JUAN 14:3 - Tepehuano Tepehuán del Sureste (Durango)

³ Gioñ baꞌ bhaiꞌp jim nañ jɨꞌx jix bhaiꞌ xi chu dui nañ bha jam baiꞌñmɨraꞌ na pim bhammɨ jaꞌk ba oiꞌñchapuꞌ jiñ bɨɨm nañ paiꞌ kio, na pim baꞌ gammɨjɨ jiñ bɨɨm jup tuiꞌkaꞌ.

JUAN 14:3 Iomraidhean Croise

JUAN 12:26

Baꞌ gu jaroiꞌ noꞌx aaꞌ nañ kaichgɨt jiñ aꞌmkam ba tu juandaꞌ, jum aaꞌ na bɨɨx juraaꞌn kɨꞌn tɨ jɨɨꞌñdhat miꞌ puiꞌ xi jimdaꞌ nañ jɨꞌk jax tu aꞌga, na baꞌ jaꞌp ji buusniaꞌ na gammɨjɨñ bɨɨm jup tuiꞌñgɨdaꞌ sia nar paiꞌ dhuuk, na guꞌx kɨɨgalhdhat bhaan ba tɨ nɨidhidhaꞌ guñ Gɨꞌkoraꞌ.

JUAN 14:28

Gio na guꞌ nañ jax ba jam tɨtdañ jaaduñ nañ jup kaiꞌch bo nañ alhio pɨx bhammɨ xi ñorgirai buiñor guñ Gɨꞌkoraꞌ gio yaꞌp aayaꞌ jam bui nañ jam bɨɨm oirɨdaꞌ. Guꞌ ji na pim guꞌ aapiꞌm panaas jix buam bam aaꞌ nañ puiꞌ xi jam tɨtda nañ bar boi chaꞌm kam. ¿Aa ku pim ji guꞌ pɨx jix bhaiꞌm ɨlhdhaꞌ ji nañ ba jam aagiꞌñ nañ bar jimdam jix dhaam buiñor guñ Gɨꞌkoraꞌ nax ioꞌm jir gɇꞌkam, cham tuꞌ puiꞌ na jax aañ, noꞌ pim baabuiꞌ tuꞌ kaꞌm jiñ ñɨidhat ba xiñ dhaan na pim bax maat nañ jir tuꞌp tuꞌm daꞌ?

JUAN 14:4

Xib japim dho baꞌ bax maat jiñ jaaduñ na pim jax dhui aayaꞌ nañ paiꞌ jaꞌk jim, nañ guꞌ ba jam aagiꞌñ.

JUAN 17:24

’Baꞌx aaꞌ iñ jiñ Gɨꞌkoraꞌ nam bɨɨx bhammɨ aayaꞌ gatuuk nañ paiꞌp tuiꞌkaꞌ guiꞌ na pich jɨꞌk puiꞌ ba ja jujurtuda nam jiñ bui tɨ jɨɨꞌñdhaꞌ, nam baꞌ machiaꞌ nañ aañ jaꞌxbuiꞌp jir gɇꞌkam na jax aap jiñ Gɨꞌkoraꞌ, gam nañ bɨjɨk dɨr pux jaiꞌch na baꞌ moo dhi oiꞌñgaꞌn jup ba jaiꞌchdhɨlhiaꞌ.

GU NOONBIꞌÑ GUCH XOIꞌKAM 1:11

baꞌp ja tɨtda am mi jaꞌp ji guꞌkɨk: ―Aapiꞌm jich jaaduñ Galilea oiꞌñkam, ¿jax ku pim baꞌx buam jum aagɨt bhammɨ jaꞌk pup tɨ nɨiꞌñ jix dhaam jaꞌk? Matgɨm guꞌ dhi Jesuus nat yaꞌ dɨr ba jii aapiꞌm jam bui, na yaꞌ xi oilhimɨk jam bɨɨm, guꞌ dhiꞌ matgɨm gio bhaiꞌp ka jim ji gatuuk. Baꞌ puꞌñi jaꞌk jup tuiꞌñgɨdaꞌ janoꞌ na paiꞌ dhuuk gio bhaiꞌp jimdaꞌ yaꞌ dhi oiꞌñgaꞌn bhaan nat jax jum duu gu xib nat yaꞌ dɨr ba jiix dhaam jaꞌk.

