JUAN 10:15 - Tepehuano Tepehuán del Sureste (Durango)

¹⁵ Jaꞌp na guñ Gɨꞌkoraꞌ nat bhañ joot na guꞌx bhaiꞌ xiñ maat aañ, gio aañ yaꞌ dɨr mu jaꞌk puiꞌx bhaiꞌp jix maat. Aañ baꞌ puꞌñix bhaiꞌp jix ja mat kaꞌ guiꞌ nam jɨꞌk bañ kaichuꞌ nam jaꞌp ji buan nam jir jiñ kakasniraꞌ, gam nañ jix ja joiꞌndat jix ja daꞌdaꞌ. Puiꞌ kuñ baꞌñ guguuxiꞌñ nañ mukiaꞌ ja aꞌmkam.

JUAN 10:15 Iomraidhean Croise

MATEO 11:27

Miꞌ dhɨr baꞌ moo jaꞌpni bhaiꞌp ji chu ja aꞌgi gu jaꞌtkam, jup ja tɨtda: ―Aañ bhañ joot guñ Gɨꞌkoraꞌ jix dhaam dɨr nañ baꞌ bhaankam ya jaꞌp ja aagiꞌñdhaꞌ gu jaꞌtkam na tuꞌr jix bhaiꞌm duukam. Baꞌ dɨɨlh pɨx jix maat guñ Gɨꞌkoraꞌ nañ jir tuꞌp tuꞌm daꞌ, nañ guꞌr Maraaꞌn, gio aañ yaꞌ dɨr mu jaꞌk dɨɨlh pɨx jup jix maat ɨp guñ Gɨꞌkoraꞌ nar tuꞌp tuꞌm daꞌ. Ku baꞌ guꞌ gu jaroiꞌ noꞌ moo jaꞌp tuꞌ sɨlhkam kɨꞌn jix maachim nach jir tuꞌp tuꞌm daꞌ gook dɨt guñ Gɨꞌkoraꞌ, aañiꞌ dho aagiꞌñdhaꞌ.

MATEO 20:28

Na guꞌ sia aañ nat bhañ joot guñ Gɨꞌkoraꞌ, cham tuꞌ gɇꞌkam jiñ ɨlhiiꞌñ iñ, na ñich guꞌ cham tuꞌ pu kaiꞌñkam bha jii yaꞌ dhi oiꞌñgaꞌn bhaan nam baꞌ yaꞌñ palhbuiꞌñdhaꞌ gu jaꞌtkam tuꞌ na pɨx kɨꞌn. Guꞌ jaꞌpji na ñich jaꞌkbuiꞌ kat bha ja palhbuidham ji nañ ja aꞌmkam mukiaꞌ na baꞌ miꞌ dhɨr ba tu namkix kaꞌ gu ja uaꞌtulhdharaꞌ.

LUUKAS 10:21

Baꞌ miꞌ jotmodaꞌx bhaiꞌ bhaiꞌ jim ɨlh gu Jesuus, nat guꞌ gux Dhuuduꞌ kam jix Uañ Iiꞌmdaꞌ pɨx puiꞌ jaꞌk duu na bhaan tajaañix. Baꞌp kaiꞌch: ―Aañ jix bhaiꞌñ chaat jum buiñ Gɨꞌkoraꞌ, aap nap jir gɇꞌkam jix dhaam gio yaꞌ dhi oiꞌñgaꞌn, na pich guꞌ ba ja mattuda gu jaꞌtkam guiꞌ nam gampaiꞌ tuꞌm na pich tuꞌ ja ɨxchuix gux mamatdagɨm jum aaꞌndam. Baꞌ aañ jix bhaiꞌñ chaat jiñ Gɨꞌkoraꞌ, nap guꞌ puiꞌ jaꞌk jix aaꞌ.

LUUKAS 10:22

Baꞌp ja tɨtda guiꞌ nam miꞌp tuꞌiiꞌ: ―Aañ bɨɨx tuñ maa guñ Gɨꞌkoraꞌ na jɨꞌk tuꞌx chu jaiꞌch, na guꞌ dai aañ jix bhaiꞌ xiñ maat nañ jir tuꞌp tuꞌm daꞌ, nañ guꞌr maraaꞌn. Gio aañ yaꞌ dɨr mu jaꞌk dai aañ dɨɨlh pɨx jup jix maat guñ Gɨꞌkoraꞌ nar tuꞌp tuꞌm daꞌ. Guꞌ baꞌ gu jaroiꞌ noꞌx maachim nach jir tuꞌp tuꞌm daꞌ gook dɨt, aañiꞌ dho aagiꞌñdhaꞌ.

