JUAN 17:17 - Tepehuano Tepehuán del Sureste (Durango)

¹⁷ Aap baꞌ xi ja nɨidhat ka ja nuukdaidhaꞌ, nam guꞌ tɨ jɨɨꞌñdhat miꞌ puiꞌ ba jiim na pich jɨꞌk jax jiñ chɨɨꞌn nañ tu ja aꞌgidhaꞌ, bax maat am na cham tuꞌr iatdaꞌ gum ñiꞌook.

JUAN 17:17 Iomraidhean Croise

LUUKAS 8:11

Baꞌ ba ja aagiꞌñ gu Jesuus guiꞌ nam kaichuꞌ na tuꞌ aagɨt jup kaiꞌch nat bhaan uaꞌrgidhak gu tiriik giigiꞌñdham tu aꞌga. Jup ja tɨtda: ―Jaꞌpniñ dho kaiꞌñkam jup kaiꞌch bɨɨpɨꞌ na ñich bhaan tu aꞌga gu tiriik giigiꞌñdham. Gu jaroiꞌ noꞌt tu ja aꞌgi gu jaꞌtkam gu ñioꞌkiꞌñ gu Dios, dhiꞌ jaꞌp ji buusniaꞌ na tu giiꞌñdhaꞌ gu tiriik.

LUUKAS 8:15

Baꞌ guiꞌ nat miꞌ suulh na paiꞌ joidham jix kɨɨꞌ gu dɨbɨɨr, guiꞌ ja aagɨt jup kaiꞌch iñ nam bɨɨx ja jujur kɨꞌn pu gammɨjɨ ba tɨ jɨɨꞌñdhaꞌ na jax jum tɨꞌyaꞌ gu ñioꞌkiꞌñ gu Dios, cham jɨꞌxkat jaꞌk ka suulhgiaꞌ am baꞌ. Baꞌ dhiꞌ puiꞌ bam kaiꞌch ɨp nat giilhim joidham jix bhaiꞌm dunaak muiꞌm oo gu tiriik.

JUAN 15:3

Aapiꞌm puꞌñip ji buan jiñ jaaduñ na jax gu mamragaꞌn gu ɨꞌɨɨx, na pim guꞌ ba kɨɨꞌmpigix gu jam jujur am bhaan na pim ba tɨ jɨɨgiꞌñ bɨɨx nañ jɨꞌk jax jam tɨtda.

JUAN 17:19

Baꞌ aañ xib puiꞌ xi chu kuugalhdhaꞌ na pich jɨꞌk jax jiñ chɨɨdak bhañ joot jiñ Gɨꞌkoraꞌ, nam baꞌñ chɨɨgɨi puiꞌ jaꞌk jup tu kuugalhdhaꞌ dhiꞌ nam jɨꞌk bañ kaichuꞌ na ñich naiꞌ ja joot nam tu ja aꞌgiꞌñpuꞌ gu jaꞌtkam, nañ guꞌ ba ja aagiꞌñ nap jax jaꞌk jix kɨɨꞌ kaꞌm nɨiꞌñ.

JUAN 8:32

Baꞌ cham jaroiꞌ jam aꞌmkam aaꞌndaꞌ na pim bha nɨidhidhaꞌ na jax jam tɨɨdaidhaꞌ, na pim guꞌ bax mat kaꞌ na jax jaꞌk jir am na pim tuiꞌñgɨdaꞌ.

JUAN 8:40

Tɨɨꞌ na pim baꞌ guꞌx chu chiañik nam jiñ muꞌaaꞌ sia kuñ tɨi tu aꞌgim na jax pɨx jiñ chɨɨdaim gu Dios. Jax dhui na guꞌ Abraam cham tuꞌ puiꞌ tomaatɨt na jax aapiꞌm.

