JUAN 12:34 - Tepehuano Tepehuán del Sureste (Durango)

³⁴ Baꞌp tɨtda am gu jaꞌtkam: ―¿Gi na baꞌp jum kaiꞌch mi uꞌuan taꞌm nach tu jiñkuiꞌñdhaꞌ nat paiꞌ tu uaꞌnak gu Moisees na saak guch Xoiꞌkam na Dios bha jootsaꞌ, cham paiꞌ dhuuk mukiaꞌ noꞌt puꞌñi yaꞌ ba ai? ¿Jax ji kup baꞌp kaiꞌch nam aap jum sissapaꞌ kuruus taꞌm? ¿Kaꞌ guiꞌp jir jumaich Xoiꞌkam aa na bhaan tu aꞌga mi uꞌuan taꞌm na saak cham paiꞌ dhuuk mukiaꞌ?

JUAN 12:34 Iomraidhean Croise

MATEO 16:13

Baꞌ miꞌ dhɨr giop ba jii gu Jesuus mu jaꞌk na paiꞌ Sesarea Piliipo tɨ tɨɨgim bhaan bipioꞌ gu dɨbɨɨr. Baꞌ ba ja tɨkka gu noonbiꞌñ, jup ja tɨtda: ―¿Jax jam kaiꞌchdhaꞌ gu jaꞌtkam? ¿Jaroo sap daꞌ iñ aañ nat bhañ joot guñ Gɨꞌkoraꞌ? ¿Tuꞌñ sap jir jup tuꞌm daꞌ?

MATEO 21:10

Baꞌ jaꞌxpɨx nat paiꞌ dhuuk bhammɨ ba ai gu Jesuus na paiꞌr Jerusaleen, cham maat am gu bhaiꞌ oiꞌñkam nar jaroiꞌ dhaꞌ. Naiꞌ tɨim tɨ tɨkka am, jup kaiꞌch am: ―¿Jaroo chi baꞌ daꞌ dhi maaꞌnkam?

MATEO 8:20

Baꞌ gu Jesuus jup tɨtda: ―Jax dhui na guꞌ aañ nat bhañ joot guñ Gɨꞌkoraꞌ yaꞌ dhi oiꞌñgaꞌn bhaan, pu cham paiꞌ bhaaiꞌ nañ gɨt joidham xiñ jɨɨpiꞌñkaꞌ, cham puiꞌ na jax gu kaxio, na guꞌ sɨlh jimiaꞌ mu paiꞌ nar chiob kaꞌ noꞌ bax kooxim. Gio gu uꞌiiꞌ na guꞌ puiꞌp tu kos kaꞌ, dai na ba koxiaꞌ na paiꞌ dhuuk ɨlhiiꞌñdhaꞌ.

JUAN 10:34

Baꞌ gu Jesuus jup ja tɨtda ɨp gio: ―¿Kux aapiꞌm cham jɨꞌxkat tu jiñkaiꞌñ aa miꞌ na paiꞌ tu uaꞌñix gu ñioꞌkiꞌñ gu Dios, nap jum kaiꞌch: “Aapiꞌm jaꞌp ba ji bubuakiaꞌ na didios”?

JUAN 12:32

Na guꞌ aañ nam paiꞌ dhuuk jiñ xissapaꞌ kuruus taꞌm, muiꞌ bhaiꞌ ji chɨ jɨɨꞌñdhaꞌ am aañ jiñ bui.

JUAN 15:25

Ku baꞌ guꞌ dhiꞌ miꞌ pɨx puiꞌ ba jim ji na bhaan pɨx jum kuugalhdhaꞌ na jax jum kaiꞌch mi uꞌuan taꞌm nat paiꞌ tum uaꞌnak bɨjɨk nap jum kaiꞌch: “Jaꞌp pɨx ji guꞌ moo na mɨt bhaiꞌ jiñ bhaamki.”

JUAN 8:28

Baꞌp ja tɨtda ɨp gio: ―Janoꞌ ji na pim paiꞌ dhuuk bañ xissapaꞌ kuruus taꞌm na pim baꞌ ba machiaꞌ nañ aañ jir diꞌ nañ bɨjɨk dɨr pux jaiꞌch bɨɨmaꞌn guñ Gɨꞌkoraꞌ, nañ cham tuꞌ aañ dɨɨlh pɨx puiꞌ tu bua nañ jax ɨlhiiꞌñ, guꞌ jaꞌpji na jax pɨx jiñ chɨɨdaim ji guñ Gɨꞌkoraꞌ nañ tu jam aꞌgiꞌñ.

ROOMA KAM 3:19

Jix maat ich dho na guiꞌ na jɨꞌk jax tu aagix, puiꞌ kaiꞌñkam tu uaꞌñix nam bhaan machiaꞌ bɨɨx gu jaꞌtkam na tuꞌr uaꞌtulhdharaꞌ, nam baꞌ cham jax tɨꞌyaꞌ na mɨt pu cham jɨꞌxkat maat janoꞌ na paiꞌ dhuuk dɨɨlh gu Dios bhaiꞌ ba ja tɨkkadaꞌ.

ROOMA KAM 5:18

Baꞌ puiꞌ nat jax jum uaꞌtulh gu Adaan nat baꞌ jaiꞌchdhɨr nam paiꞌm tulhiiñaꞌ gu jaꞌtkam nam puiꞌp jum uaꞌtulhdhaꞌ nat jax jum uaꞌtulh guiꞌ, guch Xoiꞌkam jix bhaiꞌp ja duu nat muu bhaan gu uꞌuux na gai bɨɨt. Baꞌ bɨɨx cham tuꞌ bhaan kax uꞌuaꞌtulhdhix kaꞌ am, dai nax bhaiꞌ ba tu ja jimdaꞌ.

ISRAEL KAM 7:24

Guꞌ gu Jesuus jich Xoiꞌkam na xib puiꞌp ji buusan, cham paiꞌ dhuuk ka mukiaꞌ ji, gammɨjɨ pu jaiꞌch kaꞌ, cham paiꞌ dhuuk jum pataasaꞌ.