JUAN 14:16 - Tepehuano Tepehuán del Sureste (Durango)

¹⁶ Aañ baꞌ bhammɨ ɇɇji soiꞌ tɨɨdaꞌ guñ Gɨꞌkoraꞌ na bha jam joochxidhaꞌ guiꞌ na gammɨjɨ jam buip tuiꞌñgɨt jam nuukdaidhaꞌ na cham tuꞌ jam duñiaꞌ, gam na jam guguuxdhatgɨdaꞌ, na guꞌ guiꞌ cham paiꞌ ka jimiaꞌ noꞌt pɨx yaꞌ ba ai, cham puiꞌ na jax aañ nañ bar boi chaꞌm kam.

JUAN 14:16 Iomraidhean Croise

MATEO 28:20

Gio baꞌ na pim xi ja aaꞌñdhidhat ɨp nam tuꞌ kaꞌm xi nɨidhat gu puiꞌ na ñich jax jaꞌk jam aaꞌñ aapiꞌm na pim miꞌ puiꞌ jiimdaꞌ. Baꞌ aañ gammɨjɨ nabap tanoolh jam buip tuiꞌñgɨdaꞌ siat baꞌ am xim tɨɨmo dhi oiꞌñgaꞌn.

JUAN 14:14

Tɨꞌñchokat japim moo na pim aañ jiñ bui pɨx jix biiñak kat mu taandaꞌ guñ Gɨꞌkoraꞌ gu tuꞌ na jam aꞌm jum aagaidhaꞌ. Aañ baꞌ pu maaꞌn jimdam bha jam joochxidhaꞌ, nañ guꞌx mat kaꞌ na pim aañ jiñ kaichuꞌ.

JUAN 14:18

Ku baꞌ guꞌ cham tuꞌ ji nañ moo gammɨjɨ pu dɨɨlh yaꞌ xi jam iabui noꞌ ñich yaꞌ dɨr ba jii, gioñ bhaiꞌp jim ji matgam yaꞌ aapiꞌm jam bui, puiꞌ nañ jax jam bɨɨm ba oirɨdaꞌ.

JUAN 14:26

Guꞌ noꞌt jiñ aꞌmkam bhaiꞌ ba jam joochxi guñ Gɨꞌkoraꞌ gux Dhuuduꞌ kam jix Uañ Iiꞌmdaꞌ, bɨxchuꞌ ji na bhaiꞌ ji jam mattudaꞌ nañ tuꞌ cham jam aagiꞌñ xib, gio na gammɨjɨ jam tɨꞌñchoxiꞌñkaꞌ dhiꞌ nañ jɨꞌk jax tu jam aꞌgiꞌñ na pim baꞌ cham mɨk buaꞌ.

JUAN 15:26

’Ku baꞌ guꞌ noꞌt yaꞌ ba ai gux Dhuuduꞌ kam jix Uañ Iiꞌmdaꞌ nañ bha jam joochxidhaꞌ bhaankamuꞌn guñ Gɨꞌkoraꞌ, jix ioꞌm bhaiꞌ ji jam mattudaꞌ ji nañ jɨꞌk jax jir tuꞌm kam aañ, na guꞌ jam aꞌm tajaañix kaꞌ, gammɨjɨ na jam nuukdaidhaꞌ gam na jam guguuxdhatgɨdaꞌ.

JUAN 16:22

Puꞌñi ɨp baꞌ aapiꞌm, puiꞌ dhox buam ka xi chu tatdaꞌ xib na pim bax maat nam jax jiñ dhoodaꞌ. Noꞌ pimɨt giop bañ chɨɨ guꞌ joidham ji na pim jix bhaiꞌ bhaiꞌ jim ɨlhdhaꞌ nañ jax ba jam tɨtda. Cham jɨꞌxdhaꞌ jaroiꞌ ka jam sooꞌmchuldhaꞌ sia chi tɨi xi jam bhaamkiꞌñ na pim joidham jix jɨjɨkgɨm jup tuꞌiiꞌ.

JUAN 17:15

Ku guꞌ cham tuꞌ ji nañ moo jax kaiꞌñkam jup kaiꞌch nap pu xib ba ja baidhikaꞌ yaꞌ dɨr dhi oiꞌñgaꞌn, jaꞌpji dai nap ka ja nuukdaidhaꞌ pɨx na cham paiꞌ dhɨr jimdat jup ba ja iatgidhaꞌ gux iatkum.