JUAN 1:18

Noꞌ chakui jich aagiꞌñdhaꞌ gɨt, pu chakui machiaꞌ ich gɨt. Guꞌ ji nat guꞌ siamri xich joiꞌndak bhaiꞌ xich guguuxdharak, sia ku jaꞌxbuiꞌp jir gɇꞌkam na guch Gɨꞌkoraꞌ, na guꞌ dɨɨlh gu Dios cham jɨꞌxkat yaꞌ paiꞌm maaxdhaꞌ maaxik nach gɨt iam jup ba machiaꞌ na jax jir tuꞌm kam.

JUAN 10:11

Aañ jir diꞌ pɨx ɨp gux kɨɨꞌ bipiaꞌdam nañ gammɨjɨ ba ja nuukaꞌndaꞌ guñ kakasniraꞌ, cham jax bua sia ñich puiꞌ ma muu nañ tɨi pup xi ja palhbuidhimɨi noꞌt tuꞌ ba ji ja oi.

JUAN 15:13

Na guꞌ dhiꞌ jaꞌpni jia noꞌñ moo tuꞌ sɨlhkam baabuiꞌx chu joiꞌgɨꞌn, noꞌ mɨt ba ji gɨɨꞌ piam kum bax muꞌaak guiꞌ nach maap jix bhaiꞌ kaiꞌchdhaꞌ, aañ dho mɨjɨ dɨr jup ji dhaiꞌññiaꞌ nañ palhbuidhaꞌ, cham jax bua sia ku mɨt mañ mua bhaankamuꞌn. Dhiꞌ baꞌ bhaan bax maatɨꞌ kaꞌ nañ tuꞌ sɨlhkam jix chu joiꞌgɨꞌn.

JUAN 17:25

Baꞌ guiꞌ nam jɨꞌk cham tɨ jɨɨgiꞌñ na pich aap bhañ joot, pu cham dhom maat am jiñ Gɨꞌkoraꞌ, nam guꞌ cham jɨꞌxdhaꞌm tɨgiaꞌ gu maaxik, nap guꞌ giilhim jix uañ kɨꞌn kɨɨk. Dai guiꞌ nam jɨꞌk ba tɨ jɨɨgiꞌñ na pich aap bhañ joot nam baꞌ xim maat, jaꞌp na jax aañ nañ jix bhaiꞌ xim maat jiñ Gɨꞌkoraꞌ.

JUAN 6:46

’Ku guꞌ guñ Gɨꞌkoraꞌ cham jaroiꞌ nɨiꞌñ ji gu maaxik, na guꞌ giilhim jir jix uañ. Dai aañ ji nañ baꞌ nɨiꞌñ, nañ guꞌ bhammɨ dɨr jim jix dhaam na paiꞌp tuꞌiiꞌ.

JUAN 8:55

Ku guꞌ aapiꞌm cham maat ji nañ jir tuꞌp tuꞌm daꞌ, na pim guꞌ cham xim gaꞌnga na jax jaꞌk jix aaꞌ. Aañ dho gi guꞌx bhaiꞌx maat ji, nañ guꞌ miꞌ puiꞌ tu buim na jax pɨx jiñ chɨɨdaim. Noꞌñ guꞌ jax kaiꞌchdhaꞌ gɨt nañ cham maat, jaꞌp dho pɨx ba ji buusandaꞌ iñ gɨt na jax aapiꞌm na pim giilhim jix iatbiꞌ.

GALAASIA KAM 1:4

Guch Xoiꞌkam dɨɨlh jum doꞌñcho na mɨt mua na baꞌ puꞌñi jaꞌk tu namkix kaꞌ guch uaꞌtulhdharaꞌ, gam na baꞌ cham tuꞌch dhaam kap tuiꞌkaꞌ gux buam jum duukam na yaꞌ dhi oiꞌñgaꞌn jix jaiꞌch, nat guꞌ pu kaiꞌñkam bha jii na yaꞌ puiꞌ tu duñiaꞌ na jax jix aaꞌ gu Dios.

GALAASIA KAM 3:13

Guꞌ baꞌ guch Xoiꞌkam miꞌ dhɨr jich boosolh nach paiꞌ cham jɨꞌxdhaꞌ miꞌ puiꞌ jimiaꞌ, miꞌ dhɨr jich boosolh nat paiꞌ gu Dios puiꞌ ba tɨꞌɨɨk nach jich chulhiiñaꞌ gɨt, nach guꞌ cham tuꞌ bɨɨx miꞌ puiꞌ tu duñiidhaꞌ na jɨꞌk jax tu aagix kaꞌ. Guch Xoiꞌkam baꞌ jaꞌp ji buus nat dɨɨlh miꞌ jaꞌk ji bii, jich aꞌmkam baꞌ cham bhaiꞌ tu jii. Na guꞌ jaꞌpnip tu uaꞌñix jaꞌp iam miꞌ na paiꞌ tu daa na jax jaꞌk tu aagix: “Gu jaroiꞌ na bhaan mukiaꞌ gu uꞌuux na gai bɨɨt, dhiꞌ bhaan jix maatɨꞌ kaꞌ nat gɇꞌkam kɨꞌn jix buam tu duu.”

