JUAN 13:1 - Tepehuano Tepehuán del Sureste (Durango)

¹ Baꞌ takaab dɨr na baꞌ moo bam aayaꞌ gu bhaan Paaskua taꞌm nam paiꞌ dhuuk tu piastatdaꞌ gu Israel kam jaꞌtkam, pux bhaiꞌ bax maat gu Jesuus nat bam ai na paiꞌ dhuuk giop ba jimiaꞌx dhaam buiñor guch Gɨꞌkoraꞌ nat paiꞌ dhɨr bha jii. Cham jax bua sia ku mɨt dɨɨlh yaꞌ ji bii guiꞌ nam jɨꞌk kaichuꞌ, na guꞌ puiꞌ na jax jix ja joiꞌndat bax ja daꞌdaꞌ sia kut ba jii nat jax jix ja joiꞌgɨlh yaꞌ dhi oiꞌñgaꞌn na ja bɨɨm oilhimɨk.

JUAN 13:1 Iomraidhean Croise

MATEO 26:45

Miꞌ dhɨr baꞌ giop ba jii mu jaꞌk na paiꞌ gu noonbiꞌñ, baꞌp ja tɨtda mu ji ɇɇk: ―¿Jir maaꞌn aa na pim jax kookos? ¿Moo jaꞌp jix momgon japim aa? Aañ nañ xib bhaankam yaꞌ oirɨ guñ Gɨꞌkoraꞌ, yaꞌ bam ai nam paiꞌ dhuuk jiñ muꞌaaꞌ guiꞌ nam cham tuꞌ kaꞌm nɨiꞌñ.

MATEO 28:20

Gio baꞌ na pim xi ja aaꞌñdhidhat ɨp nam tuꞌ kaꞌm xi nɨidhat gu puiꞌ na ñich jax jaꞌk jam aaꞌñ aapiꞌm na pim miꞌ puiꞌ jiimdaꞌ. Baꞌ aañ gammɨjɨ nabap tanoolh jam buip tuiꞌñgɨdaꞌ siat baꞌ am xim tɨɨmo dhi oiꞌñgaꞌn.

LUUKAS 22:53

¿Gio guꞌ cham bhaaiꞌ aa na pim gɨt bhaiꞌ puñ dhagiaꞌ gɇꞌ chiop nañ moo bhaiꞌ oirɨt pu tu jam aꞌgiꞌñdhaꞌ nabap tanoolh na pim gɨt baꞌ cham puꞌñi yammɨ jaꞌp bañ gaagidhaꞌ? Ku guꞌ dhiꞌ na jax dhui miꞌ pɨx puiꞌ ba jim ji, nat guꞌ xib baꞌ kam ai na paiꞌ dhuuk jam daam jimiaꞌ gux chukgam.

LUUKAS 9:51

Baꞌ na ba miamlhim na paiꞌ dhuuk tu daaxix na giop ji jimiaꞌ gu Jesuus jix dhaam jaꞌk, juraaꞌn ba dai na mu jimiaꞌ Jerusaleen.

JUAN 11:55

Baꞌ moop ba miamlhim nam paiꞌ dhuuk tu piastatdaꞌ bhaan paaskua taꞌm gu Israel kam jaꞌtkam. Muiꞌ pɨx ba ji ɇɇ am bhammɨ Jerusaleen mu dɨr jaꞌp kam na jax aꞌlhich jir kikcham, nam sap baꞌ bɨɨpɨꞌ dɨr bhaiꞌ soiꞌ bam ɨlhiiꞌñdhaꞌ ampɨk nam aayaꞌ nam paiꞌ dhuuk bhaiꞌ ji chu piastataꞌ gu bhaan paaskua taꞌm.

JUAN 12:23

Baꞌp ja tɨtda gu Jesuus: ―Dho nat guꞌ xib yaꞌ bam ai jia nañ paiꞌ dhuuk muukɨi giop bamgiaꞌ kum baꞌ ba xiñ maachim nañ jir tuꞌp tuꞌm daꞌ guñ jaaduñ. Yaꞌ bar bhaan guꞌ nañ paiꞌ dhuuk giop ba jimiaꞌx dhaam na paiꞌx ioꞌm gɇꞌkam kɨꞌn bañ dhaasaꞌ guñ Gɨꞌkoraꞌ.

JUAN 13:29

Jaꞌp jum aaꞌ am na jax kaiꞌñkam jup tɨtda na ba tu taañmɨraꞌ gu tuꞌ nam tu bhaidhaꞌ gu bhaan paaskua taꞌm, piam ku na ba ja makiaꞌ jɨꞌk gu tuumiñ guiꞌ nam cham tuꞌ biaꞌ, nam guꞌx maat na guiꞌ umuaꞌñdhix na kusbiodaꞌ gu ja tumñiꞌ bɨɨx nam jɨꞌk jir noonbiꞌñ gu Jesuus.