JUAN 17:20

’Ku guꞌ cham tuꞌ ji nañ moo dai dhiꞌ ja aꞌmkam soiꞌm tɨtdañ Gɨꞌkoraꞌ nam jɨꞌk bañ kaichuꞌ xib, jaꞌpji sia guiꞌ nam jɨꞌk tɨ jɨɨꞌñdhaꞌñ bui gatuuk nam paiꞌ dhuuk bhaiꞌ ji chu ja aꞌgidhaꞌ dhiꞌ na ñich naiꞌ ja joot nam tu ja aꞌgiꞌñpuꞌ.

JUAN 4:14

Guꞌ gu suudaiꞌ nañ aañ jax chuꞌm tu maak, cham tuꞌ ka tanoom kaꞌ ji gu jaroiꞌ noꞌt ba ii, na guꞌ gammɨjɨ pu bhaan ba baꞌpundaꞌ, na guꞌ bhaan ba tɨ nɨidhidhaꞌ guñ Gɨꞌkoraꞌ na baꞌ cham tuꞌ ka tulhiiñchudaꞌ, dai na ba baidhikaꞌx dhaam jaꞌk.

JUAN 7:39

Baꞌ dhiꞌ na puiꞌ jɨꞌ ja tɨtda gu Jesuus, gux Dhuuduꞌ kam jix Uañ Iiꞌmdaꞌ na aagat jup kaiꞌch na bhaan bam tajaanaꞌ gu jaroiꞌ noꞌt ba tɨ jɨɨꞌñ buiñor. Na guꞌ chakui ja aꞌm tajaañix kaꞌ janoꞌ, nat guꞌ chakui muukɨk giop bam mu dɨr koiꞌñgaꞌn tɨr gu Jesuus.

GU NOONBIꞌÑ GUCH XOIꞌKAM 1:4

Baꞌ na pui bhaiꞌ kap tuꞌiiꞌ gu Jesuus ja bui gu noonbiꞌñ, jup ja tɨtda: ―Chakui pim jimmɨdaꞌ miꞌ dhɨr Jerusaleen. Ka xim nɨɨradaꞌ pim na ka xim kuugalhdhaꞌ gu puiꞌ nat jax jaꞌk ba tu dai guñ Gɨꞌkoraꞌ na pu tu duñiaꞌ aapiꞌm jam bui, gu puiꞌ dho nañ jax ba tu jam aꞌgiꞌñ bɨɨpɨꞌ dɨr.

GU NOONBIꞌÑ GUCH XOIꞌKAM 13:52

Ku guꞌ guiꞌ na mɨt jɨꞌk tɨ jɨɨꞌñ buiñor guch Xoiꞌkam joidham jix bhaiꞌm taat am ji, gio na gɇꞌ ja aꞌm jup tuꞌiiꞌ gux Dhuuduꞌ kam jix Uañ Iiꞌmdaꞌ.

GU NOONBIꞌÑ GUCH XOIꞌKAM 9:31

Baꞌ bɨɨx guiꞌ nam jɨꞌk tɨ jɨɨgiꞌñdhaꞌ buiñor guch Xoiꞌkam, puiꞌ na jax guiꞌ nam mu jaꞌp oiꞌñkaꞌ na paiꞌ jax bhaan bipioꞌ gu Judea dɨbɨɨr, gio baꞌ guiꞌ nam mu jaꞌk jup oiꞌñkaꞌ na paiꞌ jax bhaan jup bipioꞌ gu Galilea dɨbɨɨr, gio baꞌ guiꞌ nam mu jaꞌk jup oiꞌñkaꞌ na paiꞌ jax bhaan jup bipioꞌ gu Samaaria dɨbɨɨr, joidham jix bhaiꞌ tu ja jimdaꞌ, gio nam jix ioꞌm bha biiñkaidhaꞌ buiñor guch Xoiꞌkam, gio baꞌ nam miꞌ puiꞌ jiimdaꞌ na jax jix aaꞌ. Gio baꞌ nam pɨx ji muiꞌdhidhaꞌ, na guꞌ nabap tanoolh nam pɨx ji chɨ jɨɨꞌñdhidhaꞌ gu jaꞌtkam buiñor guch Xoiꞌkam, na guꞌ puiꞌ jaꞌk ja jurtuꞌnkaꞌ gux Dhuuduꞌ kam jix Uañ Iiꞌmdaꞌ.

