JUAN 10:4 - Tepehuano Tepehuán del Sureste (Durango)

⁴ Miꞌ dhɨr baꞌ nam paiꞌ dhuuk bɨɨx mu bubuakiaꞌ, dai na bɨɨpɨꞌ muiꞌ xi jimiaꞌ gu bipiaꞌdam paiꞌ na jaꞌk jix ja biaꞌram kaꞌ na joidham jix xaꞌiiꞌ, gu kakasnir tugiꞌñ baꞌ dai nam gatuuk dɨr pɨx miaꞌn bhɨɨyaꞌ nam mu oidhaꞌ, nam guꞌx dhaandaꞌ.

JUAN 10:4 Iomraidhean Croise

MATEO 16:24

Miꞌ dhɨr baꞌ moop ja tɨtda bɨɨx gu noonbiꞌñ gu Jesuus: ―Noꞌ jaroiꞌx aaꞌ na gammɨjɨ bañ kaichgɨdaꞌ, jum aaꞌ na jaꞌp xi dhuuji na dɨɨlh jax ɨlhiiꞌñdhaꞌ, dai na pɨx bhaan ji bamgiaꞌ, cham jax bua sia kum jix muꞌaam.

JUAN 10:16

Ku guꞌ cham tuꞌ daipuꞌ jaꞌkbuiꞌñi pɨx am ji guiꞌ nam jaꞌp ji buan nam jir jiñ kakasniraꞌ nañ jɨꞌk ja biaꞌ xib, jaiꞌ pup ka jaiꞌch am ji matgam gu jaꞌtkam nam puiꞌp ji buan nam jir jiñ kakasniraꞌ, nam guꞌ puiꞌp ba tɨ jɨɨꞌñdhaꞌ aañ jiñ bui. Dai ji na ñich chakui yaꞌ ja aich jiñ chikiir am, kuñ ji guꞌ ka ja saaꞌnmɨraꞌ ji nañ maap ja bɨɨndaꞌ dhi jaiꞌñ kakasniraꞌ. Maaꞌn kap jañ baꞌ pɨx ba ja kukpadaꞌ, nañ guꞌ aañ dɨɨlh bar bipiaꞌdam kaꞌ xib dɨr.

JUAN 10:27

Guꞌ matgam guiꞌ ji nam jɨꞌk tɨ jɨɨꞌñdhaꞌ aañ jiñ bui nam baꞌ puiꞌ ba ji bubuakiaꞌ nam bar jiñ kakasniraꞌ, pux maatɨt jiñ kaayaꞌ am ɨp noꞌñ ba ja baiꞌñ, nam guꞌx bhaiꞌ xiñ mat kaꞌ, gio aañ yaꞌ dɨr mu jaꞌk puiꞌx bhaiꞌp jix ja mat kaꞌ, baꞌ dai nam gammɨjɨ bañ kaichgɨdaꞌ miꞌ puiꞌ jiimɨt.

JUAN 10:3

na guꞌx maatɨt nɨiꞌñdhaꞌ guiꞌ na miꞌ tu nuukaꞌndaꞌ na paiꞌ kiidhaꞌ gu chikiir noꞌr diꞌ gu bipiaꞌdam, piam ku guꞌr jumai. Baꞌ dai na ba ja kupioꞌkdhaꞌ gu kakasnir noꞌ guꞌr dhiꞌ, guiꞌ baꞌ dai na pɨx ji ja baidhaꞌ nam jax chɨɨꞌ bɨɨx jɨꞌmaꞌn gu kakasnir tugiꞌñ. Baꞌ pɨx muiꞌp ji bubuakiaꞌ am, nam guꞌx maatɨt kaayaꞌ na dhiꞌr diꞌ guiꞌ na gammɨjɨ ja bipiaꞌdaꞌ.

JUAN 10:5

Dai noꞌr jumai gu bipiaꞌdam dho gi guꞌ cham jɨꞌxdhaꞌ mu oidhaꞌ am dho gi ji sia kut mi ɇɇk tɨi ja baidhim, piam ku gamaiꞌ tɨi ja sasdaꞌ. Pu jiboiꞌññiaꞌ am dho totdonɨi nam guꞌx ɨɨbhiꞌñdhaꞌ na cham jir diꞌ kaꞌ guiꞌ na gammɨjɨ ja bipiaꞌdaꞌ, nam guꞌx maatɨt kɇɇkɇꞌ nar jumai kaꞌ na paiꞌ dhuuk tɨi xi ja baiꞌñdhaꞌ.

