JUAN 12:10 - Tepehuano Tepehuán del Sureste (Durango)

¹⁰ Baꞌ giilhim jix bhaak am gu ja gɇꞌgɇrkam tuk guiꞌ nam bhaiꞌ gɇꞌ chiop ja aꞌmkam tu daandaꞌ dai gu Israel kam jaꞌtkam, jup kaiꞌch am nam sap bɨɨx muꞌaaꞌ gu Laasar bɨɨndai gu Jesuus,

JUAN 12:10 Iomraidhean Croise

MATEO 12:14

Baꞌ gu pariseos bhaakuk miꞌ dhɨr pu jii mɨt, baꞌ ba tu aꞌga mɨt nam jax jaꞌk duñiaꞌ nam baꞌ tu chiñiaꞌ nam muꞌaaꞌ gu Jesuus.

MATEO 2:16

Baꞌ nat paiꞌ dhuuk puiꞌ ba tɨ kai gu Eroodis na mɨt maakam jaꞌk pɨx ba bhɨi guiꞌ nam jix maatɨt ja nɨiꞌñdhaꞌ gu chiichiaꞌ, giilhim bhaiꞌ ji bhaam, na guꞌ tɨi ka ja nɨɨrat nam saak gio bhaiꞌ bhɨɨyaꞌ gɨt nam bhaiꞌ xi aaꞌñdhidhaꞌ gɨt na paiꞌp tuꞌiiꞌ guch Xoiꞌkam. Baꞌ mu ja joot gu sandaaruiꞌx chugiꞌñ mu Beleen nam sap ja koodaꞌ bɨɨx gu aꞌaalh nam jɨꞌk miꞌ jaiꞌch kaꞌ, sia guiꞌ nam mu jaꞌp oiꞌñkaꞌ juꞌñdharan. Baꞌ dai guiꞌ nam jɨꞌk jix ioꞌm jir aꞌlhich tu chia nam ja koodaꞌ, gio guiꞌ nam jɨꞌk gook oidhaꞌ ba biaꞌ, na jɨꞌx ɨlhiiꞌñ na bar gɇꞌ guch Xoiꞌkam janoꞌ dɨr nam paiꞌ dhuuk tu aagiꞌñ na mɨt tɨɨ gu gɇꞌ chiꞌɨɨꞌ guiꞌ nam jix maatɨt ja nɨiꞌñdhaꞌ gu chiichiaꞌ.

LUUKAS 16:31

Baꞌ gu Abraam jup tɨtda: “Puiꞌ pɨx ɨp ji matgɨm sia kut tuꞌ maaꞌnkam muukɨk gio duadɨk mi jaꞌp jup ba kɨɨk, pɨx ji noꞌm cham tɨ jɨɨgiꞌñ nat jax tu uaꞌnak gu Moisees, gio gu jaiꞌ nam bhaankamuꞌn gu Dios tu ja aꞌgidhimɨk gu jaꞌtkam, nam guꞌ dɨɨlh cham miꞌ puiꞌ jimiik kaꞌ.”

JUAN 11:57

Nam guꞌ gu ja gɇꞌgɇrkam tuk guiꞌ nam bhaiꞌ gɇꞌ chiop ja aꞌmkam tu daandaꞌ dai gu Israel kam jaꞌtkam, gio guiꞌ nam pariseos jum tɨɨtɨꞌndaꞌ, puiꞌ pu ja tɨtda am bɨɨx gu jaꞌtkam na sap noꞌ jaroiꞌ maadɨt paiꞌ nɨiꞌñ na oirɨ gu Jesuus, jotmodaꞌ ja aagiꞌñdhaꞌ nam baꞌ dagiaꞌ.

JUAN 12:11

na guꞌ sap dhiꞌr kuiñchaꞌn na gan mumkɨ nam baꞌ muiꞌ jaiꞌ dhɨt gu Israel kam jaꞌtkam mu jaꞌk pɨx ba kaichuꞌ gu Jesuus na mɨt ji chɨɨgɨk nat duaꞌñ, guiꞌ baꞌ miꞌ pɨx jaꞌp ji biꞌiim am.

JUAN 12:9

Muiꞌ jaiꞌ dhɨt gu Israel kam jaꞌtkam puiꞌ ba tɨ kai mɨt na bhaiꞌ dhɨr oirɨ Betaania gu Jesuus. Baꞌ muiꞌ ma jii mɨt na mɨt tɨ tɨɨgim noꞌ moo sɨlhkam bha oirɨ, gam na mɨt bhaan jim iatak nam jix chɨɨgik gu Laasar guiꞌ nat duaꞌñdhak giop bamiiꞌ gu Jesuus na tɨi ba yaaspich mukxikam.