JUAN 10:16 - Tepehuano Tepehuán del Sureste (Durango)16 Ku guꞌ cham tuꞌ daipuꞌ jaꞌkbuiꞌñi pɨx am ji guiꞌ nam jaꞌp ji buan nam jir jiñ kakasniraꞌ nañ jɨꞌk ja biaꞌ xib, jaiꞌ pup ka jaiꞌch am ji matgam gu jaꞌtkam nam puiꞌp ji buan nam jir jiñ kakasniraꞌ, nam guꞌ puiꞌp ba tɨ jɨɨꞌñdhaꞌ aañ jiñ bui. Dai ji na ñich chakui yaꞌ ja aich jiñ chikiir am, kuñ ji guꞌ ka ja saaꞌnmɨraꞌ ji nañ maap ja bɨɨndaꞌ dhi jaiꞌñ kakasniraꞌ. Maaꞌn kap jañ baꞌ pɨx ba ja kukpadaꞌ, nañ guꞌ aañ dɨɨlh bar bipiaꞌdam kaꞌ xib dɨr. Faic an caibideil |
JUAN 10:16
48 Iomraidhean Croise
’Piam jaꞌpni ɨp. Noꞌ jɨꞌk mambhɨɨx aixim gu bapaiñum tuumiñ bhaiꞌ paiꞌ ka biaꞌ maaꞌn gu ubii, guꞌ ji noꞌ guꞌ cham tuꞌ jaꞌkbuiꞌ ka aix na paiꞌ dhuuk tɨi ba jaꞌkɨlhiꞌñ, baꞌx buam jum ɨlhdhak naiꞌ ji chu gaa gɇꞌ ji chɨ bɨꞌñdhak, pɨx am tu boxkaidhat tu gaagim mi jaꞌp dɨɨrap gio bhɨjɨ jaꞌp sasoosnaꞌn. Baꞌ noꞌt guꞌ siamri ma tɨɨ na miꞌ paiꞌ kaat,
na guꞌx maatɨt nɨiꞌñdhaꞌ guiꞌ na miꞌ tu nuukaꞌndaꞌ na paiꞌ kiidhaꞌ gu chikiir noꞌr diꞌ gu bipiaꞌdam, piam ku guꞌr jumai. Baꞌ dai na ba ja kupioꞌkdhaꞌ gu kakasnir noꞌ guꞌr dhiꞌ, guiꞌ baꞌ dai na pɨx ji ja baidhaꞌ nam jax chɨɨꞌ bɨɨx jɨꞌmaꞌn gu kakasnir tugiꞌñ. Baꞌ pɨx muiꞌp ji bubuakiaꞌ am, nam guꞌx maatɨt kaayaꞌ na dhiꞌr diꞌ guiꞌ na gammɨjɨ ja bipiaꞌdaꞌ.
Dai noꞌr jumai gu bipiaꞌdam dho gi guꞌ cham jɨꞌxdhaꞌ mu oidhaꞌ am dho gi ji sia kut mi ɇɇk tɨi ja baidhim, piam ku gamaiꞌ tɨi ja sasdaꞌ. Pu jiboiꞌññiaꞌ am dho totdonɨi nam guꞌx ɨɨbhiꞌñdhaꞌ na cham jir diꞌ kaꞌ guiꞌ na gammɨjɨ ja bipiaꞌdaꞌ, nam guꞌx maatɨt kɇɇkɇꞌ nar jumai kaꞌ na paiꞌ dhuuk tɨi xi ja baiꞌñdhaꞌ.
Miꞌ dhɨr baꞌ moo jaꞌpni jaꞌk bhaiꞌp ji chuñ aꞌgi, jup jiñ chɨtda: “Jum aꞌm ba tɨ tɨɨ jiñ jaduuñ gu ja Dios tuk guch bopxi kat nap sap baꞌx ioꞌm jix bhaiꞌ ba machiaꞌ na jax pɨk jaꞌk jix aaꞌ, gio nap baꞌ tɨgiaꞌ maaxik guiꞌ na jaroiꞌx ioꞌm jir jix bhaiꞌkam, gio nap baꞌ puꞌñi kɇɇkɇꞌ na bha tum aꞌgiꞌñdhaꞌ,
Jiñ jaaduñ jich Xoiꞌkam bhaan, aañ jam aagiꞌñdhaꞌ na jax jaꞌk tuꞌt puiꞌ jaꞌk tu duiñchuꞌ gu Dios na pim baꞌ cham tuꞌ bhaan jix mamatdagɨm jum ɨlhiiꞌñdhaꞌ. Dho jaiꞌ dhɨt gu Israel kam jaꞌtkam ja kaapakai gu Dios gu ja jujur nam baꞌ cham jɨꞌx maatɨt tɇ kɇɇkɇꞌ, kut ji guꞌ alhio pɨx puiꞌ ja duu ji nam jɨꞌx pɨx bɨɨx ka xi chɨ jɨɨꞌñdhaꞌ buiñor guch Xoiꞌkam guiꞌ nam cham jir Israel kam jaꞌtkam.
