JUAN 15:13 - Tepehuano Tepehuán del Sureste (Durango)

¹³ Na guꞌ dhiꞌ jaꞌpni jia noꞌñ moo tuꞌ sɨlhkam baabuiꞌx chu joiꞌgɨꞌn, noꞌ mɨt ba ji gɨɨꞌ piam kum bax muꞌaak guiꞌ nach maap jix bhaiꞌ kaiꞌchdhaꞌ, aañ dho mɨjɨ dɨr jup ji dhaiꞌññiaꞌ nañ palhbuidhaꞌ, cham jax bua sia ku mɨt mañ mua bhaankamuꞌn. Dhiꞌ baꞌ bhaan bax maatɨꞌ kaꞌ nañ tuꞌ sɨlhkam jix chu joiꞌgɨꞌn.

JUAN 15:13 Iomraidhean Croise

LUUKAS 12:4

’Baꞌ jaꞌp jañ jup xi jam tɨɨdam jiñ jaaduñ na pim cham ja ɨɨbhiꞌñdhaꞌ gu jaꞌtkam guiꞌ nam jir tu kooꞌn kam, chaꞌpim totdon kaꞌ sia kum xi jam koodak. Na guꞌ noꞌ mɨt moop ma jam koi, dai gu jam tutkuꞌ nam ja koodaꞌ, gu jam iꞌiiꞌmdaꞌ pu cham nam jax dhoodaꞌ.

JUAN 10:11

Aañ jir diꞌ pɨx ɨp gux kɨɨꞌ bipiaꞌdam nañ gammɨjɨ ba ja nuukaꞌndaꞌ guñ kakasniraꞌ, cham jax bua sia ñich puiꞌ ma muu nañ tɨi pup xi ja palhbuidhimɨi noꞌt tuꞌ ba ji ja oi.

JUAN 10:15

Jaꞌp na guñ Gɨꞌkoraꞌ nat bhañ joot na guꞌx bhaiꞌ xiñ maat aañ, gio aañ yaꞌ dɨr mu jaꞌk puiꞌx bhaiꞌp jix maat. Aañ baꞌ puꞌñix bhaiꞌp jix ja mat kaꞌ guiꞌ nam jɨꞌk bañ kaichuꞌ nam jaꞌp ji buan nam jir jiñ kakasniraꞌ, gam nañ jix ja joiꞌndat jix ja daꞌdaꞌ. Puiꞌ kuñ baꞌñ guguuxiꞌñ nañ mukiaꞌ ja aꞌmkam.

JUAN 17:19

Baꞌ aañ xib puiꞌ xi chu kuugalhdhaꞌ na pich jɨꞌk jax jiñ chɨɨdak bhañ joot jiñ Gɨꞌkoraꞌ, nam baꞌñ chɨɨgɨi puiꞌ jaꞌk jup tu kuugalhdhaꞌ dhiꞌ nam jɨꞌk bañ kaichuꞌ na ñich naiꞌ ja joot nam tu ja aꞌgiꞌñpuꞌ gu jaꞌtkam, nañ guꞌ ba ja aagiꞌñ nap jax jaꞌk jix kɨɨꞌ kaꞌm nɨiꞌñ.

EEPESO KAM 5:2

Jix ja joiꞌgɨꞌndaꞌ pim gu jaiꞌ sia tuꞌ na pɨx kɨꞌn, jaꞌp na jax guch Xoiꞌkam nat xich joiꞌmdak jich aꞌmkam muu. Na guꞌ guch Xoiꞌkam nat muu, jaꞌp ji buus buiñor gu Dios nat jaroiꞌ kubhioñxi guiꞌ na kɨꞌn joidham uub. Dhiꞌ bhaan baꞌ xich joiꞌmdak jich chɨɨ.

1 JUAN 3:16

Aach dho gi guꞌ nach jɨꞌk bɨɨx jich jujur kɨꞌn ba tɨ jɨɨgiꞌñ buiñor guch Xoiꞌkam jix bhaiꞌ bax maat ji nach jax jaꞌk tu buadaꞌ noꞌch sɨlhkam jix chu joiꞌgɨꞌn, nach guꞌ miꞌ puiꞌ tu daaꞌñchuꞌ nat jax tu duu guch Xoiꞌkam janoꞌ nat joidham xich joiꞌndak jich aꞌmkam muu nach baꞌ puꞌñi duuji cham kach chulhiiñaꞌ. Aach baꞌ puꞌñi ɨp jiñ jaaduñ, puiꞌch jup xix chu joiꞌgɨꞌndaꞌ nat jax xich joiꞌgɨlh guch Xoiꞌkam, cham jax bua sia mɨt chi mach koi ja aꞌmkam gu jaiꞌ, nach guꞌx ja joiꞌgɨꞌndaꞌ.