JUAN 14:27 - Tepehuano Tepehuán del Sureste (Durango)

²⁷ ’Baꞌ aañ dhiꞌ bhaan puiꞌ jam guguuxiꞌñ, na pim baꞌ moo joidham jix jɨjɨkgɨm jup tuiꞌkaꞌ noꞌ ñich aañ ba jii, na pim baꞌ cham tuꞌ bhaan jax jim aagat jix chotdon kaꞌ. Cham puiꞌ na jax guiꞌ nam cham tɨ jɨɨgiꞌñ aañ jiñ bui nam tuꞌ na pɨx bhaan jix buam jum aagɨt jix chotdon kaꞌ, jɨꞌx pɨx jam tɨi sap pɨk baꞌx bhaiꞌ bam taat kaꞌ.

JUAN 14:27 Iomraidhean Croise

MATEO 10:26

’Baꞌ aañ yaꞌ pu jam tɨtda na pim cham ja ɨɨbhiꞌñdhaꞌ gu jaꞌtkam, na guꞌ puiꞌ pɨx cham jɨꞌxkat jup jum ɨxchuꞌ gu tuꞌ na jax jum kaiꞌchdhaꞌ yaꞌ dhi oiꞌñgaꞌn bhaan, pu maaꞌn nam jax machiaꞌ gu jaꞌtkam.

LUUKAS 1:79

Baꞌ bɨɨx jich aꞌm tonniaꞌ, sia guiꞌ nam jix ioꞌm jix chu tukgam tɨr jup tuꞌiiꞌ. Joidham bax chu maax kaꞌ nach tɨ nɨidhidhaꞌ nach jax jaꞌk joidham jix bhaiꞌch chaatɨt miꞌ puiꞌ jiimdaꞌ na jax jix aaꞌ gu Dios.

LUUKAS 10:5

Paiꞌ jax chuꞌm kiicham na pim jix aik kaꞌ, jaꞌp japim tɨꞌyaꞌ na pim ja ñioꞌkdhaꞌ gu mi oiꞌñkam: “Moo gɨt xi jam joiꞌmdat jam aꞌm tɨ nɨidhidhaꞌ gu Dios.”

LUUKAS 12:4

’Baꞌ jaꞌp jañ jup xi jam tɨɨdam jiñ jaaduñ na pim cham ja ɨɨbhiꞌñdhaꞌ gu jaꞌtkam guiꞌ nam jir tu kooꞌn kam, chaꞌpim totdon kaꞌ sia kum xi jam koodak. Na guꞌ noꞌ mɨt moop ma jam koi, dai gu jam tutkuꞌ nam ja koodaꞌ, gu jam iꞌiiꞌmdaꞌ pu cham nam jax dhoodaꞌ.

LUUKAS 2:14

¡Aach jix bhaiꞌch chaatɨt gɇꞌkamtuꞌn gu Dios nach jɨꞌk miaꞌn jup tuꞌiiꞌ buiñor! Nat guꞌx joiꞌmdak jix bhaiꞌ ba ja duu gu jaꞌtkam yaꞌ kam dhi oiꞌñgaꞌn, dai baꞌ na ja aꞌm ba tɨ nɨidhidhaꞌ guiꞌ nam jɨꞌk miꞌ puiꞌ jiimdaꞌ na jax jix aaꞌ.

JUAN 14:1

’Aapiꞌm moo cham tuꞌ bhaan jax jum aaꞌndaꞌñ jaaduñ, Dios japim pɨx tɨꞌñchokat buiñor jix biiñak kaꞌ gammɨjɨ, gio baꞌ aañ jiñ bui ɨp.

JUAN 16:33

Dhiꞌñ pɨx bhaan jam guguuxiꞌñ jiñ jaaduñ na pim baꞌ moo aañ jiñ bui pɨx jix biiñak kat cham tuꞌ bhaan jax jum aaꞌndaꞌ. Xi ñakooꞌndaꞌ pim siat bɨɨx aixim jix buam jum duukam bhaiꞌ jam aꞌm ji chu jii. Aañ japim pɨx jiñ bui tɨtɨɨꞌñchokaꞌ, na ñich guꞌ aañ ba maꞌiich guiꞌ na yaꞌ tu daam kɨɨk dhi oiꞌñgaꞌn, miꞌ pɨx jaꞌp ji biꞌyaꞌ xib dɨr.

