JUAN 17:17

Aap baꞌ xi ja nɨidhat ka ja nuukdaidhaꞌ, nam guꞌ tɨ jɨɨꞌñdhat miꞌ puiꞌ ba jiim na pich jɨꞌk jax jiñ chɨɨꞌn nañ tu ja aꞌgidhaꞌ, bax maat am na cham tuꞌr iatdaꞌ gum ñiꞌook.

JUAN 17:20

’Ku guꞌ cham tuꞌ ji nañ moo dai dhiꞌ ja aꞌmkam soiꞌm tɨtdañ Gɨꞌkoraꞌ nam jɨꞌk bañ kaichuꞌ xib, jaꞌpji sia guiꞌ nam jɨꞌk tɨ jɨɨꞌñdhaꞌñ bui gatuuk nam paiꞌ dhuuk bhaiꞌ ji chu ja aꞌgidhaꞌ dhiꞌ na ñich naiꞌ ja joot nam tu ja aꞌgiꞌñpuꞌ.

1 KORIINTO KAM 1:2

Aapiꞌm jañ mu tu jam uaꞌñxidhaꞌ na pim miꞌ maap jum jumpadat daan gu Dios gɇꞌ kiicham na Koriinto tɨ tɨɨꞌ, na pim puiꞌp jir jiñ jaaduñ jich Xoiꞌkam bhaan. Na pim guꞌ puiꞌx uꞌuañ kɨꞌn jup ba guguuk buiñor gu Dios, nat guꞌ guiꞌ pɨx jam aꞌm tɨ tɨɨgɨk miꞌ jam tuttu na paiꞌ gu jaꞌtkam tugiꞌñ na pim baꞌ puiꞌ jaiꞌ maap jum jumpadat buiñor jup ba tu daan jaꞌp na jax aach, gam sia bɨɨx guiꞌ nam jɨꞌk naiꞌ muiꞌ kap puiꞌ maap jum jumpadat jup tu daan buiñor gu Gɇꞌkam jich Xoiꞌkam.

2 KORIINTO KAM 4:15

Guꞌ baꞌ dhiꞌ nach jich chulhiiñ, dhiꞌ na jax dhuix bhaiꞌ tu jam jimdaꞌ aapiꞌm. Na guꞌ noꞌ muiꞌx ja joiꞌmdat ja aꞌm tɨ nɨidhim gu Dios, dhiꞌ bɨɨx dhɨt taxchaabgidhat jix bhaiꞌm taat kaꞌ am, gɇꞌkamtuꞌndaꞌ am.

2 KORIINTO KAM 7:14

Gio guꞌ aañ puiꞌ pu ba tɨɨꞌn bɨɨpɨꞌ dɨr gu Tiito nañ jix bhaiꞌñ chaat ɨp aañ jam bui, maaꞌn baꞌ nañ jax jix bhaiꞌñ chaat jam bui sia gu xib. Tuꞌ sɨlhkam jañ jix bhaiꞌñ chaat jam bui, cham tuꞌ nañ puiꞌ pɨx kaiꞌch, gio dhiꞌ nach jɨꞌk jax jam tɨtda, jir sɨlhkam ɨp.

2 KORIINTO KAM 8:9

Gio guꞌx maat japim gu Gɇꞌkam jich Xoiꞌkam nat gampaiꞌ xim duuk yaꞌ xi oilhimɨk dhi oiꞌñgaꞌn bhaan. Nat xich joiꞌmdak jich chɨɨ kut baꞌ puiꞌm duu nach baꞌ aach jix chutumñigam kɨꞌn ji biꞌyaꞌ iiꞌmdaꞌ bhaan, cham tuꞌ na jax pɨk jir jum duukam.