JUAN 10:8

Dai guiꞌ na mɨt bɨɨpɨꞌ yaꞌ tɨi ai dho gi guꞌr diꞌ am ji gux ɨꞌxkum nam ɨlhdat nam tɨ ɨɨxdhaꞌ gɨt gu kakasnir, guꞌ ji na mɨt guꞌ cham jax ja dooda.

JUAN 12:26

Baꞌ gu jaroiꞌ noꞌx aaꞌ nañ kaichgɨt jiñ aꞌmkam ba tu juandaꞌ, jum aaꞌ na bɨɨx juraaꞌn kɨꞌn tɨ jɨɨꞌñdhat miꞌ puiꞌ xi jimdaꞌ nañ jɨꞌk jax tu aꞌga, na baꞌ jaꞌp ji buusniaꞌ na gammɨjɨñ bɨɨm jup tuiꞌñgɨdaꞌ sia nar paiꞌ dhuuk, na guꞌx kɨɨgalhdhat bhaan ba tɨ nɨidhidhaꞌ guñ Gɨꞌkoraꞌ.

JUAN 13:15

Na pim jax bañ ñɨiꞌñ aañ na ñich jam duu, puꞌñi jaꞌk japim baꞌp tu kuugalhdhidhaꞌ aapiꞌm gammɨjɨ tɨꞌñchokat.

JUAN 18:37

Baꞌp tɨtda ɨp gio gu Pilaato: ―Jir gɇꞌkam ap dho bak jia, cham tuꞌr jaꞌppɨx maaꞌnkam ap. Baꞌ gu Jesuus jup kaiꞌch: ―Dhor gɇꞌkam iñ ji kaiꞌñkam nap jax ba kaiꞌch. Aañ jix dhaam dɨr bha jii jia yaꞌ dhi oiꞌñgaꞌn nañ baꞌ yaꞌ maaxirɨi jaꞌp na maaꞌnkam bhaiꞌ ji chu ja aꞌgidhaꞌ gu jaꞌtkam na jax pɨk jaꞌk jir sɨlhkam, nam baꞌ maatɨi miꞌ puiꞌ ba jimiaꞌ na jax jix aaꞌ guñ Gɨꞌkoraꞌ. Baꞌ xib dai guiꞌ nam jɨꞌk pu miꞌ puiꞌ jiim na jax jir sɨlhkam xiñ kaim am nañ jax tu aꞌga.

JUAN 3:29

Baꞌ aañ xib giilhim jix bhaiꞌñ chaat nat yaꞌ ba ai. Jaꞌpniñ jix bhaiꞌñ chaat na jax gu jaroiꞌ na umuaꞌñdhix kaꞌ na bhaankamuꞌn tu ja maakdaꞌ gu jaꞌtkam na paiꞌ dhuuk bar bhaan kaꞌ na bam tɨɨmoꞌ gu biapmaꞌ bɨɨmaꞌn gu tɨyaa.

1 KORIINTO KAM 11:1

Puiꞌ pim jaꞌk tu duiñchuꞌndaꞌ na pim jax jiñ ñɨiꞌñ aañ nañ tu duiñchuꞌ, nañ guꞌ aañ yaꞌ dɨr jaꞌp jaꞌk puiꞌ pɨx jup tu duiñchuꞌ nat jax jaꞌk tu jii guch Xoiꞌkam janoꞌ na yaꞌ xi oilhimɨk.

EEPESO KAM 5:1

Jir maamraꞌn japim aapiꞌm gu Dios, baꞌ joidham xi jam daꞌ. Xi gaagidhaꞌ pim na pim jax jaꞌk tɨi gɨt puiꞌp xi chu jimdaꞌ na jax guiꞌ, miꞌ puiꞌ pim xi jiimdaꞌ na jax jix aaꞌ.