JUAN 20:19

Baꞌ moo janoꞌ gamaiꞌ nat ji jur, na guꞌ kiaꞌpɨx gio muiꞌp bam bhɨichuꞌ na paiꞌ dhuuk giop ba tum juandaꞌ, maaꞌn kap baꞌk chɨr jamɨt bam jumaap bɨɨx guiꞌ nam jɨꞌk kaichuꞌ gu Jesuus. Dai na mɨt jix bhaiꞌ bhaiꞌ xi siispak gu kiꞌñgob nam guꞌx chotdon noꞌ mɨt miꞌ ji bubua gu ja oꞌrosiiris tuk gu gɇꞌgɇrkam Israel kam, nam guꞌ jaꞌp jum aaꞌ nam ja uꞌji ja kuupaꞌ, puiꞌ kum baꞌx bhaiꞌm kuupat mɨjɨ daraa. Baꞌ gu Jesuus miꞌ jim maaxdhak ɨrban dɨr nam paiꞌ daraa muiꞌ ba ja ñioꞌki, jup ja tɨtda: ―Aañ moo jaiꞌ ya jaꞌp ɨp jiñ jaaduñ.

JUAN 20:21

Baꞌp ja tɨtda ɨp gio gu Jesuus: ―Jix bhaiꞌ pim jum taat kaꞌ na ñich yaꞌ ba ai. Aañ bhaiꞌ pɨx puiꞌ jam tɨɨdam na pim jix bhaiꞌm ɨlhdhai naiꞌ xi jimiaꞌ bɨɨx kap na pim tu ja aꞌgiꞌñpuꞌ gu jaꞌtkam. Jaꞌp na jax aañ na ñich bha jii yaꞌ dhi oiꞌñgaꞌn na ñich bha tu jam aꞌgidham nat paiꞌ dhuuk bhañ joot guñ Gɨꞌkoraꞌ, puiꞌ kuñ baꞌ aañ yaꞌ dɨr jup jam jootos aapiꞌm.

JUAN 20:26

Baꞌ gatuuk xijum baik tanoolh jurniꞌñ kɨꞌn gio mɨt maap jup mam jumaap bɨɨx guiꞌ nam jɨꞌk kaichuꞌ gu Jesuus maaꞌn kap baꞌk chɨr jix bhaiꞌ xim kuupak. Janoꞌ dho gi baꞌ bɨɨx miꞌp tuꞌiiꞌ ji gu Tomaas. Baꞌ jaꞌxpɨx nam miꞌ ka tu aꞌgichuꞌ, miꞌ dhɨr jaꞌp pɨx bhaiꞌ ji ñio ja saagiꞌñ gu Jesuus, jup ja tɨtda: ―Aañ gio bha jaꞌk ɨp jiñ jaaduñ.

GU NOONBIꞌÑ GUCH XOIꞌKAM 10:36

Dho guꞌ gu Dios puiꞌ tu ja aꞌgidhak dho gu Israel kam jaꞌtkam na puiꞌ ja tɨtdadaꞌ na sap guch Xoiꞌkam guiꞌ nar gɇꞌkam ja bui bɨɨx na jɨꞌk jaꞌtkam, jix bhaiꞌ nam buiñor jum palhbuidhaꞌ nam baꞌ cham kam tulhiiñaꞌ gatuuk.

