JUAN 13:19 - Tepehuano Tepehuán del Sureste (Durango)

¹⁹ Xib dɨr jañ puiꞌ ba pup xi jam tɨtdañ jaaduñ na pim baꞌ ba pup jix mat kaꞌ, ampɨk na puiꞌ tum kuugalhdhaꞌ, na pim baꞌx ioꞌm ba tɨ jɨɨgiꞌñdhaꞌ noꞌt puiꞌ ba tum duu na aañ pɨx jir diꞌ guch Xoiꞌkam nañ jax pu bar diꞌ sia bɨjɨk dɨr.

JUAN 13:19 Iomraidhean Croise

MATEO 11:3

nam sap tɨtkapuꞌ noꞌ sap moor diꞌ guch Xoiꞌkam guiꞌ na saak bha jootsaꞌ gu Dios jix dhaam dɨr, piam ku guꞌ sap noꞌ jax kaiꞌch nar jumai nam baꞌ nɨɨradaꞌ guiꞌ.

MATEO 24:25

Mooñ pu ba jam aagiꞌñ xib dɨr na pim baꞌ moox mat kaꞌ.

LUUKAS 21:13

Baꞌ kapbhaiꞌ nam bhaiꞌ ba jam tɨkkadaꞌ, aapiꞌm xi ja aagiꞌñdhaꞌ na pim jax kaiꞌñkam jiñ kaichuꞌ, xi ja aagiꞌñdhaꞌ pim sia nañ jir tuꞌp tuꞌm daꞌ.

JUAN 1:15

Pu dhiꞌ pɨx nɨidhat jup kaiꞌch gu Juan janoꞌ nap ja tɨtda gu jaꞌtkam: ―Guꞌjani nañ aagɨt jup kaiꞌch nat muni ba ai, nañ jup jam tɨtda bo na jumai bha jim gatuuk dɨr na giilhim jir gɇꞌkam, na pu ni jɨꞌx kuñ jir jupaabkamuꞌn. Na guꞌ guiꞌ bɨjɨk dɨr pux jaiꞌch, sia kuñ guꞌ aañ tɨir bɨɨpɨꞌ kam paꞌ gu yaꞌ maaxik. Jaꞌpni bo na ja tɨtda.

JUAN 14:29

Ku baꞌ guꞌ dhiꞌ puiꞌ tum duñiaꞌ ji kiaꞌ, sia ku pim guꞌ yaꞌ cham pɨk jiñ jɨɨgiꞌñ. Xib dɨr jañ moo puiꞌ ba pup xi jam tɨtda na pim baꞌñ jɨɨgiꞌñdhaꞌ noꞌt puiꞌ ba tum kuugalh.

JUAN 16:4

Xib dɨr jañ moo pu ba jam aagiꞌñ, na baꞌ noꞌt puiꞌ ba ji chu jam dooda, ba machiaꞌ pim nañ cham tuꞌ pɨx jap jam tɨtda. ’Puiꞌ kuñ baꞌ cham paiꞌ puiꞌ jam aagiꞌñ dhiꞌ puiꞌ jaꞌk moo janoꞌ na ñich jax yaꞌ ai, nañ guꞌx maat nañ muiꞌ yaꞌ ka xi juruuñdhai jam bui.

JUAN 4:26

Baꞌ gu Jesuus jup tɨtda: ―Aañiꞌ dhor diꞌ nañ yaꞌ tum aꞌgiꞌñ.

JUAN 8:28

Baꞌp ja tɨtda ɨp gio: ―Janoꞌ ji na pim paiꞌ dhuuk bañ xissapaꞌ kuruus taꞌm na pim baꞌ ba machiaꞌ nañ aañ jir diꞌ nañ bɨjɨk dɨr pux jaiꞌch bɨɨmaꞌn guñ Gɨꞌkoraꞌ, nañ cham tuꞌ aañ dɨɨlh pɨx puiꞌ tu bua nañ jax ɨlhiiꞌñ, guꞌ jaꞌpji na jax pɨx jiñ chɨɨdaim ji guñ Gɨꞌkoraꞌ nañ tu jam aꞌgiꞌñ.

JUAN 8:58

Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌ, bɨɨpɨꞌ dɨr pux jaiꞌch iñ aañ nat baꞌ gu Abraam yaꞌ maaxirɨk gio cham jup ka jaiꞌch.