JUAN 16:8 - Tepehuano Tepehuán del Sureste (Durango)

⁸ Noꞌt guiꞌ yaꞌ ba ai dho gi baꞌ guꞌ bhaiꞌ ji ja mattudaꞌ ji gu jaꞌppɨx jaꞌtkam nam cham jiñ bui tɨ jɨɨgiꞌñ nam sɨlhkam jix uꞌuaꞌtulhdhix, nam guꞌ cham miꞌ puiꞌ jiim na jax jaꞌk jix kɨɨꞌ kaꞌm nɨiꞌñ guñ Gɨꞌkoraꞌ nañ jax ba tu ja aꞌgiꞌñ, gio na bhaiꞌ ji ja mattudaꞌ na guñ Gɨꞌkoraꞌ ja tulhiiñchudaꞌ noꞌ mɨt jax dhuuk cham tuꞌ kaꞌm tɨɨ.

JUAN 16:8 Iomraidhean Croise

JUAN 16:7

Guꞌ aañ miꞌx bhaiꞌ jam tɨtda ji. Na guꞌ noꞌñ yaꞌ pu oirɨ, cham jɨꞌxdhaꞌ bha jimiaꞌ guiꞌ nañ aaꞌ na gammɨjɨ jam buip tuiꞌkaꞌ na jam nuukdaidhaꞌ gio na jam guguuxdhatgɨdaꞌ. Guꞌ cham noꞌ ñich mu jii, nañ guꞌ bhammɨ ɇɇji bhɨjɨ xi jam joochxidhaꞌ.

JUAN 16:9

Guiꞌ bhai ji ja mattudaꞌ nar uaꞌtulhdharaꞌ noꞌm cham aaꞌ nam tɨ jɨɨꞌñdhaꞌ aañ jiñ bui.

JUAN 8:46

¿Aañ japim paa duuk jiñ ñɨiꞌñ na ñich tuꞌ jax ba duu na cham jir am, nar uaꞌtulhdharaꞌ? ¿Piam aa na guꞌ cham? Nañ guꞌ aañ sɨlhkam tu aꞌga, guꞌ ji na pim guꞌ cham tɨ jɨɨgiꞌñ.

JUAN 8:9

Guꞌ baꞌ na mɨt kai nat puiꞌ jɨꞌ tɨi gu Jesuus, gampaiꞌ ji dhuu mɨt, nam guꞌx maat nam giilhim jix uꞌuaꞌtulhdhix. Cham jamɨt baꞌ paiꞌ ka tɨkka, dai na mɨt pɨx ji bubuax xɨꞌlhim bɨɨpɨꞌ kat guiꞌ nam jir jagɨꞌgɨr. Bɨɨx jamɨt pu bubua, dɨɨlh dai gook jamɨt miꞌ ji bii gu Jesuus gio gu ubii.

GU NOONBIꞌÑ GUCH XOIꞌKAM 2:37

Baꞌ na mɨt puiꞌ jɨꞌ kai guiꞌ nam jɨꞌk miꞌp tuꞌiiꞌ, bhaiꞌx buam jim ɨlh jamɨt, baꞌ soiꞌm ɨlhdhat ba tɨkka am gu Peegro gio gu jaiꞌ noonbiꞌñ gu Jesuus, jup ja tɨtda am: ―Aapiꞌm jich jaaduñ, ¿tuꞌm aaꞌ nach jax dhuñiaꞌ na baꞌ cham kach chulhiiñchudaꞌ gu Dios?

1 KORIINTO KAM 14:24

Guꞌ cham noꞌt guꞌ jaroiꞌ maadɨt bhaiꞌ ji chu aꞌga kɨꞌn gu ñiꞌook nam jax chuꞌm jix maatɨt kɇɇkɇꞌ bɨɨx na ja aagiꞌñdhaꞌ na jax jaꞌk jix aaꞌ gu Dios, na guꞌ xim gaꞌngadaꞌ baꞌ guiꞌ na jaꞌp pɨx jam kɇɇkɇꞌ.

JUUDAS 1:15

na bam aayaꞌ na paiꞌ dhuuk ja aagiꞌñdhaꞌ bɨɨx na jɨꞌk jaꞌtkam nam tu jax buimɨi nam duduakat gu ja tutkuꞌ bhaan. Baꞌ miꞌ dhɨr dai na ba ja tulhiiñchudaꞌ guiꞌ nam jɨꞌk bɨɨx aixim jix buam tu buimɨi na jax cham kɨɨꞌ kaꞌm nɨiꞌñ, gam guiꞌ nam bɨɨx aixim aiꞌchuxdhat jix bhaamut aꞌgimɨi gu Dios.”