GU NOONBIꞌÑ GUCH XOIꞌKAM 18:9

Baꞌ maaꞌnnim tukaaꞌ ba kai gu Paablo nat bhaiꞌ ba ñio guch Xoiꞌkam jix dhaam dɨr, jup tɨtda: ―Chaꞌp toodon kaꞌ Paablo. Aap moo xi chu ja aꞌgiꞌñchuꞌndaꞌ gu jaꞌtkam gux bhaiꞌm kaiꞌchdham ñiꞌook, xi oidhidhaꞌ ap moo,

ROOMA KAM 15:13

Baꞌ gu Dios pɨx dhiꞌ nach jaroiꞌ buiñor jich palhbuiꞌñ, jam tajaañdhaꞌ guiꞌ na pim kɨꞌn jix bhaiꞌm taatɨt tu oiꞌñkaꞌ, na pim cham tuꞌ xim bhabhaakuiꞌñdhaꞌ aapiꞌm na pim jɨꞌk tuꞌ sɨlhkam ba tɨ jɨɨgiꞌñ guiꞌ buiñor. Gio gux Dhuuduꞌ kam jix Uañ Iiꞌmdagaꞌn na jam tajaañdhaꞌ gɨt na baꞌ puiꞌ jam jurtudaꞌ na dai guiꞌx bhaaiꞌ nach buiñor jich palhbuiꞌñkaꞌ gammɨjɨ.

ROOMA KAM 5:1

Baꞌ aach jaiꞌ dhɨt cham tuꞌ bhaan kuiñcha ka biaꞌ buiñor gu Dios, nach guꞌ tuꞌ sɨlhkam tɨ jɨɨgiꞌñ soiꞌch ɨlhdhat nat guch Xoiꞌkam bɨɨx ba tuch ñamkichulh guch uaꞌtulhdharaꞌ.

ROOMA KAM 5:10

Baꞌ nat guꞌ dɨɨlh gu Dios puiꞌ tu duu, nat guꞌch aꞌmkam muu gu Maraaꞌn nach aach buiñor jix bhaiꞌ biꞌyaꞌ, sia kuch jir kɨꞌdargaꞌn kat nach jix uꞌuaꞌtulhdhix, dhiꞌ bhaan jix maatɨꞌ na pu cham paiꞌ dhuuk jup kach chulhiiñchudaꞌ sia pɨk nar jax kaꞌ gɨt, dai nach gammɨjɨ pu buiñor bap tuiꞌkaꞌ baꞌ.

ROOMA KAM 8:6

Gio guꞌ gu jaroiꞌ nax buam jum aaꞌntugɨt gaagidhaꞌ na jax jurtuꞌnkaꞌ gux Dhuuduꞌ kam jix Uañ Iiꞌmdaꞌ, dhiꞌ joidham jix bhaiꞌ tu jimiaꞌ, na guꞌ buiñor jaꞌk aayaꞌ gu Dios na paiꞌ joidham jix bhaiꞌ tu tatdaꞌ. Guꞌ cham ji guiꞌ na dai bhaan jix buam jum aaꞌndaꞌ gu yaꞌ kam dhi oiꞌñgaꞌn na tuꞌx maax, na jax jurtuꞌnkaꞌ gu tukgaꞌn, dai guꞌ na mu jaꞌk bhɨɨyaꞌ na paiꞌ gammɨjɨ miꞌ pup jum tulhiiñdhaꞌ.

1 KORIINTO KAM 1:3

Moo gɨt baꞌ gu Dios jich Gɨꞌkoraꞌ gio gu Gɇꞌkam jich Xoiꞌkam pɨx jam aꞌm tɨ nɨidhidhaꞌ am na pim baꞌ gammɨjɨx bhaiꞌm taatɨt tu oiꞌñkaꞌ.

GALAASIA KAM 1:3

Baꞌ gu Dios jich Gɨꞌkoraꞌ gio gu Gɇꞌkam jich Xoiꞌkam pɨx gɨt xi jam joiꞌmdat gammɨjɨ jam tajaañdhidhaꞌ am guiꞌ na pim kɨꞌn joidham jix bhaiꞌm taatɨt tu oiꞌñkaꞌ.

