JUAN 12:2 - Tepehuano Tepehuán del Sureste (Durango)

² Baꞌx bhaiꞌm taatɨt ma chu bhaiꞌñ jamɨt gu koiꞌ gu jurnɨk kam nam tu onbaiꞌñdhaꞌ gu Jesuus, nam guꞌx bhaiꞌm taat nat miꞌ ba ai. Gu Laasar jaiꞌp ma chu juu bɨɨmaꞌn gu Jesuus maap ji dharaibuk mi sonpan guiꞌ na bhaan tum kuaꞌ, gu Marta baꞌ dai nat pɨx muiꞌ ji ja bhiiꞌñ.

JUAN 12:2 Iomraidhean Croise

MATEO 26:6

Baꞌ mu jaꞌk Betaania daakat jup ba tu kuaꞌ gu Jesuus buiñor gu Simoon guiꞌ nam puiꞌ jaꞌk jup jix mat kaꞌ gu jaꞌtkam na tootolhidhat bha gakiidhaꞌ gu tukgaꞌn.

MAARKOS 14:3

Baꞌ jaꞌxpɨx gu Jesuus jimɨɨk mummup ba tu kuaꞌ Betaania, na paiꞌ kio gu Simoon guiꞌ na tootolhidhat ka gakiidhat gu tukgaꞌn. Baꞌ moo miꞌp ba ai maaꞌn gu ubii uaꞌdat maaꞌn gu ɨlhiꞌch jix moik gu jodai jaꞌaachix kam, nam alabaastro kɨꞌn jix mat kaꞌ, na mi suuꞌntuꞌ gu osbhagaꞌn guiꞌ nam nardo kɨꞌn jix mat kaꞌ nax dhaꞌram namɨɨk, na joidham uub. Baꞌ nat jax kukpioꞌkak bhaiꞌ xi choiꞌ moꞌran gu Jesuus, pu bɨɨx ɨp moo nat bha toiꞌ.

LUUKAS 12:37

Jaꞌp moo joidham jix bhaiꞌ tu ja jimiaꞌ gu tujuandam noꞌm tɨ nɨiꞌñ na paiꞌ dhuuk mi aayaꞌ gu ja gɇꞌkam tuk, siat ɨraab tukaaꞌ mi ai, piam katukgab, piam jix dhaꞌnpam ji chu maaxirɨk. Aañ yaꞌ pu jam tɨtda nax bhaiꞌm ɨlhdhai gu ja gɇꞌkam tuk xi ja chiñiaꞌ nam daraibuꞌ na baꞌ tu ja bhiidhaꞌ nam tu jugiaꞌ.

LUUKAS 14:12

Baꞌ nat puiꞌ xi ja tɨɨdak gu Jesuus gu jaꞌtkam, jup tɨtda ɨp dɨɨlh gu gɇꞌkam pariseo nat bai na bɨɨmaꞌn tu jugiaꞌ: ―Gio aap jiñ jaduuñ nap jir kiokam, nap paiꞌ dhuuk ja baiꞌñdhaꞌ gu jaꞌtkam nam jum bɨɨm tu jugiaꞌ, chaꞌp dai guiꞌ ja baiꞌñdhaꞌ nap jaroiꞌ ɨlhiiꞌñdhaꞌ nam pu chuꞌm kɨꞌn jaꞌk jup jum buidhaꞌ, puiꞌ na jax guiꞌ nam jir jix bhabhaiꞌkam kaꞌ jum bui, piam gum jaaduñ, piam gux chutumñigam nam ya jaꞌp amuub oiꞌdhaꞌ nap paiꞌ kio.

LUUKAS 22:27

Nam guꞌ yaꞌ gu jaꞌtkam puiꞌ ɨlhiiꞌñ na gu jaroiꞌ na daibui ba tɨ nɨɨradaꞌ nam tu bhiidhaꞌ, dhiꞌ sap baꞌr gɇꞌkam kaꞌ panaas, guꞌ sap baꞌ gu jaroiꞌ na mu tu bhiidhaꞌ, jir tujuandam kaꞌ pɨx. Guꞌ matgɨm aañ cham tuꞌ ji nañ puiꞌ ɨlhiiꞌñ, jaꞌkbuiꞌ kat tujuandam kɨꞌn pɨx ya oirɨ iñ aañ nañ jax baꞌ yaꞌ ba jam palhbuiꞌñ bɨɨx aixim tuꞌm kɨꞌn.

LUUKAS 5:29

Mɨkkat baꞌ ma tu piastata mu kiaꞌmiꞌñ gu Lebii nax bhaiꞌm taat na ba kaichuꞌ gu Jesuus. Muiꞌ ja bai guiꞌ nam jir tuumiñ tutaandam tugiꞌñ kaꞌ gux ioꞌm gɇꞌkam Rooma kam, gio jaiꞌ muiꞌ gu jaꞌppɨx jaꞌtkam. Baꞌ nam bɨɨx miꞌ maap daraat ka tu kuaꞌ bɨɨmaꞌn gu Jesuus,

NAT JAX TƗ TƗƗ GU JUAN 3:20

Tɨix aaꞌ iñ nañ bɨɨx jam aꞌm jup tuiꞌñgɨdaꞌ gɨt, jaꞌp ji buusan nañ miꞌ dhɨr kiꞌñgob kɨɨkat mu tu son na pim paiꞌ jax chu oiꞌdhaꞌ. Baꞌ noꞌt jaroiꞌ maadɨt jiñ kupioꞌkdhak jiñ chia nañ mu bakiaꞌ ɨrban dɨr, muiꞌñ dhop ji bakiaꞌ cham jax ji chɨꞌji, baꞌ miꞌ dhɨr dai nach maap daraibui ba tu jugiaꞌ. Puꞌñi jaꞌk jum aaꞌ na duñiaꞌ gu jaroiꞌ noꞌx aaꞌ nañ bhaan jup tuiꞌñgɨdaꞌ.