ROOMA KAM 14:17

Na guꞌ na baꞌ ja aꞌm tɨ nɨidhidhaꞌ gu Dios gu jaꞌtkam, nam miꞌ puiꞌ jiimdaꞌ na jax jix aaꞌ, nam jix bhaiꞌm taatɨt tu oiꞌñkaꞌ bɨɨx jɨꞌmaꞌn na jax pɨx ja jurtudhidhaꞌ gux Dhuuduꞌ kam jix Uañ Iiꞌmdaꞌ, dhiꞌ jɨꞌ bhaan na ja aꞌm tɨ nɨidhidhaꞌ gu Dios, cham tuꞌ gu tuꞌ koiꞌ noꞌñ bɨɨx tu kuaꞌ piam ku guꞌ cham.

ROOMA KAM 15:13

Baꞌ gu Dios pɨx dhiꞌ nach jaroiꞌ buiñor jich palhbuiꞌñ, jam tajaañdhaꞌ guiꞌ na pim kɨꞌn jix bhaiꞌm taatɨt tu oiꞌñkaꞌ, na pim cham tuꞌ xim bhabhaakuiꞌñdhaꞌ aapiꞌm na pim jɨꞌk tuꞌ sɨlhkam ba tɨ jɨɨgiꞌñ guiꞌ buiñor. Gio gux Dhuuduꞌ kam jix Uañ Iiꞌmdagaꞌn na jam tajaañdhaꞌ gɨt na baꞌ puiꞌ jam jurtudaꞌ na dai guiꞌx bhaaiꞌ nach buiñor jich palhbuiꞌñkaꞌ gammɨjɨ.

ROOMA KAM 5:5

Baꞌch jujur am bhaan jix chaat ich nach sɨlhkam buiñor aayaꞌ puiꞌ nach jax jaꞌk tɨ nɨɨra, na guꞌ gux Dhuuduꞌ kam jix Uañ Iiꞌmdaꞌ na puiꞌch jurtuꞌn nat gɇꞌch aꞌm tajaa dɨɨlh gu Dios.

ROOMA KAM 8:34

Ni ku cham jɨꞌxkat jaroiꞌ jax tɨꞌyaꞌ nam mu jaꞌk jiim nam paiꞌ gammɨjɨ miꞌ pup jum tulhiiñdhaꞌ. Jax dhui nat guꞌ miꞌ dhɨr bach boosolh guch Xoiꞌkam nat muu jich aꞌmkam, gioch aꞌmkam duadɨk bam ɨp. Xib sonpan daa gu Dios kɨɨꞌn dɨr jaꞌk, baꞌ bhaiꞌ dhɨr soiꞌ tɨtdatuꞌ xib jich aꞌmkam.

GALAASIA KAM 5:22

Baꞌ noꞌ jaroiꞌ bhaan tajaañixchuꞌ gux Dhuuduꞌ kam jix Uañ Iiꞌmdaꞌ, jix chu joiꞌgɨꞌndaꞌ pɨx sia tuꞌ na pɨx bhaan ja bui gu jaꞌtkam, na gammɨjɨx bhaiꞌm taatɨt ja palhbuiꞌñdhaꞌ sia nar paiꞌ dhuuk kaꞌ gɨt. Gio na cham bhaamdar kaꞌ, nax chu nakooꞌndaꞌ pɨx sia tuꞌ na pɨx kɨꞌn. Gam na dɨɨlh jum palhbuiꞌñkaꞌ na jax jaꞌk cham tuꞌ bhaan maiꞌchiaꞌ gux buam jum duukam. Na gammɨjɨ soiꞌm ɨlhdhat tuꞌ sɨlhkam tɨ jɨɨꞌñdhat buiñor guch Xoiꞌkam miꞌ puiꞌ jimdaꞌ na jax jix kɨɨꞌ kaꞌm nɨiꞌñ. Noꞌ jaroiꞌ gammɨjɨ puꞌñi miꞌ puiꞌ tu duiñchuꞌ, cham jum aaꞌ na jaroiꞌ aagiꞌñdhaꞌ na jax jaꞌk tu aagix, na guꞌ puꞌñi pɨx jaꞌk jum aaꞌ nam tuiꞌñgɨdaꞌ gɨt bɨɨx gu jaꞌtkam.