GALAASIA KAM 5:22

Baꞌ noꞌ jaroiꞌ bhaan tajaañixchuꞌ gux Dhuuduꞌ kam jix Uañ Iiꞌmdaꞌ, jix chu joiꞌgɨꞌndaꞌ pɨx sia tuꞌ na pɨx bhaan ja bui gu jaꞌtkam, na gammɨjɨx bhaiꞌm taatɨt ja palhbuiꞌñdhaꞌ sia nar paiꞌ dhuuk kaꞌ gɨt. Gio na cham bhaamdar kaꞌ, nax chu nakooꞌndaꞌ pɨx sia tuꞌ na pɨx kɨꞌn. Gam na dɨɨlh jum palhbuiꞌñkaꞌ na jax jaꞌk cham tuꞌ bhaan maiꞌchiaꞌ gux buam jum duukam. Na gammɨjɨ soiꞌm ɨlhdhat tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jimdaꞌ na jax jix kɨɨꞌ kaꞌm nɨiꞌñ. Noꞌ jaroiꞌ gammɨjɨ puꞌñi miꞌ puiꞌ tu duiñchuꞌ, cham jum aaꞌ na jaroiꞌ aagiꞌñdhaꞌ na jax jaꞌk tu aagix, na guꞌ puꞌñi pɨx jaꞌk jum aaꞌ nam tuiꞌñgɨdaꞌ gɨt bɨɨx gu jaꞌtkam.

GALAASIA KAM 6:16

Baꞌ na pim jɨꞌk miꞌ puiꞌ jiim dhiꞌ nañ jax jam aagiꞌñ na pim jɨꞌk maap jum jumpadat daan gu Dios, gammɨjɨ pim gɨt moox bhaiꞌm taatɨt tu oiꞌñkaꞌ gio na pim xim ja joiꞌmdat bɨɨx jɨꞌmaꞌn.

PILIIPOS KAM 4:7

Baꞌ dɨɨlh jam tajaañdhaꞌ guiꞌ na pim kɨꞌn jix bhaiꞌm taatɨt tu oiꞌñkaꞌ gammɨjɨ, na guꞌ dɨɨlh jix bhaiꞌx maat na jax jaꞌk jich guguuxdhatuꞌndaꞌ, sia kuch guꞌ aach dɨɨlh cham maat. Baꞌ guiꞌ pɨx puiꞌ jam jurtudidhaꞌ na pim baꞌ dai bhaan tɨtɨɨꞌñchokaꞌ na tuꞌr jix bhaiꞌm duukam, baꞌ bhaan jix bhaiꞌm taat kaꞌ pim, na pim guꞌ maap maaꞌn ñiꞌook jup duuk guch Xoiꞌkam Jesuus.

KOLOOSAS KAM 1:2

Tu jam uaꞌñxidhaꞌ ich aapiꞌm na pim puiꞌp jir jich jaaduñ jich Xoiꞌkam bhaan na pim bhammɨ dɨr oiꞌdhaꞌ Koloosas, Dios buiñor jup tuiꞌdhiꞌ pim. Baꞌ guiꞌ pɨx jich Gɨꞌkoraꞌ Dios gɨt jam aꞌm tɨ nɨidhidhaꞌ na pim baꞌx bhaiꞌm taatɨt tu oiꞌñkaꞌ.

KOLOOSAS KAM 1:20

bhaankam baꞌ guch Xoiꞌkam puiꞌ tu duu nax bhaiꞌ tu biꞌyaꞌ buiñor na cham miꞌ puiꞌ ka tu tuiꞌñgɨt na jax jix aaꞌ bɨɨx nat jɨꞌk tuꞌp tu duu na jɨꞌk tuꞌx chu jaiꞌch, puiꞌ na jax na jɨꞌk tuꞌx chu jaiꞌch jix dhaam jaꞌk gio na jɨꞌk tuꞌp jix chu jaiꞌch yaꞌ dhi oiꞌñgaꞌn. Jix bhaiꞌ tu bii bɨɨx buiñor gu Dios nat jaax pɨx gu ɨꞌraꞌn guch Xoiꞌkam bhaan gu uꞌuux na gai bɨɨt.

KOLOOSAS KAM 3:15

Pu kaiꞌñkam jam aꞌm tɨ tɨɨ guꞌ gu Dios na pim maaꞌn tuukuꞌ pɨx buiñor bap tuiꞌñgɨdaꞌ bhaan gu tukgaꞌn guch Xoiꞌkam. Jix bhaiꞌ pim jum taatɨt tu oiꞌñkaꞌ, na guꞌ dhiꞌ guch Xoiꞌkam puiꞌ jaꞌk jix aaꞌ, puiꞌ jaꞌk jam jujurtuꞌnkaꞌ na pim jix bhaiꞌm taat kaꞌ. Jix bhaiꞌm taat kaꞌ pim ɨp baꞌ buiñor guch Xoiꞌkam nax bhaiꞌ jam bua.

