JUAN 11:11 - Tepehuano Tepehuán del Sureste (Durango)

¹¹ Baꞌ miꞌ dhɨr jup ja tɨtda ɨp gio: ―Muiꞌ tɨir jimdam iñ bhammɨ Betaania nañ ñiñiichdharaꞌ gu Lasaar guiꞌ nach maap jix bhaiꞌ kaiꞌch, nat tak am xi koi.

JUAN 11:11 Iomraidhean Croise

MATEO 27:52

Gio baꞌ na mɨt duduadɨk pu baapam gu koiꞌñgaꞌn miꞌ dhɨr nam paiꞌ yassapkat guiꞌ na mɨt jɨꞌk tɨ jɨɨgiꞌñdhak ba koꞌɨɨk buiñor gu Dios.

MATEO 9:24

Baꞌ gu Jesuus jup ja tɨtda: ―Ea na pim alhio ka xi bubuakiaꞌñ jaaduñ, na guꞌ cham tuꞌ muukix jia dhi alhii tɨɨyax, guꞌ miꞌ pɨx ji na koos. Baꞌ guiꞌ dai na mɨt xi aꞌsɨk.

MAARKOS 5:39

Baꞌ gu Jesuus mu baakɨk baꞌk chɨr jup ja tɨtda: ―¿Tuꞌ ma jam duu jiñ jaaduñ na pim baꞌ moo jaꞌp giilhim kaiꞌch? Gɇꞌgɇr suan japim. Jax dhui na cham tuꞌ muukix gu tɨɨyax, matgam miꞌ pɨx ji na koos.

JUAN 11:10

Guꞌ ji noꞌt guꞌ ba tuk na mu paiꞌ tɨi jim, dho guꞌ dai dho na jutbui ba ɨlhiaꞌ piam ku gama jaꞌk pɨx ba jimdaꞌ, na guꞌ cham tu maax kaꞌ na muiꞌ tɨi tɨ nɨidhidhaꞌ, na guꞌx chukgam kaꞌ noꞌt pɨx ba bhiꞌñ gu tanoolh.

JUAN 11:12

Baꞌ gu noonbiꞌñ jup tɨtda am: ―¿Cham aa guꞌ dɨɨlh ba ñiñiaꞌ paiꞌ na duuk buusniaꞌ gu kooxmodaꞌ? Cham jum aaꞌ nap moop ñiñiichdhaꞌñ jaduuñ.

JUAN 11:13

Baꞌ dhiꞌ na puꞌñi ja tɨtda gu Jesuus, jaꞌp kaiꞌñkam puiꞌ ja tɨtda nat sap ba muu ji gu Laasar, guꞌ ji na mɨt guꞌ cham maatɨt kai gu noonbiꞌñ, jaꞌp jum aaꞌ am na sɨlhkam gu kooxmodaꞌ bhaan tu aꞌga na jax nañ koosɨi giop ba ñiñiaꞌ.

JUAN 11:3

Baꞌ gu Mariiya gio gu sɨpdhiꞌñ Maarta mɨjɨ xi chu joot jamɨt nam sap aaꞌñdhapuꞌ gu Jesuus mu na paiꞌ oirɨ nax kaꞌook gu ja jaduuñ Laasar. Baꞌ guiꞌ na mɨt mu ja joot mummup ba aaꞌñdhim am gu Jesuus, jup tɨtda am: ―Ma chu ai guiꞌ na pim gook dɨt maap jix bhaiꞌ kaiꞌchdhaꞌñ jaduuñ. Jix kaꞌook.

JUAN 3:29

Baꞌ aañ xib giilhim jix bhaiꞌñ chaat nat yaꞌ ba ai. Jaꞌpniñ jix bhaiꞌñ chaat na jax gu jaroiꞌ na umuaꞌñdhix kaꞌ na bhaankamuꞌn tu ja maakdaꞌ gu jaꞌtkam na paiꞌ dhuuk bar bhaan kaꞌ na bam tɨɨmoꞌ gu biapmaꞌ bɨɨmaꞌn gu tɨyaa.