ISRAEL KAM 12:2

Miꞌch puiꞌ ba jimiaꞌ nat jax xi chɨꞌɨɨk guch Xoiꞌkam janoꞌ na yaꞌ xi oilhimɨk, guiꞌch pɨx buiñor jix biiñak kaꞌ gammɨjɨ. Guiꞌ dɨɨlh jich palhbuidhaꞌ noꞌt tuꞌ ba jich dhuu, gio nach guguuxiꞌñdhaꞌ nach baꞌ cham jax jich aaꞌndaꞌ, gam na tuch uañiꞌñkaꞌ noꞌ chich tuꞌ bhaan cham am bua, nat guꞌ guiꞌ puiꞌp jum tulhiiñak janoꞌ na mɨt gɨbiimɨk sissapa kuruus taꞌm. Ku guꞌ cham paiꞌx xiꞌɨraam jum ɨlh ji nam puiꞌ bax dhoodak, ni ku paiꞌx buam jum aaꞌ, na guꞌ pux bhaiꞌx maat na alhio pɨx yaꞌ xim tulhiiñai miꞌ dhɨr jaꞌp jaꞌk gammɨjɨx jɨkgɨm bap tuiꞌkaꞌ, puiꞌ na jax xib na guꞌx jɨkgɨm bhammɨ pɨx daa sonpan gu Dios kɨɨꞌn dɨr jaꞌk.

ISRAEL KAM 6:20

Jix dhaam nach paiꞌ tu iimchudhix, jir bhaiꞌ nat paiꞌ jaꞌk bhɨi guch Xoiꞌkam nat yaꞌ dɨr mɨjɨ ji dhuu. Aach bhammɨ pɨx jup ji bubuakiaꞌ nach paiꞌ dhuuk yaꞌ dɨr muiꞌp ji jimiaꞌ. Guch Xoiꞌkam xib bhammɨ daakat jich aꞌmkam ñiok buiñor guch Gɨꞌkoraꞌ, na guꞌ puiꞌ ba ji buusan na jax gu ja gɇꞌkam tuk guiꞌ nam bhaiꞌ gɇꞌ chiop tu juandaꞌ nam ja palhbuiꞌñdhaꞌ gu jaꞌtkam nam tu daandaꞌ buiñor gu Dios, jaꞌp na jax jir tuꞌm kat guiꞌ na Melkisidek tɨɨgich bɨjɨk.

1 PEEGRO 2:21

Puꞌñi jaꞌk aaꞌ nach tuiꞌñgɨdaꞌñ jaaduñ, miꞌch puiꞌp xi chu daaꞌñchuꞌndaꞌ nat jax jum duu guch Xoiꞌkam janoꞌ nat jum tulhii jich aꞌmkam, nat guꞌ xich joiꞌndak ba tuch uañ guch uaꞌtulhdharaꞌ. Dai baꞌ nach puꞌñi miꞌ pɨx puiꞌp ji bhɨɨyaꞌ nat jax tu jii guiꞌ,

1 PEEGRO 4:1

Ba puiꞌ na pim jax bax maat jiñ jaaduñ, nat guch Xoiꞌkam jix ioꞌm jum tulhii bo janoꞌ na yaꞌ xi oilhimɨk tuukuꞌ bhaan, jaiñ na cham paiꞌ jax jum aaꞌ. Aapiꞌm puꞌñi ɨp jiñ jaaduñ, chaꞌpim jax jum aaꞌndaꞌ sia pimɨt bhaiꞌ jim tulhii tuꞌ na pɨx bhaan, jix bhaiꞌ pim pɨx jum taat kaꞌ. Na guꞌ noꞌ pim puꞌñim tulhiiñ, gammɨjɨ soiꞌ pɨx jum ɨlhiiꞌñdhaꞌ pim, cham paiꞌ tuꞌ bhaan ka xim uaꞌtulhdhaꞌkaꞌ pim,

1 PEEGRO 5:3

Ni na pim gɇꞌgɇrkam jum taatɨt jix bhaakut mu ja chiandaꞌ nam miꞌ puiꞌ jimiaꞌ na jax jix aaꞌ gu Dios na pim puiꞌ jim aagɨt na pim jix ioꞌm bax maat gu ñioꞌkiꞌñ. Jaꞌpjix bhaiꞌ pɨx ji na pim ja aaꞌñdhat xi ja guguuxiꞌñdhaꞌ, gio aapiꞌm dɨɨlh na pim jix bhaiꞌ miꞌ puiꞌ xi jiimdaꞌ na jax jix aaꞌ gu Dios nam baꞌ jam nɨidhat miꞌ puiꞌp bhɨichgɨdaꞌ.