Dhiꞌ bhaan baꞌ aach jich aꞌm jum aaꞌ nach gammɨjɨ taxchaabgiꞌñdhaꞌ gu Dios nat jam aꞌm tɨ tɨɨ aapiꞌm jiñ jaaduñ jich Xoiꞌkam bhaan, nat guꞌ pu kaiꞌñkam pɨx jam aꞌm tɨ tɨɨ na pim baꞌ aapiꞌm bɨɨpɨꞌ ba boosgix kaꞌ miꞌ dhɨr bhaan gu boi na mu jaꞌk bhɨix nam paiꞌ gammɨjɨ miꞌ pup jum tulhiiñdhaꞌ guiꞌ nam pui dhiꞌ bhaan jiim, nat guꞌx uꞌuañ bap jam duu gux Dhuuduꞌ kam jix Uañ Iiꞌmdaꞌ, na pimɨt guꞌ miꞌ puiꞌ jii bhaan guiꞌ na tuꞌr sɨlhkam.
Nach guꞌ aach jaꞌpni pɨx tuꞌt na jax gu kakaasnir noꞌ cham jaroiꞌ jaiꞌch na ja bipiaꞌdaꞌ, nam gammɨjɨ pɨx chaꞌtak jiimdaꞌ, jaiꞌ jaꞌp jaꞌk gio jaiꞌ jaꞌp jaꞌk. Guꞌ matgɨm xib bax maat ich ji na jaroiꞌr jix kɨɨꞌ bipiaꞌdam, guch Xoiꞌkam dho nach jaroiꞌ buiñor tɨ jɨɨꞌñdhat bax biiñak. Guiꞌ ji na baꞌch aꞌm tɨ nɨidhidhat jich nuukdaim nach baꞌ gammɨjɨx jɨjɨkgɨm bap tuiꞌkaꞌ, nach guꞌ cham tuꞌ maiꞌ ka suulhgix.
Na baꞌ janoꞌ na paiꞌ dhuuk jich baidhikaꞌ guch Xoiꞌkam guiꞌ na jaroiꞌr jam gɇꞌkam tuk na pim tu bipiꞌñxiꞌñ gu kakaasnir gaꞌn, joidham jix bhaiꞌm ɨlhdhaꞌ pim buiñor, na guꞌ pɨx jix bhaiꞌ jam tɨɨdai ba jam tuttuidhaꞌ bɨɨx jɨꞌmaꞌn gu kuruun nax ioꞌm jix dhaꞌram namɨɨk, na pu cham jax jum bua, dhiꞌ baꞌ kɨꞌn jix ioꞌm gɇꞌkam kɨꞌn jix bhaiꞌ bam ɨlhdhaꞌ pim.
Tɨix aaꞌ iñ nañ bɨɨx jam aꞌm jup tuiꞌñgɨdaꞌ gɨt, jaꞌp ji buusan nañ miꞌ dhɨr kiꞌñgob kɨɨkat mu tu son na pim paiꞌ jax chu oiꞌdhaꞌ. Baꞌ noꞌt jaroiꞌ maadɨt jiñ kupioꞌkdhak jiñ chia nañ mu bakiaꞌ ɨrban dɨr, muiꞌñ dhop ji bakiaꞌ cham jax ji chɨꞌji, baꞌ miꞌ dhɨr dai nach maap daraibui ba tu jugiaꞌ. Puꞌñi jaꞌk jum aaꞌ na duñiaꞌ gu jaroiꞌ noꞌx aaꞌ nañ bhaan jup tuiꞌñgɨdaꞌ.
Sanasan