PILIIPOS KAM 2:1

Aapiꞌm jiñ jaaduñ, noꞌ pim bax maat na guch Xoiꞌkam pɨx jam guguuxiꞌñ bɨɨx aixim bhaan, gio noꞌ gux Dhuuduꞌ kam jix Uañ Iiꞌmdaꞌ jam aꞌm tajaañix, gio noꞌ pim jix maat na jax jaꞌk jum bua noꞌ pim nɨiꞌñ na maadɨt miꞌ paiꞌm tulhiiñ,

2 TESALOONIKA KAM 2:16

Baꞌ gu Gɇꞌkam jich Xoiꞌkam bɨɨmaꞌn gu Dios jich Gɨꞌkoraꞌ nat xich joiꞌmdak jich bai nach buiñor bap tuiꞌñgɨdaꞌ, gam nat bach aaꞌñ nach gammɨjɨ cham tuꞌ bhaan jax jich aagɨt dai guiꞌ buiñor tɨ jɨɨꞌñdhat jix biiñak kaꞌ,

ISRAEL KAM 7:25

Baꞌ dhiꞌ yaꞌ dɨr jaꞌp jaꞌk pu gammɨjɨ bax bhaaiꞌn kaꞌ na ja baidhikaꞌx dhaam buiñor gu Dios jɨꞌk nam mux jimiik kaꞌ, na guꞌ dhiꞌ yaꞌ dɨr jaꞌp jaꞌk gammɨjɨ pu ba jaiꞌch kaꞌ, nach aꞌmkam ñiokdaꞌ buiñor gu Dios.

1 JUAN 2:1

Baꞌ aañ dhiꞌ puꞌñi jaꞌk pɨx miꞌ tu jam uaꞌñxiꞌñ jiñ jaaduñ jich Xoiꞌkam bhaan nañ bhaan jam guguuxiꞌñ na pim miꞌ puiꞌ xi jiimdaꞌ na jax jix aaꞌ gu Dios, na pim baꞌ moo cham kam uaꞌtulhiꞌñdhaꞌ. Piam kut guꞌ moo jax dhuuk jaroiꞌ maadɨt mam uaꞌtulh cham jum ɨlhdham, maadɨt biaꞌ ich ji guꞌ matgɨm guiꞌ na jaroiꞌx bhaaiꞌ nach aꞌmkam nokiaꞌ buiñor gu Dios jich Gɨꞌkoraꞌ, na baꞌ tuch uañiꞌñkaꞌ nach jich uaꞌtulhiꞌñ. Guiꞌ dho Jesuus jich Xoiꞌkam jañ aagɨt jup kaiꞌch na jaroiꞌx uañ kɨꞌn kɨɨk,

1 JUAN 2:27

Na guꞌ aapiꞌm jam aꞌm ba tajaañix gux Dhuuduꞌ kam jix Uañ Iiꞌmdaꞌ, dai dhiꞌ ji na pim pɨx kaichgɨdaꞌ na jax jaꞌk jam jurtudidhaꞌ. Cham kam aaꞌ na jaroiꞌ paiꞌ dhɨr jimdat jam aagiꞌñdhaꞌ na pim jax jaꞌk tuiꞌñgɨdaꞌ. Gux Dhuuduꞌ kam jix Uañ Iiꞌmdaꞌ na jam aꞌm ba tajaañix bɨɨx jɨꞌmaꞌn, jir diꞌ na puiꞌ jaꞌk jam jurtudidhaꞌ na pim jax jaꞌk tuiꞌñgɨdaꞌ, gam na jam mattudidhaꞌ na jax pɨk jaꞌk jix aaꞌ gu Dios. Guꞌ baꞌ noꞌ pim miꞌ puiꞌ xi bhɨichuꞌ, dhiꞌ bhaan jix maatɨꞌ kaꞌ na pim sɨlhkam bɨɨx jam jujur kɨꞌn tɨ jɨɨꞌñdhat tuꞌ kaꞌm nɨiꞌñ guch Xoiꞌkam.

2 JUAN 1:2

Baꞌ aach yaꞌ dɨr jaꞌp jaꞌk cham jɨꞌxdhaꞌ mɨk ka buaꞌ dhiꞌ nach tuꞌ bax maat xib, nach guꞌ bɨɨx jich jujur kɨꞌn ba tɨ jɨɨgiꞌñ na dhiꞌr sɨlhkam, cham tuꞌ nar iatdaꞌ. Puiꞌ kuch baꞌ xib joidham jix bhaiꞌ bach chaat aapiꞌm jam bui na pim puiꞌ bɨɨx jam jujur kɨꞌn jup ba tɨ jɨɨgiꞌñ buiñor guch Xoiꞌkam. Jam guguuxiꞌñ iñ baꞌ na pim cham tuꞌ mɨk ka buppadaꞌ dhiꞌ na pimɨt tuꞌ ba maat.