JUAN 16:4 - Tepehuano Tepehuán del Sureste (Durango)

⁴ Xib dɨr jañ moo pu ba jam aagiꞌñ, na baꞌ noꞌt puiꞌ ba ji chu jam dooda, ba machiaꞌ pim nañ cham tuꞌ pɨx jap jam tɨtda. ’Puiꞌ kuñ baꞌ cham paiꞌ puiꞌ jam aagiꞌñ dhiꞌ puiꞌ jaꞌk moo janoꞌ na ñich jax yaꞌ ai, nañ guꞌx maat nañ muiꞌ yaꞌ ka xi juruuñdhai jam bui.

JUAN 16:4 Iomraidhean Croise

MATEO 10:7

Xi ja aagiꞌñdhaꞌ pim nat bam ai nam paiꞌ dhuuk machiaꞌ nam jax jaꞌk miꞌ puiꞌ jimiaꞌ na baꞌ ja aꞌm ba tɨ nɨidhidhaꞌ gu Dios.

MATEO 24:25

Mooñ pu ba jam aagiꞌñ xib dɨr na pim baꞌ moox mat kaꞌ.

MATEO 9:15

Baꞌp ja tɨtda gu Jesuus: ―Dho na guꞌ dhiꞌ jaꞌpni ji buusan jia na jax gu jaroiꞌ noꞌ mu paiꞌ ba xim tɨɨmom, nam guꞌ cham jɨꞌx jum saabum jum ɨlhiiꞌñdhaꞌ gu jaꞌtkam miꞌ jotmodaꞌ, nam guꞌx chu nak kaꞌ gu koiꞌ. Miꞌ dhɨr baꞌ noꞌt ba jii guiꞌ na miꞌ xim tɨɨmui nam dho gi baꞌ xim saabum bam ɨlhiiꞌñdhaꞌ ji gu jaꞌtkam.

MAARKOS 13:23

Baꞌ aañ pu kaiꞌch na pim cham ja kɇkɇɇdat, nam guꞌ tu iatgidhidhaꞌ pɨx. Mooñ ba jam aagiꞌñ xib dɨr.

MAARKOS 2:19

Baꞌp ja tɨtda gu Jesuus: ―Dho na guꞌ dhiꞌ jaꞌpni ji buusan jia na jax noꞌ jaroiꞌ mu paiꞌ ba xim tɨɨmum, nam guꞌ cham jum saabum jum ɨlhiiꞌñdhaꞌ gu jajaaꞌnniꞌñ, nam guꞌx chu nak kaꞌ gu koiꞌ. Baꞌ puꞌñip ji buusan ja bui dhiñ jaꞌtkam tuk, cham jum saabum jum ɨlhiiꞌñ am gu xib, nam guꞌx bhaiꞌm taat nañ yaꞌ kap tuꞌiiꞌ ja bui.

LUUKAS 1:2

Puiꞌ jaꞌk tu daasaim am nam jax ja aagiꞌñ guiꞌ na mɨt maaxik ja buupui kɨꞌn tɨ tɨɨ nammɨ dɨr nat jax bhaiꞌ ji oilhimɨ guch Xoiꞌkam, nat guꞌ dhiꞌ baꞌ ja aꞌm bii nam naiꞌ puiꞌ tu ja aꞌgidhaꞌ gu jaꞌtkam, puiꞌ kuch baꞌ aach puiꞌp bax chu maat jaiꞌ dhɨt.

JUAN 13:19

Xib dɨr jañ puiꞌ ba pup xi jam tɨtdañ jaaduñ na pim baꞌ ba pup jix mat kaꞌ, ampɨk na puiꞌ tum kuugalhdhaꞌ, na pim baꞌx ioꞌm ba tɨ jɨɨgiꞌñdhaꞌ noꞌt puiꞌ ba tum duu na aañ pɨx jir diꞌ guch Xoiꞌkam nañ jax pu bar diꞌ sia bɨjɨk dɨr.

JUAN 14:29

Ku baꞌ guꞌ dhiꞌ puiꞌ tum duñiaꞌ ji kiaꞌ, sia ku pim guꞌ yaꞌ cham pɨk jiñ jɨɨgiꞌñ. Xib dɨr jañ moo puiꞌ ba pup xi jam tɨtda na pim baꞌñ jɨɨgiꞌñdhaꞌ noꞌt puiꞌ ba tum kuugalh.

GU NOONBIꞌÑ GUCH XOIꞌKAM 9:16

Baꞌ aañ ba mattudaꞌ na jax jaꞌk jum tulhiiñaꞌ aañ jiñ aꞌmkam.

2 TESALOONIKA KAM 2:5

Pui pim dho chi tɨꞌñcho nañ puiꞌ jam tɨtda janoꞌ nañ bhammɨ jam buip tuꞌt.

2 PEEGRO 1:14

Na guꞌ puiꞌ kam tu tatdaꞌ nañ jootom ba mukiaꞌ panaas, dɨɨlh gu gɇꞌkam jich Xoiꞌkam puiꞌ jaꞌk jiñ jurtuꞌn na jootom bañ baidhikaꞌ.