JUAN 13:10 - Tepehuano Tepehuán del Sureste (Durango)

¹⁰ Baꞌ gio muiꞌp ji ñio gu Jesuus, jup tɨtda: ―Jax dhui nax kɨkɨɨꞌ gu jam noonob gio gu jam moom, na pimɨt guꞌ kiaꞌpɨx batbia. Cham jum aaꞌ nañ jam bopkoñdhaꞌ, dai ji dhi jam tooton nat ba dɨrbat na pim kɨꞌn jiim nañ baꞌ yaꞌ jam bopkoñiꞌñ, sia ku pim cham tuꞌ moo bɨɨx jix batbix na pim jɨꞌk jiñ kaichuꞌ.

JUAN 13:10 Iomraidhean Croise

MATEO 6:12

Gio baꞌ nap iam tuch uañiꞌñkaꞌ ɨp nach jɨꞌx mach uaꞌtulhdhaꞌ aap jum bui, nach guꞌ aach puiꞌp tu ja uañiꞌñ guiꞌ nam puiꞌp jum uaꞌtulhiꞌñ aach jich bui.

JUAN 13:18

’Sia kuñ guꞌ cham tuꞌ moo bɨɨx jup jam tɨtdat jup kaiꞌch na pim jɨꞌk yaꞌp tuꞌiiꞌ, nañ guꞌ aañ jix maat nañ jɨꞌk pɨx ja daaꞌ guiꞌ nam gammɨjɨ bañ kaichgɨdaꞌ. Na guꞌm aaꞌ na puiꞌ tum kuugalhdhaꞌ nat jax tum uaꞌnak bɨjɨk nap jum kaiꞌch: “Maadɨt bhaiꞌ jiñ bhaamki guiꞌ na mɨt jɨꞌk jiñ bɨɨm tu juu.”

JUAN 13:9

Baꞌ gio muiꞌp ji ñio gu Peegro, jup kaiꞌch: ―Xiñ bopkoñiꞌñ ku giñ jaduuñ. Bɨɨx xia dhiñ ñoonob jap jiñ bopkoñdhaꞌ gio baꞌ dhiñ moꞌ. Aañ jix aaꞌ ji nañ gammɨjɨm buip tuiꞌñgɨdaꞌ.

JUAN 15:3

Aapiꞌm puꞌñip ji buan jiñ jaaduñ na jax gu mamragaꞌn gu ɨꞌɨɨx, na pim guꞌ ba kɨɨꞌmpigix gu jam jujur am bhaan na pim ba tɨ jɨɨgiꞌñ bɨɨx nañ jɨꞌk jax jam tɨtda.

2 KORIINTO KAM 5:17

Puiꞌ ku baꞌ gu jaroiꞌ noꞌt ba tɨ jɨɨꞌñ buiñor guch Xoiꞌkam, bar maakam tuꞌm kaꞌ iiꞌmdagaram bhaan, cham tuꞌ puiꞌ kiaꞌ na jax bɨɨpɨꞌ dɨr. Jaꞌp ji buusniaꞌ na jumai maaꞌnkam xibkam jup jum duñiaꞌ.

2 KORIINTO KAM 5:21

Guch Xoiꞌkam dho tɨi cham tuꞌ tuꞌ bhaan jum uaꞌtulhdhak na yaꞌ xi oilhimɨk dhi oiꞌñgaꞌn, guꞌ ji nat guꞌ gu Dios jich aꞌmkam tu bhiiñolh, baꞌ puiꞌ ji buus nat giilhim gɇꞌm uaꞌtulh. Jix bhaiꞌ ji bii chich baꞌ aach buiñor gu Dios, nat guꞌ guch Xoiꞌkam jix bhaiꞌ ba duu.

