JUAN 10:34 - Tepehuano Tepehuán del Sureste (Durango)

³⁴ Baꞌ gu Jesuus jup ja tɨtda ɨp gio: ―¿Kux aapiꞌm cham jɨꞌxkat tu jiñkaiꞌñ aa miꞌ na paiꞌ tu uaꞌñix gu ñioꞌkiꞌñ gu Dios, nap jum kaiꞌch: “Aapiꞌm jaꞌp ba ji bubuakiaꞌ na didios”?

JUAN 10:34 Iomraidhean Croise

JUAN 10:35

¿Cham aa guꞌ dhiꞌ cham tuꞌ pɨx jap tu uaꞌñix gu ñioꞌkiꞌñ? Guꞌ jaꞌpji maaxik ji puiꞌ ja tɨɨdak gu Dios gu bɨjɨk dɨr kam jam bopxi kat nam sap puꞌñi jaꞌp ji bubuakiaꞌ nam jir didios kaꞌ guiꞌ nam jɨꞌk sɨlhkam tuꞌ kaꞌm nɨiꞌñ.

JUAN 12:34

Baꞌp tɨtda am gu jaꞌtkam: ―¿Gi na baꞌp jum kaiꞌch mi uꞌuan taꞌm nach tu jiñkuiꞌñdhaꞌ nat paiꞌ tu uaꞌnak gu Moisees na saak guch Xoiꞌkam na Dios bha jootsaꞌ, cham paiꞌ dhuuk mukiaꞌ noꞌt puꞌñi yaꞌ ba ai? ¿Jax ji kup baꞌp kaiꞌch nam aap jum sissapaꞌ kuruus taꞌm? ¿Kaꞌ guiꞌp jir jumaich Xoiꞌkam aa na bhaan tu aꞌga mi uꞌuan taꞌm na saak cham paiꞌ dhuuk mukiaꞌ?

JUAN 15:25

Ku baꞌ guꞌ dhiꞌ miꞌ pɨx puiꞌ ba jim ji na bhaan pɨx jum kuugalhdhaꞌ na jax jum kaiꞌch mi uꞌuan taꞌm nat paiꞌ tum uaꞌnak bɨjɨk nap jum kaiꞌch: “Jaꞌp pɨx ji guꞌ moo na mɨt bhaiꞌ jiñ bhaamki.”

JUAN 8:17

Dho na pim jax bax maat mi uꞌuan taꞌm na tu uaꞌñix na saak gu jaroiꞌ noꞌt tuꞌ jax dhuu jix buam jum duukam, cham tɨ jɨɨgiꞌñdhaꞌ am gu gɇꞌgɇrkam noꞌ maaꞌn dɨɨlh tɨi xi iattulhiꞌñ, dai noꞌm gook jaꞌtkam puiꞌ ba kaiꞌch na baꞌ.

1 KORIINTO KAM 14:21

Gio guꞌ jaꞌpnip jum kaiꞌch gu ñioꞌkiꞌñ gu Dios maaꞌn kap na mɨt paiꞌ tu uaꞌnak gu bɨjɨk dɨr kam: “Jup kaiꞌch gu Dios: Jaiꞌ ñiiñioꞌk kɨꞌn jañ tu ja aꞌgidhaꞌ dhi Israel kam jaꞌtkam, jiñ aꞌmkam tu ja aꞌgidhaꞌ am gu mɨk dɨr kam nam jaiꞌ ñiiñioꞌk kɨꞌn tu aꞌga, guꞌ ji nam guꞌ sia puꞌñi jaꞌk cham miꞌ puiꞌ jimiaꞌ nañ jax jix aaꞌ.”