2 TESALOONIKA KAM 1:2

Baꞌ gu Dios jich Gɨꞌkoraꞌ gio gu Gɇꞌkam jich Xoiꞌkam pɨx jam aꞌm tɨ nɨidhidhaꞌ am bɨɨx jɨꞌmaꞌn aapiꞌm na pim baꞌx bhaiꞌm taatɨt tu oiꞌñkaꞌ gammɨjɨ.

2 TESALOONIKA KAM 3:16

Baꞌ gu Dios jich Gɨꞌkoraꞌ na buiñor jix bhaiꞌ tu tatdaꞌ pɨx jam aꞌm tɨ nɨidhidhaꞌ gammɨjɨ na pim baꞌx bhaiꞌm taatɨt tu oiꞌñkaꞌ, sia bɨɨx aixim bhaan nax bhaiꞌ tu jam jimdaꞌ. Guiꞌ pɨx jam bɨɨm jup tuiꞌñgɨdaꞌ gammɨjɨ.

2 TIMOTEO 1:7

Nat guꞌ gu Dios cham tuꞌch aꞌm tajaa gu jax chuꞌm iiꞌmdaꞌ na bhaan jich ɇɇkaꞌ gu tooꞌnniꞌ, guꞌ guiꞌ ji na tu guguuxiꞌñ, gio na tu maak joiꞌmdaraꞌ, gio nañ mattuꞌnkaꞌ noꞌñ moox bhaiꞌm duukam jup tu bua.

ISRAEL KAM 13:20

Baꞌ gu Gɇꞌkam Dios guiꞌ nat duaꞌñdhak giop bamiiꞌ guch Xoiꞌkam mu dɨr koiꞌñgaꞌn tɨr, guiꞌ na xib puiꞌ ji buusan nar jix kɨɨꞌ bipiaꞌdam, xi jam joiꞌndat tu jam uañiꞌñkaꞌ gu jam uaꞌtulhdharaꞌ kɨꞌn gu ɨꞌraꞌn nat jaax,

ISRAEL KAM 7:2

Baꞌ gu Abraam xi chu maa gu Melkisidek guiꞌ na jɨꞌk bhaan bipioꞌ gu Dios guiꞌ nat tu ja boosgi gu gɇꞌgɇrkam nam ba tu uaꞌkat nat xi ja koꞌktulhdhak. Baꞌ gu puiꞌ na jax tɨɨgich Melkisidek jaꞌp kaiꞌñkam jup jum kaiꞌch: Gu gɇꞌkam nax bhaiꞌ ja sɨlhkaꞌn gu jaꞌtkam na jax pɨx jir am. Guꞌ baꞌ miꞌ na paiꞌr gɇꞌkam kaꞌ na Saleem tɨ tɨɨꞌkaꞌ, jaꞌp kaiꞌñkam jup jum kaiꞌch ɨp: Gu gɇꞌ kiicham nam paiꞌx jɨkgɨm jup tuꞌiiꞌ gu jaꞌtkam.

NAT JAX TƗ TƗƗ GU JUAN 1:4

Aañ nañ Juan tɨɨꞌ mu tu jam uaꞌñxiꞌñ iñ jiñ jaaduñ jich Xoiꞌkam bhaan mu jaꞌp xijum gok kap na pim paiꞌ jax jum jumpadat tu daan buiñor guch Gɨꞌkoraꞌ na Aasia dɨbɨɨr bhaan bipioꞌ, nañ mu jam ñioꞌkiꞌñ noꞌ pim jix bhaiꞌm ɨlhiiꞌñ. Gammɨjɨ gɨt baꞌ xi jam joiꞌndat jam aꞌm tɨ nɨidhidhaꞌ guiꞌ na bɨjɨk dɨr pux jaiꞌch, gio na yaꞌ dɨr jaꞌp jaꞌk gammɨjɨ pux jaiꞌch kaꞌ, gam na gio bhaiꞌp jim gatuuk, gio baꞌ gux xijum gook jix dhuuduꞌ kam jix uꞌuañ iꞌiiꞌmdaꞌ nam bhammɨp tuꞌiiꞌ sonpan na paiꞌ daa,

