JUAN 14:23 - Tepehuano Tepehuán del Sureste (Durango)23 Baꞌ muiꞌ ji ñio gu Jesuus, jup tɨtda: ―Dho nam guꞌ cham jiñ maachim kaꞌ jia, nam guꞌ cham jiñ kɨɨgalhiꞌñdhaꞌ nam cham ji chɨ jɨɨꞌñdhat kaꞌ aañ jiñ bui. Guꞌ guiꞌ noꞌ ba tɨ jɨɨgiꞌñ aañ jiñ bui ba xiñ maachim kaꞌ ji nañ jir tuꞌp tum daꞌ, puiꞌ ku baꞌ miꞌ puiꞌ ba jimdaꞌ nañ jɨꞌk jax tu aꞌga xib, baꞌ guñ Gɨꞌkoraꞌ jix joiꞌndat tɨɨgɨi bax kɨɨgalhiꞌñdhaꞌ ɨp. Baꞌ miꞌ dhɨr dai nach buiñor bap tuiꞌñgɨdaꞌ gammɨjɨ bɨɨmaꞌn guñ Gɨꞌkoraꞌ, jaꞌp ji buusniaꞌ nach bhaiꞌ pu ba oiꞌñkaꞌ bhaan. Faic an caibideil |
JUAN 14:23
30 Iomraidhean Croise
Gux Dhuuduꞌ kam jix Uañ Iiꞌmdaꞌñ dho aagɨt jup kaiꞌch na jam aꞌm bam tajaanaꞌ noꞌt bhaiꞌ ba jam joochxi guñ Gɨꞌkoraꞌ dai aapiꞌm na pim jɨꞌk bañ kaichuꞌ. Guiꞌ nam jɨꞌk cham tɨ jɨɨgiꞌñ aañ jiñ bui dho gi guꞌ cham jɨꞌxdhaꞌ ja aꞌm jum tajaanaꞌ ji, nam guꞌ cham mat kaꞌ nar tuꞌp tuꞌm daꞌ. Aapiꞌm na pim guꞌx bhaiꞌ bax maat nar tuꞌp tuꞌm daꞌ.
Na guꞌ gu jaroiꞌ noꞌt jiñ kɇɇk miꞌ puiꞌ ba jii nañ jɨꞌk jax jam tɨtda, dhiꞌ bhaan bax maatɨꞌ kaꞌ na sɨlhkam jix aaꞌ na tuꞌ kaꞌm jiñ ñɨidhat ba xiñ kɨɨgalhiꞌñdhaꞌ gammɨjɨ, miꞌ dhɨr baꞌx bhaiꞌ bhaiꞌ ji machiaꞌ nañ jir tuꞌp tuꞌm daꞌ, gio baꞌ nax joiꞌndat ba tɨgiaꞌ guñ Gɨꞌkoraꞌ noꞌ puꞌñi miꞌ puiꞌ ba jim nañ jɨꞌk jax tu aꞌga.
Baꞌ gu jaroiꞌ noꞌ puꞌñi cham jiñ kɨɨgalhdhat cham tɨ jɨɨgiꞌñ aañ jiñ bui, dhiꞌ bhaan jix maatɨꞌ kaꞌ na cham jɨꞌxdhaꞌ miꞌ puiꞌ jimiaꞌ nañ jɨꞌk jax tu aꞌga xib bhaankamuꞌn guñ Gɨꞌkoraꞌ. Na guꞌ nañ jax ba jam tɨtda bo jia na guñ Gɨꞌkoraꞌ jir ñioꞌkiꞌñ dhiꞌ nañ jɨꞌk jax tu jam aꞌgiꞌñ, cham tuꞌ aañ dɨɨlh nañ jax ɨlhiiꞌñ.
Pu kani gɨt noꞌ pim aapiꞌm moo miꞌ puiꞌ jiimɨt nañ jax ba tu jam aꞌgiꞌñ pɨx bhaan ji baapmigim na pim jiñ buix biiñak, xi jam joiꞌndat jañ dho xi jam daꞌdaꞌ maaꞌn na jax, jaꞌp na jax aañ na guꞌ xiñ dhaꞌ guñ Gɨꞌkoraꞌ, na guꞌx maat nañ miꞌ puiꞌ xi jim na jax jaꞌk jix aaꞌ gam nat jax jiñ chɨɨdak bhañ joot.
