JUAN 14:2 - Tepehuano Tepehuán del Sureste (Durango)2 Matgam bhammɨ na paiꞌp tuꞌiiꞌ guñ Gɨꞌkoraꞌ, muiꞌ kap jir baꞌpki chɨr ji na paiꞌx bhaaiꞌ na pim oiꞌñchaꞌ bɨɨx jɨꞌmaꞌn, aañ moo yaꞌ pu jam tɨtda. ¿Kux baꞌ guꞌ aañ puiꞌp ba jam tɨtdadaꞌ gɨt aa gu jaꞌp pɨx noꞌ cham jir sɨlhkam kaꞌ gɨt? Chakui ji nañ puiꞌ jam tɨɨdaꞌ gɨt. Baꞌ aañ bɨɨpɨꞌ muiꞌ xi jimiaꞌ xib nañ ba tɨ kɨɨꞌmpigaꞌ bha jaꞌp na pim jax aayaꞌ bɨɨx jɨꞌmaꞌn. Faic an caibideil |
JUAN 14:2
25 Iomraidhean Croise
Baꞌ xib am tɨi pup ba jir boi chaꞌm kam iñ jiñ jaaduñ, cham jañ tuꞌ muiꞌ yaꞌ ka juruuñdhaꞌ jam bui. Aapiꞌm chi baꞌ naiꞌ tɨi ji chu gaagaꞌ na pim gio tɨi ba xiñ chɨɨgik kaꞌ, ji na pim guꞌ cham paiꞌ kañ chɨgiaꞌ, na pim guꞌ cham jɨꞌxdhaꞌ aayaꞌ nañ paiꞌ jaꞌk bap tuiꞌkaꞌ noꞌ ñich yaꞌ dɨr ba jii, puiꞌ nañ jax jup ba ja tɨtda janoꞌ gu Israel kam gɇꞌgɇrkam.
Baꞌ gu Peegro bhaiꞌ ba tɨkka gu Jesuus, jup tɨtda: ―¿Paap gi moo jaꞌk bhɨɨyaꞌñ jaduuñ kuch baꞌ puiꞌ cham paiꞌ kam tɨgiaꞌ? Baꞌp tɨtda gu Jesuus: ―Dho maakam jaꞌk dho, na paiꞌ jaꞌk cham bhaaiꞌ nap jax jiñ oidhaꞌ gu xib nañ gamaiꞌ ji jimiaꞌ. Ku baꞌ guꞌ aap cham jax jum aaꞌndaꞌ ji, nap guꞌ saalhim bhaiꞌ pɨx puiꞌp bhɨɨyaꞌ, bhammɨp jup ba ji buusniaꞌ nañ paiꞌp tuiꞌkaꞌ.
Gio na guꞌ nañ jax ba jam tɨtdañ jaaduñ nañ jup kaiꞌch bo nañ alhio pɨx bhammɨ xi ñorgirai buiñor guñ Gɨꞌkoraꞌ gio yaꞌp aayaꞌ jam bui nañ jam bɨɨm oirɨdaꞌ. Guꞌ ji na pim guꞌ aapiꞌm panaas jix buam bam aaꞌ nañ puiꞌ xi jam tɨtda nañ bar boi chaꞌm kam. ¿Aa ku pim ji guꞌ pɨx jix bhaiꞌm ɨlhdhaꞌ ji nañ ba jam aagiꞌñ nañ bar jimdam jix dhaam buiñor guñ Gɨꞌkoraꞌ nax ioꞌm jir gɇꞌkam, cham tuꞌ puiꞌ na jax aañ, noꞌ pim baabuiꞌ tuꞌ kaꞌm jiñ ñɨidhat ba xiñ dhaan na pim bax maat nañ jir tuꞌp tuꞌm daꞌ?
