JUAN 1:7 - Tepehuano Tepehuán del Sureste (Durango)

⁷ na sap baꞌ ya jaꞌp ba ja mattudaꞌ gu jaꞌtkam na jax jir tuꞌm kam guiꞌ na joidham gɇꞌ tanoor, nam sap baꞌ cham xijaichdhaꞌ noꞌt yaꞌ ba ai, dai nam ba tɨ jɨɨꞌñdhaꞌ buiñor bɨɨx ja jujur kɨꞌn.

JUAN 1:7 Iomraidhean Croise

JUAN 1:12

Jɨꞌmaꞌn siamri tɨ jɨɨꞌñ jamɨt buiñor nam jɨꞌk joidham kɇɇ na jax tu aꞌga. Daipuiꞌ baꞌx joiꞌndak xi ja aagiꞌñ nam cham tuꞌ maiꞌ ka suulhgix, nam guꞌ sap bar maamraꞌn gu Dios.

JUAN 1:15

Pu dhiꞌ pɨx nɨidhat jup kaiꞌch gu Juan janoꞌ nap ja tɨtda gu jaꞌtkam: ―Guꞌjani nañ aagɨt jup kaiꞌch nat muni ba ai, nañ jup jam tɨtda bo na jumai bha jim gatuuk dɨr na giilhim jir gɇꞌkam, na pu ni jɨꞌx kuñ jir jupaabkamuꞌn. Na guꞌ guiꞌ bɨjɨk dɨr pux jaiꞌch, sia kuñ guꞌ aañ tɨir bɨɨpɨꞌ kam paꞌ gu yaꞌ maaxik. Jaꞌpni bo na ja tɨtda.

JUAN 1:19

Baꞌ gu Judea kam jaꞌtkam nam bhammɨ oiꞌñkaꞌ Jerusaleen, mu ja joot jamɨt jɨꞌkchi guiꞌ nam mu jaꞌp jir gɇꞌgɇrkam kaꞌ chichiop nam paiꞌ tu daandaꞌ, gio jaiꞌ guiꞌ nam jir bopxiꞌñ gu Lebii nam jir tutpilh kaꞌ, nam sap tɨkkapuꞌ gu Juan jaꞌtkam bopkondam nar tuꞌp tuꞌm daꞌ. Baꞌ guiꞌ mu ɇɇk jup ba tɨkka am, jup tɨtda am: ―Aach jaꞌpnich chɨɨdak bhach joot jamɨt gu gɇꞌgɇrkam nap sap jich aagiꞌñdhaꞌ nap jir tuꞌp tuꞌm daꞌ na pich baꞌ yaꞌ pɨx ba ji kaiꞌñcha nap ja bopkon gu jaꞌtkam cham jum ɨlhdham.

JUAN 1:36

ba tɨɨ gu Jesuus na gama jaꞌk jaꞌp ba jimchuꞌ. Baꞌp ja tɨtda guiꞌ nam kaichuꞌ: ―Dhiꞌr diꞌ na muni jaꞌp ba jim guiꞌ nañ jam aagiꞌñ takaab na jaꞌp ji buusan na maaꞌn gux kɨɨꞌ kasnir nat Dios bha joot nam matgartaꞌ gatuuk jich aꞌmkam.

JUAN 1:9

Nat baꞌ bɨɨpɨꞌ xi chu mattuda gu Juan nat baꞌ moo miꞌ dhɨr dɨɨlh naiꞌp ji chu aꞌgaꞌ guiꞌ na joidham gɇꞌ tanoor, nam baꞌx chu maax kɨr ji biꞌyaꞌ gu jaꞌtkam.

GU NOONBIꞌÑ GUCH XOIꞌKAM 19:4

Baꞌp ja tɨtda gu Paablo: ―Dho guꞌ gu Juan ja bopkonaimɨk dho guiꞌ nam jɨꞌk jix aaꞌndaꞌ nam miꞌ puiꞌ ba jiimdaꞌ na jax jix aaꞌ gu Dios, ku guꞌ puiꞌ xi ja tɨtdat ji nam sap tɨ jɨɨꞌñdhaꞌ buiñor guiꞌ na jaroiꞌ gatuuk bha jimdaꞌ, na dhiꞌ aagɨt jup kaiꞌchdhaꞌ gu Jesuus.

GALAASIA KAM 3:26

Puiꞌ na jax aapiꞌm xib, bar maamraꞌn japim gu Dios, na pimɨt guꞌ soiꞌm ɨlhdhak tuꞌ sɨlhkam buiñor ba tɨ jɨɨꞌñ guch Xoiꞌkam,

EEPESO KAM 3:9

Bɨɨx pu chuꞌm kɨꞌn jup jiñ dhai gu Dios nañ ja mattudaꞌ na jax jaꞌk puiꞌ tu duñiim nat jax jaꞌk ɨlhdhak tu daasak bɨjɨk. Dɨɨlh gu Dios nat puiꞌ jaꞌk ɨlhdhak tu dai bɨjɨk, dhiꞌ nat jaroiꞌp tu duu bɨɨx na jɨꞌk tuꞌx chu maax yaꞌ dhi oiꞌñgaꞌn giox dhaam jaꞌk. Muiꞌ oidhaꞌ bap duu nat puiꞌ jaꞌk ɨlhdhak pu tu dai na tu duñiaꞌ puꞌñi gatuuk.

1 TIMOTEO 2:4

Na guꞌ gu Dios jich Gɨꞌkoraꞌx aaꞌ nam bɨɨx gu jaꞌtkam miꞌ puiꞌ jimiaꞌ na jax jum kaiꞌch gu ñioꞌkiꞌñ na sɨlhkam tu aꞌga na baꞌx bhaiꞌ tu ja jimiaꞌ.

TIITO 2:11

Nat guꞌ gu Dios maaxik xich joiꞌmdak jich chɨɨ, puiꞌ kuch baꞌ tɨ jɨɨgiꞌñ na gu Dios puiꞌx joiꞌmdaip tɨɨgɨi baabuꞌ gu jaroiꞌ bhaan dɨr gu boi na mu jaꞌk bhɨix na paiꞌ gammɨjɨ miꞌ pup jum tulhiiñdhaꞌ, dai pɨx noꞌt soiꞌ bam ɨlh buiñor.

2 PEEGRO 3:9

Cham tuꞌ ji na moo nar saalhiom gu Dios na puiꞌ tu kuugalhdhaꞌ nat jax tu dai na puiꞌ saak gio bhaiꞌp jimdaꞌ guch Xoiꞌkam, sia kum puiꞌ kaiꞌch jaiꞌ dhɨt gu jaꞌtkam na pur iatdaꞌ. Guꞌ jaꞌpji na tɨi ja nɨɨr pɨx ji nam gɨt bɨɨx gu jaꞌtkam kɇɇji gu ñioꞌkiꞌñ miꞌ puiꞌ ka xi jimiaꞌ na jax jum kaiꞌch nam baꞌ cham jum tulhiiñaꞌ. Na guꞌ bɨɨx na jɨꞌk jaꞌtkam tɨix ja joiꞌgɨꞌn gu Dios, puiꞌ ku baꞌ cham ob bha jimiim yaꞌ dhi oiꞌñgaꞌn, na mɨt guꞌ chakui bɨɨx kai gu ñioꞌkiꞌñ.