Baꞌ gio bhaiꞌp ji ñio mɨt gu gɇꞌgɇrkam Israel kam, jup kaiꞌch am: ―¡Jaiñ dho pɨk tuꞌ aaꞌch ji na jaꞌook jum aꞌm jup tuiꞌdhiꞌ! Tɨɨꞌ nat baꞌ gu Abraam muu noꞌ baabuiꞌ, gio gu jaiꞌ nam bhaankamuꞌn jup tu aꞌgimɨk guch Gɨꞌkoraꞌ. Puiꞌ pɨx jup koi mɨt, guꞌ aap jax ɨlhdhat puiꞌch chɨtda nap baꞌp kaiꞌch: “Gu jaroiꞌ noꞌ miꞌ puiꞌ ba jimchuꞌ nañ jɨꞌk jax tu aꞌga, cham ka tu mumkɨdaꞌ.”
Gio gu chiop guiꞌ na sɨlhkam Dios duakam bhaan tɨ nɨiꞌñdhaꞌ, na guꞌ cham tuꞌp jir pu chuꞌm kaꞌ nam jax chuꞌm kɨr ja tuttukaꞌ gu jaꞌtkam gu didios jup duiñxim. Jaꞌp ji buusan guꞌ nach aach jir chiop gaꞌn gu Dios duakam nach tɨ jɨɨgiꞌñ buiñor guch Xoiꞌkam. Jup kaiꞌch guꞌ dɨɨlh gu Dios miꞌ na mɨt paiꞌ tu uaꞌnak gu bɨjɨk dɨr kam: Aañ ja bɨɨm oirɨdaꞌ dhi Israel kam jaꞌtkam, nañ guꞌ ja bɨɨm kiokaꞌ. Jir jiñ jaꞌtkam tuk kaꞌ am, aañ baꞌr ja Dios tuk kaꞌ.
Baꞌ aañ jam guguuxiꞌñ na pim cham tuꞌ mɨk buppadaꞌ dhix bhaiꞌm kaiꞌchdham ñiꞌook na pimɨt janoꞌ dɨr pu maat na pimɨt paiꞌ dhuuk tɨ jɨɨꞌñ buiñor guch Xoiꞌkam. Jam jujur am japim xi baapsai na pim baꞌ gammɨjɨ tɨꞌñchokat miꞌ puiꞌ tu daaꞌñchuꞌndaꞌ na pim jax ba jiim, na baꞌ bhaan jix maatɨꞌ kaꞌ na jam aꞌm tɨ nɨidhidhaꞌ gu Dios jich Gɨꞌkoraꞌ gio gu Maraaꞌn jich Xoiꞌkam.
Ku guꞌ aapiꞌm jiñ jaaduñ, cham jɨꞌxdhaꞌ jam iatgidhaꞌm ji dhiꞌ pu chuꞌm gu jaꞌtkam sia kum tɨi ɨlhiiꞌñdhaꞌ gɨt, na guꞌ aapiꞌm jam aꞌm tɨ nɨidhidhat jam nuukdaim gu Dios, na pim guꞌ bɨɨx jam jujur kɨꞌn ba tɨ jɨɨgiꞌñ buiñor. Gio na guꞌx ioꞌm jir gɇꞌkam guiꞌ na jam buip tuiꞌdhiꞌ aapiꞌm, cham tuꞌ puiꞌ na jax guiꞌ na ja buip tuiꞌdhiꞌ guiꞌ nam puꞌñix bhaamut aꞌgidhaꞌ guch Xoiꞌkam.
Na guꞌ noꞌñ moox aaꞌ nañ tuꞌ sɨlhkam tuꞌ kaꞌm nɨiꞌñdhaꞌ gu Dios jich Gɨꞌkoraꞌ, jum aaꞌ nañ bɨɨx miꞌ puiꞌ tu kuugalhdhidhaꞌ na jɨꞌk moo jax jix aaꞌ, cham tuꞌ nañ maaꞌn kap cham miꞌ puiꞌ duiñchuꞌndaꞌ. Baꞌ aach na chich paiꞌ dhuuk dɨr tɨ jɨɨꞌñ buiñor guch Xoiꞌkam, puiꞌ puch chɨtda nach sap jix ja joiꞌgɨꞌndaꞌ gu jaiꞌ, sia jaroiꞌ na pɨx.
Sanasan