JUAN 13:3

Gu Jesuus puiꞌ pɨx xim aaꞌ juraꞌram bhaan nat bam ai na paiꞌ dhuuk giop ba jimiaꞌx dhaam buiñor gu Dios nat jaroiꞌ bha joot. Pux bhaiꞌx maat guꞌ na bɨɨx bhaan ji chu biꞌyaꞌ sia nar tuꞌ, gam na bɨɨx tu daam ba kɨɨkaꞌ yaꞌ dhi oiꞌñgaꞌn.

JUAN 13:34

Dai nañ jaꞌpni jaꞌk xi chu daasai aapiꞌm jam bui na tu aagix kaꞌ xib dɨr, na pim joidham xim ja joiꞌndat jix bhaiꞌ kaiꞌchɨt tu oiꞌñkaꞌ bɨɨx jɨꞌmaꞌn, jaꞌp na jax aañ nañ xi jam joiꞌndat xi jam daꞌ bɨɨx jɨꞌmaꞌn aapiꞌm,

JUAN 14:28

Gio na guꞌ nañ jax ba jam tɨtdañ jaaduñ nañ jup kaiꞌch bo nañ alhio pɨx bhammɨ xi ñorgirai buiñor guñ Gɨꞌkoraꞌ gio yaꞌp aayaꞌ jam bui nañ jam bɨɨm oirɨdaꞌ. Guꞌ ji na pim guꞌ aapiꞌm panaas jix buam bam aaꞌ nañ puiꞌ xi jam tɨtda nañ bar boi chaꞌm kam. ¿Aa ku pim ji guꞌ pɨx jix bhaiꞌm ɨlhdhaꞌ ji nañ ba jam aagiꞌñ nañ bar jimdam jix dhaam buiñor guñ Gɨꞌkoraꞌ nax ioꞌm jir gɇꞌkam, cham tuꞌ puiꞌ na jax aañ, noꞌ pim baabuiꞌ tuꞌ kaꞌm jiñ ñɨidhat ba xiñ dhaan na pim bax maat nañ jir tuꞌp tuꞌm daꞌ?

JUAN 14:31

Guꞌ ji na guꞌm aaꞌ na puiꞌ tum kuugalhdhaꞌ nañ jax ba jam tɨtda, nam baꞌ machiaꞌ gu jaꞌtkam nañ aañ tuꞌ kaꞌm nɨidhat miꞌ puiꞌ jim na jax jix aaꞌ guñ Gɨꞌkoraꞌ, puiꞌ kuñ baꞌ bɨɨx puiꞌ tu kuugalhdhaꞌ nat jɨꞌk jax jiñ chɨɨdak bañ joot. Jaꞌpni dho. Maigor jach ba jiimdaꞌ.

JUAN 16:28

Xib jañ dho gio am bhaiꞌ jaꞌk jup ba tɨ nɨiꞌñ buiñor na ñich paiꞌ dhɨr bha jii, nat guꞌ alhio pɨx bhañ joot yaꞌ dhi oiꞌñgaꞌn.

JUAN 17:1

Baꞌ na puꞌñi xi ja tɨtdaimɨk gu Jesuus guiꞌ nam kaichuꞌ, bhaiꞌ ji chu aꞌga jix dhaam jaꞌk xi chɨ tɨɨgɨk, jup kaiꞌch: ―Aapiꞌñ Gɨꞌkoraꞌ, yaꞌ moo mam ai na paiꞌ dhuuk daaxix nam boiñ bhɨichdhaꞌ gu jaꞌtkam. Jiñ palhbuidhaꞌ ap nañ jax dhui puiꞌ tu kuugalhdhaꞌ na pich jax jiñ chɨɨdak bhañ joot. Xi ja mattudaꞌ ap dhi jaꞌtkam nam baꞌ machiaꞌ nap jir tuꞌp tuꞌm daꞌ aap gio aañ, gio nam machiaꞌ nañ aañ jaꞌxbuiꞌp jir gɇꞌkam na jax aap jiñ Gɨꞌkoraꞌ.

JUAN 17:16

Nam guꞌ dhiꞌ bar jaiꞌ, cham tuꞌ puiꞌ jaꞌk ka tu jim am na jax guiꞌ nam cham jiñ bui tɨ jɨɨgiꞌñ. Dai nam miꞌ puiꞌ ba tu daaꞌñchuꞌ nap jɨꞌk jax jix aaꞌ jiñ Gɨꞌkoraꞌ, jaꞌp na jax aañ nañ miꞌ puiꞌ xi jim nap jɨꞌk jax jix aaꞌ.