GU NOONBIꞌÑ GUCH XOIꞌKAM 7:60

Miꞌ dhɨr baꞌ oꞌlhiaꞌn kɨꞌn xi kɨkbok gio bhaiꞌp ji chu daanɨ jup kaiꞌch gɇꞌ kɨꞌn: ―Aapiꞌ jich Xoiꞌkam, chaꞌp ja tulhiiñchuꞌndaꞌ dhiꞌ nam xib yaꞌm uaꞌtulhiꞌñ. Baꞌ daipuꞌ xi chɨꞌɨɨk pu naiꞌ gan ji muu.

1 KORIINTO KAM 15:18

Gio guiꞌ na mɨt ba koi tɨi xi chɨ jɨɨꞌñdhak buiñor guch Xoiꞌkam, pu maiꞌ ba suulh jamɨt ɨp bak.

1 KORIINTO KAM 15:34

Chaꞌpim kam uaꞌtulhiꞌñdhaꞌñ jaaduñ. Jix bhaiꞌ pim xim gaꞌngidhat miꞌ puiꞌ xi jiimdaꞌ na jax jir am, puiꞌ pim jaꞌk miꞌ puiꞌ xi jiimdaꞌ na jax jaꞌk bhaan jix maatɨꞌ kaꞌ na pim jix bhaiꞌ jam jur biaꞌ. Jaꞌp tu jim japim guꞌ jaiꞌ dhɨt na pim panaas pu cham maat gu Dios, puiꞌ kuñ baꞌ puiꞌ jam tɨtda na pim baꞌ iam jix xiꞌɨrai miꞌ puiꞌ ba jimiaꞌ.

1 KORIINTO KAM 15:51

Kani nañ xi jam aaꞌñdhaꞌ na jax jaꞌk tu duñiaꞌ gu Dios gatuuk, guiꞌ pɨx puiꞌñ jurtuꞌn nañ baꞌ aañ yaꞌ dɨr jup jam aagiꞌñdhaꞌ, cham jaroiꞌ jumaix maat gu dhiꞌ puiꞌ: Na aach nach jɨꞌk tɨ jɨɨgiꞌñdhaꞌ buiñor guch Xoiꞌkam, cham tuꞌ bɨɨx koꞌiix kaꞌ ich janoꞌ na paiꞌ dhuuk jum aayaꞌ nam gio duduadɨip baapmigiaꞌ gu koiꞌñgaꞌn, kuch ji guꞌ bɨɨx maaꞌn jimdam maakam tuꞌm jup jich dhuñiaꞌ ji,

EEPESO KAM 5:14

Puiꞌ ku baꞌp jum kaiꞌch maaꞌn kap na mɨt paiꞌ tu uaꞌnak gu bɨjɨk dɨr kam: Gor xi ñiññia, chaꞌpim ka kookos kaꞌ. Xi baapmigiaꞌ pim miꞌ dhɨr koiꞌñgaꞌn tɨr na baꞌ jam bɨꞌñxidhaꞌ guch Xoiꞌkam.

1 TESALOONIKA KAM 5:10

Nat guꞌ guch Xoiꞌkam jich aꞌmkam muu, baꞌ cham jax bua sia kuch jaiꞌ dhɨt dudua tutkuꞌ bhaan piam ku mɨt jaiꞌ dhɨt ba koi, puiꞌ pɨx maap buiñor jup oiꞌñchaꞌ ich guꞌ gatuuk.

SANTIAGO 2:23

Pui dho miꞌ paiꞌ tu uaꞌñix uꞌuan taꞌm dhiꞌ nat jax tu duuk gux boxii kat Abraam, miꞌ na paiꞌ tu uaꞌñix gu ñioꞌkiꞌñ gu Dios nap jum kaiꞌch: “Gu Dios jix ioꞌm jix kɨɨgalhdhak gu Abraam, nat guꞌ bɨɨx juraaꞌn kɨꞌn tɨjɨɨꞌñdhat miꞌ puiꞌ tu dunaak na jɨꞌk jax tɨɨdaidhaꞌ.” Puiꞌ jaꞌk jam baꞌ pup jix maat gu jaꞌtkam na sap gu Abraam gio gu Dios maap jix bhaiꞌm daaꞌ am, nam guꞌ maap maaꞌn ñiꞌook jup duuk.