JUAN 11:15 - Tepehuano Tepehuán del Sureste (Durango)

¹⁵ Ku guꞌ aañ jix bhaiꞌñ chaat ji nañ moo ampɨk cham bhammɨp tuꞌiiꞌ nat paiꞌ dhuuk puiꞌm duu, na pim baꞌ puꞌñi dhuuji miꞌ dhɨr bɨɨx jam jujur kɨꞌn tɨ jɨɨꞌñdhai bax biiñak kaꞌ aañ jiñ bui noꞌ pimɨt ba tɨ tɨɨ nañ tuꞌ jax dhuñiaꞌ. Pu kanich mu jiim.

JUAN 11:15 Iomraidhean Croise

JUAN 11:14

Baꞌ sɨlhkam xi ja aagiꞌñ gu Jesuus, jup ja tɨtda: ―Jaꞌpji muu ji guch jaduuñ Laasar kat, jaꞌp moo gux gɨꞌm nañ yaꞌ jam aagiꞌñ.

JUAN 11:16

Baꞌ gu Tomaas, guiꞌ nam Gook Dɨm kɨꞌn jup jix mat kaꞌ, jup ja tɨtda gu jaiꞌ noonbiꞌñ gu Jesuus: ―Each mu jiim noꞌm moo jaꞌp jix bhaak gu gɇꞌgɇrkam. Bhaiꞌch dhop koꞌiix kaꞌ bɨɨmaꞌn dhi Jesuus, ¿jax gip bua?

JUAN 11:4

Baꞌp kaiꞌch gu Jesuus nam ba aagiꞌñ: ―Cham tuꞌ pu mukiaꞌ ji matgam guñ jaduuñ noꞌt moo jaꞌp jix ioꞌm jup ma ai guiꞌ gu koꞌkdaiꞌ na jax chuꞌm ɇɇ. Matgam guꞌ dhiꞌ na bhaan pɨx matgilhiaꞌ ji na giilhim bɨxchuꞌx aichuꞌn na pu tu duñiaꞌ gu Dios, gam na bhaan matgilhiaꞌ ɨp nañ aañ jaꞌxbuiꞌp jir gɇꞌkam na guñ Gɨꞌkoraꞌ nat bhañ joot.

JUAN 12:30

Baꞌp ja tɨtda gu Jesuus: ―Dho aapiꞌm na bha jam guguuxiꞌñ dhiꞌ nat bha tu aꞌga, cham tuꞌ aañ, na pim sap baꞌ yaꞌ dɨr jaꞌp jaꞌk cham jax kam aaꞌndaꞌ.

JUAN 17:19

Baꞌ aañ xib puiꞌ xi chu kuugalhdhaꞌ na pich jɨꞌk jax jiñ chɨɨdak bhañ joot jiñ Gɨꞌkoraꞌ, nam baꞌñ chɨɨgɨi puiꞌ jaꞌk jup tu kuugalhdhaꞌ dhiꞌ nam jɨꞌk bañ kaichuꞌ na ñich naiꞌ ja joot nam tu ja aꞌgiꞌñpuꞌ gu jaꞌtkam, nañ guꞌ ba ja aagiꞌñ nap jax jaꞌk jix kɨɨꞌ kaꞌm nɨiꞌñ.

JUAN 2:11

Baꞌ dhiꞌ nat puꞌñix bhaiꞌm duukam jup tu duu gu Jesuus, bhaan bhaiꞌ ji matgir na jaꞌxbuiꞌp jir gɇꞌkam na guch Gɨꞌkoraꞌ. Baꞌ pu bɨɨx ja jujur kɨꞌn tɨ jɨɨꞌñ jamɨt guiꞌ nam kaichuꞌ na mɨt tɨɨ nat jax tu duu.

2 KORIINTO KAM 4:15

Guꞌ baꞌ dhiꞌ nach jich chulhiiñ, dhiꞌ na jax dhuix bhaiꞌ tu jam jimdaꞌ aapiꞌm. Na guꞌ noꞌ muiꞌx ja joiꞌmdat ja aꞌm tɨ nɨidhim gu Dios, dhiꞌ bɨɨx dhɨt taxchaabgidhat jix bhaiꞌm taat kaꞌ am, gɇꞌkamtuꞌndaꞌ am.

2 TIMOTEO 2:10

Puiꞌ kuñ baꞌ cham jax jiñ aagɨt xi kɨɨk nañ tu nakooꞌ nam baꞌ bhaan jum guguuxdhai puiꞌp tɨ jɨɨꞌñdhaꞌ buiñor guch Xoiꞌkam guiꞌ nat jɨꞌk Dios ja aꞌm tɨ tɨɨ. Baꞌ cham jɨꞌxkat mu jaꞌk ka bhɨɨyaꞌ am nam paiꞌ gammɨjɨ gɨt miꞌ pup jum tulhiiñdhaꞌ, dai nam jimiaꞌ na paiꞌ joidham jix chu abhaar, dai pɨx noꞌ mɨt ba tɨ jɨɨꞌñ buiñor guch Xoiꞌkam.

1 JUAN 5:13

Baꞌ aapiꞌm jix bhaiꞌ pɨx jum taat kaꞌñ jaaduñ, na pim guꞌ aapiꞌm jimiaꞌx dhaam na pim paiꞌ gammɨjɨx jɨjɨkgɨm bap tuiꞌkaꞌ, na pim guꞌ aapiꞌm bɨɨx jam jujur kɨꞌn ba tɨ jɨɨgiꞌñ buiñor guch Xoiꞌkam nar Maraaꞌn gu Dios.