JUAN 10:5 - Tepehuano Tepehuán del Sureste (Durango)

⁵ Dai noꞌr jumai gu bipiaꞌdam dho gi guꞌ cham jɨꞌxdhaꞌ mu oidhaꞌ am dho gi ji sia kut mi ɇɇk tɨi ja baidhim, piam ku gamaiꞌ tɨi ja sasdaꞌ. Pu jiboiꞌññiaꞌ am dho totdonɨi nam guꞌx ɨɨbhiꞌñdhaꞌ na cham jir diꞌ kaꞌ guiꞌ na gammɨjɨ ja bipiaꞌdaꞌ, nam guꞌx maatɨt kɇɇkɇꞌ nar jumai kaꞌ na paiꞌ dhuuk tɨi xi ja baiꞌñdhaꞌ.

JUAN 10:5 Iomraidhean Croise

MAARKOS 4:24

Baꞌ miꞌ dhɨr nat puiꞌ jɨꞌ xi chɨꞌɨɨk, jup ja tɨtda ɨp gio: ―Jix bhaiꞌ pim moo xim gaꞌngadaꞌ na pim jax jaꞌk duuji jix maatɨt kaayaꞌ noꞌñ puꞌñi paiꞌ tu aꞌga jaꞌp na xib. Na guꞌ noꞌ pim moo soiꞌm ɨlhdhat jix maachik, dɨɨlh pɨx bhaiꞌ ji machiaꞌ pim, na guꞌ xi jam joiꞌmdai ba jam mattudaꞌ gu Dios na jax jir jum duukam kaꞌ.

LUUKAS 8:18

’Jix bhaiꞌ pim xim gaꞌngadaꞌ nañ paiꞌ dhuuk puꞌñi bɨxchuꞌ bhaan tu uaꞌrgidhat tu aꞌgadaꞌ na pim baꞌ machiaꞌ. Na guꞌ noꞌ pim tuꞌ sɨlhkam jix maachik kat xim gaꞌnga, jam makiaꞌ gu Dios gu matdaꞌ na pim baꞌx maatɨt kaayaꞌ gu tuꞌ. Guꞌ ji noꞌ pim guꞌ pu cham maachik, sia ku pim palhɨɨp tɨi pɨx am jix maatɨt kɇɇ, sia dho dhiꞌ pu cham ka tɨꞌñchokaꞌ pim gatuuk.

JUAN 10:16

Ku guꞌ cham tuꞌ daipuꞌ jaꞌkbuiꞌñi pɨx am ji guiꞌ nam jaꞌp ji buan nam jir jiñ kakasniraꞌ nañ jɨꞌk ja biaꞌ xib, jaiꞌ pup ka jaiꞌch am ji matgam gu jaꞌtkam nam puiꞌp ji buan nam jir jiñ kakasniraꞌ, nam guꞌ puiꞌp ba tɨ jɨɨꞌñdhaꞌ aañ jiñ bui. Dai ji na ñich chakui yaꞌ ja aich jiñ chikiir am, kuñ ji guꞌ ka ja saaꞌnmɨraꞌ ji nañ maap ja bɨɨndaꞌ dhi jaiꞌñ kakasniraꞌ. Maaꞌn kap jañ baꞌ pɨx ba ja kukpadaꞌ, nañ guꞌ aañ dɨɨlh bar bipiaꞌdam kaꞌ xib dɨr.

JUAN 10:4

Miꞌ dhɨr baꞌ nam paiꞌ dhuuk bɨɨx mu bubuakiaꞌ, dai na bɨɨpɨꞌ muiꞌ xi jimiaꞌ gu bipiaꞌdam paiꞌ na jaꞌk jix ja biaꞌram kaꞌ na joidham jix xaꞌiiꞌ, gu kakasnir tugiꞌñ baꞌ dai nam gatuuk dɨr pɨx miaꞌn bhɨɨyaꞌ nam mu oidhaꞌ, nam guꞌx dhaandaꞌ.

2 TIMOTEO 4:3

Kam aajim nam paiꞌ dhuuk jaiꞌchdhɨlhiaꞌ gu jaꞌtkam nam cham jɨꞌx ka kaim kaꞌ dhix bhaiꞌm kaiꞌchdham ñioꞌkiꞌñ guch Xoiꞌkam na sɨlhkam tu aꞌga. Dɨɨlh pɨx ba ja gaꞌngadaꞌ am guiꞌ nam tu ja mamtuxiꞌñdhaꞌ dai puiꞌ jaꞌk nam jax jix aaꞌndaꞌ dɨɨlh. Dai dhiꞌ kɇɇkɇꞌ am jaroiꞌ na ja koꞌraardaꞌ na jax chuꞌm tu aꞌgadaꞌ.

1 JUAN 2:19

Dhiꞌ dhi jaꞌtkam nam xib naiꞌ jiimɨt jix bhaamut aꞌgim guch Xoiꞌkam, yaꞌ maap jich jumpadat ich nach chu daandat buiñor guch Xoiꞌkam, nam guꞌ panaas ka tɨ jɨɨgiꞌñdhaꞌ buiñor. Guꞌ ji na mɨt guꞌ mɨkkat yaꞌ dɨr ji jii jich bui, mummu jaꞌp jam pɨx jix bhaamut ba aꞌgim guch Xoiꞌkam. Dhiꞌ baꞌ bhaan ba matgir nam bak guꞌ pu cham kɨɨgalhiꞌñ ji sia pu bɨjɨk dɨr, nam guꞌ chi pu cham tɨ jɨɨgiꞌñdhaꞌ buiñor bɨɨx ja jujur kɨꞌn. Na guꞌ noꞌm pux kɨɨgalhiꞌñdhaꞌ gɨt pu bɨjɨk dɨr, puich bɨɨm jup tuiꞌñgɨdaꞌm gɨt sia gu xib.

1 JUAN 2:21

Puiꞌ kuñ baꞌ mɨjɨ tu jam uaꞌñxiꞌñ jiñ jaaduñ, nañ guꞌx bhaiꞌñ chaat na pim jix bhaiꞌx maatɨt tuꞌ kaꞌm ba nɨiꞌñ guch Xoiꞌkam, gam na pim bɨɨx jam jujur kɨꞌn ba tɨ jɨɨgiꞌñ buiñor. Baꞌ guiꞌ nam jɨꞌk puꞌñix bhaiꞌ bax mat kaꞌ na jax jir tuꞌm kam guch Xoiꞌkam, cham tuꞌx bhaamut aaꞌndaꞌ am.

NAT JAX TƗ TƗƗ GU JUAN 2:2

Jix bhaiꞌx maat iñ na pim jax jaꞌk tu dudua aapiꞌm na pim jiñ bui tɨ jɨɨgiꞌñ, gio na pim jɨꞌk tuꞌ jax buaꞌt oipo. Jix maat iñ ɨp na pim puiꞌ na pim jax bax biiñak aañ jiñ bui, sia ku pim bɨxchuꞌ bhaan jum tulhiiñ, gam nam bɨɨx aixim jam tɨtdadaꞌ guiꞌ nam jix buam tomaat. Siax bhaiꞌx maat iñ na pim cham ja kɇkɇɇ guiꞌ nam maakam tu iatgiꞌñ mi jaꞌp oipot puiꞌ xim tɨɨtgɨt nam aañ jir jiñ chujuandam tuk, na pim guꞌ bax maat nam bhaan pɨx tu iatgiꞌñ.