NAT JAX TƗ TƗƗ GU JUAN 2:10

Baꞌ aapiꞌm cham tuꞌ bhaan jax jim aagɨt gammɨjɨ muiꞌ xix biiñak kaꞌ buiñor gu Dios. Chaꞌpim jax jum aaꞌndaꞌ sia kut bɨɨx aixim jix buam bhaiꞌ ji chu jam jii. Xi ñakooꞌndaꞌ pim sia noꞌ mɨt bhaiꞌ ji jam tulhiiñchuda gu jaꞌtkam bhaankamuꞌn gu jaꞌook, na guꞌ jax chuꞌm tanoolh puiꞌ jaꞌk ja jurtudaꞌ nam jam tulhiiñchudai jam kuupaꞌ, ku guꞌ dhiꞌ na bhaan pɨx matgilhiaꞌ ji noꞌ pim moox biiñak jiñ bui piam ku guꞌ cham. Gio guꞌ cham tuꞌ muiꞌ tanoolh jum tulhiiñaꞌ pim, mambhɨɨx tanoolh pɨx. Baꞌ noꞌ pimɨt nakoo sia ku pim puꞌñi giilhim jum tulhiiñ, jam makiaꞌ iñ gu gɇꞌgɇr jup tum duuꞌnkam nar jam namkiꞌ kaꞌ.

NAT JAX TƗ TƗƗ GU JUAN 21:8

Dai guiꞌ nam jɨꞌk cham jum guguuxiꞌñ nam tɨ jɨɨꞌñdhaꞌ aañ jiñ bui, sia kum tɨi ba kɇɇ guñ ñiꞌook, cham tuꞌ ja makiaꞌ iñ, sia guiꞌ nam cham bɨɨx ja jujur kɨꞌn jix biiñak kaꞌ aañ jiñ bui sia kum tɨi ba tɨ jɨɨgiꞌñ, ni sia guiꞌ nam naiꞌ pɨx jix chu bhaamkiꞌñdhaꞌ, sia guiꞌ nam jix buam tu bua, puiꞌ na jax guiꞌ nam ja kooꞌndaꞌ gu jaꞌtkam, gio guiꞌ nam jaiꞌ ja biaꞌkat gu uꞌuub ja bɨɨm boppdaꞌ nam cham maap tɨɨmoiꞌx, gio guiꞌ nam jir uꞌuub noꞌm jaiꞌ ja bɨɨm boppo gu chichioꞌñ, gio baꞌ guiꞌ nam naiꞌ tu jiboiñdhaꞌ na ja aꞌm jup tuiꞌñgɨdaꞌ gu cham kɨɨꞌ iiꞌmdaꞌ, sia guiꞌ nam ja bui tu daandaꞌ bha jaꞌp ja tuttut gu didios jum tɨɨtgɨdam nam jir jup duñiixim, gio baꞌ guiꞌ nam jix iaꞌtbiꞌ na pu cham jir sɨlhkam kaꞌ jax noꞌm kaiꞌch, gam sia guiꞌ nam bɨɨx aixim tu bua na tuꞌr uaꞌtulhdharaꞌ. Bɨɨx dhiꞌ jɨꞌ nam puꞌñi jaꞌk jir tuutuꞌm gu jaꞌtkam, mu jaꞌk xi chu chiñiaꞌ iñ nam ja iabuꞌ na paiꞌ giilhim gɇꞌ mɨim gu tai gio nax ioꞌm jix choiñ, miꞌm baꞌ pup jum tulhiiñdhaꞌ nam mɨɨjidhaꞌ gammɨjɨ sia nar paiꞌ dhuuk kaꞌ gɨt, jaꞌp ji buusniaꞌ nam giop ba koꞌyaꞌ.