JUAN 1:9 - Tepehuano Tepehuán del Sureste (Durango)

⁹ Nat baꞌ bɨɨpɨꞌ xi chu mattuda gu Juan nat baꞌ moo miꞌ dhɨr dɨɨlh naiꞌp ji chu aꞌgaꞌ guiꞌ na joidham gɇꞌ tanoor, nam baꞌx chu maax kɨr ji biꞌyaꞌ gu jaꞌtkam.

JUAN 1:9 Iomraidhean Croise

MATEO 6:23

Guꞌ ji noꞌ guꞌ gu jam buupui cham kɨkɨɨꞌ, noꞌ guꞌ jam ɇɇ gu buupui koꞌk, dho guꞌ pu cham tu maax kaꞌ dho na pim naiꞌ tɨi xi chɨ nɨiꞌñdhaꞌ, baꞌ pu cham bhaaiꞌñ kaꞌ dho na pim paiꞌ jaꞌk bhɨɨyaꞌ, na guꞌ jaꞌp ji buusandaꞌ na pim jix chu tukgam kɨr oipodaꞌ.

LUUKAS 11:36

Na guꞌ noꞌ joidham jix kɨkɨɨꞌ, jix bhaiꞌ nɨiꞌñdhaꞌ pim gu jam tutkuꞌ na jax chuiꞌkaꞌ. Puiꞌ na jax gu kañdhiir noꞌx bhaiꞌ mɨim, na guꞌx bhaiꞌ tu maaxiꞌñ kaꞌ, pu cham paiꞌ maaꞌn kap pɨx am jix chɨ ɨɨkaꞌ kaꞌ.

JUAN 1:4

Gu jumai jir diꞌ pɨx guiꞌ na ja maak gu iiꞌmdaꞌ nam kɨꞌn dudua bɨɨx gu jaꞌtkam. Jir diꞌ pɨx ɨp nam kɨꞌn jix chu maax kɨr ji biꞌyaꞌ, na guꞌ guiꞌ na iiꞌmdaꞌ tu maak joidham gɇꞌ tanoor.

JUAN 1:7

na sap baꞌ ya jaꞌp ba ja mattudaꞌ gu jaꞌtkam na jax jir tuꞌm kam guiꞌ na joidham gɇꞌ tanoor, nam sap baꞌ cham xijaichdhaꞌ noꞌt yaꞌ ba ai, dai nam ba tɨ jɨɨꞌñdhaꞌ buiñor bɨɨx ja jujur kɨꞌn.

JUAN 12:46

Na ñich guꞌ aañ bha jii jia yaꞌ dhi oiꞌñgaꞌn nañ yaꞌ tu ja bɨꞌñxidhaꞌ gu jaꞌtkam nam jix chu tukgam kɨr jup tuꞌiiꞌ, na guꞌ aañ jaꞌp ji buusan nañ joidham gɇꞌ tanoor, na baꞌ gu jaroiꞌ na ba tɨ jɨɨꞌñdhaꞌ aañ jiñ bui, jix chu maax kɨr ji biꞌyaꞌ.

JUAN 14:6

Baꞌ gu Jesuus jup tɨtda: ―Aañiꞌ dhor diꞌ gux kɨɨꞌ boi na bhaan jum bhɨbhɨɨ jix dhaam jaꞌk na paiꞌ cham ka tu muukiꞌ. Jum aaꞌ na aañ jiñ bui tɨ jɨɨꞌñdhaꞌ gu jaroiꞌ na baꞌ jimiaꞌ jix dhaam jaꞌk buiñor guñ Gɨꞌkoraꞌ.

JUAN 15:1

’Aañ puiꞌ ji buusan jia na jax maaꞌn gu ɨꞌɨɨx guiꞌ na jax chuꞌm jix iibhaiꞌñchalhiꞌ, guñ Gɨꞌkoraꞌ baꞌ puiꞌp ji buusan nar ɨꞌxchadam, nax bhaiꞌ bua gam na mi chuiꞌchxidhat mi bapga na baꞌ cham gakiaꞌ.