JUAN 17:26

Bɨɨx jañ ba ja aagiꞌñ nap jax jir tuꞌm kam jiñ Gɨꞌkoraꞌ gam nap jir tuꞌp tuꞌm daꞌ, puiꞌ na pich jɨꞌk jax jiñ chɨɨꞌn. Gio nañ jup ja tɨtda na sia ku ñich ba jii aañ yaꞌ dɨr, bha jootsaꞌ iñ jumai nañ aꞌmkam yaꞌ ja guguuxiꞌñdhaꞌ gam na ja mattuꞌnkaꞌ nam jax jaꞌk miꞌ puiꞌ jiimdaꞌ nap jax jix aaꞌ, nam baꞌ miꞌ dhɨr jaꞌp jaꞌk puiꞌp jix ja joiꞌgɨꞌndaꞌ gu jaiꞌ jaꞌp nap jax xiñ joiꞌgɨꞌn aañ.

JUAN 17:5

Xib baꞌ dai nañ ba tɨ nɨɨr nap jiñ bamiiꞌñdhaꞌ mu dɨr koiꞌñgaꞌn tɨr noꞌ mɨt bañ yaas, nañ baꞌ gio muiꞌp ba jimiaꞌ bhammɨ aap jum bui nap giilhim jir gɇꞌkam, nach baꞌ gio maap bap tuiꞌkaꞌ, nam baꞌ miꞌ dhɨr ba machiaꞌ gu jaꞌtkam nañ aañ jaꞌxbuiꞌp jir gɇꞌkam na jax aap, sia pu bɨjɨk dɨr na chich baꞌ miꞌ dhɨr bap duu dhi oiꞌñgaꞌn.

JUAN 18:4

Guꞌ ji na guꞌ pux maat gu Jesuus nam jax kaiꞌñkam mu jiim gu jaꞌtkam, na guꞌ pɨx pum aaꞌ nam jax dhoodaꞌ. Baꞌp ja tɨtda na mɨt miꞌ ba ai: ―¿Jaroo pim gaagim?

JUAN 19:28

Baꞌ miꞌ dhɨr na guꞌx maat gu Jesuus nat bɨɨx puiꞌ ba tum kuugalh nat jɨꞌk jax tum uaꞌnak bɨjɨk, maaꞌn kap pɨx ba bii na puiꞌ tum kuugalhdhaꞌ, baꞌp kaiꞌch: ―Tɨix chanoom iñ.

JUAN 2:13

Baꞌ na guꞌ bam aajim nam paiꞌ dhuuk tu piastatdaꞌ gu Israel kam jaꞌtkam bhaan paaskua taꞌm nam bhaan tɨꞌñchokaꞌ janoꞌ nat paiꞌ dhuuk ja palhbui gu Dios na mɨt bha bubua mu dɨr Ejipto, muiꞌ ma jii gu Jesuus bhammɨ Jerusaleen na bhammɨ jaꞌk buusaidhaꞌ gu bhaan Paaskua taꞌm.

JUAN 6:4

Baꞌ moo janoꞌ pɨk jup bar miaꞌn bhaan Paaskua taꞌm nam paiꞌ dhuuk tu piastat gu Israel kam jaꞌtkam.

JUAN 7:30

Baꞌ jaiꞌ dhɨt cham ja koꞌraaru nat puiꞌ jɨꞌ xi chɨi gu Jesuus, aaꞌndaꞌ gɨt nam miꞌ pu buuplhiaꞌ, guꞌ jaꞌpji na guꞌ panaas ku alh jaꞌp cham jax jix bhaaiꞌ nam doodaꞌ, guꞌ jaꞌpji nat chakuim ai na paiꞌ dhuuk daaxix nam dagiaꞌ.

JUAN 7:6

Baꞌ bhaiꞌ ji ñio gu Jesuus, jup ja tɨtda: ―Chakuim ai ji matgam na paiꞌ dhuuk tu daaxix nam machiaꞌ gu jaꞌtkam nañ jir gɇꞌkam. Guꞌ puiꞌñ ɨlhiiꞌñ japim na jax aapiꞌm na pim mu jaꞌp paiꞌ xi jimiaꞌ paiꞌ na pim duuk ɨlhiiꞌñdhaꞌ.

JUAN 8:20

Jaꞌpni tu ja aꞌgi gu Jesuus mɨjɨ gɇꞌ chiop mi sonpan ji kɨkbuk na paiꞌm tuaꞌbaꞌ gu tuumiñ. Ku guꞌ cham jaroiꞌ juan ji, nat guꞌ chakuim ai na paiꞌ dhuuk tu daaxix nam dagiaꞌ.

ROOMA KAM 8:37

Matgɨm chaam tuꞌ ji na tuꞌch dhaam jup tuꞌiiꞌ. Jaꞌkbuiꞌch ja daam jup tuꞌiiꞌ ji dhiꞌ bɨɨx na jɨꞌk jir jix buam tum duuꞌnkam, nat guꞌch palhbui guch Xoiꞌkam xich joiꞌmdak nach baꞌ puꞌñi ja daam jimiaꞌ.

