JUAN 11:41 - Tepehuano Tepehuán del Sureste (Durango)

⁴¹ Baꞌ jaꞌk xi bua mɨt ɨp gu komaarak jodai na kɨꞌn bha kuupich bha gai dɨꞌn kɨr na paiꞌ yaasap gu Laasar. Baꞌ gu Jesuus jix dhaam jaꞌk xi chɨ tɨɨgɨk bhaiꞌ ji chu aꞌga, jup kaiꞌch: ―Jum taxchaabgiꞌñ iñ jiñ Gɨꞌkoraꞌ, aap nap bhammɨ dɨr bhañ kɇɇx dhaam.

JUAN 11:41 Iomraidhean Croise

MATEO 11:25

Baꞌ miꞌ puiꞌ xi kaiꞌchimɨk gu Jesuus, bhaiꞌ ji chu daanɨ jix dhaam jaꞌk, jup kaiꞌch: ―Taxchaab baꞌñ Gɨꞌkoraꞌ nap jir Gɇꞌkam jix dhaam gio yaꞌ dhi oiꞌñgaꞌn bhaan, na pich guꞌ ba ja mattuda gu jaꞌtkam guiꞌ nam cham gɇꞌgɇrkam jum ɨlhiiꞌñ na tuꞌr jix bhaiꞌm duukam. Jaꞌp xi ja duuk japich guiꞌ nam puiꞌm aaꞌ nam panaas jix ioꞌm jix maat gum ñiꞌook, na guꞌ dai nam bhaan pɨx gɇꞌgɇrkam jum ɨlhiiꞌñ.

MATEO 11:26

Puiꞌ dhoñ Gɨꞌkoraꞌ, puiꞌ jaꞌk jix aaꞌ ap.

MATEO 27:60

Miꞌ dhɨr baꞌ dai nat mu ba tɨkaam gai dɨꞌn kɨr miꞌ nat paiꞌ kiaꞌpɨx tu chia nam tɨ dɨꞌraꞌ jix moik aiꞌ chaꞌm, nat chakui jaroiꞌ maadɨt miꞌm jaꞌbsu gu tukgaꞌn. Baꞌ mɨjɨ xi chɨkaak maaꞌn gɇꞌ jodai kɨꞌn bhaiꞌ xi kuupak ba jii.

MAARKOS 15:46

Baꞌ gu Josee xi sabaꞌdak maaꞌn gɇꞌ gu jannulh jix dhaꞌram namkɨm, kɨꞌn xi bhiibgak mummu tɨkaam jamɨt gai dɨꞌn kɨr, mu nat paiꞌ tɨm dɨgaar bɨɨpɨꞌ dɨr jix moik aiꞌ chaꞌm, gio baꞌ na mɨt bhaiꞌ xi kuupak maaꞌn gu gɇꞌ jodai kɨꞌn.

LUUKAS 10:21

Baꞌ miꞌ jotmodaꞌx bhaiꞌ bhaiꞌ jim ɨlh gu Jesuus, nat guꞌ gux Dhuuduꞌ kam jix Uañ Iiꞌmdaꞌ pɨx puiꞌ jaꞌk duu na bhaan tajaañix. Baꞌp kaiꞌch: ―Aañ jix bhaiꞌñ chaat jum buiñ Gɨꞌkoraꞌ, aap nap jir gɇꞌkam jix dhaam gio yaꞌ dhi oiꞌñgaꞌn, na pich guꞌ ba ja mattuda gu jaꞌtkam guiꞌ nam gampaiꞌ tuꞌm na pich tuꞌ ja ɨxchuix gux mamatdagɨm jum aaꞌndam. Baꞌ aañ jix bhaiꞌñ chaat jiñ Gɨꞌkoraꞌ, nap guꞌ puiꞌ jaꞌk jix aaꞌ.