ROOMA KAM 8:17

Guꞌ baꞌ noꞌch miꞌ dhɨr puꞌñi bar maamraꞌn gu Dios, dho dai nach aꞌm ba tu biꞌyaꞌ guiꞌ nat tuꞌ Dios dɨɨlh jich iimchux. Baꞌ dhiꞌ na tuꞌch aꞌm biꞌyaꞌ, maap jich aꞌm ji biꞌyaꞌ gook dɨt guch Xoiꞌkam, ku guꞌ noꞌ chich jaꞌxbuiꞌ puiꞌp jich chulhii ji nat jax jum tulhii guch Xoiꞌkam, baꞌ miꞌ dhɨr dai nach buiñor ba aayaꞌ na paiꞌ joidham jix chu abhaar.

PILIIPOS KAM 1:23

Cham maat iñ noꞌñ mukiaꞌ piam kuñ guꞌ duakaꞌ. Na guꞌ noꞌ ñich ba muu, dai nañ ba jimiaꞌ nañ buiñor bap tuiꞌkaꞌ guch Xoiꞌkam. Jix ioꞌm jix bhaiꞌ ji chu buusniaꞌ gu puiꞌ jaꞌk aañ jiñ bui.

2 TESALOONIKA KAM 1:12

Baꞌ sia jaroiꞌ na pɨx pu kaiꞌchdhaꞌ nar gɇꞌkam guch Xoiꞌkam nam ji jam nɨidhat na pim jix bhaiꞌm duukam jup tu buadaꞌ. Baꞌ dɨɨlh gu Dios bɨɨmaꞌn gu Gɇꞌkam jich Xoiꞌkam tuꞌ kaꞌm jam ɨlhiiꞌñdhaꞌ am jɨꞌx nam xi jam joiꞌmdat jam nɨiꞌñ.

2 TIMOTEO 2:12

Baꞌ noꞌ chich jich chulhii, jir jich maiꞌchɨk kaꞌ nach buiñor jimiaꞌ na paiꞌ dhɨr bɨɨx kap jir gɇꞌkam. Baꞌ noꞌ chich jaꞌp xi dhuuk, guiꞌ jaꞌp jup xich dhunai.

ISRAEL KAM 9:28

Puꞌñi ɨp guch Xoiꞌkam janoꞌ nat yaꞌ xi ɇɇk, maaꞌnnim pɨx jum makgɨrta jich aꞌmkam, dhiꞌ kɨꞌn pu ba tu namkix bɨɨx maaꞌn jimdam nam jix uꞌuaꞌtulhdhix gu jaꞌtkam yaꞌ dhi oiꞌñgaꞌn. Baꞌ xib na gio bhaiꞌp jimdaꞌ, cham tuꞌ na gioch aꞌmkam jup ka mukiaꞌ na tuch ñamkixdhaꞌ guch uaꞌtulhdharaꞌ, jaꞌpji daipuꞌ na bha ja baiꞌñmɨraꞌ pɨx guiꞌ nam jɨꞌk puꞌñi tɨ nɨɨra na bha ja baiꞌñmɨraꞌ miꞌ puiꞌ ji jiimɨt na jax jix aaꞌ.

NAT JAX TƗ TƗƗ GU JUAN 3:21

Guꞌ baꞌ gu jɨꞌk nam jiñ buix biiñak kat miꞌ puiꞌ tu kuugalhdhim nañ jɨꞌk jax jix aaꞌ cham tuꞌ bhaan jax jim aagɨt sia tuꞌ ba ji ja duu, aañ gɇꞌgɇrkam kɨꞌn ja darsaꞌ yaꞌ nañ paiꞌ Gɇꞌkam kɨꞌn ba daa sonpan gu Dios, nam jaiꞌñ aꞌmkam ja sɨlhkaꞌndaꞌ gu jaꞌtkam.