KOLOOSAS KAM 1:6

Dhix bhaiꞌm kaiꞌchdham ñioꞌkiꞌñ guch Xoiꞌkam na mɨt tu jam aꞌgi, jum gɨꞌlhdhim bɨɨx kap na jɨꞌx oiꞌñgaꞌn, pɨx jaꞌx ji tɨ jɨɨꞌñdhim am muiꞌ gu jaꞌtkam, jaꞌp na jax aapiꞌm bhaiꞌ dhɨr na pimɨt ba muiꞌdha, sia ku mɨt guꞌ tɨi jɨꞌk pɨx kɇɇk tɨ jɨɨꞌñ na jax jix chu joiꞌgɨꞌn gu Dios, maat japimɨt na tuꞌ sɨlhkam jix chu joiꞌgɨꞌn, cham tuꞌ na puiꞌ pɨx jum kaiꞌch.

1 TESALOONIKA KAM 4:7

Nat guꞌ gu Dios pu kaiꞌñkam jich aꞌm tɨ tɨɨ nach baꞌ miꞌ puiꞌ ba jiimdaꞌ na jax jix aaꞌ, nach jix uꞌuañ jup tuiꞌkaꞌ guiꞌ buiñor, cham tuꞌ nach bɨɨx aixim tu buadaꞌ na tuꞌ cham jir kɨɨꞌ.

2 TIMOTEO 2:10

Puiꞌ kuñ baꞌ cham jax jiñ aagɨt xi kɨɨk nañ tu nakooꞌ nam baꞌ bhaan jum guguuxdhai puiꞌp tɨ jɨɨꞌñdhaꞌ buiñor guch Xoiꞌkam guiꞌ nat jɨꞌk Dios ja aꞌm tɨ tɨɨ. Baꞌ cham jɨꞌxkat mu jaꞌk ka bhɨɨyaꞌ am nam paiꞌ gammɨjɨ gɨt miꞌ pup jum tulhiiñdhaꞌ, dai nam jimiaꞌ na paiꞌ joidham jix chu abhaar, dai pɨx noꞌ mɨt ba tɨ jɨɨꞌñ buiñor guch Xoiꞌkam.

TIITO 2:14

Guch Xoiꞌkam dɨɨlh jum doꞌñcho na mɨt mua nat baꞌ pu duuk bɨɨx jich uañchuda guch uaꞌtulhdharaꞌ nach aꞌm jup tuꞌt janoꞌ nach chakui tɨ jɨɨꞌñdhat buiñor, jaꞌp ji buus nat jich boosgak jaꞌp jaꞌk jich chuttu miꞌ dhɨr na paiꞌx chu uaꞌtulhdhix. Baꞌ aach dɨɨlh xich guguuxdhai miꞌ puiꞌ ba jimiaꞌ na jax jix aaꞌ, dai guiꞌ buiñor pɨx jaꞌk jach bap tuiꞌñgɨdaꞌ.

ISRAEL KAM 10:29

Dho jaiñ, ¿guꞌ gi baꞌ janoꞌ na paiꞌ dhuuk tum kuugalhdhaꞌ yaꞌ dhi oiꞌñgaꞌn, jax japim ɨlhiiꞌñ na tu ja doodaꞌ guiꞌ nam jɨꞌk tuꞌ pɨx ɨlhiiꞌñ guch Xoiꞌkam Maraaꞌn gu Dios nat tɨix ja joiꞌndak ja aꞌmkam muu kuruus taꞌm, nat gɇꞌ jaax gu ɨꞌraꞌn nat kɨꞌn tu ja namkix gu ja uaꞌtulhdharaꞌ? Jix ioꞌm ji na ja tulhiiñchudaꞌ gu Dios, cham tuꞌ na tuꞌ palhɨɨp, gam nam guꞌ tuꞌ pɨx ɨlhiiꞌñ gux Dhuuduꞌ kam jix Uañ Iiꞌmdaꞌ na tɨix ja tajaañdham gu Dios nax ja joiꞌgɨꞌn.

