Baꞌ janoꞌ jɨꞌ na puiꞌ jɨꞌ tu aꞌga gu Jesuus, bɨɨx maap bam jumaap jamɨt guiꞌ nam jɨꞌk oꞌbhagiꞌñdhaꞌ, puiꞌ na jax gu ja gɇꞌgɇrkam tuk gu Israel kam jaꞌtkam, gio baꞌ gu ja gɇꞌgɇrkam tuk ɨp guiꞌ nam bhaiꞌ gɇꞌ chiop ja palhbuiꞌñdhaꞌ gu Israel kam jaꞌtkam nam tu daandaꞌ buiñor gu Dios. Baꞌ ma tu aꞌga mɨt miꞌ na paiꞌ daakaꞌ gu Kaipaas guiꞌ nax ioꞌm jir ja gɇꞌkam tuk kaꞌ, baꞌ puiꞌ jaꞌk maaꞌn ñiꞌook jup duu mɨt nam jax jaꞌk duñiaꞌ nam dagiaꞌ gu Jesuus, gio nam jax jaꞌk iattulhdhai tu chiñiaꞌ nam muꞌaaꞌ.
JUAN 11:49 - Tepehuano Tepehuán del Sureste (Durango)49 Baꞌ gu Kaipaas guiꞌ na janoꞌ pɨk guiꞌ gu oidhaꞌ jir ja gɇꞌkam tuk kaꞌ guiꞌ nam bhaiꞌ gɇꞌ chiop ja aꞌmkam tu daandaꞌ dai gu Israel kam jaꞌtkam, jup ja tɨtda: ―¿Aa guꞌ aapiꞌm cham maat ji jia na jax jaꞌk jir am? Faic an caibideil |
JUAN 11:49
11 Iomraidhean Croise
Guꞌ baꞌ maaꞌn Anaas tɨɨgim gio jumai Kaipaas, jix ioꞌm jir ja gɇꞌgɇrkam tuk kaꞌ am guiꞌ nam ja aꞌmkam tu daandaꞌ dai gu Israel kam jaꞌtkam. Dhiꞌ jɨꞌ baꞌ bɨɨx nam gɇꞌgɇrkam kɨꞌn ka darkaꞌ, gu Dios mummɨ jaꞌk ba tu aꞌgi gu Juan guiꞌ na Sakariiyas jir maraaꞌn. Mummɨ tu aꞌgi gampɨx jix chu gak kɨr na paiꞌx joiꞌñdhaꞌ na oirɨdaꞌ, jup tɨtda na ampɨx bax bhaaiꞌ na paiꞌ dhuuk jir am na ba tu ja aꞌgiꞌñmɨraꞌ gu jaꞌtkam mu jaꞌp nam paiꞌ jax tu oiꞌdhaꞌ.
Ku guꞌ gu Dios ji nat puiꞌ jaꞌk jurtuda gu Kaipaas na baꞌ puꞌñi ja tɨtda gu jaiꞌ gɇꞌgɇrkam, na guꞌ janoꞌ guiꞌ gu oidhaꞌ puiꞌp jir ja gɇꞌkam tuk kaꞌ guiꞌ nam bhaiꞌ gɇꞌ chiop ja aꞌmkam tu daandaꞌ dai gu Israel kam jaꞌtkam. Baꞌ dhiꞌ na puiꞌ jɨꞌ kaiꞌch, gu Jesuus na aagɨt jup kaiꞌch na ja aꞌmkam mukiaꞌ gu Israel kam jaꞌtkam,
Puiꞌm duu dho. Tɨɨꞌ guiꞌ nam tɨix chu maatɨm xi kaiꞌchdhaꞌ, cham maat am na tuꞌr jix kɨɨꞌp jum duukam. Sia guiꞌ nam jix maatɨm ka xi kaiꞌchdhaꞌ nam jich aaꞌñdhaꞌ gu tuꞌ nax maax yaꞌ dhi oiꞌñgaꞌn, pu cham bhaaiꞌ nam jax pɨk jaꞌk jix bhaiꞌch aaꞌñdhaꞌ kiaꞌ. Gu Dios dɨɨlh puiꞌ jaꞌk tu duu na jaꞌkbuiꞌ kat gu jaꞌtkam yaꞌ kam dhi oiꞌñgaꞌn jaꞌppɨx ji bubuakiaꞌ am na jax guiꞌ nam cham ja jur biaꞌ.
Jix aꞌaixkam kɨꞌn tu aꞌga ich dho ja bui dai guiꞌ nam jɨꞌk bhaan bax kaapak nam tɨ jɨɨgiꞌñ buiñor guch Xoiꞌkam, nam guꞌx bhaiꞌx maatɨt ba kɇɇ na jax jir jum duukam gu ñioꞌkiꞌñ gu Dios. Gio guꞌ cham tuꞌ puiꞌ jaꞌk bua ich nam jax jaꞌk tu jim yaꞌ dhi oiꞌñgaꞌn gux aꞌaixkam nam gɇꞌgɇrkam kɨꞌn daraa, dhiꞌ nam alhio pɨx yaꞌr gɇꞌgɇrkam, na guꞌ bam aajim nam paiꞌ dhuuk gampaiꞌ ji biꞌyaꞌ.
Sanasan