JUAN 12:6 - Tepehuano Tepehuán del Sureste (Durango)

⁶ Ku guꞌ dhiꞌ na puiꞌ jɨꞌ kaiꞌch gu Juudas, cham tuꞌ ji na moo sɨlhkam jix ja joiꞌndat jup kaiꞌch guiꞌ nam cham tuꞌ biaꞌ, jaꞌpji na dɨɨlh tɨix gaamum gu tuumiñ ku baꞌ tɨi aaꞌndagɨt nam gaꞌraꞌ guiꞌ na joidham uub. Na guꞌ puiꞌ pu tu buadaꞌ na tɨi umuaꞌñdhix kaꞌ na kusbiodaꞌ gu ja tumñiꞌ gu jaiꞌ noonbiꞌñ gu Jesuus, dɨɨlh xi gaamui jɨꞌk na ɨlhiiꞌñdhaꞌ.

JUAN 12:6 Iomraidhean Croise

MATEO 21:13

Baꞌp ja tɨtda puiꞌ xi ja doodak: ―¿Kux cham maat japim aa nap jum kaiꞌch gu ñioꞌkiꞌñ guñ Gɨꞌkoraꞌ miꞌ na paiꞌ tu uaꞌñix: “Dhi chiop nat miꞌm kɨi, miꞌ dhɨr jix bhaaiꞌ nam bha tuñ aꞌgiꞌñdhaꞌ gu jaꞌtkam soiꞌ jim ɨlhdhat”? Aapiꞌm guꞌ ya jaꞌp tuꞌiiꞌ na jax paiꞌ noꞌm jum jumpaꞌn gu ɨꞌxkum.

LUUKAS 8:3

Gio baꞌ jumai Juana tɨɨgɨm ɨp, Kuusa gu bɨngaꞌn. Gu Kuusa jir diꞌ na ja aaꞌñdhat gu tujuandam tugiꞌñ gu Eroodis nam jax jaꞌk tu duñiidhaꞌ. Gio baꞌ jumai Susaana tɨɨgim jup jimdaꞌ, gam jaiꞌ muiꞌ gu uꞌuub. Bɨɨx guiꞌ gu uꞌuub tu sabaꞌdaidhat gu koiꞌ dɨɨlh ja tumñiꞌ kɨꞌn tu ja uaꞌtulhiꞌñdhaꞌ am bɨɨx guiꞌ nam jɨꞌk maap jiimdaꞌ.

JUAN 10:13

Na guꞌ guiꞌ na puꞌñi umuaꞌñdhix kaꞌ pɨx, cham tuꞌ jaꞌxbuiꞌ puiꞌ ja daꞌdaꞌ gu kakasnir na jax guiꞌ na dɨɨlh jir kakasnir tugiꞌñ kaꞌ. Puꞌñi dho baꞌ na bɨɨpɨꞌ kat ba jimiññolhiaꞌ noꞌt miꞌ ba ai gu sɨɨꞌ piam gu bhan. Tuꞌ gi na guꞌ bhaan pɨx maiꞌchɨkdaꞌ gu tuumiñ.

JUAN 12:5

―¡Uu guꞌ alh jaꞌp moor tuꞌ kub ji baꞌ dhiꞌ! ¿Cham bhaiꞌ aa na alh jum gaꞌrai jɨꞌk baik jix chaꞌtmam ooꞌm aixim kɨꞌn gu tuumiñ mu jaꞌk ja makiaꞌ guiꞌ na alh cham bhaiꞌ nam paiꞌ dhɨr uꞌji kɨꞌn tu sabaꞌdaꞌ? Na guꞌ dhiꞌx dhaꞌram namɨɨk, na guꞌ giilhim joidham uub.

JUAN 13:29

Jaꞌp jum aaꞌ am na jax kaiꞌñkam jup tɨtda na ba tu taañmɨraꞌ gu tuꞌ nam tu bhaidhaꞌ gu bhaan paaskua taꞌm, piam ku na ba ja makiaꞌ jɨꞌk gu tuumiñ guiꞌ nam cham tuꞌ biaꞌ, nam guꞌx maat na guiꞌ umuaꞌñdhix na kusbiodaꞌ gu ja tumñiꞌ bɨɨx nam jɨꞌk jir noonbiꞌñ gu Jesuus.

GALAASIA KAM 2:10

Baꞌ jaꞌpni soiꞌp xich chɨɨꞌn jamɨt nach sap siamrix joiꞌmdat jix bhaiꞌ xi ja buaꞌt guiꞌ nam cham tuꞌ biaꞌ ni jɨꞌx, na pu cham bhaaiꞌ nam paiꞌ dhɨr uꞌji gu tuꞌ kɨꞌn tu sabaꞌdaꞌ. Baꞌ aañ dhiꞌ puiꞌ tɨi duiñchuꞌ, cham mɨk buppa iñ.

1 TESALOONIKA KAM 5:22

gux buam jum duukam japim baꞌ jaꞌp xi dhuñiidhat, na guꞌ bɨɨx aixim tuꞌm jix jaiꞌch.

SANTIAGO 2:2

Puiꞌ na jax mu paiꞌ noꞌ pim jum jumpaꞌn na pim tu daandaꞌ buiñor gu Dios, noꞌt guꞌ maaꞌn miꞌ ba ai gu maaꞌnkam jix chumñigam na bɨxchuꞌ bapaiñum jix uꞌuam totbikdam xi chu baapsatuꞌ noonbiram, gio nax kɨkɨɨꞌ xi chɨ tɨiꞌchuꞌ jix dhaꞌram namkɨm, baꞌ aapiꞌm pɨx jix bhaiꞌ tɨtdak jax chɨtda: “Jam jɨɨp jiñ jaduuñ yaꞌni jaꞌk dhix kɨɨꞌ atooxkor taꞌm.” Guꞌ baꞌ noꞌt guꞌ jaꞌx dhɨr miꞌp ba ai jumai gu maaꞌnkam na alh gampaiꞌ pɨx chuꞌm nax xaasak tɨ tɨiꞌchuꞌ giox ɨꞌk suuskam, baꞌ aapiꞌm jax chɨtda pɨx: “Aap baasɨꞌn jap pɨx ka kɨɨkaꞌ soosnaꞌn, piam kup mi jaꞌp xi dhaibuꞌ dɨɨrap noꞌp jix ooꞌn nap kɨɨk.”

SANTIAGO 2:6

Guꞌ ji na guꞌ aapiꞌm dhiꞌ baꞌ pɨk tuꞌ pɨx ja ɨlhiiꞌñdhaꞌ, gampaiꞌ pɨx ja ɨlhiiꞌñ japim na pim ja nɨiꞌñ nam alh cham tuꞌ biaꞌ, dai gux chutumñigam na pim baꞌx ja kɨɨgalhdhat jix bhaiꞌ ja buadaꞌ. Guꞌ dhiꞌ jim baꞌ pɨk tu xi bua noꞌ mɨt bach oꞌbhaiꞌ, jich uiꞌkaꞌ am dho buiñor gu gɇꞌkam nam jich chulhiiñchudaꞌ noꞌ chich palhɨɨp am cham am bua miꞌ paiꞌ.