1 KORIINTO KAM 1:8

Gu Dios pɨx dɨɨlh jam palhbuiꞌñchuꞌndaꞌ na pim jax jaꞌk miꞌ puiꞌ jiimdaꞌ na jax jix aaꞌ na pim yaꞌ kap tuiꞌdhiꞌ dhi oiꞌñgaꞌn bhaan na baꞌ cham jaroiꞌ jax jam tɨɨdaꞌ na pimɨt cham am bua.

ISRAEL KAM 3:14

Na guꞌ na baꞌch baidhikaꞌ gu Jesuus jich Xoiꞌkam jix dhaam jaꞌk, jum aaꞌ nach miꞌ puiꞌ jimiaꞌ na jɨꞌk jax tu daaxix gu ñioꞌkiꞌñ gu Dios, gio nach gammɨjɨx biiñak kaꞌ buiñor nach jax bax biiñak janoꞌ dɨr na chich jax tɨ jɨɨꞌñ buiñor.

ISRAEL KAM 3:6

Baꞌ gu Jesuus jich Xoiꞌkam nar Maraaꞌn gu Dios, jix ioꞌm gɇꞌkam kɨꞌn dai yaꞌ aach jich bui janoꞌ dɨr nat puiꞌ xi chu kuugalhdhak nat jax tɨɨdak bha joot. Jaꞌp ji buus nat guiꞌ bhaan ji bii gu baꞌaak nat kɨi bhaankamuꞌn gu Dios na nuukaꞌndat gu Moisees, na guꞌch palhbuiꞌñchuꞌ bɨɨx aixim bhaan aach nach jɨꞌk buiñor bap tuiꞌdhiꞌ gu Dios. Baꞌ gammɨjɨ pu bach palhbuiꞌñchuꞌndaꞌ noꞌch aach cham oodat buiñor tɨ jɨɨꞌñdhat miꞌ puiꞌ xi dhuiñchuꞌ na jax jix aaꞌ jix bhaiꞌch chaatɨt.

ISRAEL KAM 6:11

Baꞌ aañ jam guguuxiꞌñ jiñ jaaduñ na pim cham mɨk buppadaꞌ na pim jax ba duiñchuꞌ xib janoꞌ juugɨt na paiꞌ dhuuk tum kuugalhdhaꞌ yaꞌ dhi oiꞌñgaꞌn. Dai na pim pɨx am tɨ nɨɨrdaꞌ na pim jimiaꞌ na pim paiꞌ tu iimchudhix na pim saak paiꞌx jɨjɨkgɨm bap tuiꞌkaꞌ.

1 PEEGRO 1:13

Baꞌ aañ jam guguuxiꞌñ jiñ jaaduñ na pim siamri miꞌ puiꞌ xi jiimɨt na jax jix aaꞌ guch Gɨꞌkoraꞌ pɨx am tɨ nɨɨrdaꞌ janoꞌ na paiꞌ dhuuk yaꞌ aayaꞌ guch Xoiꞌkam na baꞌ miꞌ dhɨr ba jam makiaꞌ gu gɇꞌgɇr jup tum duuꞌnkam nat jam iimchuda gu Dios na jam makiaꞌ.

1 JUAN 4:19

Aach tuꞌ kaꞌm nɨidhat miꞌ puiꞌ ba jiim ji baꞌ xib na jax jix aaꞌ gu Dios, nat guꞌ guiꞌ bɨɨpɨꞌ dɨr xich joiꞌgɨlh ampɨk nach baꞌ aach tuꞌ kaꞌm jup ba nɨiꞌñdhaꞌ, cham tuꞌ nat gatuuk xich joiꞌgɨlh nach aach pu tuꞌ kaꞌm ba nɨiꞌñ.

NAT JAX TƗ TƗƗ GU JUAN 1:5

gio baꞌ gu Jesuus jich Xoiꞌkam ɨp guiꞌ nat duadɨk giop bam mu dɨr koiꞌñgaꞌn tɨr, na xib jix ioꞌm gɇꞌkam kɨꞌn ba daa ja bui bɨɨx gu gɇꞌgɇrkam yaꞌ dhi oiꞌñgaꞌn. Guch Xoiꞌkam gɇꞌkam kɨꞌn xich joiꞌgɨꞌn jia, puiꞌ kut baꞌ bha jimɨɨk tuch ñamkix guch uaꞌtulhdharaꞌ kɨꞌn gu ɨꞌraꞌn nat jaax kuruus taꞌm, na baꞌ puꞌñi duuji tuch uañdhaꞌ gu Dios.