LUUKAS 18:13

Baꞌ gu tuumiñ tutaandam tugiꞌñ gux ioꞌm gɇꞌkam Rooma kam jaꞌx mɨk paꞌ ji kɨkbo, ni ku iam xim guguuxiꞌñ nax dhaam jaꞌk xi chɨ tɨgiaꞌ, dai na bhaiꞌ xim gɨbdat bhaastuꞌn jup kaiꞌch: “Aapiꞌ Gɇꞌkam Dios, xiñ joiꞌmdaip iam jiñ uañdhaꞌ guñ uaꞌtulhdharaꞌ nañ giilhim jix uaꞌtulhdhix.”

LUUKAS 24:2

Baꞌ na mɨt mummɨ ba ai, bhaiꞌ pɨx pu tɨ dɨꞌ bhɨjɨ na mɨt paiꞌ tɨɨ gu tukgaꞌn gu Jesuus, jaꞌp jaꞌk dɨlhkob pɨx kɨɨk gu gɇꞌ jodai guiꞌ na kɨꞌn bha kuupich.

JUAN 11:22

Ku baꞌ guꞌ nañ guꞌ aañ jix maat na gu Dios jum kɇɇkɇꞌ nap paiꞌ dhuuk taandaꞌ gu tuꞌ, puiꞌ ji chu buusniaꞌ jax noꞌ pich ba tɨɨꞌn.

JUAN 17:1

Baꞌ na puꞌñi xi ja tɨtdaimɨk gu Jesuus guiꞌ nam kaichuꞌ, bhaiꞌ ji chu aꞌga jix dhaam jaꞌk xi chɨ tɨɨgɨk, jup kaiꞌch: ―Aapiꞌñ Gɨꞌkoraꞌ, yaꞌ moo mam ai na paiꞌ dhuuk daaxix nam boiñ bhɨichdhaꞌ gu jaꞌtkam. Jiñ palhbuidhaꞌ ap nañ jax dhui puiꞌ tu kuugalhdhaꞌ na pich jax jiñ chɨɨdak bhañ joot. Xi ja mattudaꞌ ap dhi jaꞌtkam nam baꞌ machiaꞌ nap jir tuꞌp tuꞌm daꞌ aap gio aañ, gio nam machiaꞌ nañ aañ jaꞌxbuiꞌp jir gɇꞌkam na jax aap jiñ Gɨꞌkoraꞌ.

JUAN 20:1

Baꞌ mummu nat paiꞌ buus na paiꞌ dhuuk cham ka tum juandaꞌ na bar tumiiñku taꞌm, kapbhuimuk nat jax kiaꞌpɨx jix dhaꞌnpam bhaiꞌ ji chu maaxir, gio muiꞌp ma jii gu Mariiya Magdaleena mu aiꞌ dɨꞌn kɨr na mɨt paiꞌ ulh gu tukgaꞌn gu Jesuus. Baꞌ mu nat ba ai, bhaiꞌ pɨx pu tɨ dɨꞌ bhɨjɨ dɨꞌn kɨr, mu pɨx jaꞌp kaat gu komaarak jodai na kɨꞌn bha kuupich.

GU NOONBIꞌÑ GUCH XOIꞌKAM 7:55

Guꞌ ji na guꞌ guiꞌ cham jax jum aaꞌ, na guꞌ gɇꞌ bhaan jup tuiꞌdhiꞌ gux Dhuuduꞌ kam jix Uañ Iiꞌmdaꞌ. Dai nat bhammɨ jaꞌk pɨx xi chɨ tɨɨ jix dhaam, baꞌ ba tɨɨ gu Dios na bhammɨ daa, gio gu Jesuus na miꞌ dhɨr jaꞌp kɨɨk sonpan kɨɨꞌn dɨr jaꞌk.

PILIIPOS KAM 4:6

Chaꞌpim bɨxchuꞌx buam jum aagɨt bhaan tɨtɨɨꞌñchokaꞌ, guꞌ jaꞌpji na pim xi aagiꞌñdhaꞌ pɨx gu Dios buiñor ji chu daanɨt na tuꞌ jam aꞌm jum aaꞌndaꞌ. Xi taxchaabgidhai pim baꞌ na pim paiꞌ dhuuk puꞌñi xi aaꞌñdhai.