JUAN 6:32

Baꞌp ja tɨtda gu Jesuus: ―Tuꞌ sɨlhkam jañ yaꞌ pu jam tɨɨdaꞌ, matgam dhiꞌ alh jaꞌp moo pu cham jum aꞌga ji na pim aapiꞌm tuꞌ aaꞌ. Na guꞌ cham tuꞌ dɨɨlh gu Moisees na ja maakdaꞌ gux dhaam kam gu koiꞌ, guñ Gɨꞌkoraꞌ ji na ja maakdaꞌ, ku guꞌr maaꞌn ji na jax juꞌngɨdaꞌ. Guꞌ matgam dhiꞌ nañ aañ xib yaꞌ aaꞌ nañ jax chuꞌm tu maak bhaankamuꞌn guñ Gɨꞌkoraꞌ, jir jix kɨɨꞌ koiꞌ ji na pu cham tu juꞌngɨ.

JUAN 7:12

Gam gu jaꞌppɨx jaꞌtkam bha jaꞌp oipot jum ñiñiokboixiꞌñ am. Jɨꞌmaꞌn jup kaiꞌch am: “Joidham jir jix bhaiꞌkam.” Jaiꞌm maakam jup ɨlhiiꞌñ, jup kaiꞌch am: “Chaam tuꞌ, jaꞌpji na jax dhui ja iatgiꞌñ gu jaꞌtkam.”

1 JUAN 1:8

Baꞌ cham jir am noꞌch aach jax kaiꞌch nach cham ka uꞌuaꞌtulhdhix, na guꞌ cham jɨꞌxdhaꞌ jaroiꞌx uañ kɨꞌn pu ba kɨɨkaꞌ yaꞌ dɨr jaꞌp jaꞌk, na guꞌ yaꞌx chu uaꞌtulhdhix. Puiꞌ kuñ baꞌp kaiꞌch na cham jir am noꞌ jaroiꞌ puiꞌm aaꞌ na cham ka uaꞌtulhdhix, na guꞌ cham tuꞌr miꞌ puiꞌ kaꞌ na jax jir sɨlhkam, dɨɨlh pɨx na puiꞌ ɨlhiiꞌñdhaꞌ.

1 JUAN 2:8

Ku baꞌ guꞌ dhiꞌ nañ jɨꞌk tuꞌ mu tu jam uaꞌñxiꞌñ jiñ jaaduñ, jaꞌp ji buus ji nar xibkam ñioꞌkiꞌñ gu Dios, sia ku guꞌ bɨjɨk dɨr pu chuꞌm bhaan ba tum aꞌga, nat guꞌ kiaꞌpɨx puiꞌ tum kuugalh na jax yaꞌ xi oilhimɨk guch Xoiꞌkam. Dhiꞌ baꞌr diꞌ baꞌ xib guiꞌ na joidham gɇꞌ tanoor yaꞌ dhi oiꞌñgaꞌn.

1 JUAN 5:20

Aach nach guꞌ bax maat gu sɨlhkam Dios na jaroiꞌx ioꞌm jir gɇꞌkam, nat guꞌ bach mattuda gu Maraaꞌn jich Xoiꞌkam nat bhammɨ dɨr bha joot jix dhaam na puꞌñi yaꞌch aagiꞌñdhaꞌ na jax jir tuꞌm kam guch Gɨꞌkoraꞌ. Puiꞌ kuch baꞌ aach xib dai guch Xoiꞌkam buiñor tɨ jɨɨꞌñdhat miꞌ puiꞌ bhɨichuꞌ na jax jix aaꞌ, nach guꞌ bax maat nar diꞌ gu sɨlhkam Dios nax ioꞌm jir gɇꞌkam, gio nax bhaaiꞌ nach baidhikaꞌ gatuuk jix dhaam jaꞌk nach paiꞌ gammɨjɨx jɨjɨkgɨm bap tuiꞌkaꞌ.