JUAN 15:14 - Tepehuano Tepehuán del Sureste (Durango)

¹⁴ Aapiꞌm ji baꞌ bar dhiꞌñ jaaduñ guiꞌ nach tuꞌ sɨlhkam maap jix bhaiꞌ bach dhaaꞌ, na pim guꞌ miꞌ puiꞌ ba jiim nañ jɨꞌk jax jam tɨɨdaim.

JUAN 15:14 Iomraidhean Croise

MATEO 12:50

Na guꞌ gu jaroiꞌ na puꞌñi miꞌ puiꞌ ba jimdaꞌ na jax jix aaꞌ guñ Gɨꞌkoraꞌ guiꞌ nax dhaam jup tuꞌiiꞌ, dhiꞌ puiꞌ ji buusandaꞌ na bar jiñ jaaduñ kaꞌ gio na bar jiñ ñaan kaꞌ.

LUUKAS 12:4

’Baꞌ jaꞌp jañ jup xi jam tɨɨdam jiñ jaaduñ na pim cham ja ɨɨbhiꞌñdhaꞌ gu jaꞌtkam guiꞌ nam jir tu kooꞌn kam, chaꞌpim totdon kaꞌ sia kum xi jam koodak. Na guꞌ noꞌ mɨt moop ma jam koi, dai gu jam tutkuꞌ nam ja koodaꞌ, gu jam iꞌiiꞌmdaꞌ pu cham nam jax dhoodaꞌ.

JUAN 13:17

Miꞌ pim puiꞌ xi chu duñiidhat na pim jax jiñ ñɨiꞌñ nañ jam bua gio nañ tu jam aꞌgiꞌñ noꞌ pim jix maat na jax jir jum duukam, na pim baꞌx jɨjɨkgɨm jup tuiꞌkaꞌ.

JUAN 14:15

’Guꞌ baꞌ xib na pim bañ kaichuꞌ, dai na pim miꞌ puiꞌ xi jiimɨt nañ jɨꞌk jax jam tɨtda, noꞌ pim dho ji baabuiꞌ sɨlhkam jix aaꞌ na pim tuꞌ kaꞌm bañ ñɨiꞌñdhaꞌ yaꞌ dɨr jaꞌp jaꞌk, piam ku guꞌ cham.

JUAN 14:21

Na guꞌ gu jaroiꞌ noꞌt jiñ kɇɇk miꞌ puiꞌ ba jii nañ jɨꞌk jax jam tɨtda, dhiꞌ bhaan bax maatɨꞌ kaꞌ na sɨlhkam jix aaꞌ na tuꞌ kaꞌm jiñ ñɨidhat ba xiñ kɨɨgalhiꞌñdhaꞌ gammɨjɨ, miꞌ dhɨr baꞌx bhaiꞌ bhaiꞌ ji machiaꞌ nañ jir tuꞌp tuꞌm daꞌ, gio baꞌ nax joiꞌndat ba tɨgiaꞌ guñ Gɨꞌkoraꞌ noꞌ puꞌñi miꞌ puiꞌ ba jim nañ jɨꞌk jax tu aꞌga.

JUAN 14:28

Gio na guꞌ nañ jax ba jam tɨtdañ jaaduñ nañ jup kaiꞌch bo nañ alhio pɨx bhammɨ xi ñorgirai buiñor guñ Gɨꞌkoraꞌ gio yaꞌp aayaꞌ jam bui nañ jam bɨɨm oirɨdaꞌ. Guꞌ ji na pim guꞌ aapiꞌm panaas jix buam bam aaꞌ nañ puiꞌ xi jam tɨtda nañ bar boi chaꞌm kam. ¿Aa ku pim ji guꞌ pɨx jix bhaiꞌm ɨlhdhaꞌ ji nañ ba jam aagiꞌñ nañ bar jimdam jix dhaam buiñor guñ Gɨꞌkoraꞌ nax ioꞌm jir gɇꞌkam, cham tuꞌ puiꞌ na jax aañ, noꞌ pim baabuiꞌ tuꞌ kaꞌm jiñ ñɨidhat ba xiñ dhaan na pim bax maat nañ jir tuꞌp tuꞌm daꞌ?

JUAN 2:5

Baꞌ gu dɨꞌɨɨꞌn gu Jesuus daipuꞌ xi chɨɨdak mu jaꞌk jup ba ja aaꞌñdhim gu koiꞌ bhiadam, jup ja tɨtda: ―Moo pim alh miꞌ puiꞌ xi chu duñiidhaꞌ na jɨꞌk jax jam tɨɨdaidhaꞌ guꞌñiñ chioꞌñ.

SANTIAGO 2:23

Pui dho miꞌ paiꞌ tu uaꞌñix uꞌuan taꞌm dhiꞌ nat jax tu duuk gux boxii kat Abraam, miꞌ na paiꞌ tu uaꞌñix gu ñioꞌkiꞌñ gu Dios nap jum kaiꞌch: “Gu Dios jix ioꞌm jix kɨɨgalhdhak gu Abraam, nat guꞌ bɨɨx juraaꞌn kɨꞌn tɨjɨɨꞌñdhat miꞌ puiꞌ tu dunaak na jɨꞌk jax tɨɨdaidhaꞌ.” Puiꞌ jaꞌk jam baꞌ pup jix maat gu jaꞌtkam na sap gu Abraam gio gu Dios maap jix bhaiꞌm daaꞌ am, nam guꞌ maap maaꞌn ñiꞌook jup duuk.

1 JUAN 5:3

Nañ miꞌ puiꞌ xi jimdaꞌ na jɨꞌk moo jax jix aaꞌ gu Dios na baꞌ puiꞌ bam kaiꞌch nañ tuꞌ kaꞌm nɨiꞌñ. Cham xijai ɨp nañ miꞌ puiꞌ tu kuugalhdhidhaꞌ nat jax tu dai, ni ku paiꞌx magooñiꞌ.