JUAN 13:12 - Tepehuano Tepehuán del Sureste (Durango)

¹² Baꞌ nat paiꞌ bɨɨx ja tɨɨmo nat ja bopkoñ gu ja tooton, gio mup ji dhaibu sonpan guiꞌ na bhaan tum kuaꞌ xi chɨꞌɨɨk ɨp gio gu tɇb kutuunaꞌn. Miꞌ dhɨr baꞌp ja tɨtda: ―¿Jix maat japim aa na jax jir jum duukam na ñich baꞌ jam bopkoñ gu jam tooton?

JUAN 13:12 Iomraidhean Croise

MATEO 13:51

Miꞌ dhɨr baꞌ moo bhaiꞌ ba ja tɨkka gu Jesuus, jup ja tɨtda: ―¿Jix maatɨt aa pimɨt kai gu dhiꞌ puiꞌ na ñich jax tu jam aꞌgi? Baꞌ guiꞌp kaiꞌch am: ―Jix maatɨt jachich dho kai.

MAARKOS 4:13

Miꞌ dhɨr baꞌp ja tɨtda ɨp gio: ―¿Cham aa pim maatɨt jiñ kɇɇ? ¿Jax japim baꞌ duuji jix maatɨt jup kaayaꞌ gu jaiꞌ nañ paiꞌ dhuuk giop tu ja aꞌgidhaꞌ gu jaꞌtkam bhaan ji chu uaꞌrgidhai gu tuꞌ yaꞌ kam dhi oiꞌñgaꞌn?

LUUKAS 22:27

Nam guꞌ yaꞌ gu jaꞌtkam puiꞌ ɨlhiiꞌñ na gu jaroiꞌ na daibui ba tɨ nɨɨradaꞌ nam tu bhiidhaꞌ, dhiꞌ sap baꞌr gɇꞌkam kaꞌ panaas, guꞌ sap baꞌ gu jaroiꞌ na mu tu bhiidhaꞌ, jir tujuandam kaꞌ pɨx. Guꞌ matgɨm aañ cham tuꞌ ji nañ puiꞌ ɨlhiiꞌñ, jaꞌkbuiꞌ kat tujuandam kɨꞌn pɨx ya oirɨ iñ aañ nañ jax baꞌ yaꞌ ba jam palhbuiꞌñ bɨɨx aixim tuꞌm kɨꞌn.

JUAN 13:4

Puiꞌ xim aagat baꞌ moo jotmodaꞌ nat jax kɨkbo miꞌ na paiꞌ daakat ka tu kuaꞌ gu jurnɨk kam, bhaiꞌ ji kua gu tɇb kutuunaꞌn na daam dɨr tɨiꞌchuꞌ, mi jaꞌp xi dhaasak bhaiꞌ ji bhɨi maaꞌn gu jannulh joidham jix moik. Miꞌ dhɨr baꞌ bha jaꞌp xi buraak jurban

JUAN 13:7

Baꞌ gu Jesuus jup tɨtda: ―Matgam guꞌ saalh ka maachim ap jiñ jaduuñ na jax jir jum duukam nañ baꞌ jam bopkoñiꞌñ gu jam tooton. Gu xib guꞌ chakui ji nap maat.