EEPESO KAM 5:2

Jix ja joiꞌgɨꞌndaꞌ pim gu jaiꞌ sia tuꞌ na pɨx kɨꞌn, jaꞌp na jax guch Xoiꞌkam nat xich joiꞌmdak jich aꞌmkam muu. Na guꞌ guch Xoiꞌkam nat muu, jaꞌp ji buus buiñor gu Dios nat jaroiꞌ kubhioñxi guiꞌ na kɨꞌn joidham uub. Dhiꞌ bhaan baꞌ xich joiꞌmdak jich chɨɨ.

TIITO 2:14

Guch Xoiꞌkam dɨɨlh jum doꞌñcho na mɨt mua nat baꞌ pu duuk bɨɨx jich uañchuda guch uaꞌtulhdharaꞌ nach aꞌm jup tuꞌt janoꞌ nach chakui tɨ jɨɨꞌñdhat buiñor, jaꞌp ji buus nat jich boosgak jaꞌp jaꞌk jich chuttu miꞌ dhɨr na paiꞌx chu uaꞌtulhdhix. Baꞌ aach dɨɨlh xich guguuxdhai miꞌ puiꞌ ba jimiaꞌ na jax jix aaꞌ, dai guiꞌ buiñor pɨx jaꞌk jach bap tuiꞌñgɨdaꞌ.

1 PEEGRO 2:24

Guch Xoiꞌkam dho baꞌ tɨ bhɨɨk bɨɨx guch uaꞌtulhdharaꞌ janoꞌ na mɨt paiꞌ dhuuk puꞌñi xi chulhiiñchudaimɨk gu jaꞌtkam ba sissapa kuruus taꞌm, nach sap baꞌ miꞌ dhɨr cham tuꞌ ka uꞌuaꞌtulhdhix kaꞌ, nat guꞌ bɨɨx bhammɨ jaꞌk ji bii tukgaran guch Xoiꞌkam guch uaꞌtulhdharaꞌ. Xib baꞌ dai nach pɨx bhaan ji baapmigiaꞌ nach miꞌ puiꞌ xi jiimdaꞌ na jax jix aaꞌ nach tuiꞌñgɨdaꞌ. Guch Xoiꞌkam puiꞌ kaiꞌñkam pɨx jum tulhii jia jich aꞌmkam nach baꞌ aach ba duduadhiaꞌ nach jix kakoꞌk kat kɨꞌn guch uaꞌtulhdharaꞌ, na baꞌ miꞌ dhɨr jich aꞌm ba tɨ nɨidhidhaꞌ.

1 PEEGRO 3:18

Guꞌ matgɨm cham jax bua ji siam jam tulhiiñchuꞌn noꞌ pim guꞌ tɨi cham tuꞌ jax bua. Puiꞌ kam dho noꞌch ba tɨ jɨɨgiꞌñ buiñor guch Xoiꞌkam. Jaiñ sia dɨɨlh guch Xoiꞌkam puꞌñi pɨk jum tulhii janoꞌ nat paiꞌ dhuuk tuch ñamkix guch uaꞌtulhdharaꞌ pu daipuꞌ maaꞌnnim pɨx, na baꞌ miꞌ dhɨr pu gammɨjɨ ba tuch uañdhix kaꞌ. Guiꞌ tɨi cham tuꞌ paiꞌx buam tomaatɨt dho, ni nax uaꞌtulhdhix kat, cham tuꞌ kuiñcha biaꞌkat nam puiꞌ doodaꞌ gɨt. Guꞌ jaꞌpji na guꞌ aachiꞌ nach jix uꞌuaꞌtulhdhix, nat xich joiꞌndat baꞌ puiꞌm duu jich aꞌmkam, na sap baꞌ miꞌ dhɨr bax bhaaiꞌn kaꞌ nach bhammɨ aayaꞌx dhaam na paiꞌp tuꞌiiꞌ gu Dios. Baꞌ sia ku mɨt tɨi mua, gu iiꞌmdagaꞌn guꞌ puiꞌ ji na jax ba dua,

1 JUAN 2:2

nat jaroiꞌ jich aꞌmkam jum makgɨrta bo janoꞌ bhaan gu kuruus na baꞌ puꞌñi dhuuji tu namkix kaꞌ bɨɨx nach jɨꞌx jix uaꞌtulhdhix. Ku guꞌ cham tuꞌ ji na dai nach jɨꞌk jir yaꞌ kam dhi Israel nat tuch ñamkix, jaꞌpji dappaam ji na jɨꞌx oiꞌñgaꞌn kam gu jaꞌtkam.