Dhich chutkuꞌ puiꞌp ji buusan na jax gu baꞌbhak guiꞌ nam jup ja bua gu jaꞌtkam yaꞌ dhi oiꞌñgaꞌn na cham tuꞌ muiꞌ juruuxiꞌñ. Noꞌt jax chuꞌm tanoolh ma kɨklhiiꞌñchak naiꞌ jim kajaa, cham jach jax jich aaꞌndaꞌ, nach guꞌx maat nach jaiꞌ ba tu baꞌbhak jix dhaam buiñor gu Dios na cham jɨꞌxkat kɨklhiꞌñchaꞌ, dai nach bhaiꞌ pɨx ji baapkiaꞌ nach paiꞌ dhuuk mu jiimdaꞌ. Cham tuꞌr jup ja duiñ gu jax chuꞌm jaꞌtkam yaꞌ kam dhi oiꞌñgaꞌn.
Jum aaꞌ na puꞌñi jaꞌk tu jimiaꞌ gu jaroiꞌ na baꞌx bhaaiꞌn kaꞌ na buiñor jimiaꞌ gu Dios na baꞌ gammɨjɨ buiñor bap tuiꞌkaꞌ. Gu Dios dɨɨlh pu puiꞌ tɨi bɨɨpɨꞌ dɨr nat baꞌ moo bap duu dhi oiꞌñgaꞌn na puꞌñi ja baidhikaꞌ gu jaꞌtkam guiꞌ nam jɨꞌk soiꞌm ɨlhdhai buiñor jum biiñkadai tɨ jɨɨꞌñdhaꞌ. Baꞌ dhiꞌ puiꞌ ji chu buusniaꞌ, na guꞌ gu Dios cham jɨꞌxkat iataꞌ.
Jix dhaam nach paiꞌ tu iimchudhix, jir bhaiꞌ nat paiꞌ jaꞌk bhɨi guch Xoiꞌkam nat yaꞌ dɨr mɨjɨ ji dhuu. Aach bhammɨ pɨx jup ji bubuakiaꞌ nach paiꞌ dhuuk yaꞌ dɨr muiꞌp ji jimiaꞌ. Guch Xoiꞌkam xib bhammɨ daakat jich aꞌmkam ñiok buiñor guch Gɨꞌkoraꞌ, na guꞌ puiꞌ ba ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu juandaꞌ nam ja palhbuiꞌñdhaꞌ gu jaꞌtkam nam tu daandaꞌ buiñor gu Dios, jaꞌp na jax jir tuꞌm kat guiꞌ na Melkisidek tɨɨgich bɨjɨk.
gio baꞌ gu Jesuus jich Xoiꞌkam ɨp guiꞌ nat duadɨk giop bam mu dɨr koiꞌñgaꞌn tɨr, na xib jix ioꞌm gɇꞌkam kɨꞌn ba daa ja bui bɨɨx gu gɇꞌgɇrkam yaꞌ dhi oiꞌñgaꞌn. Guch Xoiꞌkam gɇꞌkam kɨꞌn xich joiꞌgɨꞌn jia, puiꞌ kut baꞌ bha jimɨɨk tuch ñamkix guch uaꞌtulhdharaꞌ kɨꞌn gu ɨꞌraꞌn nat jaax kuruus taꞌm, na baꞌ puꞌñi duuji tuch uañdhaꞌ gu Dios.
Baꞌ guiꞌ nam puꞌñi miꞌ puiꞌ jimiaꞌ nañ jax jix aaꞌ, gɇꞌgɇrkam kɨꞌn ja darsaꞌ iñ bhammɨx dhaam, jaꞌp ji buusniaꞌ nam guiꞌ bhaiꞌ siisap kaꞌ gu chiop gaꞌn gu Dios. Gammɨjɨ bhaiꞌ pu bap tuiꞌkaꞌ am, cham tuꞌ jɨꞌx juugɨt. Ja aꞌm uaꞌnaꞌ iñ na jax chɨɨꞌ gu Dios gio na jax tɨ tɨɨꞌ bhaiꞌ na paiꞌ dhɨr naiꞌr gɇꞌkam, nax ioꞌm gɇꞌr kiicham, na xibkam Jerusaleen jup tɨ tɨɨꞌ, gio baꞌ nañ jax jup ba tɨɨꞌkaꞌ ɨp aañ miꞌ dhɨr jaꞌp jaꞌk.
Sanasan