ISRAEL KAM 2:11

Baꞌ guiꞌ nam jɨꞌk tɨ jɨɨꞌñdhat buiñor guch Xoiꞌkam miꞌ puiꞌ ba jiim na jax jix aaꞌ guch Gɨꞌkoraꞌ, puiꞌ bam tɨɨtɨꞌ am nam jir maamraꞌn gu Dios, puiꞌ ɨp na jax guch Xoiꞌkam guiꞌ nat tu ja namkix gu ja uaꞌtulhdharaꞌ nar Maraaꞌn gu Dios. Baꞌ cham paiꞌ jax ɨlhiiꞌñ guch Xoiꞌkam sia ku jajaaꞌnniꞌñ ja iim gu jaꞌtkam nam ba tɨ jɨɨgiꞌñ buiñor, na guꞌx maat nam guiꞌ puiꞌp bar maamraꞌn gu Dios na jax dɨɨlh.

ISRAEL KAM 9:13

Na pim jax bax maat jiñ jaaduñ na saak gu ja ɨꞌɨɨr gu tutuur gam karbax noꞌ ñich makgɨrxi gu Dios, dhiꞌ kɨꞌn tuñ uañdhaꞌ guñ uaꞌtulhdharaꞌ sia gu palhɨɨp.

ISRAEL KAM 9:18

Puiꞌ ku baꞌ moo janoꞌ nat jax tu ja daax gu Dios gu Israel kam jaꞌtkam nam jax jaꞌk tu buadaꞌ buiñor, gu Moisees ja koodak gu sasoiꞌ makgɨrxi na baꞌ puꞌñi duuji jix bhaaiꞌn kaꞌ na tu ja uañiꞌñkaꞌ gu ja uaꞌtulhdharaꞌ sia gu palhɨɨp. Baꞌ dhiꞌ puiꞌ ji buusan na jax gu jaroiꞌ noꞌt bhaan ba tu bii gu bɨxchuꞌ na tu iimchudhix.

ISRAEL KAM 9:26

Na guꞌ noꞌ muiꞌkim ji chu makgɨrxidhaꞌ gɨt guch Xoiꞌkam gu Dios, ¿cham aa guꞌ jɨꞌk na kim ba mukiaꞌ gɨt dhiꞌ janoꞌ dɨr nat paiꞌ dhuuk jup duu gu Dios dhi oiꞌñgaꞌn, kux baꞌ guꞌ tuꞌ maaꞌnnim pɨx? Dai xib na yaꞌ ba miamlhim na paiꞌ dhuuk tum kuugalhdhaꞌ yaꞌ dhi oiꞌñgaꞌn nat baꞌ bhaiꞌ xi jimɨɨk yaꞌ aach jich bui xim makgɨrtak jich aꞌmkam, pu daipuꞌ maaꞌnnim pɨx. Dhiꞌ kɨꞌn pu gammɨjɨ ba tu uañdhix kaꞌ guch uaꞌtulhdharaꞌ.

1 JUAN 3:18

Baꞌ aapiꞌm cham pu chuꞌt jiñ jaaduñ jich Xoiꞌkam bhaan, jaꞌpji nach xi ja palhbuidhat guch jaaduñ kɨꞌn gu tuꞌ na ja aꞌm jum aagaidhaꞌ na baꞌ bhaan jix maatɨꞌ kaꞌ nach sɨlhkam bax chu joiꞌgɨꞌn, cham tuꞌ nach puiꞌ pɨx kaiꞌchdhaꞌ.

1 JUAN 3:3

Guꞌ baꞌ gu jaroiꞌ noꞌx aaꞌ na bhammɨ aayaꞌ na paiꞌp tuiꞌkaꞌ guch Xoiꞌkam, jum aaꞌ nax bhaiꞌ xi chu jimdaꞌ, na cham tuꞌx buam ka tu buadaꞌ na tuꞌr uaꞌtulhdharaꞌ. Na guꞌ cham jɨꞌxdhaꞌ jaroiꞌ bhammɨ aayaꞌ noꞌx uaꞌtulhdhix, na guꞌ guiꞌx uañ kɨꞌn kɨɨk na paiꞌp tuꞌiiꞌ.