GU NOONBIꞌÑ GUCH XOIꞌKAM 15:9

Cham tuꞌ jaiꞌ kam ja ɨlhiiꞌñ gu Dios sia kum cham jir Israel kam jaꞌtkam, puiꞌ pɨx jup ja ɨlhiiꞌñ ji matgɨm na jax aach. Dhiꞌ bhaan jix maatɨꞌ nat puiꞌp uañchuda gu ja uaꞌtulhdharaꞌ na mɨt paiꞌ dhuuk tɨ jɨɨꞌñ buiñor guch Xoiꞌkam jaꞌp na jax aach.

2 KORIINTO KAM 3:18

Puiꞌ na jax aach na guꞌ cham tuꞌ tuꞌ kach iiñ guch buibas, puiꞌ pɨx baꞌ maaxik gɇꞌ tanoor ich, na guꞌch aꞌm jum maaxiꞌñ gu Dios na jax jir tuꞌm kam. Gammɨjɨch jix ioꞌm puiꞌch dhuñiim na jax jir tuꞌm kam gu Dios, na guꞌch Xoiꞌkam pɨx nap tu duiñchuꞌ, na guꞌr dhiꞌ pɨx gux Dhuuduꞌ kam jix Uañ Iiꞌmdaꞌ.

EEPESO KAM 4:21

Dai guch Xoiꞌkam bhaan tu jam aꞌgi mɨt, gio jam aagiꞌñ am ɨp na jax jaꞌk jix aaꞌ na pim miꞌ puiꞌ jiimdaꞌ. Dai puiꞌ jaꞌk jir jix kɨɨꞌ guꞌ gio nar sɨlhkam nat jax jaꞌk jich aaꞌñ guch Xoiꞌkam.

EEPESO KAM 5:26

Baꞌ nat xich joiꞌmdak jich aꞌmkam muu, dhiꞌ pu chuꞌm naiꞌ pup tum aꞌga, dhiꞌ nat baꞌ aach jax chuꞌm kɨꞌn uana guch uaꞌtulhdharaꞌ bɨnkam na chich jich bopko suudaiꞌ kɨꞌn. Guiꞌ dɨɨlh puiꞌ jaꞌk tu duu nach baꞌ bar jaꞌtkam tugiꞌñ kaꞌ,

2 TESALOONIKA KAM 2:13

Dhiꞌ bhaan baꞌ aach jich aꞌm jum aaꞌ nach gammɨjɨ taxchaabgiꞌñdhaꞌ gu Dios nat jam aꞌm tɨ tɨɨ aapiꞌm jiñ jaaduñ jich Xoiꞌkam bhaan, nat guꞌ pu kaiꞌñkam pɨx jam aꞌm tɨ tɨɨ na pim baꞌ aapiꞌm bɨɨpɨꞌ ba boosgix kaꞌ miꞌ dhɨr bhaan gu boi na mu jaꞌk bhɨix nam paiꞌ gammɨjɨ miꞌ pup jum tulhiiñdhaꞌ guiꞌ nam pui dhiꞌ bhaan jiim, nat guꞌx uꞌuañ bap jam duu gux Dhuuduꞌ kam jix Uañ Iiꞌmdaꞌ, na pimɨt guꞌ miꞌ puiꞌ jii bhaan guiꞌ na tuꞌr sɨlhkam.

SANTIAGO 1:21

Gu jaꞌpji na pim soiꞌm ɨlhdhat miꞌ puiꞌ xi jiimdaꞌ ji na jax jum kaiꞌch gux bhaiꞌm kaiꞌchdham ñioꞌkiꞌñ gu Dios, guiꞌ na bhaan jich aagiꞌñ na jax jaꞌk jix bhaaiꞌ nach duñiaꞌ nach baꞌ cham jich chulhiiñaꞌ gatuuk, na pim guꞌ bax maat. Jaꞌp japim xi dhui bɨɨx na jɨꞌk tuꞌr jix buam jum duukam na yaꞌ dhi oiꞌñgaꞌn jix chu jaiꞌch na pim baꞌ cham dhiꞌ bhaan jum uaꞌtulhiꞌñdhaꞌ.