2 KORIINTO KAM 7:1

Jiñ jaaduñ jich Xoiꞌkam bhaan, aapiꞌm nañ xi jam joiꞌgɨꞌn, dhiꞌr diꞌ nat xib yaꞌ puiꞌ ba tu duuch bui gu Dios nat jax ja tɨɨdak bɨjɨk guch bopxi kat, puiꞌ ji chu buus nat jax tɨi. Xib baꞌ aach pɨx bam aaꞌ nach miꞌ puiꞌ jimiaꞌ na jax jix aaꞌ nach baꞌ cham tuꞌ bhaan jix uꞌuaꞌtulhdhix kaꞌch iiꞌmdaꞌ bhaan gioch chutkuꞌ bhaan. Jix ɨɨbhidhat jach miꞌ puiꞌ ba jiimdaꞌ gu Dios na jax jix aaꞌ, gammɨjɨch pɨx jix uꞌuañ bap tuiꞌñgɨdaꞌ guiꞌ buiñor.

1 TESALOONIKA KAM 5:23

Baꞌ gu Dios na buiñor jix bhaiꞌ tu tatdaꞌ pɨx jup tu duñiaꞌ na pim jax dhuix ioꞌm jix uꞌuañ bap tuiꞌñgɨdaꞌ guiꞌ buiñor, gio na jam aꞌm tɨ nɨidhidhaꞌ na baꞌ cham jax chuꞌm jix buam jum duukam jam daam jimiaꞌ, sia jam iꞌiiꞌmdaꞌ bhaan, sia na pim jax jaꞌk jum aaꞌndaꞌ, sia jam tutkuꞌ bhaan, na baꞌ cham tuꞌx buam jum duukam jam tɨɨꞌñxidhaꞌ gu Gɇꞌkam jich Xoiꞌkam janoꞌ na gio bhaiꞌp jim.

ISRAEL KAM 9:10

Na guꞌ dhiꞌ jaꞌp pɨx nach puiꞌ jaꞌk tu buadaꞌ, koiꞌ pɨx nach miꞌx bhaiꞌ buadaꞌ gam gu tuꞌ nach iꞌyaꞌ na pu cham tuꞌ bhaaiꞌn kaꞌ sia kuch tɨi jax chu bua, panaas baꞌ kuch bhaan pɨx tɨ nɨɨradaꞌ na jɨꞌx juugɨt puꞌñi maakam tu daasaꞌ gu Dios na tu aagix kaꞌ yaꞌ dɨr jaꞌp jaꞌk, cham paiꞌ nach iam uañchudidhaꞌ guch uaꞌtulhdharaꞌ pu chu buaꞌt.

SANTIAGO 3:2

Na guꞌ tuꞌ nañ pɨx bhaan bañ uaꞌtulhdhaꞌ sia tuꞌ palhɨɨp jup jum duukam mi jaꞌp noꞌñ cham bhaiꞌ maat, sia noꞌ ñich miꞌ paiꞌ maakam pɨx tɨi na cham puiꞌ tum ñiok, dhiꞌ kɨꞌn jañich dho pu bañ uaꞌtulh buiñor gu Dios. Na guꞌ dhiꞌ bɨɨpɨꞌm aaꞌ nañ jix bhaiꞌ tu ñiokdaꞌ nañ baꞌ ɨlhiiꞌñdhaꞌ nañ aꞌm tɨ nɨidhidhaꞌ gu Dios, nañ cham tuꞌ giilhim ka tu ñiokdaꞌ na jax cham jir am na cham kɨɨꞌ kaꞌm nɨiꞌñ. Dhiꞌ pɨx noꞌñ puꞌñi jaꞌk ba duiñchuꞌ, cham jɨꞌxdhat puiꞌ ka tu duñiaꞌ dhiñ chuukuꞌ na dɨɨlh jax ɨlhiiꞌñdhaꞌ nar jix buam jum duukam, na guꞌ jaꞌp ji buusniaꞌ nañ miꞌ bhɨichdhatgɨdaꞌ na paiꞌ jax jir am.